03/12/2024
Dis so lekker om sulke mooi boodskappe te kry... baie dankie Stella ek waardeer diep uit my hart uit
Marlene
Ek wil jou van harte bedank vir my pragtige klein poppie, Lady Giselle. ,Sy het onmiddellik my hart gesteel. Elke week het ek foto’s en video’s van haar groei, ontvang, en dit het my gevul met soveel vreugde en opgewondenheid.
Toe ek haar gisteroggend vir die eerste keer vashou, moes ek hard sluk om die trane te keer. Haar soentjie het my hart gesmelt, en ek moes harder sluk om die trane te keer. Jou passie en omgee vir jou diere is duidelik, en ek waardeer hoe rustig en gelukkig hulle almal is in jou huis.
Dankie vir die sak speelgoed, bersies, slaapbedjie, kosprodukte, en die volledige lêer met inligting oor hoe om na my nuwe baba om te sien. Alles is so mooi uiteengesit en dit maak die proses soveel makliker.
Lady Giselle is nie net pragtig nie, maar ook gesond en vol lewe. Vandag het sy haar nuwe boetie op 'n knop gejaag om te speel, en sy het soos 'n hasie in die langer gras gespring terwyl ek die tuin natspuit. Sy volg my oral en tot my groot ontsteltenis is sy waaghalsig genoeg om sommer die honde trappie tot bo te klim en op die bank te probeer kom. Sy gaan soos haar engel-sussie Bella wees, altyd die hoogste lêplekkie soek.
Ek is so dankbaar vir jou omgee en die liefde wat jy in jou diere belê. Lady Giselle is 'n ware geskenk, en ek kan nie wag om meer herinneringe met haar te maak nie.
Ek sal gereeld fototjies stuur Ouma Marlene sodat jy kan sien hoe pragtig sy word en weereens dankie vir my mooi liefielyf.🌹🌹🌹🐾🐾🐾
