Devotion to San Isidro Labrador

15/03/2022

DEVOCION BALANG CALABI NANG LIMANG ALDO NING BULAN: ALDONG TAGULALI KING ICARANGAL NANG SAN ISIDRO LABRADOR (Aldo nang Apung Siru)

TANDA NING CRUZ
King capamilatan ning tanda ✠ ning Banal a Cruz, icabus mu ke, O Guinu ✠ ming Dios caring keoeng casalang. King lagiu ning Ibpa, ampon ning Anac ✠, ampon ning Banal a Espiritu. Amen.

CAPANISIAN
¡O Guinu cung JesuCristo! Cacung Dios ampon tutung tau, Milalang cacu ampon Menatbus, uli na ning ica ing cacung panginuan at bina racang caluguran lacuas caring sanu pa mang bage, maragul a simbayat king mabilug cung pusu ing pamicasala cu keca: taimtim cung ipagcapilit ing e na cu pa micasalang pasibayu, ampon ing icauani ya iny cacung sarili caring pamicasala keca, at ing mangumpisal ampon miganap capaglarinan a miabie cacu, ampon king pamaglarin at gaganap king sucat a bage:

Daraun ke keca ing mabilug cung bie, pangimut ampon cararaptan king capatauaran ding sabla cung pamicasala; at anti ing pigparalampu cu keca, manalig cu naman king kecang cayapan ampon alang cupas a pacalulu, king patauaran mu cu, para caring meritos ning cacamal-camalan mung Daya, Pamailasa ampon Camatayan, layun ipanabang cacu ing graciang maglarin king cacung sarili ampon misadsad king banal a casuyuan keca angga na king camatayan. Yanasa.

PAMUCLAT A PANALANGIN
O Maligayang San Isidro Labrador, Patulunan ning Madrid, uliran king cabanalan ampon cayapan, nung ing daralum cu king Dios a kecatamung Guinu caniting Novena, camapilatan ming masicanan mung pamamilatan, para ya king icarangal mu't icaligaya ampon para king icacayap ning cacung caladua: Ipanigapu cung ipayabut me ibat king Divinu nang Pacalulu, tatabili king cacung sarili, ban canita ing cabanal-banalan nang caburian miganap ya caring sablang bage. Yanasa.

PAMAMASA
Pamamasang ibat king Mayap a Balita agpang cang San Juan 15:01-07

CAYADUANAN

O Mal a San Isidro, king cababan mung macayama arapan ning Dios, ketulan nang pasibul ca busal ning malanging dayat. Ngeni, caring pusu ming kelangian at mengalumbe king lugud ampon lingap:

R. PASIBULAN MU KECAMI ING LUGUD.

O Caluguran ming Patulunan, pakit ca sana caring sablang magobrang masampat a alimbaua, ban angga king carelang obra ban macapangabiayan apakirasan dang ing bie king cabanalan. Inia, ngaming papamilatan keca: R.

O San Isidro, pakit ca sana cambe ning esposa mung i Santa Maria dela Cabeza caring sablang miasaua anting masampat a alimbaua, ban king mayap man o maroc a bili mayakit caring balang metung carela ing keaus da king cabanalan. Inia, ngaming papamilatan keca: R.

O Malugud king Banal a Eucaristia, pakit ca sana caring sablang mabibie king carelang keaus anting masampat a alimbaua, ban aggiang managalan lang oras apakicuanan rang manalangin king Dios at tanggap king Aral na't Sacramentong Cristo. Inia, ngaming papamilatan keca: R.

O Malambis caring sablang melalang, pakit ca sana caring sablang tau keti sulip anting masampat a alimbaua, ban king casngauan man o cagipitan acua rang macasuyu king Dios ampon caring capara rang tau. Inia, ngaming papamilatan keca: R.

O Mayap a Melalang, pakit ca sana caring sablang talapagobra anting masampat a alimbaua, ban ayablas ra ing mayap caring mayap pati na caring casalang ra. Inia, ngaming papamilatan keca: R.

O Mamung San Isidro, pakit ca sana caring sablang meulila ampon kematen anting masampat a alimbaua, ban anggiang king carelang pamagmalun apagcapilitan reng paligayan ing Dios. Inia, ngaming papamilatan keca: R.

Ngeni aduan tamu ing sarili tamung capagnasan.

ANTIFONA
Nebangan na ing bunga ding keang capagalan, at ing Guinu tamung Dios kipnuan nong mangayap a bage ring danupan.

V. Liguran ne ning Guinu at ketulan
R. Layun ne pang ginani king camalan.

Aduan mi keca, O Mapamacalulung Dios, king pamamilatan ning nuan mung patutung i San Isidro, ipagcalam mu sana ing kecang gracia ban e mi panamdamang ala keng ulaga, ampon ban sumuyu keca cambe na nitang cababan a kecang cacatulan. Alang-alang king Guinu ming JesuCristo. Yanasa.

PANALANGIN KING VIRGEN MARIA
O Macamal a Ari ding Angeles, Indu ning sablang calinisan: ipanigapu mi kecang ipayabut mu king Pacamalan mung Anac, i JesuCristo, ing pagcalaman na cung maragul a pamicasama king sablang carinatan, para caring kecang meritos ampon ding casugi-sugiang miasauang di San Isidro Labrador ampon Sana Maria de la Cabeza, ban canita mabibie savdal at malinis, apurian daca, alang patnang magsaya king macamal nang panga-atiu ning kecang ligaya. Yanasa.

PANALANGIN CANG SANTA MARIA DE LA CABEZA
Santa Maria de la Cabeza, indu ampon asaua, ipanalangin mu cami sana ngening aldo. Capamilatan ning masicanan mung pamamilatan ampon tapat a alimbaua, apakiabutan mi sanang munieng lubus maluca ampon mababang bie. Saupan mu caming e sumauang manalangin ampon makiagum king pamanlingap. Maliari ya sanang panalangin ing mabilug ming bie at saupan mu caming misundu king kekeng pamipabanal caring mistula ming cararaptan aldo-aldo. King pamanuntun king kecang alimbaua, maliari ya sanang tanda ing catapatan mi't capaniadsaran king yatu ing kecaming pamamintacasi king Dios ampon king Banal nang Capulungan. O Maligayang Santa Maria de la Cabeza idalum me sana iting kekeng panalangin cambe nang San Isidro king Cacatas-catasang Dios. Yanasa.

PANALANGIN CANG SAN ISIDRO LABRADOR
O Lubus Mayupaya ampon Maligayang Guinu ning Banua ampon Yatu, icang mamuc caring mapacumbaba, babie me carela ing divino mung gracia, at cuculdas mu no man ding palalu king carelang capalaluan: masucu cung ipanigapu keca, king masampat na't macayamang cababan ning tapat mung talasuyung i San Isidro: pagcalaman mu vung mabie beluan king cacung bili, ban king pamaniauad cung mipnung cababan ampon cararaptan, aduan cu ing matibe casalpantayanang apakirasan ing divino mung capagnasan. Yanasa.

V. Bendicionan naca tamu ngan sana ning Guinu, icabus naca tamu king sablang maroc, at idala naca tamu ngan sana king bie alang angga. R. Amen.

V. Mipuri ya ing Dios caring keang Banal.
R. Mipuri ya't mipaligayan capilan man.

12/03/2022

11/03/2022

12 MARSO, 2022 | CAPIGAGANACAN KING APAT NANG CENTENARIONG PANGA-SANTO NING MALAPUPURING SAN ISIDRO LABRADOR

MISTULA YA MUNG ORTELANO.....ONENG ICUA NANG MILIARING SANTO

I San Isidro Labrador, metung a magobra king dayatan at mapanyimbang tau, king catapatan na king Apung Guinu icua nang mebilang caring sablang Banal.

Apat nang dalang banua ing milabas iniang ing Banal a Capulungan pigmulan neng kilalanan anting banal nang pepanuanan ning Dios I San Isidro Labrador, at ngeni mitipun tamung pasibayu ban tayang pasibayung kilalanan mipnung capalsintan cambe ning cayaduanang king keang pamamilatan macasaup ya kecatamu ban lagpus caniting casakitan.

E micagiu king ucul ning tau king ing mistulang ortelano mipuc ya kinh panga-Santo, ampat e ing bili na anting tau ning kecatamung patulunan ing liningus ding mangasiua, nune ing macapagmulala nang catapatan ampon cabanalan kecaban ning keang bie.

Iniang mibie-bie ya pa keti sulip, ding malang mengapaliari kea king upaya ning Dios, mengari la mong patacman king ula na't ligaya ning bie alang angga. Ngeni, cabilang caring Banal, atatacman na ne ing bie manaua, layun papamilatan naca tamu king Dios ban mangaintulid tamung numabang king bie alang angga.

Bista’t man masakit ing panaun ngeni, maragul ke pasalamat uling aggiang macananu manakit tamung capanayang ayaligan, metung a fuente de fe —ngana uari: Sibul ning Casalpantayanan, a macapaniadsad kecatamung munie ligaya king Ibpa tamung atiu banua.

Ipanalangin mu cami, O San Isidro Labrador, ban mangaintulid caming numabang caring pengacu na ning Guinu tamung JesuCristo, a mabibie ampon mag-ari mangga man king alang angga. YANASA.

15/02/2022

Please support San Isidro Labrador Chapel of Mexico, Pampanga. They are one of our FB Page partners

Please Like, Share & Follow https://www.facebook.com/ApungSiruOfficial

DEVOCION BALANG CALABI NANG LIMANG ALDO NING BULAN: ALDONG TAGULALI KING ICARANGAL NANG SAN ISIDRO LABRADOR (Aldo nang Apung Siru)

TANDA NING CRUZ
King capamilatan ning tanda ✠ ning Banal a Cruz, icabus mu ke, O Guinu ✠ ming Dios caring keoeng casalang. King lagiu ning Ibpa, ampon ning Anac ✠, ampon ning Banal a Espiritu. Amen.

CAPANISIAN
¡O Guinu cung JesuCristo! Cacung Dios ampon tutung tau, Milalang cacu ampon Menatbus, uli na ning ica ing cacung panginuan at bina racang caluguran lacuas caring sanu pa mang bage, maragul a simbayat king mabilug cung pusu ing pamicasala cu keca: taimtim cung ipagcapilit ing e na cu pa micasalang pasibayu, ampon ing icauani ya iny cacung sarili caring pamicasala keca, at ing mangumpisal ampon miganap capaglarinan a miabie cacu, ampon king pamaglarin at gaganap king sucat a bage:

Daraun ke keca ing mabilug cung bie, pangimut ampon cararaptan king capatauaran ding sabla cung pamicasala; at anti ing pigparalampu cu keca, manalig cu naman king kecang cayapan ampon alang cupas a pacalulu, king patauaran mu cu, para caring meritos ning cacamal-camalan mung Daya, Pamailasa ampon Camatayan, layun ipanabang cacu ing graciang maglarin king cacung sarili ampon misadsad king banal a casuyuan keca angga na king camatayan. Yanasa.

PAMUCLAT A PANALANGIN
O Maligayang San Isidro Labrador, Patulunan ning Madrid, uliran king cabanalan ampon cayapan, nung ing daralum cu king Dios a kecatamung Guinu caniting Novena, camapilatan ming masicanan mung pamamilatan, para ya king icarangal mu't icaligaya ampon para king icacayap ning cacung caladua: Ipanigapu cung ipayabut me ibat king Divinu nang Pacalulu, tatabili king cacung sarili, ban canita ing cabanal-banalan nang caburian miganap ya caring sablang bage. Yanasa.

PAMAMASA
Pamamasang ibat king Mayap a Balita agpang cang San Juan 15:01-07

CAYADUANAN

O Mal a San Isidro, king cababan mung macayama arapan ning Dios, ketulan nang pasibul ca busal ning malanging dayat. Ngeni, caring pusu ming kelangian at mengalumbe king lugud ampon lingap:

R. PASIBULAN MU KECAMI ING LUGUD.

O Caluguran ming Patulunan, pakit ca sana caring sablang magobrang masampat a alimbaua, ban angga king carelang obra ban macapangabiayan apakirasan dang ing bie king cabanalan. Inia, ngaming papamilatan keca: R.

O San Isidro, pakit ca sana cambe ning esposa mung i Santa Maria dela Cabeza caring sablang miasaua anting masampat a alimbaua, ban king mayap man o maroc a bili mayakit caring balang metung carela ing keaus da king cabanalan. Inia, ngaming papamilatan keca: R.

O Malugud king Banal a Eucaristia, pakit ca sana caring sablang mabibie king carelang keaus anting masampat a alimbaua, ban aggiang managalan lang oras apakicuanan rang manalangin king Dios at tanggap king Aral na't Sacramentong Cristo. Inia, ngaming papamilatan keca: R.

O Malambis caring sablang melalang, pakit ca sana caring sablang tau keti sulip anting masampat a alimbaua, ban king casngauan man o cagipitan acua rang macasuyu king Dios ampon caring capara rang tau. Inia, ngaming papamilatan keca: R.

O Mayap a Melalang, pakit ca sana caring sablang talapagobra anting masampat a alimbaua, ban ayablas ra ing mayap caring mayap pati na caring casalang ra. Inia, ngaming papamilatan keca: R.

O Mamung San Isidro, pakit ca sana caring sablang meulila ampon kematen anting masampat a alimbaua, ban anggiang king carelang pamagmalun apagcapilitan reng paligayan ing Dios. Inia, ngaming papamilatan keca: R.

Ngeni aduan tamu ing sarili tamung capagnasan.

ANTIFONA
Nebangan na ing bunga ding keang capagalan, at ing Guinu tamung Dios kipnuan nong mangayap a bage ring danupan.

V. Liguran ne ning Guinu at ketulan
R. Layun ne pang ginani king camalan.

Aduan mi keca, O Mapamacalulung Dios, king pamamilatan ning nuan mung patutung i San Isidro, ipagcalam mu sana ing kecang gracia ban e mi panamdamang ala keng ulaga, ampon ban sumuyu keca cambe na nitang cababan a kecang cacatulan. Alang-alang king Guinu ming JesuCristo. Yanasa.

PANALANGIN KING VIRGEN MARIA
O Macamal a Ari ding Angeles, Indu ning sablang calinisan: ipanigapu mi kecang ipayabut mu king Pacamalan mung Anac, i JesuCristo, ing pagcalaman na cung maragul a pamicasama king sablang carinatan, para caring kecang meritos ampon ding casugi-sugiang miasauang di San Isidro Labrador ampon Sana Maria de la Cabeza, ban canita mabibie savdal at malinis, apurian daca, alang patnang magsaya king macamal nang panga-atiu ning kecang ligaya. Yanasa.

PANALANGIN CANG SANTA MARIA DE LA CABEZA
Santa Maria de la Cabeza, indu ampon asaua, ipanalangin mu cami sana ngening aldo. Capamilatan ning masicanan mung pamamilatan ampon tapat a alimbaua, apakiabutan mi sanang munieng lubus maluca ampon mababang bie. Saupan mu caming e sumauang manalangin ampon makiagum king pamanlingap. Maliari ya sanang panalangin ing mabilug ming bie at saupan mu caming misundu king kekeng pamipabanal caring mistula ming cararaptan aldo-aldo. King pamanuntun king kecang alimbaua, maliari ya sanang tanda ing catapatan mi't capaniadsaran king yatu ing kecaming pamamintacasi king Dios ampon king Banal nang Capulungan. O Maligayang Santa Maria de la Cabeza idalum me sana iting kekeng panalangin cambe nang San Isidro king Cacatas-catasang Dios. Yanasa.

PANALANGIN CANG SAN ISIDRO LABRADOR
O Lubus Mayupaya ampon Maligayang Guinu ning Banua ampon Yatu, icang mamuc caring mapacumbaba, babie me carela ing divino mung gracia, at cuculdas mu no man ding palalu king carelang capalaluan: masucu cung ipanigapu keca, king masampat na't macayamang cababan ning tapat mung talasuyung i San Isidro: pagcalaman mu vung mabie beluan king cacung bili, ban king pamaniauad cung mipnung cababan ampon cararaptan, aduan cu ing matibe casalpantayanang apakirasan ing divino mung capagnasan. Yanasa.

V. Bendicionan naca tamu ngan sana ning Guinu, icabus naca tamu king sablang maroc, at idala naca tamu ngan sana king bie alang angga. R. Amen.

V. Mipuri ya ing Dios caring keang Banal.
R. Mipuri ya't mipaligayan capilan man.

09/09/2021

09 SETIEMBRE 2021 | APUNG CABEZA: TAPAT A ESPOSA, INDUNG MALUGUD KING KEANG FAMILIA

Mibait ya i Santa Maria Cabeza carin Uceda, Guadalajara, ning España. Carin naman Torrelaguna ning España akilala ne't apangasaua i San Isidro Labrador. Gigulan ne ing keang bie king pamaniaup king keang asaua king pamagobra king dayatan, pamaglinis caring visitas ampon dambana, ampon king pamaniaup caring pacacalulu.

Caibat nang mete ning keang asaua canitang banuang Labing Metung a libu Atlung pulu, mibie-bie ya anting ermitaña. Mecapagmala ya't masasabing mipapatilipanan ya capara canitang bengi-bengi neng paninapan ing Nuan a Virgén Maria. Masasabing acakit ne ing Nuan a Virgén Mariang lalabas king Ilug ning Jarama cabang pacayayat ya ing sacdal nang capa king danuman.

Atin mu namang mala a milalapit king carelang anac a i Illan: nung nu menabu ya king malalam a talaga at caibat rang menalangin ding keang pengari kinh Dios migmalang minangat ing danum king talaga matas king gabun cambe ning carelang anac, saca ya misagip a e man mipacaroc.

Mete ya ing anac rang iti king binang anac a catua, iti ya ing pepataruc cari Santa Maria Torribia ampon San Isidro Labrador king e no buring micayanac ning Dios. Anting bunga, tegulaling re ing carelang bie mangilag king pamipangatauan anting paralan ning pamipakit catapatan, at kecaban ning carelang bie menucnangan la caring miyayaliuang bale.

Atin mu namang mala a mitutuglung cang Maria, nung nu, cambe ning beluan king ing keang asauang i San Isidro, manuli yang taung danupan, misinup ya ketang cacuran ning sabo king keang cusina.

Misan a aldo, menuli ya ping e mu metung a tau caracal a danupan i San Isidro king carelang bale. Itdanan nong Maria ding mapilan carelang sabo, angga kinh ikit nang ala nang mitagan. Mine ya't sibianan ne ing keang asaua king ala nang sabo para caring aliua pa, inia sibianan neng San Isidrong mibalic at lauan yang pasibayu, micamala't kinapnu yang pasibayu ing curan a micagiung pacan pa caring aliuang danupan.

Meangu ya bie canitang banuang Labing Metung a libu Pitung pulu't Lima, layun pisiag ne anting Beatang Papa Leo Capulu at canitang Calabi yang Metung ing bulan ning Agosto, banuang Labing Anam a libu Siam a púlu't Pitu kilala neng Papa Innocencio Calabing Adua ing pamagdevocion kea.

Mipatangal lang maluat king metung a Franciscanong convento ring keang relica carin Torrelaguna ning España. Banuang Labing Anam a libu Apat a pulu't Lima iniang milipat la ring keang relica king Pisamban nang San Andres carin Madrid ning España, lele ning relica nang San Isidro Labrador.

Miyabie ya ing ya ing titulonh Caveza pauli ning ing keang buntuc ya ing relicang mitatangalan caring dacal a panaung milabas, ban canita makilala ya ibat caring micacaracal a banal a babaing maki-lagiung Maria.

PANALANGIN CANG SANTA MARIA DE LA CABEZA

Santa Maria de la Cabeza, indu ampon asaua, ipanalangin mu cami sana ngening aldo. Capamilatan ning masicanan mung pamamilatan ampon tapat a alimbaua, apakiabutan mi sanang munieng lubus maluca ampon mababang bie. Saupan mu caming e sumauang manalangin ampon makiagum king pamanlingap. Maliari ya sanang panalangin ing mabilug ming bie at saupan mu caming misundu king kekeng pamipabanal caring mistula ming cararaptan aldo-aldo. King pamanuntun king kecang alimbaua, maliari ya sanang tanda ing catapatan mi't capaniadsaran king yatu ing kecaming pamamintacasi king Dios ampon king Banal nang Capulungan. O Maligayang Santa Maria de la Cabeza idalum me sana iting kekeng panalangin cambe nang San Isidro king Cacatas-catasang Dios. YANASA.

SANTA MARIA DE LA CABEZA,
Malugud a Asaua't Indu:
— ¡Ipanalangin mu cami!

24/08/2021

To all devotees of San Isidro Labrador, please like and follow the official page of San Isidro Labrador Chapel, San Isidro Laug, Mexico, Pampanga.

Dacal pung salamat!

San Isidro Labrador Chapel in Laug, Mexico, Pampanga, is a sacred place of faith and unity dedicated in celebration of Masses, prayers, and community activities as we honor our patron saint, San Isidro Labrador under the Parish of Sto. Domingo, Mexico.

15/08/2021

DEVOCION BALANG CALABI NANG LIMANG ALDO NING BULAN: ALDONG TAGULALI KING ICARANGAL NANG SAN ISIDRO LABRADOR (Aldo nang Apung Siru)

TANDA NING CRUZ
King capamilatan ning tanda ✠ ning Banal a Cruz, icabus mu ke, O Guinu ✠ ming Dios caring keoeng casalang. King lagiu ning Ibpa, ampon ning Anac ✠, ampon ning Banal a Espiritu. Amen.

CAPANISIAN
¡O Guinu cung JesuCristo! Cacung Dios ampon tutung tau, Milalang cacu ampon Menatbus, uli na ning ica ing cacung panginuan at bina racang caluguran lacuas caring sanu pa mang bage, maragul a simbayat king mabilug cung pusu ing pamicasala cu keca: taimtim cung ipagcapilit ing e na cu pa micasalang pasibayu, ampon ing icauani ya iny cacung sarili caring pamicasala keca, at ing mangumpisal ampon miganap capaglarinan a miabie cacu, ampon king pamaglarin at gaganap king sucat a bage:

Daraun ke keca ing mabilug cung bie, pangimut ampon cararaptan king capatauaran ding sabla cung pamicasala; at anti ing pigparalampu cu keca, manalig cu naman king kecang cayapan ampon alang cupas a pacalulu, king patauaran mu cu, para caring meritos ning cacamal-camalan mung Daya, Pamailasa ampon Camatayan, layun ipanabang cacu ing graciang maglarin king cacung sarili ampon misadsad king banal a casuyuan keca angga na king camatayan. Yanasa.

PAMUCLAT A PANALANGIN
O Maligayang San Isidro Labrador, Patulunan ning Madrid, uliran king cabanalan ampon cayapan, nung ing daralum cu king Dios a kecatamung Guinu caniting Novena, camapilatan ming masicanan mung pamamilatan, para ya king icarangal mu't icaligaya ampon para king icacayap ning cacung caladua: Ipanigapu cung ipayabut me ibat king Divinu nang Pacalulu, tatabili king cacung sarili, ban canita ing cabanal-banalan nang caburian miganap ya caring sablang bage. Yanasa.

PAMAMASA
Pamamasang ibat king Mayap a Balita agpang cang San Juan 15:01-07

CAYADUANAN

O Mal a San Isidro, king cababan mung macayama arapan ning Dios, ketulan nang pasibul ca busal ning malanging dayat. Ngeni, caring pusu ming kelangian at mengalumbe king lugud ampon lingap:

R. PASIBULAN MU KECAMI ING LUGUD.

O Caluguran ming Patulunan, pakit ca sana caring sablang magobrang masampat a alimbaua, ban angga king carelang obra ban macapangabiayan apakirasan dang ing bie king cabanalan. Inia, ngaming papamilatan keca: R.

O San Isidro, pakit ca sana cambe ning esposa mung i Santa Maria dela Cabeza caring sablang miasaua anting masampat a alimbaua, ban king mayap man o maroc a bili mayakit caring balang metung carela ing keaus da king cabanalan. Inia, ngaming papamilatan keca: R.

O Malugud king Banal a Eucaristia, pakit ca sana caring sablang mabibie king carelang keaus anting masampat a alimbaua, ban aggiang managalan lang oras apakicuanan rang manalangin king Dios at tanggap king Aral na't Sacramentong Cristo. Inia, ngaming papamilatan keca: R.

O Malambis caring sablang melalang, pakit ca sana caring sablang tau keti sulip anting masampat a alimbaua, ban king casngauan man o cagipitan acua rang macasuyu king Dios ampon caring capara rang tau. Inia, ngaming papamilatan keca: R.

O Mayap a Melalang, pakit ca sana caring sablang talapagobra anting masampat a alimbaua, ban ayablas ra ing mayap caring mayap pati na caring casalang ra. Inia, ngaming papamilatan keca: R.

O Mamung San Isidro, pakit ca sana caring sablang meulila ampon kematen anting masampat a alimbaua, ban anggiang king carelang pamagmalun apagcapilitan reng paligayan ing Dios. Inia, ngaming papamilatan keca: R.

Ngeni aduan tamu ing sarili tamung capagnasan.

ANTIFONA
Nebangan na ing bunga ding keang capagalan, at ing Guinu tamung Dios kipnuan nong mangayap a bage ring danupan.

V. Liguran ne ning Guinu at ketulan
R. Layun ne pang ginani king camalan.

Aduan mi keca, O Mapamacalulung Dios, king pamamilatan ning nuan mung patutung i San Isidro, ipagcalam mu sana ing kecang gracia ban e mi panamdamang ala keng ulaga, ampon ban sumuyu keca cambe na nitang cababan a kecang cacatulan. Alang-alang king Guinu ming JesuCristo. Yanasa.

PANALANGIN KING VIRGEN MARIA
O Macamal a Ari ding Angeles, Indu ning sablang calinisan: ipanigapu mi kecang ipayabut mu king Pacamalan mung Anac, i JesuCristo, ing pagcalaman na cung maragul a pamicasama king sablang carinatan, para caring kecang meritos ampon ding casugi-sugiang miasauang di San Isidro Labrador ampon Sana Maria de la Cabeza, ban canita mabibie savdal at malinis, apurian daca, alang patnang magsaya king macamal nang panga-atiu ning kecang ligaya. Yanasa.

PANALANGIN CANG SANTA MARIA DE LA CABEZA
Santa Maria de la Cabeza, indu ampon asaua, ipanalangin mu cami sana ngening aldo. Capamilatan ning masicanan mung pamamilatan ampon tapat a alimbaua, apakiabutan mi sanang munieng lubus maluca ampon mababang bie. Saupan mu caming e sumauang manalangin ampon makiagum king pamanlingap. Maliari ya sanang panalangin ing mabilug ming bie at saupan mu caming misundu king kekeng pamipabanal caring mistula ming cararaptan aldo-aldo. King pamanuntun king kecang alimbaua, maliari ya sanang tanda ing catapatan mi't capaniadsaran king yatu ing kecaming pamamintacasi king Dios ampon king Banal nang Capulungan. O Maligayang Santa Maria de la Cabeza idalum me sana iting kekeng panalangin cambe nang San Isidro king Cacatas-catasang Dios. Yanasa.

PANALANGIN CANG SAN ISIDRO LABRADOR
O Lubus Mayupaya ampon Maligayang Guinu ning Banua ampon Yatu, icang mamuc caring mapacumbaba, babie me carela ing divino mung gracia, at cuculdas mu no man ding palalu king carelang capalaluan: masucu cung ipanigapu keca, king masampat na't macayamang cababan ning tapat mung talasuyung i San Isidro: pagcalaman mu vung mabie beluan king cacung bili, ban king pamaniauad cung mipnung cababan ampon cararaptan, aduan cu ing matibe casalpantayanang apakirasan ing divino mung capagnasan. Yanasa.

V. Bendicionan naca tamu ngan sana ning Guinu, icabus naca tamu king sablang maroc, at idala naca tamu ngan sana king bie alang angga. R. Amen.

V. Mipuri ya ing Dios caring keang Banal.
R. Mipuri ya't mipaligayan capilan man.

22/06/2021