27/05/2021
Mababa a tothol a khakowaan sa sabot o taw a diimaganad.
Paganai ron na so Nabi o ALLAH, so Nuh alaihissalam na miagintaw ko Donya ko soldo miaka siyaw gatos ago limapolo ragon. Aya galbk o Nabi na kapakatadm ko simba ko ALLAH (s.w.a.). Gowani den a pndolonen iyan so pagtaw niyan ko paratiyaya ko ALLAH na daden a baon miaratiyaya a rowar ko walopolo ago dowa odi na 83. Miakaisa alongan a diolon niyan so pagtao niyan ko maulad a bakolod ko kilida ragat, na bairan den riobakan a wator! taman sa kiatambonan sabap ko kiadakla wator a ini rontariranon, kahanda o ALLAH ka miakatalingoma so panabang o Kadnan niyan na piamarakopakan o Malaikat so Nuh na miadaon so minitambonon a maroni mga aladen a wator, oriyanuto na tomiapnai ko kadnan iyan a piphanoniyanon so angin iyan a baniyanden Bangkita so Doniya ka dabo a bakiranon phamakineg, sabap roo na tiyarima so pangni niyan sa minggolalan ko satiman a maito a Od a kayo! tigo Jibrel a phamolaan kakon nai ka kianan i phakasabt rkano ago so mionot rka..Piamolao nabi sa kilida kalasan na taros a magaan a kiapakala iyan, lomiangka sa dalma inged so kala agioto a kayo. Oriyanotu na miaoma so pasad a bangkiten a doniya, miatharo ko nabi a pagembaal sa Kapal a kaphagdaan niran goso mionoton go proran sa dowa anggaganapa ko mga binatang ko Lupa para andi khabinasai a ped. Lomialakao so Nuh ka ploloba sa pandai a ka*okayan niyan ko Barko, daa miatoon iyan a pandai ka omani izaaniyan na daa matao ron phandai sa kapal, oriyanotu na mialing so Nabi ko kiagabi niyan sa mararata den a ginawa niyan, goniyan mabalak a patkatao a mangoda a phariparis a bontal na inisaan niyan siran, inisembag o mga ngunguda na mga pandai siran. Pitharo-o Nuh a skano so diikombabanogn, pandainiorakn a kapal ka sokayangko skano..tigiran a bapa na ayami ron katharimaa na pakapangaroma kami sa mrzarza a lagido wata aka, (sakataw i wata a raga so nabi) tiarima o nabi so panton o mga mama. Piphoonan niran mata oriyan niyan na tigiran ko nabi a antonai buntal o kapal? tigo nabi a sombali kano sa Bibi (itik) na kowainio sa bombol na layanga niyo na gioto den i khopya aniyo sa porma..miapasad diran phandai na ayabo i korangon na so lolong iyan a lagido lig o Bibi a malalantik sa onaan. Aden mambo a masla a kayo sa Lawasaig a Nail na ayaon khapakai a itapal, problima na mawatan kiran go di kakowa ka sii matatago sa lawasaig a Nail. Aden ko mga wata o Nuh a mimbolonter a skaniyan i mbadoton kai maslaa mama, pero aya kabaya iyan a makaphita go maka awid sa ipagotho niyan, tigo ama iyan a loks a mapita na kabalaga ka rakn ka angka makaphita go makaawid ka sa loto oka, miapita na somiongon so wata iyan a malaamama, inidawag iyano so satiman a Roti na miakakrs so wata iyan sa miatharo iyan a Ama na dirakn anan phakatiokop ka bangkadi katawi a malaakoi gasto ko kakan, tigo nabi ikaritangko na asar ka batiyaan kaon so Bismillah na phakatiokop rka den anan. Ininggolalan o wata iyan na daniyampn kalook so saopakon na miaosog den, siongowan niyan so kayo sa lawasaig a Nail na inandot iyan na piosai niyan sa Engd a Sam.
So kiapasad o kapal na inordiran o Datu so pagtaw niyan sa ron siran den phagodo ko kapal ka oba panogalin sa kalaan sa Engd so paniakit a misosogat kiran. Miapno a tae so barko! Adn ko pagtao a sakatao a sadi a phagiboln, bota,lpo na kagiya phakaodo na miraraginot somong ko Barko a phagodowan o pagtao! sabap roo na baoden mialog! so sadir a mama, taros a miakabar baden go miapiya so mga aibian, miakatilak so lawas iyan, goniyan pakalangkapa sa dalma Engd a mala a bulong so Tae (phagosaren o mga Hindu,Buddist) na goiran sagombai a maginged na kianowakowa iranon so tae, tigo iran ko mga pananagoai ran taman sa kialompiyowan a tanto ka kinikisaniran ka ayakon mabisa so tampar ko lawas o kapal ^_^ Oriyanotu na aden ko kaomo Nuh a sakataw a bai a miaratiyaya ko nuh sa tigiyan a oba Bangkita a doniya na phakatokaon o Nuh ka an makapagda ko kapal.
Miroran so Nuh ko mga Binatang sa mama go babai, taman sa ini order iyan kiran a bawal so kambabangonan sa walay (kathalik sa solda barko). Somiopak so A*o ko Sogoan o Nabi na miamangondor so Bdong ko Nabi na miakado ka*ongowi o nabi na diniyan siran khasakpan, taman sa tomiapnai so Nuh sa pitharo iyan a disiranden makamblag taman sa diniyan siran makasaan! miakarma so bdong ko angin o a*o sabap ko kiadiyaman niran ko pangni o Nabi.
Siogoan o Nabi so Bibi sa Lantapan iyan a kauladan ko Ragat na ilaya niyan o andai kiatianon a khapakai a ronsiranon domongko, mialipat so bibi ka baden milangolangoi, na siogopman o Nabi so Marapatik a plobaaniyan so Bibi ka kadn makaoma.. miatoon o Marapatik a di-iphaigo so Bibi di mamarakopan ko ragat.
Pitharo o Nabi a makaumabo ka sasaan akn a ai niyan go gia toka iyan ka dako ska niyan kasanai go kowaan akn sa tomaps ka andi pakalayog zaroman sa mawatan. (Gowani na palayogan a papanok so bibi go mapya i paras ko mga papanok) Mindorat so Bibi na gianan i mia*owa iyan a dimatao zalag, kapamagak sa orak, darowaka a bibi ka pphangopaan iyan so Manok goso salakaw ron, So Orak iyan na aya di-i pangmbaalan a Balot ka makapal i Lokhabang adiso Oraka manok.
Note: So malaikakan sa Balot na pkhasayanan iyan so Bibi a darowaka ko mga kaaden. Wassalam
HadjiNaif
