22/11/2021
READ ✨
PAANO NGA BA MAG BREED NG RABBIT?
(PARAAN NG PAG-BREED HANGGANG SA PANGANGANAK)
1. Make sure na 5-6 months na ang doe at 4 months and above na ang buck. Kapag hindi natin alam ang saktong edad ng doe lalo na sa mga bumili lang sa mga petshop (kasi minsan hindi accurate ang pagbibigay ng edad ng rabbit), check niyo po yung v***a (external visible part ng ari ng doe) kung ito po ay reddish or purple, ibig sabihin ay fertile o puwede na pong ibreed ang doe. Sa buck naman, pag nakikita niyo na po yung scrotal sacs (itlog) na nakalaylay, pwede na po makipagbreed yung buck natin.
Bakit nga ba dapat nasa tamang edad ang mga rabbit natin bago i-breed?
Tulad ng tao, kapag hindi pa kasi mature yung rabbit, may tendency po na hindi niya maaalagaan ng maayos ang kits niya, kumbaga hindi pa gaanong handa ang kanyang parenting-ability.
2. Bago pakastahan ang doe, mas mabuting timbangin muna ito para mamonitor ang weight nito after ng pagpapakasta. Huwag kalimutang ilista ang timbang.
3. Sa pagpapakasta, dalhin ang doe sa cage ng buck (hindi yung buck sa cage ng doe kasi masyadong territorial ang doe, aawayin niya lang yung buck). Paglipat sa doe, hintayin na makastahan siya ng 3-4 na beses para mas sigurado ang breeding. Mapapansin ninyong matutumba ang buck at minsan may maririnig kang huni o iyak (mula sa doe or buck / both) na nagpapahiwatig na nakastahan ang doe. Pagkatapos ng 3-4 na fall-offs ay kunin at ibalik ang doe sa kanyang cage. Huwag kalimutang ilista ang petsa ng iyong pagpapakasta.
4. After 10 days ng pagpapakasta, para hindi masayang ang mga araw, maaari mong icheck kung successful nga ba ang breeding. May mga signs at meron tayong options upang malaman kung nabuntis ba yung doe natin:
a. May huni kang maririnig mula sa doe pag lalapit ka sa cage niya o pag hinahawakan mo siya. Senyales lang ito na ayaw niyang lapitan o hawakan siya kasi buntis siya.
b. Palpating - ito yung pagkapa sa bandang tiyan ng doe. Advisable lang ito sa mga sanay na kasi masyado itong maselan na magiging rason ng pagka-deform ng mga kits. Pag hahawakan mo yung sinapupunan ng doe, may mararamdaman o makakapa kang grape-like formations na magpapatunay na buntis ang doe.
c. Timbangin ulit ang doe. Mag-ingat sa pagkarga ng doe sa timbangan. Huwag hawakan sa bandang tiyan. Kapag tumaas ang timbang na sobra sa normal na pagbigat ng doe, may chance na buntis yung doe.
d. Pakastahan ulit ang doe. Pag yumuyuko at humuhuni na siya na parang ayaw niya nang magpakasta, ibig niyang ipahiwatig na buntis na siya. Kaya huwag mo na lang pilitin. Mag-ingat sa pagkakarga ng doe.
5. Kapag na confirm mo na ang pagbubuntis ng doe, maghintay ng 28-35 days (1 month) para sa panganganak nito. 2 days bago ang expected due date, maglagay ng nesting box sa loob ng cage ng doe (siguraduhing mabigat ito o pag magaan ay dapat nakatali para hindi magalaw-galaw o malipat ng doe). Pwede kang gumawa ng nesting box na gawa sa kahoy pero mas suggested ang mga plastic strainers para hindi maiipon ang ihi sa loob. Siguraduhing kasya at may konting espasyo ang doe sa kanyang nesting box.
6. Nesting - mga dalawa o isang araw bago ang panganganak (minsan ilang oras lang depende sa doe), ay mag-uumpisa na siyang gumawa ng nest sa loob ng nesting box. Minsan gumagamit ng ibang materyales yung doe gaya ng grass, hay, at kung ano mang pwede niyang mailagay sa nest. Magtatanggal din siya ng balahibo at ilalagay niya dun sa nest (pero minsan may doe na hindi nagtatanggal ng balahibo kasi iba-iba talaga ang parenting-ability nila). Huwag guluhin ang doe habang nagnenesting kasi ayaw nilang binabantayan nila kasi nasa instinct nila na may masama kang gagawin. Stressful sa kanila yun.
7. Ilang araw, oras, minuto pagkatapos ng nesting at paglalabor ay manganganak na ang doe. Mas mabuting sa mga ganap na ito ay hindi niyo pa rin siya ginagambala. Mas risky sila sa stress kasi may binabantayan na silang anak. Pag napansin mong nanganak na siya, check mo kung lahat ba ng kits ay nasa loob ng nesting box kasi minsan yung iba ay accidentally sa labas ng nesting box nila nailuwal. Kaya mas maaga kailangan agapan at ilagay sa loob ng nesting box. Pag okay na ang lahat, check mo na lang kung may mga patay na kits at kunin ito para maiwasang langgamin ang box. Huwag ding magtaka kung bakit may dugo sa bunganga at parang may kinakain ang doe kasi nasa gawain na ng rabbit na kinakain nila ang placenta pagkapanganak pati na yung mga kits na alam nila na may low chance of survival.
8. One to 12 days ng kits ay nabibilang sa critical stage kaya kailangan talagang bantayan ng maigi at pakainin ng maayos ang doe para makapagpapadede din ng maayos sa kits. Bantayang maigi baka may mga daga o pusa na gumugulo sa kanila. Madali silang mastress kaya may instances na kapag may predator o sa palagay niya ay nasa piligro ang kits niya, pinapatay niya yung sariling kits niya bilang paraan sa pagproprotekta sa mga ito. Kaya dapat isecure ang cage nila na walang makakapasok na maliliit na hayop.
9. Pagdating ng 6 weeks ay pwede ng i-wean (iwalay sa doe) ang mga kits dahil sa ganitong edad ay hindi na sila gaanong dumedede at mabubuhay na sa pagkain ng grass at pellets. Papahingahin ang doe ng 10-15 days at pwede nang i-breed ulit.
For more rabbit keeping updates, follow our page La Casa de Kuneho 🥰❤️
