18/01/2026
Wala na bang pag asa kaso nyo na walang totoong ebedensya? Kawawa naman.
Nanawagan si International Criminal Court (ICC) Assistant to Counsel Atty. Kristina Conti sa mga testigo na huwag sayangin ang pagkakataong tumestigo sa isinasagawang imbestigasyon ng ICC kaugnay ng madugong giyera kontra droga sa ilalim ng administrasyon ni dating Pangulong Rodrigo Duterte.
Ayon kay Conti, mahalagang hakbang ang panawagan ng ICC upang matiyak na magiging masiguro, masinsinan, at komprehensibo ang imbestigasyon, lalo na’t may mga ulat ng harassment at pananakot laban sa ilang miyembro ng Philippine National Police (PNP) at iba pang posibleng testigo na may kaugnayan sa implementasyon ng drug war.
Ipinaliwanag din ni Conti na ang panawagan ay para sa mga matagal nang may lakas ng loob ngunit naghihintay lamang ng kaunting pag-asa upang magsalita. “Pagkakataon po ito para sa mga nag-ipon pa ng lakas ng loob o naghihintay ng kaunting silip ng pag-asa. Nakakulong na si Duterte. Papalapit na ang ika-10 anibersaryo ng pag-upo niya bilang presidente,” pahayag ni Conti.
Dagdag pa niya, sa kabila ng mahabang panahon na lumipas mula nang maupo si Duterte sa kapangyarihan, nananatiling bukas ang proseso ng paghahanap ng pananagutan at katarungan. Giit ni Conti, mahalaga ang partisipasyon ng mga testigo upang mapagtibay ang mga ebidensya at makamit ang hustisya.
