16/07/2026
#ဝါသနာအရလား ?
#ငွေကြေးအရလား ?
လူတော်တော်များများမှာ ပင်ကိုယ်ချစ်တတ်တဲ့ အခံစိတ်လေးတွေနဲ့ တိလေးတွေကို မွေးမြူကြတယ်
မွေးမြူရင်း၊ မွေးမြူရင်းနဲ့မှ ချစ်တတ်တဲ့ စိတ်ကို လွန်ကဲပြီး ကိုယ့်ရဲ့ ဝါသနာ အဖြစ်ကို ပြောင်းလဲလာတယ်
ဝါသနာအဆင့်ကို ရောက်လာကြပြီး Breeding အလုပ်ကို စမ်းသပ်ချင်လာကြတယ်
ဒီနေရာမှာ Breeding လုပ်ပုံက ၂ပိုင်း ကွဲသွားတယ်
Pro ဆန်ဆန် Breeding လုပ်မှာလား၊ အပျော်မွေး သက်သက်နဲ့ Breeding လုပ်မှာလား စသဖြင့်ပေါ့
ကျွန်တော်ဆိုလဲ ငယ်ငယ်တုန်းက အလှမွေး ငါးလေးတွေ ချစ်လို့ဝယ်မွေးတယ်
ဗိုက်လေးတွေ ဘာလေးတွေ ပူလာရင် ရေမှော်လေးတွေ ဘာတွေအုပ်နဲ့ ကလေးလေးတွေ မွေးလာရင် ပျော်တယ်
ဒါ ကျွန်တော် ဝါသနာအရ မွေးမြူမိရင်း အပျော် Breeding လုပ်တာမျိုးပေါ့
အခုလက်ရှိအချိန်ထိ မြန်မာပြည်မှာ တော်တော်များများက Breeding လုပ်ပြီးတော့ သားပေါက်ရောင်းပြီဆိုရင်..
ဟာ .. သူက ခွေးလေးတွေကို ချစ်လို့ မွေးတာ မဟုတ်ဘူး၊ သားဖောက် ရောင်းစားတာ၊ ပိုက်ဆံရဖို့အတွက် အလုပ်လုပ်တာဆိုပြီး တော်တော်များများက အပြစ်တင်ချင်ကြတယ်
ကျွန်တော်တို့ Breeding လုပ်တဲ့ ပုံစံက စနစ်တကျ Kennel အနေနဲ့ သွားတာဆိုတော့
Kennel ဆက်လက် ရပ်တည်နိုင်အောင်အတွက်
ကိုယ်ချစ်လို့ ပျိုးထောင်လိုက်တဲ့ ကလေးတွေရဲ့ မျိုးဆက်တွေကို ပြန်လည် ဖြန့်ဝေပေးရပါတယ်
တကယ်တော့ ကျွန်တော်တို့ အလုပ်က ရင်ဘတ်ကြီးတစ်ခုလုံးနဲ့ ရင်းပြီးတော့ ကလေးတွေကို ပြုစုရတယ်၊ ယုယရတယ်၊ ကျန်းမာသန်စွမ်းအောင် ပျိုးထောင်ရတယ်
ပြီးတော့မှ သူတို့ကို တကယ်ချစ်ပြီး မွေးမြူချင်တဲ့ သခင်တွေရဲ့ လက်ထဲကို သေချာလေးထည့်ပေးရပါတယ်
ဘယ်လိုထားပါ၊ ဘယ်လို ကျွေးပါ၊ ဘယ်အချိန်မှာ ကာကွယ်ဆေးထိုးပါ၊ ဘယ်လို စကားလုံး အသုံးအနှုန်းတွေ သုံးပေးပါကအစ သူတို့လေးတွေအတွက် အမှာစကားလေးတွေပါပြောပေးရတယ်
တစ်ချို့သူတွေ သတ်မှတ်နေကြသလိုမျိုး ငွေကြေးရရုံ တစ်ခုတည်းအတွက် လုပ်နေရတဲ့ ရိုင်းစိုင်းနေတဲ့ အလုပ်မျိုးကြီးတော့ မဟုတ်ပါဘူးဗျာ
Breeder တစ်ယောက်ရဲ့ အလုပ်ဆိုတာ အရမ်းကို နူးညံ့တယ်၊ အရမ်းကို သိမ်မွေ့တယ်၊ ကိုယ့်ရဲ့ ချစ်ခြင်းနဲ့ ပျိုးထောင်ထားတဲ့ အရာတွေကို သူများတွေကို လွှဲပြောင်းပေးရတယ်
အရင်တုန်းက ကျွန်တော် ပြောခဲ့ဖူးသလိုပါပဲ
Breeder တစ်ယောက်ဆိုတာ Science , Art ,Emotion , Time , Investment နဲ့ Life ကြီး တစ်ခုလုံးကို ထည့်ပြီးလုပ်ရတဲ့ အလုပ်ဆိုတော့ ခင်ဗျားတို့ ထင်နေသလို အရမ်းတော့ လွယ်ကူမနေဘူးပေါ့ဗျာ
ဥပမာ ပန်းချီဆရာတစ်ယောက်က ရက်တွေ၊ လတွေ အချိန်အကြာကြီး စိတ်နှစ်ပြီး ဆွဲထားရတဲ့ သူတို့ရဲ့ ပန်းချီကားတစ်ချပ်ကိုတော့ ငွေရရုံတစ်ခုတည်းကြည့်ပြီး ဘယ်ပန်းချီဆရာမှ ရောင်းချင်ကြမှာ မဟုတ်ပါဘူး
သူတို့ရဲ့ ဝါသနာနဲ့ သူတို့ရဲ့ ခံစားမှု အနုပညာကို လက်ဆင့်ကမ်းတယ်
ဝါသနာနဲ့ ဆက်လက်ရပ်တည်ဖို့အတွက် ပြန်ရလာတဲ့ ငွေကြေးကို သူတို့ရဲ့ နောက်ထပ် နောက်ထပ် ဖန်တီးမှုတွေ ပြုလုပ်ဖို့အတွက် အသုံးပြုကြတယ်
ထိုနည်းတူစွာပဲ ဘယ်အလုပ်မဆို နှစ်ကာလအချိန်ကြာ ရပ်တည်ဖို့အတွက်က ဝင်ငွေလေး ရှိမှ ကိုယ်လုပ်ချင်တာတွေကို ရေရှည်လုပ်ကိုင်လို့ ရပါမယ်
ဒါလေးတော့ နားလည်ပေးပါ မိတ်ဆွေ ..
ဝါသနာအရ Breeding လုပ်တာ ဟုတ်လား၊ မဟုတ်လားကတော့
ကျွန်တော့်ရဲ့ Sky Kennel လေးဟာဆိုရင် လာမယ့် ၂၀၂၈ မှာ အနှစ် ၂၀ ပြည့်လို့ ဆယ်စုနှစ် ၂ စု ရှိတော့မယ်
ကျွန်တော် အခုပြောခဲ့တဲ့ အကြောင်းအရာတွေက ကျွန်တော် ဖြတ်သန်းခဲ့တဲ့ အစစ်နဲ့ အမှန်တွေချည်းပါပဲ
အားပေးခဲ့တဲ့ တစ်ဦးတစ်ယောက်ချင်းစီတိုင်းကိုလဲ ကျေးဇူးတင်ပါတယ် 🙏
ဆက်လက်ပြီး အားဖြစ်စေချင်ရင်လည်း ပုံထဲက ကလေးမလေးကို အားပေးလို့ရပါတယ် 😁
𝐒𝐤𝐲 𝐊𝐞𝐧𝐧𝐞𝐥 (𝙨𝙞𝙣𝙘𝙚 𝟐𝟎𝟎𝟖)
𝟎𝟗 𝟕𝟖𝟗𝟓 𝟑𝟔𝟑𝟐𝟐
𝟎𝟗 𝟐𝟔 𝟑𝟖 𝟕𝟕𝟕𝟕𝟏
