Green Street Veterinary Practice

14/09/2026

Со цел зголемување на свесноста за потребите на бездомните животни, во соработка со неколку бизниси од Тетово, поставивме на неколку локации низ градот хранилки/поилки за животни.

Тие првично се наменети за бездомните животни, но и сите други може да ги користат.

09/09/2026

Се бара сериозен вдомувач за овој 2 годишен питбул. Многу е мил и позитивно настроен со луѓе.

19/08/2026

https://www.facebook.com/share/1DkznzkFup/

14/08/2026

Извештај за Бејби

Пред околу месец дена организиравме добротворна акција за собирање средства за оперирање на Бејби, кутрето со скршеници на двете задни нозе.

Првата одлична вест е што Бејби, нешиот херој, одлично го поднесе опоравувањето и како доказ може да ги видите најновите снимки од тоа како се движи (пробајте да погодите на последното видео кое од кутрињата е Бејби 😁).

Наредната недела ќе оди на контролна рентгенска снимка и после тоа ќе биде спремен за вдомување.

Втората одлична вест е што одзивот за собирање средства беше огромен. Се собраа средства и повеќе од доволно, а истите ќе се искористата за кастрација/стерилизација на братчињата и сестричките на Бејби.

Ви благодариме на сите кои на некој начин помогнавте, бидејќи направивте разлика, не за еден, туку за 5 невини животи.

П.С. Сите кутриња, вклучително и Бејби, континуирано примаат вакцини и третмани против надворешни и внатрешни паразити според стандардниот протокол.

Ви благодариме од сѐ срце! 🍀❤️


#спасзабејби

14/08/2026

12/08/2026

Додека вие мирно спиете, вашата мачка може да се бори секојдневно со овие мали, здодевни нешта. Ушната шуга е заразно заболување кај мачките, а особено е застапено кај помладите индивидуи.

Се манифестира со чешање во пределот на вратот и ушите, црвенило и темни наслаги во ушните канали, алергии и воспаленија и по други делови од кожата.

За прецизна дијагностика потребно е земање на брис од уво и микроскопско испитување на примерокот. Сликите и видеата се од наш денешен пациент кој само повремено се чешал по вратот.

11/08/2026

Се бара вдомувач за ова маче старо 3 месеци. Прочистено е од паразити, а ќе биде финансиски покриена и првата вакцина и стерилизација, кога ќе дојде времето.

Загарантирано е дека цело време ќе ве следи и ќе ви зборува (се буни за нешто 😆). А, да, и екстремно е мотивирано за храна и лакомо до немајкаде.

11/08/2026

Поради големата појава на случаи на срцев црв кај кучињата во Македонија, препорачливо е секое куче да се испита барем еднаш годишно и, доколку е негативно на срцев црв, да прими превентативен третман.

До крајот на септември имате можност да направите крвна слика, тест за срцев црв и превентативен третман за само 1000 ден.

Задолжително е претходно закажување на термин!