Авантурите на Оскар & The Adventures of Oskar

19/09/2026

После пливкање во море, следи природно сушење и сунчање , ама не ме намачкаа со тоа мачкалото , да не поцрнам троа малку 😉.зошто ќе сум станал Блеки 🤣

19/09/2026

12/09/2026

Калимерааааа !
Добро бе, добро ....ај добро утро!

Не ме карајте, јас сум само фин, се прилагодувам на средината 🙂

Ете утрово троа си дојдов на себе, одморен од пат, од шетање ( душа ми извадија синоќа- безобразни, усул да се немало), од пливкање во морската шир и длабочина и госпожата е во арните денес 🤣, па да напише нешто.

Па да почнам од почеток.
И годинава ми направија сапрајс....појма немав дека на море ќе ме носат. Последните денови многу ме возеа со кола и тоа Бога ми далечко, во друг град, и јас занесен од тоа возење не сум приметил кога овие двајцава носеле торби, разнесувале, пакувале... Само знам дека ме ставија во кола и тргнавме.
Само што госпожата не седеше со мене, се натопорила напред до газдата, брееееј .... па што...мислите дека ме исплаши ?
Не бе, услуга ми направи ...сам на целоооо задно седиште...па се местев те на една страна, те на друга страна ... дремев, спиев на раат...никој не ме малтретираше да ме слика, да ме гали, да ме тормози и гњави ...милина.

На првата пауза ме симнаа од кола, се протрчав лево- десно , да обележам територија де, тоа е так нормално ...кога гледам познати луѓе околу мене ...чичкото што многу сака да ме гали, ама јас го р'жам ( онака бе, од ќеиф), неговата госпожа која ко бајаги се плаши од мене, а " умира" од желба да ме погали( е на нејзе ќе и дозволам), друг чичко и госпожа кои да признам прв пат ги гледам , ама на први и други поглед ми се бендисаа.Таа госпожа вика дека многу се плашела од кучиња , абе ај ...прво јас сум милениче, второ помал сум од неа....нејсе, ќе ја скротам и неа 🙂. Непознатиот чичко не ме закача, ама милно ми се смешка...а добро е, ќе има разбирачка.
Е после некое време ете уште двајца познати човеци...чичкото што ме вика Блеки, а ја бел ко снег, и неговата госпожа која нежно ми се обраќа со Ооооскаааар 🤣.
Е добро, си реков ...ќе биде забавно кај и да одиме. За кратко време пак застанавме...слушам нешто дог, дог ...застанале двојца суртуци во чудни униформи и му зборат нешто сРански на газдата...гледам тој им го дава мојот пасош ....леле готово, се смрзнав...ќе ме остават, срценцето почна тупа-лупа, тупа- лупа ...па кога сум се разлајал, абе се дерам на цел глас по суртуцине ...замислете се насмевнаа и газдата тргна со колата и почнаа да се смеат заедно со госпожата.
Па добро бе, безобразни едни низаедни, зошто не ми кажавте дека тоа е граница?
Аааа шок голем доживеав, абе ќе им наплатам убаво, само да направам добар план...мме 🤣

Бесот, шокот и лутината ми помина кога водов кај ме донесоа.
Се познато, дворот, чичко Димитрис, тетка Граматула, иста соба, иста тераса, иста плажа ...скоро речи и исто друштво.
Да бе, Лефкада ...моја друга љубАв .

Доста е за денес, идам на плажа сега.
Следете ја следната епизода на Жолтко и Лутко...опсссс, следната епизода на авантурите на Оскар, односно на мене.

11/09/2026

На море доЏите, нема ајкула 🙂

10/09/2026

Дечки, знаете што?
Пак сум на море.
Да се пријавам де, да не ме мислите 😉
За тоа како си поминав по пат, и кај сум дојден, утре ќе ви раскажам.
А вие ( ако не ве мрзи) можете да погодувате кај сум дојден.
Еве ќе ви пуштам две- три сликички па гледајте, а јас идам да се комирам😴😴😴😴

23/06/2026

Што имаш на ум?
Ме прашува овој фацебук.
Сега после ноќна кратка, ама ептен кратка прошетка многу работи ми идат на ум.

Ви текнува ли на една книга " Рањени орао", не дека сум ја читал 😉, ама сум слушал, дури и на ТеВе-то ја имаше, па ѕиркав чат-пат.
Е сега јас сум ви рањени орао, али не од љубАв, туку од будалаштина.
Еееее ...кога немаш у глаата, имаш у нозете...не за џабе кажуеле старите.. има вистина, има..

Како на далеку познат ликсур, вчера за време на ручек , се натопорив на главна каса...не бе, на главна маса и си барам да ми дадат од нивното јадење. Не дека бев гладен, ееее си го слапав јас моето ручече, ама нели ликсур, стрвле, ...голема уста бара лапачка ...си барав уште.
А овие моиве и двајцата бе ..во еден глас: нема, не е ова за тебе , ајде доле симни се.
Де кај едниот, де кај другиот се умилкувам, трепкам, мафтам со опашот , они јок...не ме зарецкуваат. Се скаравме, се налутив ..и скокнав доле.
Како скокнав така ме здоболе предното ноџе , абе до срце ме здоболе, ај што ме здоболе туку гледам црвени капки околу мене. Лелеее што ќе беше ова, се вртам лево десно, капки крв околу мене. Се исплашив поштенски. Додека се вртев моиве скокнаа , газдата ме пипка, мене ме боли, госпожата трча да ме мие со нешто што ужасно пече, јас исплашен, ме боли ...ауууу војна , ржам, гризам, мафтам ...ме оставија на раат.
Се стуткав у ќош, сам си го исчистив ноџето, ама беља, не можам да застанам на него...лелеее боли бе , боли до лудило.
Нит јадење, нит пиење, нит мочкање ...не ми е сТрам бе , па не се стои на едно ноџе.
Маки големи истргав, цела ноќ ме болеше, око не сум затворил.
Денес газдата ме грабна во раце и правец кај чичко доктор.
А таму сите ме знаат ( дека нели сум лошко) , чичко доктор ме пречека: што стори сега , бељаџијо ?
Па ме прегледа, нема скршено ноџе, нема скинат нокт, ама има скинато перниче на шепата.
И така ми збибери две инекции и ме пушти да си одам дома.
И сега ми доаѓа на ум: ах бе Оскаре, за лапачка ноџе ќе искршеше, а можев и глаата да си ја дупнам.
Од утре ќе бидам умен, жими сФе.
Ај гуд најт.

13/06/2026

Јас, Лана и Луси
Прекраснотиии ❤️

13/06/2026

Ај добро утро, добар ден и нека биде среќен ден.
Мене убаво ми започна денов и сум многу, многу, ама премногу, препремногу среќен.
Е сега , пред да почнам да ви раскажувам, сакам нешто да ве прашам.

Сте го гледале ли филмот Кременковци?
Она ...таткото Кременко, па неговата госпожа Вилма , па неговите деца ...е нив ги заборавив како се викаат.

Е денес со особена гордост ( бре,бре - колку сум созреал, нели ?🤪) сакам да ви го претставам семејството Оскаровци.
Да бе, убаво прочитавте: семејство Оскаровци, а тоа значи само едно: татко Оскар, " госпожа" Лана и ќерка Луси.

После доооолго време сите заедно, радост не видена. Она малоно пуфче мое убаво, абе како да ви кажам, цела на мене....увцињата шаренки како моите, муцето исто како моето , а очињата ...маслинчиња , малку и на Лана заликуваат , ај да не бидам себичен 😉. А едно живо, пргаво...вода стои , тоа не стои.
Па ги слушам газдите на Лана и Луси и кажуваат на мојата госпожа ...Луси била многу лакома дури и на Лана и ја јадела храната- лелеее што ме потсеќа на некого 🤣, друго ...кога ја шетале се карала со сите ...и тоа ме потсеќа на некого, додуша јас сега не се карам со сите кога шетам, само со некој што не ми се допаѓа. Мала е уште, ќе ја научам како треба.
Инаку мојава госпожа им рече да ни ја пуштат Луси еден ден да ни биде гостинка. Ќе ја пуштат, знам ..осеЧам.
Леле уште веднаш испланирав како ќе ја пречекам...ќе и ги дадам моите играчки, ќе и дозволам да си легне во моето креветче, ќе и го покажам целото мое царство, па и од мојата лапачка ќе и дадам.
Едвај чекам.
Видете ги сега моите лепотици и кажете дека сум во право за моја Луси.
Ај чао за сега😘

03/06/2026

Како беше она: што се прави после ручек?

Па се спие бе, нормално па макар и со отворени очи, што има тука чудно😉

После добра лапачка следи све четири у вис, а ти госпожа си безобразна скроз, ама ќе те начекам , Че видиш ти .

Гледајте ја следната епизода од емисијата Жолтко и Лутко ...чекај што ....не бе, не ....треба : читајте ја следната авантура на Оскар 😘