17/01/2026
📌 МАЧЕШКА ВИРУСНА ИМУНОДЕФИЦИЕНЦИЈА (FIV)‼️
📌 Ова е многу тешка и заразна болест кај мачките. Овој вирус е од иста фамилија како вирусот на сида кај луѓето (HIV-Humane Imunodeficiency Virus) и е многу сличен по епидемиологијата и по симптомите на болеста. Иако вирусот е сличен на човечкиот ХИВ, тој е видово специфичен и не претставува ризик за луѓето.
📌 FIV се излачува преку плунката на заболената мачка и најчест начин на пренесување е преку угризни рани.
📌 Прва - акутна фаза на инфекцијата
Првата фаза почнува 4-6 недели после контактот со заболената мачка, се карактеризира со слаб апетит, висока температура, отекување на лифните јазли, дијареа, воспалителни промени на кожата.
📌 Втора фаза – асимптоматска , латентна фаза.
Оваа фаза не е проследена апсолутно со никакви симптоми и може да трае со месеци или години.
📌 Трета фаза - хронична терминална фаза.
Се карактеризира со најразлични симптоми затоа што доаѓаат од секундарните инфекции.
Симптоми кои се јавуваат се прогресивен губиток на тежината, хронични бактеријски инфекции кои не реагираат на антибиотици, висока температура, зголемени лимфни јазли. Во усната празнина се јавуваат рани, воспалителни процеси на гингивите и устата. Симптоми на горните респираторни патишта се гноен исцедок од носот, кашлица, знакови на пнеумонија, симптоми на гастроинтестиналниот тракт, акутна и хронична дијареа. На кожата се јавуваат апцеси, гнојно воспалување на ушите и воспалување на целата кожа. Кај некои мачки се јавуваат и хронични проблеми со уринарниот тракт. Ретки се промените на централниот нервен систем. Голем е процентот на појава на тумори‼️
📌 Откако мачката ќе се инфицира со FIV, вирусот останува во нејзиното тело засекогаш.
Ветеринарен Центар Vito Vet
