Sanae Cats ٢

09/08/2026

هاد القطيطة صغيرة ماتت ماماها بقات بوحدها صورها غي واحد السيد ساكن تما يلا بغا شي حد يتبناها الله يجازيكم بالخير راه مكرفصة فالزنقة وغي خايفة يلاه عندها شهرين اللي بغا يتبناها نشوفو اللي يوصلها مدينة تيطوان

08/08/2026

هاد القطيط يمكن شي حد عاد رماه فالزنقة حيث القط نقيقي والسيد اللي لقاه قالي اول مرة يشوفو فالحومة القطيط مسكين عندو غي عوينة وحدة يلا بغا شي حد يتبناه الله يجازيكم بالخير راه غي خايف وكيغوت كنتمنى تبناوه را ماشاء الله كيحمق وحنين بزاف مدينة #فاس

07/08/2026

هاد القطيط صيفتناه للطبيب 4 ايام وهوما معلقيلو سيروم وكيحاولو معاه باش يعيش ولكن فالاخير مات كانت مسكين حالتو دالموت كان غي سخفان ومكيتحركش كنت بغيتو يعيش ولكن مكتابش ربي بغاه الله يرحمو مشا فين يرتاح 🥺

05/08/2026

هاد القط من نوع بيرسيان لقاتو واحد السيدة يمكن ماليه تخلاو عليه ولا راه هرب الله وأعلم المهم أنا حطيتو للتبني يلا شي حد بغا يتبناه غادي نعطيوه لشي وحدة اللي غادي تهلا فيه ومغاديش تخلا عليه واللي غتكون قد المسؤولية المهم السيدة دابا دخلاتو عندها باش ميبقاش فالزنقة ومغتعطيهش للتبني حتى غادي يتعقم القط كاين ف #قنيطرة ويلا بغاه شي حد ف #الرباط ولا حتى #فاس كاين اللي غادي يوصلو

04/08/2026

هاد القطيط صيفتو للطبيب كثر من سيمانة وهو كيتعالج مسكين كان عندو انفيكسيو فجنب دوجهو داك بلاصة جيهت عينو كانت منفوخة بزاف ومقيحة وحتى فمو مريض وبحالي عوج شوية المهم الحمد الله دابا راه تعالج وداك البلاصة دارولها ليزر وراه تجمعات كاملة دابا القطيط خاس يخرج من الطبيب وخاس شي حد يتبناه ولا غي شي حد يدير هاد الخير يقابلو حتى يبرا مزيان كنتمنى شي حد يشدو عندو مسكين بقا فيا يرجع للزنقة مدينة فاس

03/08/2026

هاد القطيطة مسكينة عمياء وعينيها مراض بزاف وخامجين وراه مسكينة قاطعة الماكلة وحتى الخروج ديالها مدارتوش يمكن معصومة يلا بغا شي حد يتكلف بالعلاج ديالها السيدة اللي لقاتها توصلها للطبيب راه مسكينة كتموت خاس تعتق فاقرب وقت وخاس حتى شي حد اللي يتبناها مخاسش تبقى فالزنقةوهي عمياء مدينة #فاس

01/08/2026

حالة مستعجلة في مدينة فاس

هاد القط طاح من الطابق التالت و تخبع ف واحد الدار ماليها سافرو 20 يوم و هو مسدود عليه بلا ماكلة، يمكن تهرس حيث كيوقف وكيطيح وكيعرج برجليه و ماكايبغيش ياكل واخا ولا رقيق بزاف لدرجة العضومة ديالو باينين، فمو مقيح واقيلة فيه حتى كاليسي ،القطيط راه كيتعدب مسكين يلا بغا شي حد يتكلف ليه بالعلاج نصيفطوه للطبيب دابا خاس يتعتق فاقرب وقت حيث راه مبقاش يتحرك يمكن تشلل مدينة فاس

29/07/2026

قط #للتبني
هاد القطيط صيفطناه للطبيب كثر من سيمانة دابا وهو كيتعالج على حساب جيهت المخرج ديالو مسلوخ راه كيديرولو ليزر يوميا و غادي يعقموه حيث داك بلاصة تعفنات بزاف والمهم راه دارولو التحاليل مسكين لقوم الكبدة ديالو مريضة بزاف حاليا كيعتيوه اكل خاص بالكبد دابا راه مازال عندهم حتى يبرا مزيان وراه فيتعلم من بعد يغسلولو دابا أنا بارتاجيتو يلا بغا شي حد يتبناه ولا شي حد يشدو لينا مؤقتا حتى يبرا مزيان ميمكنش يرجع مسكين للزنقة وهو فهاد الحالة كنتمنى شي حد يتبناه راه مبقالوش بزاف ويخرج من الطبيب مدينة فاس

25/07/2026

24/07/2026

القطيطة مسكينة ماتت هادي تقريبا سيمانة باش صيفتها للطبيب واخا قالولي راه معندهاش العلاج راه غتموت واخا هكاك خليناها فالطبيب على الاقل قلنا يلا ماتت تموت فبلاصة نقية وتموت واكلة ماشي مكرفصة فالزنقة المهم خليناها فالطبيب على امل تعيش كان قالنا الطبيب يلا عاشت نديرلها العملية ولكن مكتابش البارح فالليل ماتت كنت كل نهار كنعيط نسول فيها ويصوروهالي كتاكل غي باش نطمنو عليها القطيطة مقطعاتش الماكلة كانت يوميا كتاكل ولكن السرطان غلب عليها الله يرحمها مسكينة كنت بغيتها تعيش ولكن مكتابش ربي بغاها 🥺