Heiðarbóls labrador

18/10/2026

Veiðinefnd lauk veiðiprófstímabilinu í gær 17.október með Meistaramótinu sem haldið var við Sólheimakot.

Þetta er skemmtilegur siður og gefur tækifæri til að taka létt óformlegt próf þar sem hundum er skipt í tvo flokka, minnavanir og meira vanir.

Dómarar í gær voru Halldór Björnsson og Guðlaugur Guðmundsson og settu þeir upp krefjandi próf og gáfu hundum stig eftir árangri á hverri stöð. Stig og árangur er hægt að sjá á heimasíðu Retriever deildar HRFÍ.

Prófstjórar voru Gísli Már Árnasonog Vidir Lar og Dagný Hinriksdóttir var með þeim í skipulagningu og undirbúningi.

Ég tók þátt með Heiðarbóls Dimmu í meira vönum og Heiðarbóls Esju í minna vönum. Einnig var Ásmundur Guðnason með Heiðarbóls Ösku og Þórhallur Atlason Tóti með Birtu Höfða Réttaholts Eldingu og Birtu Corgeus Réttarholts Þrumu í minna vönum. Við höfum verið að æfa saman og stutt hvorn annan í sportinu.

Öllum þessum hundum gekk mjög vel í gær og kláruðu sig vel af með þetta verkefni. Dimma var í fyrsta sæti í meira vönum og fór því heim með farandbikarinn í annað sinn.

Esja og Elding voru í öðru sæti jafnar í minna vanir, Þruma í 3 sæti og Aska í 4 sæti en það eru veitt verðlaun fyrir fyrstu 3 sætin.

Á lokahófinu um kvöldið voru veitt verðlaun fyrir stigahæsta hund á veiðiprófum sumarsins og eins fyrir stigahæstu hunda í hverjum flokki.

Stigahæsti hundur á veiðiprófum var:
• BFLW-23 OFLW-24 Drakeshead Fisk Of Leacaz í eigu Sigurmon Marvin Hreinsson og pabbi hvolpana í síðasta goti hjá okkur.
•
Stigahæsti hundur í OFL var:
• BFLW-26 OFLW-26 Heiðarbóls Esja, hún er jafnframt fyrsti hundurinn sem nær þessum tveimur nafnbótum á sama ári og fyrir 2 ára aldur, eins lauk hún tímabilinu í 3 sæti yfir stigahæstu hunda á veiðiprófum.
•
Stigahæstu hundar í BFL voru 3 með jafnmörg stig:
• Heiðarbóls Aska, eigandi og stjórnandi Ásmundur Guðnason
• Heiðarbóls Iða, eigandi og stjórnandi Gylfi Kristjánsson
• Kolkuós Örk, eigandi Sigurmon M. Hreinsson, stjórnandi Þuríður Elín Geirsdóttir

Þetta sumar hefur verið virkilega skemmtilegt hjá okkur í Heiðarbólsræktun og árangur eigenda og hunda frá okkur verið einstaklega góður. Við erum þakklát hvolpaeigendum að leggja svona mikla rækt við starfið og vitum að það eru aðrir eigendur ekki síðri sem vinna vel með sínum hundum á þeim sviðum sem á við.

Kærar þakkir enn og aftur til Retrieverdeildar HRFÍ og veiðinefndar fyrir skipulag og utanumhald á starfinu. Án þessa bakgrunnar væri erfitt að stunda þetta sport ef ekki ómögulegt. Dómarar vinna óeigingjarnt starf sem oft er gagnrýnt af ósekju eða ekki og eiga þakkir fyrir. Prófstjórar, fulltrúar og allt hjálparfólkið fyrir að skap umgjörð og aðstæður.

Nú er veiðin frammundan og að sjálfsögðu æfingar og viðhald á hundum til að gera sig klár í næsta verkefni.

Heiðarbóls hundar eru á fóðri frá Uniq sem fæst í Dýralíf

Dýralíf
UniQ Foods - For uniq dogs

05/09/2026

05/09/2026

Þessi tvö áttu góðan dag á síðasta veiðiprófi ársins sem haldið var við Blönduós.

Krefjandi próf og 1. einkunn.

Við höfum skilað 1. einkunn 6 sinnum í ár, þrisvar í BFL og þrisvar í OFL.

Þessi árangur gefur okkur tvo árstitla í ár. BFLW-26 og OFLW-26.

Heiðarbóls Esja er fyrsti hundur til að ná þessum árangri þ.e. að ná bæði BFLW og OFLW sama árið og er aðeins 22 mánaða.

Elska að vinna með henni

Þakka öllum sem hafa komið að prófum sumarsins: Dómurum, veiðinefnd, stjórn, prófstjórum og öllum sem lagt hafa fram vinnu á prófum.

Esja er á Uniq hundafóðri sem fæst í Dýralíf

Dýralíf
UniQ Foods - For uniq dogs

19/08/2026

20 júlí fæddust 9 hvolpar undan hundinum okkar veiðimeistaranum ISFTCH Huntingmate Atlasi og tíkinni Tíu. (Pílu)

Hér má finna ættir foreldra.
BFLW-19, OFLW-20 ISFTCH Atlas https://data.retriever.is/DogProfile.asp?pedID=1569478550
Tía: https://data.retriever.is/DogProfile.asp?pedID=-1055311398

Upplýsingar er að finna hjá ræktendum og má meðal annars finna undir Píluhvolpar á instagramm https://www.instagram.com/piluhvolpar/

eins að hafa samband við Elías í síma 6628741

18/08/2026

Námskeið fyrir retriever hunda.
Heiðarbólslabrador stendur fyrir námskeiðum í september og október fyrir retrieverhunda. Kennari verður Heiðar Sveinsson

Annarsvegar er um að ræða byrjendanámskeið, miðað er við að hundar séu 7 mánaða eða eldri og ekki fengið þjálfun fyrir veiði eða sækiþjálfun.

Hinsvegar er retriever námskeið sem ég kalla 1.fasa fyrir hunda sem hafa fengið grunnþjálfun.

Námskeiðin verða á þriðjudagskvöldum fyrstu tímar og færast svo á sunnudags eftirmiðdag. og fyrsti tími verður 08. september kl.17.30, lengra komnir eru svo seinna um kvöldið. Tímar geta breyst eftir aðsókn og/eða aðstæðum.

Námskeið fyrir lengra komna (2.fasi) er líka í burðarliðnum og eru þeir sem hafa áhuga hvattir til að senda inn umsókn. Líklegast verða þau á mánudagskvöldum framan af meðan bjart verður svo sunnudagar.

Bíð einnig uppá einkatíma í samráði við hvern og einn.

Hef unnið markvisst með retrieverhunda í 19 ár og verið virkur þátttakandi í veiðiprófum, sótt námskeið og sinnt námskeiðshaldi ásamt því að lesa mér til og sinna þjálfun af metnaði.

Nota hundana mína við veiði og miðast námskeiðið við eðli retriever hunda og að vinna með það.

Námskeiðið er 6 tímar og 1,5-2 tímar eftir verkefnum og aðsókn.
Verð kr.40.000,-

Námskeiðin verða haldin í nágrenni Reykjavíkur.

Vinsamlega staðfestið þáttöku í skilaboðum eða í síma 8255219
Heiðar Sveinsson

09/08/2026

Það var viðburðaríkur dagur fyrir Heiðarbóls hunda á nýjunda veiðiprófi sumarsins sem haldið var við Berjaklöpp í Eyjafirði laugardaginn 8.ágúst.

Frábær aðsókn var að prófinu og alls voru 10 hundar í BFL og 3 hundar í OFL skráðir til leiks. Af þessum 13 hundum voru þær Heiðarbóls systur Aska, Móa og Iða skráðar í BFL og Esja í OFL. Að auki voru 3 hundar skráðir undan Heiðarbóls Max, Yrsa í OFL, Lúna og Hektor í BFL.

Margrét Pétursdóttir setti upp krefjandi og skemmtileg próf í báðum flokkum og keyrði prófið vel áfram sem var til fyrirmyndar.

Aska, Móa og Iða fengu allar 1.einkunn og eins Lúna, Hektor og Yrsa og skiluðu flottu prófi með sínum stjórnendum. Við Esja áttum ekki okkar besta dag, Esja tók uppá því að taka ekki máv í prófinu og það er ekki ásættanlegt og við förum því heim með 3.einkunn og verkefni til að vinna í. Hún var fyrir þetta próf búin að taka 5 1.einkunnir í röð, 3 í BFL og 2 í OFL.

Ásmundur og Aska eru búin að vinna sér rétt til að sækja um BFLW-26 og eins Gylfi og Iða sem hafa einnig náð þeim áfanga. Fyrr á þessu ári náðum við Esja þessum áfanga, það eru því komnir 3 hundar úr síðasta goti með þessa nafnbót sem við erum afar stolt af og þakklát eigendum. Hilmar Valur og Móa voru i sínu fyrsta veiðipróf og með flotta 1.einkunn.

Hektor, Lúna og Yrsa skiluðu allar frábæru prófi og hlutu 1.einkunn. stjórnendur Sigurður B Sigurðsson með Hektor og Lúnu og Hlynur Már Jónsson með Yrsu

Það er sem okkur efst í huga þakklæti til allra þeirra sem koma að sjálfboðastarfi til að við getum tekið þátt í þessu áhugamáli okkar. Prófstjórar, dómari, fulltrúi HRFÍ ásamt starfsfólki og staðarhöldurum fá mikar þakkir fyrir skemmtilegan dag og umgjörð.

Dýralíf
UniQ Foods - For uniq dogs

09/07/2026

Fór sem áhorfandi á veiðipróf í kvöld.
5 hundar voru prófaðir í byrjendaflokki BFL. Allt flottir vinnuhundar og 4 hlutu 1. einkunn fyrir sína vinnu.

Einn Heiðarbólshundur var í prófi. Ásmundur Guðnason var með Heiðarbóls Ösku og náði 1.einkunn í þriðja sinn í sumar. Frábær árangur.

Æfingarfélagi okkar og vinur Þórhallur Atlason Tóti var með Birtu Höfða Réttarholts Eldingu í sínu þriðja prófi í ár og fékk sína 3 fyrstu einkunn og jafnframt getur hann sótt um nafnbótina BFLW-26.

Til hamingju öll með ykkar hunda

Réttarholts ræktun - Labrador

21/06/2026

Fór sem áhorfandi í dag á veiðipróf Retrieverdeildar sem haldið var við Berjaklöpp í Eyjafirði.
Það voru 11 hundar í prófi og þar af tveir Heiðarbóls hundar úr síðasta goti, þ.e. fæddir 28.október 2024 og því að verða 20 mánaða.
Kjartan I. Lorange var dómari og setti upp mjög skemmtileg próf í báðum flokkum sem var prófað í og var öll umgjörð til mikillar fyrirmyndar hjá norðanfólki og starfsfólki.

Ásmundur Guðnason var með Heiðarbóls Ösku í 3 prófi sumarsins og lauk prófi með flotta 1.einkunn.
Gylfi Kristjánsson var líka með Heiðarbóls Iðu í 3. prófi sumarsins og kláraði líkal flotta 1.einkunn.
Til hamingju með ykkar hunda.

Sigurmon Marvin Hreinsson með Kolkuós ræktun á Drakeshead Fisk Of Leacaz sem er pabbi þessa Heiðarbóls gots. Hann var í prófinu í dag og fékk 1.einkunn í ÚFL-b. tveir hundar aðrir undan Fisk voru einnig á prófinu, Kolkuós Örk og Kolkuós Özil. Þeir voru einnig með 1.einkunn og því var tekin mynd með Fisk og afkvæmum. Fisk var einnig sigahæsti hundur helgarinnar og hlaut Ljósavíkur bikarinn.

11 hundar í prófi í dag og allir með einkunn, úrslit má finna á síðu Retriever deildar undir veiðipróf og velja dagsetninguna 21.06.2026

Takk fyrir frábæran dag og til hamingju öll með hundana ykkar.

19/06/2026

Er staddur á Akureyri með Esju og Dimmu, það gefst ekki mikill tími til æfinga, hér í kring eru frábærar aðstæður til að æfa. Ekki síst sóknir í brekkum og giljum.

Í gegnum árin hef ég haft gaman að því að æfa hundana mína í að fara í línur niður gil og upp og vinn mikið með það að þeir fari beint. Oftast legg ég út með þeim og þó ég fari ekki beina leið, vita þeir að eitthvað er úti.

Í þetta sinn vissi Esja ekkert af dummy hinu megin og gilið er inn í Glerárdal innan við skotsvæðið. Mjög bratt beggja megin.

Við eigum verk að vinna en ég er sáttur við 20 mánaða dömuna, mikill kraftur og lætur einstaklega vel að stjórn, beygði aðeins af línunni undan landslaginu þegar hún kom uppá brúnina. Næsta sókn var þráðbein.

Bara létt innlegg í æfingar fyrir áhugasama.

06/06/2026

Í dag var haldið fimmta veiðipróf sumarsins við Tjarnhóla og tveir Heiðarbólshundar að taka þátt.
Ásmundur Guðnason tók þátt í BFL (byrendaflokki) með Heiðarbóls Ösku og hlutu þau 1.einkunn.
Arnbergur Þorvaldsson tók þátt í OFL (opinn flokkur) með Heiðarbóls Stjörnu í Hönnuhúsi, þau hlutu 2.einkunn.

Frábær árangur hjá þeim köppum, til hamingju.

Hrútakofinn Hrútakofinn
Dýralíf