Mörg gæludýr eiga erfitt með bílferðir eða líður illa í kringum önnur dýr og einnig er fjöldi fólks sem hefur ekki tök á að koma með gæludýr sitt til dýralæknis. Þá hentar oft best að fá dýralækni heim. Dýralæknaþjónusta Antoníu býður upp á persónulega og faglega gæludýraþjónustu á sanngjörnu verði sem framkvæmd er á þínu heimili þar sem dýrunum líður best. Um er að ræða árlegar heilsufarsskoðanir
, bólusetningar og ormahreinsanir, augn- og eyrnaskoðun, tryggingarskoðun, minniháttar sárameðhöndlun og samskonar þjónustu sem veitt er í komutímum á dýralæknastofu. Einnig er boðið upp á kettlinga- og hvolpaskoðun og örmerkingar. Dýralæknaþjónustan sinnir einnig heimaaflífun sé þess óskað. Þá fá eigendur að kveðja gæludýrið sitt í sínu umhverfi og geta einnig fengið loppufar sem minjagrip. Antonía Hermannsdóttir er stofnandi og eigandi Dýralæknaþjónustu Antoníu. Hún útskrifaðist sem dýralæknir árið 2018 frá University of Veterinary Medicine and Pharmacy í Kosice í Slóvakíu. Eftir útskrift bjó hún og starfaði í Bergen í Noregi sem dýralæknir á smádýrastofu, fyrir bændur og hestamenn. Árið 2021 flutti fjölskyldan til Íslands og starfaði Antonía á Dýralæknastofu Mosfellsbæjar um stund. Antonía er alin upp í Kjós og hefur einstaka umhyggju fyrir velferð dýra.
