Indian Fantail LOFT

27/03/2019

27/03/2019

05/07/2018

*NATIONAL PIGEON ASSOCIATION OF INDIA*

♦ *എന്താണ് NPA?*
1920-ൽ സ്ഥാപിതമായ നാഷണൽ പിജിയൺ അസോസിയേഷൻ ഒരു അന്താരാഷ്ട്ര അംഗത്വമുള്ള ഒരു പിജിയൻ ക്ലബ്ബാണ്.
സ്വന്തമായൊരു ബ്രീഡ് സ്റ്റാൻഡേർഡ് നിശ്ചയിച്ച് അത് പ്രാവ് ലോകത്തിനു മുന്നിൽ എത്തിക്കാനും പ്രാവുകളുടെ ക്വാളിറ്റി ഡെവലപ് ചെയ്യാനും, മറ്റുള്ളവർക്ക് അംഗീകാരം നേടാനും, പ്രാവ് ലോകം ഉറ്റുനോക്കുന്ന ഷോകൾ, സെമിനാറുകൾ, മാഗസിനുകൾ ചെയ്യുന്ന കരുത്തുള്ള ഒരു ശക്തി അല്ലെങ്കിൽ ഒരു strong platform ആണ്."
ഉദാ ÷ *Australia,Great Britian,Belgium,America* അതിൽ ചിലത് മാത്രം.

♦ *എന്താണ് നമ്മുടെ NPA?*
"മുകളിൽ പറഞ്ഞ പ്രവർത്തനങ്ങളും, ലക്ഷ്യങ്ങളും, കൂടാതെ പ്രാവ് കർഷകരുടെ അവകാശങ്ങൾ നേടിയെടുക്കാൻ ബന്ധപ്പെട്ട അധികാരികളുടെ മുൻപിൽ പശു,ആട്,കോഴി & മത്സ്യം കർഷകരുടെ പോലെ തന്നെ പ്രാവും മികച്ച തൊഴിൽ സാധ്യതയുള്ള മേഖലയാണെന്നും, ഈ മേഖലയിൽ ഒരുപാട് കർഷകർ ഇന്ത്യ മുഴുവൻ ബന്ധപ്പെട്ടിരിക്കുകയാണെന്നും അവർക്കുള്ള ആനുകൂല്യങ്ങളും മറ്റും മറ്റുളള കാർഷിക മേഖലക്ക് കിട്ടുന്ന പോലെ തങ്ങൾക്കും അവകാശപ്പെട്ടതാണ് എന്ന് അവരെ മനസ്സിലാക്കി അത് നേടിയെടുക്കാനുള്ള ശ്രമങ്ങൾ.
അതുപോലെ മറ്റുളള അംഗീകൃത *NPA* കളുടെ നല്ല വശങ്ങൾ മാത്രം ഉൾപ്പെടുത്തി (Breed Standards, Seminars & Pigeons Shows & Magazines etc..) കൂടെ നമ്മുടെ തനതായ പുതിയ ആശയങ്ങളും കോർത്തിണക്കി ഒരു പുതിയ സംഘടന.
ഇതിനെല്ലാം ഉപരിയായി, ഇന്ത്യയിലെ പ്രാവിനങ്ങളെ സ്വന്തമായ ബ്രീഡ് സ്റ്റാൻഡേർഡ് നിശ്ചയിച്ചു ആഗോളതലത്തിൽ പരിചയപ്പെടുത്തുക. അതിനായി ഇന്ത്യയിലെ തന്നെ പ്രശസ്തരായ പരിചയസമ്പത്തുള്ള ബ്രീഡേഴ്സിനെ ഉൾപ്പെടുത്തി ഇന്ത്യൻ പീജിയൻ ബ്രീഡ് സ്റ്റാൻഡേർഡ് അതോറിറ്റി രൂപീകരിക്കുക.
വളരെ തുച്ഛമായ മെമ്പർഷിപ്പ് ഫീസ് ഈടാക്കി പ്രാവ് സ്നേഹികളെ ഒരുമിപ്പിച്ച് സംഘടിപ്പിച്ച് നിർത്തുക എന്നതാണ് നമ്മുടെ *NPA* യുടെ ഉദ്ദേശ്യലക്ഷ്യം.

♦ *നമ്മൾ ഇപ്പോൾ എവിടെ നിൽക്കുന്നു!*
"1920 നിന്ന് 2018 ലേക്ക് കടക്കുമ്പോൾ അതായത് നൂറുവർഷങ്ങൾ ആയതിനു ശേഷമാണ് ഇന്ത്യയിൽ നാഷണൽ പീജിയൺ അസോസിയേഷൻ എന്നൊരു പേരിൽ ഒരു സംഘടന രൂപീകൃതമാകുന്നത്".
നമ്മുടെ നാട്ടിലെ പ്രാവ് ജനുസ്സുകളുടെ ഗുണനിലവാരവും, അവരെ തെരഞ്ഞെടുക്കുന്നതിലും, ബ്രീഡ് ചെയ്യുന്നതിലും ജനിതക സംബന്ധമായും അറിവിലും, അവരുടെ ആരോഗ്യകാര്യങ്ങളിലും നമ്മുടേതായ വൈദഗ്ധ്യം വിദേശരാജ്യങ്ങളിലെ പ്രാവ് വളർത്തുകാരെ വെച്ചുനോക്കുമ്പോൾ നമ്മൾ ഏറെ പിന്നോട്ടാണ്. ഇതിനെല്ലാം ഒരു മാറ്റം സംഭവിക്കുവാൻ ഉള്ള ശ്രമം ആയിരിക്കണം ഒരു പുതിയ സംഘടന.

♦ *NPA-America യുമായി നമുക്കെന്തെങ്കിലും ബന്ധമുണ്ടോ അതായത് ഏതെങ്കിലും തരത്തിലുള്ള അഫിലിയേഷൻ നമ്മൾ അവരിൽ നിന്ന് എടുത്തിട്ടുണ്ടോ?*
👉🏻"തീർച്ചയായും ഇല്ല". ഇത് ഇന്ത്യയെ പ്രതിനിധീകരിക്കുന്ന നമ്മുടെ രാജ്യത്തിന്റെ ജീവിത സാഹചര്യത്തിനനുസരിച്ചുളള സംഘടന മാത്രമാണ് നമ്മുടെ *"NPA - IND"*, എങ്കിലും വിദേശരാജ്യങ്ങളിലെ *NPA* യിലെ ഏറ്റവും നല്ല വശങ്ങൾ മാത്രം ഉൾപ്പെടുത്തി നമ്മുടെ രാജ്യത്തിന്റെ സാഹചര്യത്തിന് അനുസൃതമായി രൂപീകരിച്ചതാണ് . സാമ്പത്തികമായി മുന്നോക്കം നിൽക്കുന്ന വിദേശരാജ്യങ്ങളിലെ പ്രാവ് സ്നേഹികൾ വെറുമൊരു ഹോബി മാത്രമായിട്ടാണ് പ്രാവ് വളർത്തലിനെ കാണുന്നത്, എന്നാൽ ഇന്ത്യയിൽ ഒട്ടനേകം പ്രാവ് സ്നേഹികൾ ഇതിനെ ഒരു ജീവിതമാർഗ്ഗം ആയിട്ടുകൂടി കാണുന്നു. അയതിനാൽ അതിനും കൂടി ഊന്നൽ കൊടുത്തിട്ടുള്ള രീതിയിലാണ് നമ്മൾ ഈ സംഘടന രൂപീകരിച്ചിട്ടുള്ളത്.

1⃣ *എന്താണ് സംഘടന?*
A. ഒരേ ആശയങ്ങൾ പങ്കുവെക്കുന്നവരുടെ ഒരു കൂട്ടായമയാണ് സംഘടന. വിമർശിക്കാനും സ്വയ വിമർശനം നടത്താനുള്ള വേദിയായും, ഭിന്നിച്ചു നിൽക്കുന്നവരെ ഒന്നിപ്പിക്കാൻ കൂടി ഉള്ളതാണ് സംഘടന. തനത് മേഘലയിൽ ഉള്ളവരുടെ അടിസ്ഥാന പ്രശ്നങ്ങൾ മനസിലാക്കി അതിനനുസരിച്ചുള്ള തിരുമാനങ്ങൾ എടുത്ത് ഒത്തൊരുമിച്ച് പ്രവർത്തിക്കാനാണ് സംഘടന.
2⃣ *എന്തിനാണ് സംഘടന?*
A. ഈ കൂട്ടായ്മയുടെ അവകാശങ്ങൾ നേടി എടുക്കുന്നതിനും, ഈ ആശയങ്ങൾ മറ്റുള്ളവരിലേക്ക് എത്തിക്കുന്നതിനും ആണ് സംഘടന. ഒരു ആവശ്യകതയ്ക്കൊപ്പം അല്ലെങ്കിൽ കൂട്ടായ ലക്ഷ്യങ്ങൾ പിന്തുടരാൻ വേണ്ടിയാണ് സംഘടന.
3⃣ *സംഘടനയിൽ അംഗമായാൽ എനിക്ക് എന്തു നേട്ടം?*
A.▪സ്വന്തം അറിവുകൾ പങ്കുവെക്കാനും ,പുതിയ അറിവുകൾ നേടാനും, അതു വഴി സ്വയം മെച്ചപ്പെടുവാനും, അറിയപ്പെടുവാനും, ലോകോത്താര നിലവാരത്തിലേക്ക് ഉയരാനും സാധിക്കുന്നു.
▪പുതിയ ഒരു സുഹൃത്ബന്ധം സൃഷ്ടിക്കപ്പെടുന്നു അതുമൂലം സ്വന്തം പ്രാവുകളുടെ ജനുസ് അപ്ഗ്രേഡ് ചെയ്യാനും തന്മൂലം വിപണിയിൽ തൻറെതായ സ്ഥാനം സൃഷ്ടിക്കപ്പെടാനും സാധിക്കുന്നു.
▪സംഘടനയ്ക്ക് ഗവൺമെന്റ് തലത്തിൽ നിന്ന് കിട്ടുന്ന നേട്ടങ്ങൾ ലഭിച്ചാൽ അത് കൈപ്പറ്റുന്നതിനുള്ള അവസരങ്ങൾ.
4⃣ *ക്ലബ്ബും സംഘടനയും തമ്മിലുള്ള പൊതുവായ വ്യത്യാസമെന്ത്?*
A.▪ക്ലബ് ഒരു വിഷയത്തിൽ മാത്രം ശ്രദ്ധ കേന്ദ്രീകരിക്കുബോൾ. സംഘടന മറ്റു പൊതു കാര്യങ്ങളിൽ കൂടി ഇടപെടുന്നു.
▪തികച്ചും ജനാധിപത്യ രീതിയിലുള്ള പ്രവർത്തനങ്ങൾ മാത്രമായിരിക്കും സംഘടനയിൽ ഉണ്ടാകുക.
5⃣ *ഒരുപാട് പ്രാവിന്റെ ക്ലബ്ബുകൾ അല്ലെങ്കിൽ സൊസൈറ്റികൾ കേരളത്തിൽ or ഇന്ത്യയിൽ ഉണ്ട് ഇനിയെന്തിനു പുതിയ ഒരു സംഘടന ?*
A.▪ഇവ എല്ലാം തന്നെ വിപണനവും പ്രദർശനവും ആയി ഒതുങ്ങുന്നു. അതിൽ നിന്ന് മാറി ചിന്തിച്ച്. ഇവരെ കർഷകരായി കണ്ട് ഗവണ്മെന്റ് തലത്തിൽ അംഗീകാരം നേടിയെടുത്ത് ഇന്റെർനാഷണൽ തലത്തിൽ ഈ ബ്രീഡർക്ക് അവന്റെ ഉത്പന്നം കയറ്റുമതി ചെയ്യാനും അവനു വേണ്ടവ ഇറക്കുമതി ചെയ്യാനും ഉള്ള അവകാശങ്ങൾ കൂടി നേടി എടുക്കാൻ ഈ സംഘടന ലക്ഷ്യമിടുന്നു.
▪വലിപ്പച്ചെറുപ്പമില്ലാതെ എല്ലാ പ്രാവ് സ്നേഹികളെയും ഏകോപിപ്പിച്ച് ഒരേ രീതിയിലുള്ള സ്നേഹവും, കരുതലും ഒപ്പം പക്ഷാഭേദമില്ലാതെ പെരുമാറുവാനും സംഘടന ഉദ്ദേശിക്കുന്നു.
6⃣ *പ്രാവിനേയും പ്രാവ് കർഷകരുടെയും നേട്ടങ്ങൾക്ക് വേണ്ടി ഈ സംഘടന എന്തെല്ലാം ചെയ്യും? നിങ്ങളുടെ പ്രധാനലക്ഷ്യങ്ങൾ എന്തെല്ലാമാണ് ?*
A. ഗവണ്മെന്റ്‌ തലത്തിൽ പ്രാവ് വളർത്തലുകാരെ കർക്ഷകരായി അംഗീകരിപ്പിച്ച് അവരുടെ അവകാശങ്ങൾ നേടികൊടുക്കാൻ സംഘടന ലക്ഷ്യമിടുന്നു.
▪പ്രാവ് സ്നേഹികൾ തമ്മിൽ നല്ല ബന്ധങ്ങൾ വളർത്തി എടുക്കുക.
▪അവരുടെ അവകാശങ്ങൾ സർക്കാരിൽ നിന്ന് നേടിയെടുക്കുക.
▪വിപണന സാധ്യതകൾ വർദ്ധിപ്പിക്കുക.
▪തമ്മിൽ തമ്മിൽ ഉള്ള വിപണനത്തിൽ വിശ്വാസ്യത വളർത്തുക.
▪മെമ്പേർഴ്സ് തമ്മിൽ ഉണ്ടാകുന്ന അസ്വാരസ്യങ്ങൾ ഒഴിവാക്കാൻ ശക്തനായ ഒരു മീഡിയേറ്ററായി പ്രവർത്തിക്കുക.
▪ബ്രീഡർമാർ കാലവസ്ഥാ വ്യതിയാനത്തിലും മറ്റും നേരിടുന്ന അസുഖങ്ങൾക്കും മറ്റു ലോഫ്റ്റ് സംബന്ധമായ പ്രശ്നങ്ങൾക്കും മാനസികമായ സപ്പോർട്ട് നൽകുക.
▪പുതിയതായി വരുന്ന മെഡിസിനുകളും എക്യുപ്മെന്റുകളും പരിചയപ്പെടുത്തുക.
▪പുതിയതായി മേഖലയിലേക്ക് കടന്നു വരുന്ന ബ്രിഡേഴ്സിനെ പ്രാവ് വളർത്തൽ പരിപാലനത്തിന് വേണ്ടി എല്ലാവിധ മാനസിക സഹായങ്ങളും നൽകുക.
▪ഇന്ത്യയിലുള്ള തനതായ ബ്രീഡുകളെ അതിൻറെതായ ബ്രിഡ് സ്റ്റാൻഡേർഡ് നിശ്ചയിച്ച് ലോകത്തിനുമുന്നിൽ പരിചയപ്പെടുത്തുക.
▪ പ്രാവിനെ കുറിച്ചുള്ള ജനിതകപരമായും , ആരോഗ്യപരമായും, ജനുസ്സുകളുടെ ഗുണനിലവാരം തിരിച്ചറിയുന്നതിനുള്ള അറിവുകളും അംഗങ്ങളിലേക്ക് പകർന്നു നൽകുന്നതിനുവേണ്ടി വിവിധതരം സെമിനാറുകളും മറ്റും സംഘടിപ്പിക്കുക.
▪ എക്സ്പീരിയൻസ് ബ്രീഡേഴ്സ് , വെറ്റിനറി ഡോക്ടേഴ്സ് എന്നിവരുടെ സേവനങ്ങൾ എല്ലായ്പ്പോഴും അംഗങ്ങൾക്ക് വേണ്ടി ഉറപ്പാക്കുക.
▪ പ്രാവുകൾക്ക് വേണ്ടിയുള്ള ഗുണനിലവാരമുള്ള മരുന്നുകൾ മറ്റു ആക്സസറീസുകൾ വളരെ ചുരുങ്ങിയ നിരക്കിൽ ലഭ്യമാക്കാനുള്ള ശ്രമങ്ങൾ നടത്തുക
▪പ്രാവ് പ്രേമികൾ തമ്മിലുള്ള സ്നേഹവും, സാഹോദര്യവും, ബഹുമാനവും, സഹകരണങ്ങളും ഊട്ടിയുറപ്പിക്കുക.
▪മറ്റു കാർഷിക മേഖലയെ പോലെ ഈ മേഖലയ്ക്കും അതിൻറെതായ സ്ഥാനം ഉണ്ട് എന്ന് പൊതുജനങ്ങളെ ബോധ്യപ്പെടുത്തുക.
▪ശാരീരിക വൈകല്യങ്ങൾ ഉള്ള ആളുകൾ, വിധവകൾ , സാമ്പത്തികമായി പിന്നോക്കം നിൽക്കുന്നവർ തുടങ്ങിയവരിൽ പ്രാവ് വളർത്തുന്നതിനോട് താൽപര്യമുള്ളവരെ ഉൾപ്പെടുത്തി അവർക്ക് പ്രത്യേക പരിശീലനങ്ങൾ നൽകി, വേണ്ട നിർദ്ദേശങ്ങൾ കൊടുത്തു ഒരു സ്വയം തൊഴിലിന് പ്രാപ്തരാക്കുന്നതിനുള്ള ശ്രമങ്ങൾ നടത്തുക.
▪അനാഥാലയത്തിലെ ശാരീരിക മാനസിക വൈകല്യമുള്ള അന്തേവാസികളുടെ അടുത്തുപോയി ചെറിയ രീതിയിലുള്ള പ്രാവ് പ്രദർശനങ്ങൾ നടത്തി അവരുടെ സന്തോഷത്തിൽ പങ്കുചേരുക .
തുടങ്ങിയ കാര്യങ്ങൾ എല്ലാം സംഘടനയുടെ ലക്ഷ്യങ്ങളിൽ ചിലതാണ്.

*"വലിയൊരു മാറ്റത്തിനായി ഒന്നായി അണിചേരുക"*

*🤝🏻👬"നമുക്കൊരുമിച്ച് മുന്നേറാം"👬🤝🏻*

*❤സ്നേഹത്തോടെ അതിലേറെ ആത്മാർത്ഥതയോടെ❤*

♦ *National Pigeon Association of India*♦

05/07/2018

പ്രാവ് വളര്‍ത്തല്‍ വിനോദത്തിനും ആദായത്തിനും !!!!!!!!!!

വര്‍ണ്ണവൈവിധ്യംകൊണ്ടും രൂപഭംഗികൊണ്ട് പ്രാവുകള്‍ ആരുടെയും മനം കവരുന്നതാണ്. വളര്‍ത്തുപക്ഷികളില്‍ ശാന്തരും സൗമ്യരുമാണ് പ്രാവുകള്‍. ഇന്ന് പ്രാവുകളെ വളര്‍ത്തുന്നത് ഒരു വിനോദം എന്നതിനപ്പുറം മികച്ച വരുമാനം നല്‍കുന്ന ഒന്നായിട്ടാണ് കര്‍ഷകര്‍ കാണുന്നത്.

പ്രാവിനെ വളര്‍ത്തി വില്‍ക്കുന്ന അനേകം കര്‍ഷകര്‍ ഇന്ന് കേരളത്തിലുണ്ട്.വിവിധയിനം പ്രാവുകളില്‍ മുമ്പന്‍ അമേരിക്കക്കാരനായ കിങ്ങുകളാണ്.തോളിനുവളവുള്ള മുതുകും ഉയര്‍ന്ന ചെറുവാലും ഉയര്‍ന്ന നെഞ്ചുമാണ് ഇവയുടെ പ്രത്യേകതകള്‍. പ്രദേശിക വിണിയില്‍ ഉയര്‍ന്ന വില ലഭിക്കുന്ന ഇവ വെള്ള,കറുപ്പ്,ബ്രൗണ്‍ നിറങ്ങളില്‍ ലഭിക്കും

ഇന്‍ഡ്യയുടെ തനത് ജനുസ്സായ ജാക്കോബിന്‍ കഴുത്തിനു ചുറ്റും ചാമരം വീശുന്ന തൂവലുകളാല്‍ കണ്ണിന് കൗതുകമേകുന്നവയാണ് ഇവ. ചിറകുകളില്‍ ശലഭങ്ങളെപ്പോലെ ചിത്രപ്പണികളുള്ളവരാണ് സാറ്റനേറ്റുകള്‍. ബ്യൂട്ടീ ഹോമര്‍, ഡബിള്‍ ക്രൈസ്റ്റ്, ഫില്‍ഗൈ ഷര്‍, കാരിയര്‍, മൂങ്ങാ പ്രാവുകള്‍, മുഷ്‌കി, ചുവാചന്‍, ബാറ്റില്‍, ട്രംബ്‌ളര്‍, ആസ്‌ട്രേലിയന്‍ റെഡ്, സിറാസ് എന്നിവയും വിവിധ പ്രാവിനങ്ങളാണ്.

പ്രാവുകള്‍ക്ക് കൂടൊരുക്കുമ്പോള്‍ 25 പ്രാവുകള്‍ക്ക് എട്ട് അടിനീളവും ആറ് അടി വീതിയും ഏഴ് അടി ഉയരവും എന്നതോതില്‍ സ്ഥലം അനുവദിക്കണം. മരച്ചില്ലകള്‍, ചെറിയ വടികള്‍, പുല്ല് എന്നിവ ഉപയോഗിച്ചാണ് സാധാരണ ഇവ കൂട് ഒരുക്കുന്നത്

കൂട് ചെറിയ ഇരുമ്പ് വലകള്‍ ഉപയോഗിച്ച് ഭദ്രമാക്കാവുന്നതാണ്. കൂട്ടിനുള്ളില്‍ മരക്കൊമ്പുകളില്‍ ചില്ലകള്‍ ഉപയോഗിക്കാം. പ്രാവുകളെ ആരോഗ്യമുള്ളവരായി നിലനിര്‍ത്താന്‍ പോഷകസമ്പുഷ്ടമായ ആഹാരം നല്‍കേണ്ടത് അവശ്യമാണ്.

കുതിര്‍ത്ത ചോളം,പയര്‍ വര്‍ഗങ്ങള്‍, ഗോതമ്പ്,കപ്പലണ്ടി, നിലക്കടല എന്നിവ ഭക്ഷണമായി നല്‍കണം.ദിവസവും 30 മില്ലിമീറ്റര്‍ വെള്ളം ഒരു പ്രാവിന് നല്‍കണം.ചീരയില, മല്ലിയില എന്നിവയും ഇവയ്ക്ക് പ്രിയപ്പെട്ടതാണ്.

പ്രാവുകള്‍ അഞ്ച് ആറുമാസമാകുമ്പോള്‍ പ്രായ പൂര്‍ത്തിയാകുന്നു. ഇണചേര്‍ന്നതിനു ശേഷം എട്ട് ദിവസമാകുമ്പോള്‍ അദ്യത്തെ മുട്ടയിടുന്നു. കൂട്ടിനുള്ളില്‍ മണല്‍ ചട്ടികള്‍ ഒരുക്കിവെച്ചാല്‍ ഇവയ്ക്ക് മുട്ടയിടാനുള്ള സൗകര്യമായിരിക്കും. രണ്ടുമുട്ടകളാണ് പ്രാവുകള്‍ ഇടുന്നത്. മുട്ടയിട്ടതിന് ശേഷം പകല്‍ പൂവനും രാത്രി പിടയുമാണ് അടയിരിക്കുന്നത്. അടയിരിക്കുമ്പോള്‍ കൂട്ടിലെ ചൂട് 102 മുതല്‍ 105 ഡിഗ്രിയായി ക്രമീകരിക്കണം.

നാല് മുതല്‍ ആറ് ആഴ്ചയാകുമ്പോള്‍ കുഞ്ഞുങ്ങള്‍ വേര്‍പിരിയും. സാധാരണരീതിയില്‍ പ്രാവുകള്‍ 15 മുതല്‍ 20 വര്‍ഷം ജീവിക്കും. പ്രവുകളില്‍ കാണപ്പെടുന്ന ഒരു പ്രധാന രോഗാവസ്ഥയാണ് തലതിരിച്ചില്‍. ചിലപ്പോള്‍ അതോടൊപ്പം തന്നെ തൂങ്ങി നില്‍ക്കല്‍, വട്ടം കറങ്ങല്‍,കരണം മറിയല്‍ എന്നീ ലക്ഷണങ്ങളും കാണപ്പെടും.

പാരാമിക്‌സോ വൈറസ് രോഗമാണ് പ്രാവുകളെ ബാധിക്കുന്ന മറ്റൊരു രോഗം.ഈ രോഗം ബാധിച്ച പ്രാവുകളില്‍ മറ്റ് രോഗലക്ഷണങ്ങളായ പച്ച കലര്‍ന്ന വയറിളക്കം,തീറ്റയോടുള്ള വൈമുഖ്യം എന്നിവയും കാണുന്നു. ഇത് വൈറസ് രോഗമായതുകൊണ്ട് ഫലപ്രദമായ ചികിത്സയില്ല.

വിറ്റാമിനുകളുടെ കുറവും പ്രാവുകള്‍ നേരിടുന്ന പ്രശ്‌നങ്ങളില്‍ ഒന്നാണ്.ബി 1 വിറ്റാമിന്റെ കുറവ് മൂലവും തലതിരിച്ചില്‍ കാണപ്പെടാം. ഇങ്ങനെയുള്ളപ്പോള്‍ ബി 1 വിറ്റാമിന്‍ നല്‍കാവുന്നതാണ്. ചികിത്സയോടൊപ്പം തന്നെ അസുഖം ബാധിച്ചവയെ മറ്റുള്ളവയില്‍നിന്ന് മാറ്റിപ്പാര്‍പ്പിക്കുകയും വേണം.

കൊളമ്പ ലിവിയ എന്ന ശാസ്ത്രനാമത്തില്‍ അറിയപ്പെടുന്ന പ്രാവുകള്‍ കറുപ്പ്, വെളുപ്പ് ചാരനിറം ഇളംചുവപ്പ് എന്നീ നിറങ്ങളില്‍ കാണുന്നു. രണ്ട് കറുത്ത തടിച്ചവരകള്‍ ഇരു ചിറകിലും കാണാം, ഇതിന്റെ വായിലും കറുത്തവര കാണുന്നു. കാലിന്റെ നിറം ചുവപ്പാണ്.
തൂക്കം 369 ഗ്രാം നീളം 28 സെ.മീറ്റര്‍. പറക്കുമ്പോള്‍ ചിറകുകളുടെ അഗ്രഭാഗം തമ്മില്‍ മുട്ടുമ്പോള്‍ കൈയ്യടി പോലെയുള്ള ശബ്ദം ഉണ്ടാകുന്നു.

കൂട്

മരച്ചില്ലകള്‍. ചെറിയ വടികള്‍, പുല്ല് എന്നിവ ഉപയോഗിച്ചാണ് സാധാരണ ഇവ കൂടു കെട്ടുന്നത്. ആണ്‍പ്രാവുകളാണ് കൂടുണ്ടാക്കുവാന്‍ സാമഗ്രികള്‍ ശേഖരിക്കുന്നതും കൂടിനെയും പെണ്‍പ്രാവിനെയും സംരക്ഷിക്കുന്നതും.

പ്രാവിനെ വളര്‍ത്താനായി നാം കൂട് ഒരുക്കുമ്പോള്‍ 25 ജോഡികള്‍ക്ക് 8 അടി നീളം 6 അടി വീതി 7 അടി ഉയരം എന്ന തോതില്‍ സ്ഥലം അനുവദിക്കണം. ഇതില്‍ പകുതി മേല്‍ക്കൂര നിര്‍മ്മിച്ച് ബാക്കും മേല്‍ക്കൂര ഇല്ലാതെയും പറക്കുന്നതിനും, വ്യായാമത്തിനും വേണ്ടി നീക്കിവെക്കണം. കൂട് ചെറിയ ഇരുമ്പ് വലകള്‍ ഉപയോഗിച്ച് ഭദ്രമാക്കാവുന്നതാണ്. കൂട്ടിനുള്ളില്‍ പരന്ന മരക്കൊമ്പിന്‍ ചില്ലകള്‍ ഉപയോഗിക്കാം. ഇവയ്ക്ക് ഒരു ഇഞ്ച് വീതിയും കനവും ഉണ്ടാകാം. പലകൂടുകളില്‍ കഴിയുന്ന പ്രാവുകളെ ഒരു കൂടിലേക്ക് മാറ്റരുത്. ആണ്‍ പ്രാവുകള്‍ തമ്മില്‍ കൊത്താന്‍ സാധ്യതയുണ്ട്. മതിയായ സ്ഥലമില്ലാതെ ഇവയെ നീക്കിപ്പാര്‍പ്പിക്കരുത്. ഇത് സമ്മര്‍ദ്ദത്തിനിടയാക്കും.

ഭക്ഷണം

ധാന്യങ്ങള്‍, വിത്തുകള്‍, മറ്റു ഭക്ഷണപദാര്‍ത്ഥങ്ങള്‍ എന്നിവ ഇവയെ പറക്കാന്‍ അനുവദിച്ചാല്‍ ചെറിയ പ്രാണികള്‍, മറ്റു ജീവികള്‍ എന്നിവയെ ഇവ ഭക്ഷണത്തിന്നായി ഉപയോഗപ്പെടുത്തും. ദിവസം 30 മില്ലീമീറ്റര്‍ (1 ഔണ്‍സ്) വെള്ളം ഇതിന് നല്‍കണം.

പ്രജനനം

പ്രാവുകള്‍ 5-6 മാസമാകുമ്പോള്‍ പ്രായ പൂര്‍ത്തിയാകുന്നു. ഇണ ചേര്‍ന്നതിനുശേഷം 8 ദിവസമാകുമ്പോള്‍ ആദ്യത്തെ മുട്ടയിടുന്നു. രണ്ടാമത്തെ മുട്ട രണ്ട് ദിവസത്തിന് ശേഷവും സാധാരണയായി വൈകുന്നേരം അഞ്ച് മണിക്കും ഏഴ് മണിക്കും ഇടയിലാണ് ആദ്യത്തെ മുട്ടിയിടുന്നത്. രണ്ടാമത്തെ മുട്ട ഉച്ചകഴിഞ്ഞ് രണ്ട് മണിക്കും മൂന്നു മണിക്കും മൂന്ന് മണിക്കും ഇടയിലും. ഒന്നാമത്തെ മുട്ടയിടാന്‍ ഉടന്‍ തന്നെ മാറ്റണം. രണ്ടാമത്തെ മുട്ടയിട്ടതിനുശേഷം വിരിയിക്കുന്നതിനായി കൂട്ടില്‍ വെച്ച് കൊടുക്കണം. അല്ലെങ്കില്‍ ആദ്യത്തെ മുട്ട രണ്ട് ദിവസം മുമ്പേ വിരിയുംയ കൂട്ടിലെ ചൂട് 102-105 ഡിഗ്രി എ ആയി ക്രമീകരിക്കണം.

4-6 ആഴ്ച പ്രായമായാല്‍ കുഞ്ഞുങ്ങള്‍ വേര്‍പിരിയുന്നു.ഇതിനിടയില്‍ പെണ്‍ പ്രാവ് കൂടുതല്‍ മുട്ടകള്‍ ഇടുന്നു. കൊല്ലത്തില്‍ 8 ക്ലച്ചുകളിലായിട്ടാണ് മുട്ടയിടുന്നത്.

ആയുസ്

പ്രാവുകള്‍ 15-20 വര്‍ഷം വരെ ജീവിക്കും (വളര്‍ത്തുകയാണെങ്കില്‍) പ്രകൃതിയില്‍ കഴിയുന്ന പ്രാവുകള്‍ മറ്റു മൃഗങ്ങളുടെ ആക്രമണം മൂലവും, ഭക്ഷണം, വെള്ളം ഇവയുടെ കുറവുകൊണ്ടും അസുഖം കാരണവും മറ്റു സമ്മര്‍ദ്ദങ്ങള്‍ മൂലവും ഓരോ വര്‍ഷവും 30% പ്രാവുകള്‍ ചത്തുപോകുന്നുണ്ടെന്നാണ് കണക്കുകള്‍ സൂചിപ്പിക്കുന്നത്.

പരിശീലനം

വീടുകളില്‍ വളര്‍ത്തുന്ന പ്രാവുകള്‍ക്ക് പലതരത്തിലുള്ള പരിശീലനവും നല്‍കും. ആരോഗ്യമുള്ള പ്രാവുകളുടെ വിസര്‍ജ്യത്തിന് ദുര്‍ഗന്ധമുണ്ടാകില്ല. പക്ഷെ അനാരോഗ്യമുള്ളവയുടേതിന് ദുര്‍ഗന്ധമുണ്ടായിരിക്കും. വീടുകളില്‍ ഇതു ഒഴിവാക്കുന്നതിനായി പോട്ട് ട്രെയിനിംഗ്, പീജിയന്‍ പാന്റ് എന്നിവ ഉപയോഗപ്പെടുത്താം. നിശ്ചിത സ്ഥലത്ത് വെച്ചിട്ടുള്ള പാത്രത്തില്‍ വന്നിരുന്ന് വിസര്‍ജ്ജനം ചെയ്യിക്കുന്ന രീതിയാണിത്. കാഷ്ടം നിലത്തു വീഴാതിരിക്കാനായി പ്രത്യേകരീതിയില്‍ തയ്യിച്ച് ഉടുപ്പിക്കുന്നതാണ് പീജിയന്‍ പാന്റ്. ഇത് കൊണ്ട് പ്രാവുകള്‍ക്ക് പറക്കുന്നതിനും ബുദ്ധിമുട്ട് ഉണ്ടാകാറില്ല.

ചരിത്രം

നൂറ്റാണ്ടുകള്‍ക്ക് മുമ്പ് തന്നെ പ്രാവുകള്‍ മനുഷ്യരുമായി ഇണങ്ങി ജീവിച്ചിരുന്നു. അഉ 220 വര്‍ഷം മുമ്പ് തന്നെ ബെല്‍ജിയത്തില്‍ പ്രാവ് വളര്‍ത്തല്‍ പ്രചാരത്തിലുണ്ടായിരുന്നു. സന്ദേശ വാഹകരെന്നറിയപ്പെടുന്ന പ്രാവുകളെ കത്തുകള്‍ കൈമാറുന്നതിനും പട്ടാളസേന യുദ്ധസന്ദേശങ്ങള്‍ നല്‍കുവാനും ഉപയോഗപ്പെടുത്തിയിരുന്നു. ബെല്‍ജിയം ജര്‍മ്മനി, എന്നീ രാജ്യങ്ങള്‍ പണ്ട് കാലങ്ങളില്‍ ഇതിനുവേണ്ടി പ്രാവുകളെ ഉപയോഗപ്പെടുത്തിയിരുന്നു. മണിക്കൂറില്‍ 60 കിലോമീറ്റര്‍ വരെ വേഗത്തില്‍ പറക്കാന്‍ കഴിയുന്ന ഇവ 1600 - 2000 കിലോമീറ്റര്‍ വരെ പറന്ന് തിരിച്ച് വന്നിട്ടുണ്ട്. ലോകത്തില്‍ എവിടെക്കൊണ്ടുവിട്ടാലും സ്വവസതി കണ്ടുപിടിക്കാനുള്ള കഴിവ് പ്രാവുകളുടെ പ്രത്യേകതയാണ്.
കുഞ്ഞുങ്ങള്‍ക്ക് പാല്‍ കൊടുത്തു വളര്‍ത്തുന്ന പക്ഷിയാണ് പ്രാവുകള്‍. തൊണ്ടയുടെ ഭാഗത്ത് അന്നനാളത്തില്‍ ചെറിയ സഞ്ചിപോലെ തൂങ്ങിക്കിടക്കുന്ന ക്രോപ് എന്ന അവയവത്തിലെ കോശങ്ങള്‍ ഉല്പാദിപ്പിക്കുന്ന ഒരു ദ്രാവകമാണ് പീജിയന്‍ മില്‍ക്ക് എന്നറിയപ്പെടുന്നത്. ഇളം മഞ്ഞ നിറത്തില്‍ കാണുന്ന ഇവയില്‍ പ്രോട്ടീന്‍, കൊഴുപ്പ് എന്നിവ പശുവിന്‍പാല്‍ മുലപ്പാല്‍ എന്നിവയിലേതിനേക്കാളും കൂടുതലാണ്. രോഗപ്രതിരോധശക്തി നല്‍കുന്ന ആന്റിബോഡീസ് ഘടകവും കൂടുതലായിട്ടുണ്ട്.

മുട്ടവിരിയുന്നതിന് 5 ദിവസം മുമ്പ് തന്നെ ഉല്പാദിപ്പിക്കപ്പെടുന്ന ഇവ കുഞ്ഞുങ്ങള്‍ക്ക് രണ്ടാഴ്ചവരെ പ്രാവുകള്‍ ആണ്‍ പെണ്‍ വ്യത്യാസമില്ലാതെ നല്‍കുന്നു. സാധാരണയായി അമിതാഹാരം ശേഖരിച്ചുവെക്കാനാണ് ക്രോപിനെ ഉപയോഗപ്പെടുത്തുന്നത്. ക്രോപ്പില്‍ നിന്ന് പാലിനെ വായയില്‍ കൊണ്ട് വന്ന് കുഞ്ഞുങ്ങള്‍ക്ക് നല്‍കുന്നു

രോഗങ്ങൾ

പ്രാവുകളില്‍ കാണപ്പെടുന്ന ഒരു പ്രധാന രോഗാവസ്ഥയാണ് തലതിരിച്ചില്‍. ചിലപ്പോള്‍ അതോടൊപ്പം തന്നെ തൂങ്ങി നില്ക്കല്‍, വട്ടം കറങ്ങല്‍, കരണം മറിയല്‍ എന്നീ ലക്ഷണങ്ങളും കാണപ്പെടും. ഈ രോഗാവസ്ഥ പ്രധാനമായും രണ്ട് രോഗങ്ങളുടെ ലക്ഷണങ്ങളായാണ് കാണപ്പെടുന്നത്. പ്രാവുകളിലെ മാരകമായ പാരാമിക്‌സോ വൈറസ് രോഗവും ഹീമോപ്രോട്ടിയസ് എന്ന പ്രോട്ടോസോവ രോഗവുമാണ് ഇതിന്റെ പ്രധാന കാരണങ്ങള്‍.

പാരാമിക്‌സോ വൈറസ് രോഗം നമ്മുടെ നാട്ടില്‍ വ്യാപകമായി കണ്ടുവരുന്നു. ഈ രോഗം ബാധിച്ച പ്രാവുകളില്‍ മറ്റു രോഗ ലക്ഷണങ്ങളായ പച്ച കലര്‍ന്ന വയറിളക്കം, തീറ്റയോടുള്ള വൈമുഖ്യം എന്നിവയും കാണപ്പെടുന്നു. വൈറസ് രോഗമായതുകൊണ്ട് ഫലപ്രദമായ ചികിത്സയില്ല. പാര്‍ശ്വാണു ബാധയ്‌ക്കെതിരായി ആന്റിബയോട്ടിക്കുകളും മറ്റ് അനുബന്ധ ചികിത്സകളും ഒരു പരിധിവരെ ഉപയോഗപ്രദമാണ്. ഇതിനെതിരായ കുത്തിവെപ്പുകള്‍ വിദേശ രാജ്യങ്ങളില്‍ ലഭ്യമാണെങ്കിലും നമ്മുടെ നാട്ടില്‍ ലഭ്യമല്ല. വിലയേറിയ ഇനങ്ങളെ വളര്‍ത്തുന്നവര്‍ വിദേശങ്ങളില്‍ നിന്ന് മരുന്ന് വരുത്തി കുത്തിവെപ്പുകള്‍ നല്കാറുണ്ട്.

ഹീമോപ്രോട്ടിയസ് വിഭാഗത്തില്‍പ്പെട്ട അണുക്കള്‍ മലേറിയ രോഗം വരുത്തുന്നു. ഇവ പ്രധാനമായും പ്രാവുകളുടെ ശരീരത്തില്‍ കാണുന്ന പ്രാണികളിലൂടെ മറ്റുള്ളവയിലേക്ക് പകരുന്നു. ശ്വേതരക്താണുക്കളെയാണ് പ്രധാനമായും ബാധിക്കുന്നത്. ഈ രോഗത്തിലും തലതിരിച്ചില്‍ കാണപ്പെടാറുണ്ട്. കൂടാതെ വിളര്‍ച്ച, തൂങ്ങി നില്ക്കല്‍, തൂക്കം കുറയല്‍ എന്നീ ലക്ഷണങ്ങളും കാണപ്പെടുന്നു. ഇതിന് ഫലപ്രദമായ മരുന്നുകള്‍ ഉണ്ട്. രോഗാരംഭത്തില്‍ ക്ലോറോക്വിന്‍ അടങ്ങിയ മരുന്നുകള്‍ ഫലപ്രദമായി കണ്ടുവരുന്നു.

മേല്‍പറഞ്ഞ രോഗങ്ങള്‍ കൂടാതെ വിറ്റാമിനുകളുടെ പ്രത്യേകിച്ച് B1 വിറ്റാമിന്റെ അപര്യാപ്തതയിലും തലതിരിച്ചില്‍ കാണപ്പെടാം. ഇങ്ങിനെയുള്ളപ്പോള്‍ B1 വിറ്റാമിന്‍ ഉള്ള മരുന്നുകള്‍ നല്കുന്നത് ഫലപ്രദമാണ്. ചികിത്സയോടൊപ്പം തന്നെ അസുഖം ബാധിച്ചവയെ മറ്റുള്ളവയില്‍നിന്ന് മാറ്റിയിടുകയും കൂടുതല്‍ ശ്രദ്ധ നല്കുകയും വേണം. ഭക്ഷണവും വെള്ളവും കഴിക്കാന്‍ ബുദ്ധിമുട്ട് ഉണ്ടാകുന്നതുകൊണ്ട് ഫില്ലറോ, സിറിഞ്ചോ ഉപയോഗിച്ച് ലഘുവായ ഭക്ഷണങ്ങള്‍ വായില്‍ ഒഴിച്ചു കൊടുക്കണം. പ്രാണികളുടെ നിയന്ത്രണത്തിനും ശ്രദ്ധ നല്‌കേണ്ടതുണ്ട്.

പ്രാവുകള്‍ക്ക് തലതിരിച്ചില്‍

പ്രാവുകളില്‍ കാണപ്പെടുന്ന ഒരു പ്രധാന രോഗാവസ്ഥയാണ് തലതിരിച്ചില്‍. ചിലപ്പോള്‍ അതോടൊപ്പം തന്നെ തൂങ്ങി നില്ക്കല്‍, വട്ടം കറങ്ങല്‍, കരണം മറിയല്‍ എന്നീ ലക്ഷണങ്ങളും കാണപ്പെടും. ഈ രോഗാവസ്ഥ പ്രധാനമായും രണ്ട് രോഗങ്ങളുടെ ലക്ഷണങ്ങളായാണ് കാണപ്പെടുന്നത്. പ്രാവുകളിലെ മാരകമായ പാരാമിക്‌സോ വൈറസ് രോഗവും ഹീമോപ്രോട്ടിയസ് എന്ന പ്രോട്ടോസോവ രോഗവുമാണ് ഇതിന്റെ പ്രധാന കാരണങ്ങള്‍.

പാരാമിക്‌സോ വൈറസ് രോഗം നമ്മുടെ നാട്ടില്‍ വ്യാപകമായി കണ്ടുവരുന്നു. ഈ രോഗം ബാധിച്ച പ്രാവുകളില്‍ മറ്റു രോഗ ലക്ഷണങ്ങളായ പച്ച കലര്‍ന്ന വയറിളക്കം, തീറ്റയോടുള്ള വൈമുഖ്യം എന്നിവയും കാണപ്പെടുന്നു. വൈറസ് രോഗമായതുകൊണ്ട് ഫലപ്രദമായ ചികിത്സയില്ല. പാര്‍ശ്വാണു ബാധയ്‌ക്കെതിരായി ആന്റിബയോട്ടിക്കുകളും മറ്റ് അനുബന്ധ ചികിത്സകളും ഒരു പരിധിവരെ ഉപയോഗപ്രദമാണ്. ഇതിനെതിരായ കുത്തിവെപ്പുകള്‍ വിദേശ രാജ്യങ്ങളില്‍ ലഭ്യമാണെങ്കിലും നമ്മുടെ നാട്ടില്‍ ലഭ്യമല്ല. വിലയേറിയ ഇനങ്ങളെ വളര്‍ത്തുന്നവര്‍ വിദേശങ്ങളില്‍ നിന്ന് മരുന്ന് വരുത്തി കുത്തിവെപ്പുകള്‍ നല്കാറുണ്ട്.

ഹീമോപ്രോട്ടിയസ് വിഭാഗത്തില്‍പ്പെട്ട അണുക്കള്‍ മലേറിയ രോഗം വരുത്തുന്നു. ഇവ പ്രധാനമായും പ്രാവുകളുടെ ശരീരത്തില്‍ കാണുന്ന പ്രാണികളിലൂടെ മറ്റുള്ളവയിലേക്ക് പകരുന്നു. ശ്വേതരക്താണുക്കളെയാണ് പ്രധാനമായും ബാധിക്കുന്നത്. ഈ രോഗത്തിലും തലതിരിച്ചില്‍ കാണപ്പെടാറുണ്ട്. കൂടാതെ വിളര്‍ച്ച, തൂങ്ങി നില്ക്കല്‍, തൂക്കം കുറയല്‍ എന്നീ ലക്ഷണങ്ങളും കാണപ്പെടുന്നു. ഇതിന് ഫലപ്രദമായ മരുന്നുകള്‍ ഉണ്ട്. രോഗാരംഭത്തില്‍ ക്ലോറോക്വിന്‍ അടങ്ങിയ മരുന്നുകള്‍ ഫലപ്രദമായി കണ്ടുവരുന്നു.

മേല്‍പറഞ്ഞ രോഗങ്ങള്‍ കൂടാതെ വിറ്റാമിനുകളുടെ പ്രത്യേകിച്ച് B1 വിറ്റാമിന്റെ അപര്യാപ്തതയിലും തലതിരിച്ചില്‍ കാണപ്പെടാം. ഇങ്ങിനെയുള്ളപ്പോള്‍ B1 വിറ്റാമിന്‍ ഉള്ള മരുന്നുകള്‍ നല്കുന്നത് ഫലപ്രദമാണ്. ചികിത്സയോടൊപ്പം തന്നെ അസുഖം ബാധിച്ചവയെ മറ്റുള്ളവയില്‍നിന്ന് മാറ്റിയിടുകയും കൂടുതല്‍ ശ്രദ്ധ നല്കുകയും വേണം. ഭക്ഷണവും വെള്ളവും കഴിക്കാന്‍ ബുദ്ധിമുട്ട് ഉണ്ടാകുന്നതുകൊണ്ട് ഫില്ലറോ, സിറിഞ്ചോ ഉപയോഗിച്ച് ലഘുവായ ഭക്ഷണങ്ങള്‍ വായില്‍ ഒഴിച്ചു കൊടുക്കണം. പ്രാണികളുടെ നിയന്ത്രണത്തിനും ശ്രദ്ധ നല്‌കേണ്ടതുണ്ട്.

കടപ്പാട് : മാതൃഭൂമി. ഡോ. പി.വി. ട്രീസാമോള്‍,ഡോ. ഉഷ നാരായണ പിള്ള
വെറ്ററിനറി കോളേജ്, മണ്ണുത്തി