https://www.facebook.com/153966543055655/

Paws Kennel, Kozhikode, Calicut (2026)

08/08/2021

Contact Pawes Kennel 9048959541

26/07/2021

Our new happy customer Mr.Arun Kumar 🥰

Dachshunt male puppy going new home @ Cherupuzha.
Thanks Mr.Arun kumar and family. 😍

17/07/2021

male Dachdhunt puppy available.
Contact : 9048959541

12/07/2021

going to new home. at Angadikadavu
For more enquary feel free to contact :9048959541

27/06/2021

പലരും വെറ്റിനറി ഹോസ്പിറ്റലിലെ ഡോക്ടമാരെ കുറ്റപ്പെടുത്തി പോസ്റ്റുകൾ കാണാറുണ്ട്. പക്ഷെ എനിക്ക് ഉണ്ടായ നല്ല ഒരു അനുഭവം ഞാൻ നിങ്ങളോട് ഷെയർ ചെയ്യുകയാണ്. എന്റെ 5 മാസം ആയ ലാബർഡോർ ഇനത്തിൽ പെട്ട പപ്പി യെ രോമം കൊഴിയുകയും, ഫുഡ്‌ കഴിക്കുന്നത് വളരെ കുറയുകയും അതോടപ്പോം ബോഡി വെയ്റ്റ് കുറയുകയും, പപ്പി ശർദ്ധിക്കുകയും ചെയ്യാൻ തുടങ്ങി മാനന്തവാടി വെറ്റിനറി പോളി ക്ലിനിക്കിൽ കൊണ്ട് പോയി പരിശോധിച്ചപ്പോൾ Dr.ഫഹ്‌മിദ ഡോഗ് നു അനീമിയ ആണെന്നും മെഡിസിൻ നൽകുകയും ചെയ്തു തുടർന്ന് blood ടെസ്റ്റ്‌ നടത്തുകയും ബ്ലഡ്‌ ഇൽ ഹീമോഗ്ലോബിൻ 4.5 മാത്രമേ ഉള്ളു എന്ന് അറിയുകയും ചെയ്തു ആരോഗ്യമുള്ള ഒരു ഡോഗ് ൽ വേണ്ടത് 12 മുതൽ 16 വരെ HB വേണം. അതുപോലെ platelet count 16000 മാത്രം ആണ് ഉണ്ടായിരുന്നത് മിനിമം അത് 150000 വേണം എന്നിരിക്കയാണ് അത്രയും കുറവ് മാത്രമല്ല ബ്ലഡിൽ ബബിഷ എന്ന ഒരു ഇൻഫെക്ഷനും ബ്ലഡ്‌ൽ ഉണ്ടായിരുന്നു ജീവിതത്തിലേക്ക് തിരികെ കൊണ്ട് വരുക എന്നത് വളരെ ശ്രമകരമായ ഒരു ജോലിയായിരുന്നു.
അവിടെ ഇന്റെർനൽ ഷിപ്പിന് വന്ന Dr.Alan V Stephen നു ആയിരുന്നു എന്റെ എന്റെ പപ്പിയുടെ ചുമതല. എത്ര നന്ദി പറഞ്ഞാലും മതിയാകില്ല അവരോടു. 4.5 മാത്രം ഉള്ള HB count കൂട്ടണമെങ്കിൽ മറ്റൊരു ഡോഗിന്റെ ബ്ലഡ്‌ എന്റെ പപ്പി ക്കു കയറ്റണമായിരുന്നു. ബ്ലഡ്‌ കിട്ടാൻ Dr. അലനും, കൂടെ അദ്ദേഹത്തിന്റെ കൂടെ വർക്ക്‌ ചെയ്യുന്ന Dr. Vinay sankar ഉം കൂടെ വന്നു duty time കഴിഞ്ഞും അവർ എന്റെ കൂടെ ബ്ലഡ്‌ സാമ്പിൾ എടുക്കാൻ വന്നു അങ്ങനെ 3 ഡോഗ് ന്റെ ബ്ലഡ്‌ സാമ്പിൾ എടുക്കുകയും പിറ്റേ ദിവസം ബ്ലഡ്‌ ട്രാൻസ്‌ഫ്യൂഷൻ നടത്തുകയും ചെയ്തു മാനന്തവാടി മുനിസിപ്പാലിറ്റി മെമ്പർ ഷൈനി, ജോർജ് അവരുടെ ഡോഗ് ആണ് ബ്ലഡ്‌ നൽകിയത്. ഒരു പരിചയം ഇല്ലെങ്കിലും എന്റെ ഡോഗിന്റെ അവസ്ഥ കണ്ടു അവർ സഹായം ചെയ്തു. അവരുടെ നല്ല മനസിനും ഇവടെ നന്ദി അറിയിക്കുന്നു. കുറെ ടെസ്റ്റുകളും മറ്റും നടത്തി എല്ലാം കഴിയുമ്പോളേക്കും സമയം 9 മണി ആയിരുന്നു.
അദ്ദേഹത്തോടപ്പം അദ്ദേഹത്തിന്റെ കൂടെ വർക്ക്‌ ചെയ്യുന്ന, Dr. Vinay sankar, Dr.Bismin Thomas, Dr.Mufeeda Beegum, Dr.Dinsha ,Dr.Malavika
എന്നിവർ എല്ലാവരും Dr.Fahmida യുടെ നേതൃത്വത്തിൽ അവിടെ ഉണ്ടായിരുന്നു. അവരെല്ലാം കൂടെ ഇന്ന് കാണുന്ന പോലെ എന്റെ ബെല്ലയെ തിരികെ ജീവിതത്തിലേക്ക് തിരിച്ചു കൊണ്ട് വന്നു. അവരുടെ സ്വന്തം വീട്ടിലെ പപ്പിയെ പോലെ കണ്ടു അവർ ബെല്ലയെ പരിചരിച്ചു. ഇന്നിപ്പോൾ ബെല്ല പഴയപോലെ വീണ്ടും ഓടി ചാടി നടക്കാൻ തുടങ്ങി. അവിടുത്തെ ഡോക്ടർസിന്റെയും സ്റ്റാഫിന്റെയും സ്നേഹത്തിനും പരിചരണത്തിനും ഒരായിരം നന്ദി.

19/06/2021

KCI എന്താണ്
എന്താണ് കെന്നൽ ക്ലബ് ഓഫ് ഇന്ത്യ (കെസിഐ) സർട്ടിഫിക്കറ്റ്? ഇത് ആരാണെന്ന് നൽകുന്നത്? എന്താണ് ഇതു കൊണ്ടുള്ള ഉപയോഗം? നായ വളർത്താൻ ഇത് ആവശ്യമുണ്ടോ? ഇതുകൊണ്ടുള്ള ഉപയോഗം എന്താണ്? ഇതിൽനിന്ന് എന്തൊക്കെ മനസിലാക്കാൻ സാധിക്കും? കെസിഐ സർട്ടിഫിക്കറ്റിനെക്കുറിച്ചുള്ള ചോദ്യങ്ങൾ ഒട്ടേറെയാണ്. പലർക്കും ഇതിന്റെ പ്രാധാന്യം അറിയില്ലെന്നുള്ളത് വസ്തുത.

വർഗശുദ്ധിയുള്ള നായ വർഗങ്ങളെ ഒരുമിപ്പിക്കുന്ന ചെന്നൈ ആസ്ഥാനമായി പ്രവർത്തിക്കുന്ന ഒരു ഒരു ക്ലബ്ബാണ് കെസിഐ. ഈ ക്ലബ് വർഗശുദ്ധിയുള്ള നായ ബന്ധങ്ങൾ അംഗീകരിച്ചു തരുന്ന ഒരു റജിസ്ട്രേഷൻ സർട്ടിഫിക്കറ്റാണ് കെസിഐ സർട്ടിഫിക്കറ്റ്. ഇതിന്റെ കൂടെ 15 അക്കമുള്ള ഒരു മൈക്രോചിപ്പ് നമ്പറും ചിപ്പും കൂടി ലഭിക്കും. നമ്മുടെ കയ്യിലുള്ള നായ അംഗീകരിക്കപ്പെട്ടിട്ടുള്ള, വർഗശുദ്ധിയുള്ള ഒരിനമാണെന്ന് തെളിയിക്കാനും, അവയെ പ്രജനനത്തിനായി ഉപയോഗിക്കാനും ശ്വാനപ്രദർശനങ്ങളിൽ പങ്കെടുപ്പിക്കാനും വേണ്ടിയുള്ള ഒന്നാണ് ഈ സർട്ടിഫിക്കറ്റ്. നായ വളർത്താൻ കെസിഐ സർട്ടിഫിക്കറ്റ് വേണോ എന്ന ചോദ്യത്തിന് മറുപടി ഇതാണ്.
സർട്ടിഫിക്കറ്റിൽ എന്തൊക്കെ

വർഗ്ഗത്തിന്റെ പേര്
അവരുടെ അരുമ പേര്
ലിംഗം
നിറം
ജനനതീയതി
15 അക്കമുള്ള ഒരു മൈക്രോചിപ്പ് നമ്പർ
റജിസ്റ്റർ ചെയ്ത തീയതി
മാതാപിതാക്കളുടെ പേരും നിറവും
മൂന്നു മുതൽ അഞ്ച് തലമുറ വരെയുള്ള പൂർവികരുടെ ചരിത്രം
പ്രജനനത്തിന് ഉപയോഗിച്ചത്‌ ആര്
റജിസ്റ്റർ ചെയ്തിരിക്കുന്നത് ആര്
ഇപ്പോഴത്തെ ഉടമസ്ഥൻ ആര്
അത് ഇന്ത്യയിൽ ജനിച്ചതാണോ
വിദേശത്തുനിന്ന് ഇറക്കുമതി ചെയ്തതതാണോ
അതിന്റെ മാതാവിനെ ഗർഭാവസ്ഥയിൽ വിദേശത്തുനിന്ന് ഇറക്കുമതി ചെയ്തതാണോ
പൂർവികർ ആരെല്ലാം ഉപയോഗിച്ചതാണ്
അവർ ഏതെല്ലാം രാജ്യങ്ങളിൽ ഉണ്ടായിരുന്നു എന്തെല്ലാം വിജയങ്ങൾ കരസ്ഥമാക്കിയിട്ടുണ്ട്
ഇപ്പോഴത്തെ ഉടമസ്ഥൻ ആര്
എത്ര ഉടമസ്ഥർ ഉണ്ടായിരുന്നു
അവയ്ക്ക് ലഭിച്ചിട്ടുള്ള അംഗീകാരങ്ങൾ, ചാമ്പ്യൻഷിപ്പ്
അത് ഏതെല്ലാം പ്രദർശനങ്ങളിൽനിന്നു കിട്ടിയതാണ്
അതു നൽകിയ വിധികർത്താക്കൾ ആരെല്ലാം
ജർമ്മൻ ഷെപ്പേർഡ് എന്ന വർഗത്തിന് ഇപ്പോൾ അഞ്ച് തലമുറ വിവരങ്ങളടങ്ങിയ സർട്ടിഫിക്കറ്റുകളാണ് ലഭിക്കുന്നത്. മറ്റുള്ള ഇനങ്ങൾക്ക് അങ്ങനെ വേണമെങ്കിൽ അധിക ഫീസ് കൊടുക്കേണ്ടതുണ്ട്.
ഒരു കുഞ്ഞിന്റെ പേര് റജിസ്റ്റർ ചെയ്യാൻ ആ കുഞ്ഞിന്റെ അമ്മയുടെ ഉടമയ്ക്കു മാത്രമേ സാധിക്കൂ. അതിന് പപ്പി റജിസ്ട്രേഷൻ എന്ന് പറയാറുണ്ട്. അതിന് മാതാപിതാക്കൾ രണ്ടു പേർക്കും സർട്ടിഫിക്കറ്റ് ഉണ്ടാകണം.

അമ്മ നായയുടെ ഉടമയ്ക്കാണ് റജിസ്റ്റർ ചെയ്യാൻ സാധിക്കുന്നതെന്ന് പറഞ്ഞല്ലോ. അതുകൊണ്ട് ആൺ നായയുടെ ഉടമ ഒരു A ഫോറം കയ്യൊപ്പിട്ടു നൽകേണ്ടതുണ്ട്. ജനിച്ച ഒരാഴ്ചയ്ക്കുള്ളിൽത്തന്നെ നമ്മുടെ അടുത്തുള്ള കെന്നൽ ക്ലബ്ബുമായി ബന്ധപ്പെടേണ്ടതാണ്. അവർ പപ്പി റജിസ്ട്രേഷനുവേണ്ടി നേരിൽ വന്നു കണ്ട് ആ നായ്ക്കുട്ടികൾ വർഗശുദ്ധി ഉള്ളതാണോ, അവയുടെ മാതാപിതാക്കൾ അങ്ങനെയുള്ളവരാണ്, അവരുടെ മൈക്രോചിപ്പ് നമ്പർ ശരിയാണോ, കുഞ്ഞുങ്ങൾക്ക് അംഗീകരിച്ചിട്ടുള്ള നിറങ്ങൾ തന്നെയാണോ, എത്ര കുഞ്ഞുങ്ങളുണ്ട്, ആൺ-പെൺ എത്ര തുടങ്ങിയ കാര്യങ്ങൾ രേഖപ്പെടുത്തി കെസിഐ ആസ്ഥാനത്തേക്ക് അയയ്ക്കും.
കുഞ്ഞുങ്ങൾക്ക് രണ്ടു മാസം പ്രായം വരെ സാധാരണ ഫീസും അതിനു ശേഷം 4 മാസം വരെ അധിക ഫീസും നൽകി പപ്പി റജിസ്ട്രേഷൻ ചെയ്യാം. ആറു മാസത്തിനു ശേഷം മാതാപിതാക്കളുടെ പേരോടുകൂടി റജിസ്റ്റർ ചെയ്യാൻ സാധിക്കില്ല. ആറു മാസം പ്രായത്തിനുശേഷം സർട്ടിഫിക്കറ്റ് എടുക്കണമെങ്കിൽ നോൺ പെഡിഗ്രി സർട്ടിഫിക്കറ്റ് എടുക്കാം. 1 വയസു കഴിഞ്ഞതിനുശേഷമേ നോൺ പെഡിഗ്രീഡ് സർട്ടിഫിക്കറ്റിന് അപേക്ഷിക്കാൻ കഴിയൂ. നോൺ പെടിഗ്രീഡ് സർട്ടിഫിക്കറ്റ് എടുക്കാനായി നിങ്ങളുടെ സമീപത്തുള്ള ക്ലബ്ബുമായി ബന്ധപ്പെട്ടാൽ മതിയാകും. ഇങ്ങനെ എടുക്കുന്ന സർട്ടിഫിക്കറ്റിൽ മാതാപിതാക്കളുടെ പേരുകൾ ഇല്ലെങ്കിൽ പോലും ഒരു റജിസ്ട്രേഡ് ഡോഗിന്റെ എല്ലാ ഗുണങ്ങളും ആ പേപ്പറിൽ ഉണ്ടാകും. അത് അടുത്ത തലമുറയ്ക്ക് പകർന്നു കൊടുക്കുകയും ചെയ്യാം.
വിദേശത്തുനിന്ന് ഇറക്കുമതി ചെയ്തിട്ടുള്ള നായയ്ക്ക് ഇംപോർട്ടഡ് പെഡിഗ്രിയുമായി ബന്ധിപ്പിച്ച് അവരുടെ എല്ലാ രക്ഷിതാക്കളുടെയും പേരും ഉൾപ്പെടുത്തി പുതിയ പേരിലേക്ക് മാറ്റിയെടുക്കാം. അങ്ങനെയെങ്കിലും ബ്രീഡറുടെ പേരും മുമ്പ് അവർ നൽകിയിട്ടുള്ള റജിസ്ട്രേഡ് പേരും മാറ്റാൻ സാധിക്കില്ല. 2019 വരെ നമുക്ക് ആ സർട്ടിഫിക്കറ്റിന്റെ പേരിന്റെ കൂടെ നമ്മുടെ റജിസ്ട്രേഡ് കെന്നലിന്റെ പേരും കൂടെ ചേർക്കാമായിരുന്നു. ഇപ്പോൾ അതിന് സാധിക്കില്ല.
കേരളത്തിൽ തിരുവനന്തപുരം, കൊല്ലം, കോട്ടയം, എറണാകുളം, തൃശൂർ, പാലക്കാട്, കാലിക്കറ്റ്, മലബാർ എന്നീ 8 കെന്നൽ ക്ലബ്ബുകളാണുള്ളത്. എന്നാൽ, ക്ലബ്ബ് അംഗീകരിച്ചിട്ടുള്ള സർട്ടിഫിക്കറ്റുള്ള നായ വർഗങ്ങളെ മറ്റുള്ള ഷോകളിൽ പങ്കെടുപ്പിക്കാൻ അനുവാദമില്ല. ഒരു നോൺ റജിസ്റ്റേഡ് സർട്ടിഫിക്കേഷൻ ചെയ്യാൻ ഒരു ഒരു ഇന്റർനാഷണൽ ജഡ്ജിന് മാത്രമേ സാധിക്കൂ. ഇന്ത്യൻ നായ വർഗങ്ങൾക്ക് സർട്ടിഫിക്കറ്റ് എടുക്കുന്നതിനായി ചില ആനുകൂല്യങ്ങളുണ്ട്.
പപ്പി റെജിസ്ട്രേഷൻ ചെയ്യുമ്പോൾ കുഞ്ഞുങ്ങൾക്ക് നമുക്ക് ഇഷ്ടമുള്ള പേരുകൾ നിർദ്ദേശിക്കാം. അതുപോലെ നമ്മുടേത് ഒരു റജിസ്ട്രേഡ് കെന്നൽ ആണെങ്കിൽ ആ പേര് കൂടെ ചേർത്ത് അപേക്ഷിക്കാം. എന്നാൽ, ആ പേര് മറ്റൊരാൾക്ക് ഉടമസ്ഥാവകാശം കൈമാറ്റം ചെയ്യുമ്പോൾ മാറ്റാൻ സാധിക്കില്ല. അത് ബ്രീഡറുടെ മാത്രം അവകാശമാണ്.

13/06/2021

#നായ്ക്കളിലെ_വിരയിളക്കൽ🐶

നായ്പരിപാലനത്തിൽ ഏറ്റവും പ്രധാനപ്പെട്ട ഒന്നാണ് വിരയിളക്കൽ. വിരയിളക്കൽ നായ്ക്കളുടെ ആരോഗ്യത്തെയും ജീവനെയും ബാധിക്കുന്ന കാര്യമാണ്.നായ്ക്കളിൽ വിരയിളക്കൽ എങ്ങനെ ചെയ്യാം എന്ന് നോക്കാം.
ജനിക്കുന്ന നായ്കുട്ടികൾക്ക് അമ്മയിൽ നിന്നാണ് മരുന്നുകളുടെ ഗുണം ലഭിക്കുന്നത് അതുകൊണ്ട് ഗർഭിണി നായ്ക്കളെ 45 ദിവസം ആകുമ്പോൾ തന്നെ വിരയിളക്കണം(pregnancy safe medicine മാത്രം ഉപയോഗിക്കുക).
നായ്ക്കുട്ടി ജനിച്ചാൽ 15-ാം ദിവസം തന്നെ വിരയിളക്കണം അതിന് ശേഷം 45 ദിവസം വരെ 15 ദിവസം ഇടവിട്ട് വിര ഇളക്കേണ്ടത് അനിവാര്യമാണ്. അതിന് ശേഷം 3 മാസം പ്രായം വരെ 30 ദിവസത്തെ ഇടവേളയിൽ വിരയിളക്കണം 15 ദിവസം മുതൽ 30 ദിവസം വരെയും ദ്രാവക രൂപത്തിൽ ഉള്ള വിരാമരുന്നുകൾ ഉപയോഗിക്കണം.

3 മാസം തൊട്ട് ഗുളിക രൂപത്തിൽ വരുന്ന വിരമരുന്നുകൾ ആണ് ഉപയോഗിക്കേണ്ടത് അത് 3 മാസം ഇടവിട്ട് ആണ് നൽകേണ്ടത്. 3 മാസം കഴിഞ്ഞ നായ്ക്കൾക്ക് പച്ചഇറച്ചി ആണ് കൊടുക്കുന്നത് എങ്കിൽ 25-30 ദിവസത്തെ ഇടവേളയിൽ വിര ഇളക്കണം.

NB: നായ്ക്കളുടെ ഭാരത്തിന് അനുപാതമായി മരുന്നിന്റെ അളവ് തീരുമാനിക്കണം. അതിന്റെ മാനദണ്ഡം ഓരോ മരുന്ന് അനുസരിച്ചു വ്യത്യസ്തമാണ്. സ്റ്റൂൾ പരിശോധിച്ച ശേഷം വിരമരുന്ന് നൽകുന്നത് ആണ് ഏറ്റവും നല്ലത്.

പൊതുവായി ഉപയോഗിക്കുന്ന മരുന്നുകൾ.
#നായ്ക്കുട്ടികൾക്കുള്ള_മരുന്ന്
🐶KIW OF PUPPY
🐶NEMOCID
🐶WOREX PUPPY
🐶DRONTAL PUPPY
🐶EAZYPET PUPPY
🐶WORMTRAP P
#മുതിർന്നനായ്ക്കൾക്കുള്ള_ഗുളിക
🐶WOREX
🐶EAZYPET
🐶PANACUR
🐶WORM TRAP
🐶DRONTAL PLUS
🐶KIW OF
🐶DEFENDER PLUS
🐶SENTINEL
by
🐕‍🦺❤️മിഥുൻ കൃഷ്ണ ❤️🐕‍🦺
💞🐩Montrer Des Morceaux🐩💞

11/06/2021

Ruby's little boy going to new home. Thanks. Mr. Sonal Joy and family at Angadikadavu
For more enquary feel free to contact :9048959541

08/06/2021

നായ്ക്കളെ വളർത്തുന്നവർക്കിടയിൽ പാർവോ രോഗത്തെ കുറിച്ച് കേൾക്കാത്തവർ ചുരുക്കമായിരിക്കും. പാർവോ രോഗം ബാധിച്ച് അകാലത്തിൽ അരുമകളെ നഷ്ടപ്പെട്ടവരുണ്ടാവാം. ദിവസങ്ങളോളം ചികിത്സ നൽകി തങ്ങളുടെ ഓമനകളെ പാർവോയുടെ പിടിയിൽനിന്ന് രക്ഷപ്പെടുത്തിയ അനുഭവങ്ങളായിരിക്കും മറ്റ് ചിലർക്ക് പങ്കുവയ്ക്കാനുണ്ടാവുക.

പാര്‍വോ അഥവാ വൈറല്‍ ഹെമറേജിക് എന്‍ററൈറ്റിസ് എന്നറിയപ്പെടുന്ന ഈ സാംക്രമികരോഗത്തിന് കാരണം കനൈന്‍ പാര്‍വോ വൈറസുകളാണ്. വൈറസുകള്‍ക്കിടയിലെ തന്നെ ഇത്തിരിക്കുഞ്ഞന്മാരാണെങ്കിലും വേനല്‍ ചൂടിനെയും തണുപ്പിനെയും അണുനാശിനികളെയുമെല്ലാം അതിജീവിച്ച് ദീര്‍ഘകാലം മണ്ണില്‍ സുഖസുഷുപ്തിയില്‍ കഴിയാന്‍ ശേഷിയുള്ളവരാണ് കനൈന്‍ പാര്‍വോ വൈറസുകള്‍. അന്തരീക്ഷ ഈര്‍പ്പം ഉയരുകയും താപനില കുറയുകയും ചെയ്യുന്ന അനുകൂലസാഹചര്യങ്ങളില്‍ പാര്‍വോ വൈറസ് രോഗാണുക്കള്‍ സജീവമായി രോഗമുണ്ടാക്കും.

വേനൽ മാറി മഴയെത്തുന്ന ഇടക്കാലത്ത് രോഗനിരക്ക് പൊതുവെ ഉയരുമെങ്കിലും ഏത് കാലാവസ്ഥയിലും രോഗം പടര്‍ത്താന്‍ ശേഷിയുള്ളവരാണ് കനൈന്‍ പാര്‍വോ വൈറസുകള്‍.

വൈറസിനെതിരായ ഫലപ്രദമായ മരുന്നുകള്‍ ലഭ്യമല്ലാത്തതും, വേഗത്തില്‍ പടര്‍ന്നുപിടിക്കാനുള്ള വൈറസിന്‍റെ ശേഷിയും രോഗനിയന്ത്രണം ശ്രമകരമാക്കും. രോഗലക്ഷണങ്ങള്‍ അതിതീവ്രമായി പ്രകടിപ്പിക്കുന്നതിനാല്‍ പാര്‍വോരോഗത്തിനെതിരായ ചികിത്സയും പരിചരണവുമെല്ലാം നീണ്ടുനില്‍ക്കുന്നതും, ചെലവേറിയതുമാണ്. പാര്‍വോ വൈറസില്‍നിന്നു നമ്മുടെ അരുമകളെ കരുതാന്‍ ചില മുന്‍കരുതലുകള്‍ വേണ്ടതുണ്ട്.
പാര്‍വോ രോഗം പടരുന്നതെങ്ങനെ?

പാര്‍വോരോഗം ബാധിച്ച നായ്ക്കള്‍ 4-5 ദിവസത്തിനകം അവയുടെ വിസര്‍ജ്യത്തിലൂടെ വൈറസുകളെ ധാരാളമായി പുറന്തള്ളും. ഇങ്ങനെ പുറത്തുവരുന്ന വൈറസുകള്‍ക്ക് എല്ലാ പ്രതികൂലസാഹചര്യങ്ങളെയും സമർഥമായി തരണം ചെയ്ത് ദീര്‍ഘനാള്‍ പരിസരങ്ങളില്‍ നിലനില്‍ക്കുള്ള വിരുതുണ്ട്. രോഗബാധയേറ്റ നായ്ക്കളുമായോ, അവയുടെ വിസര്‍ജ്യം കലര്‍ന്ന് രോഗാണുക്കളാല്‍ മലിനമായ പരിസരങ്ങളുമായുള്ള നേരിട്ടോ അല്ലാതേയോ ഉള്ള സമ്പര്‍ക്കത്തിലൂടെയോ മറ്റു നായ്ക്കളിലേക്ക് രോഗം പകരും.

രോഗബാധയേറ്റ നായ്ക്കള്‍, അവയുടെ വിസര്‍ജ്യം എന്നിവയുമായി സമ്പര്‍ക്കത്തിലേര്‍പ്പെട്ട വ്യക്തികള്‍, അവരുടെ വസ്ത്രങ്ങള്‍, പാദരക്ഷകള്‍, വാഹനങ്ങള്‍ എന്നിവയെല്ലാം രോഗാണുസംക്രമണത്തിന് വഴിയൊരുക്കും. രോഗാണുമലിനമായ തീറ്റ, ജലം, നായ്ക്കളുടെ കളിപ്പാട്ടങ്ങള്‍, കഴുത്തിലണിയുന്ന ബെല്‍റ്റുകള്‍, ലീഷുകള്‍, കോളറുകള്‍, തീറ്റപ്പാത്രങ്ങള്‍, ഗ്രൂമിങ് ബ്രഷുകള്‍, ആശുപത്രി സാഹചര്യങ്ങള്‍ തുടങ്ങിയവയെല്ലാം രോഗാണുസംക്രമണത്തിന്‍റെ സ്രോതസുകളാണ്.

കണ്‍മുന്നിൽപ്പെടുന്നതെന്തും രുചിച്ച് നോക്കാനും, മണത്തുനോക്കാനുമുള്ള നായ്ക്കളുടെ പ്രവണത രോഗപ്പകര്‍ച്ച എളുപ്പമാകും. വിസര്‍ജ്യത്തില്‍ വന്നിരിക്കുന്ന ഈച്ചകള്‍ക്കും രോഗം പരത്താന്‍ ശേഷിയുണ്ട്. രോഗവാഹകരാകാനിടയുള്ള തെരുവ് നായ്ക്കളുമായുള്ള സമ്പര്‍ക്കവും രോഗാണുസംക്രമണത്തിന് വഴിയൊരുക്കും.
ആറാഴ്ച മുതല്‍ ആറു മാസംവരെ പ്രായമുള്ള നായ്ക്കുട്ടികളാണ് പാര്‍വോ രോഗാണുവിന്‍റെ പ്രധാന ഇരകള്‍. എങ്കിലും പ്രതിരോധശേഷി കുറഞ്ഞ ഏതു പ്രായത്തിലുള്ള നായ്ക്കളെയും ബാധിക്കാനുള്ള ശേഷി ഈ വൈറസിനുണ്ട്. റോട്ട്‌വീലര്‍, പിറ്റ്ബുള്‍, ലാബ്രഡോര്‍ റിട്രീവര്‍, ഡോബര്‍മാന്‍, ജര്‍മന്‍ ഷെപ്പേര്‍ഡ് തുടങ്ങിയ ഇനങ്ങള്‍ക്ക് പാര്‍വോ പിടിപെടാനുള്ള സാധ്യത പൊതുവെ ഉയര്‍ന്നതാണ്.

പൂച്ചകളെയും പാര്‍വോരോഗം ബാധിക്കുമെങ്കിലും നായ്ക്കളില്‍ രോഗമുണ്ടാക്കുന്ന വൈറസുകളല്ല പൂച്ചകളില്‍ രോഗമുണ്ടാക്കുന്നത്. പാര്‍വോ രോഗം പൂച്ചകളില്‍ ഫെലൈന്‍ പാന്‍ലൂക്കോപീനിയ എന്നാണ് അറിയപ്പെടുന്നത്. നായ്ക്കളില്‍നിന്നും മനുഷ്യരിലേക്ക് പകരുന്ന ജന്തുജന്യരോഗങ്ങളില്‍ ഒന്നല്ല പാര്‍വോരോഗം എന്നതും പ്രത്യേകം ഓര്‍ക്കണം.
പാര്‍വോ രോഗം എങ്ങനെ തിരിച്ചറിയാം?

വൈറസുകള്‍ ശരീരത്തിലെത്തി ഒരാഴ്ചക്കകം നായ്ക്കൾ രോഗ ലക്ഷണങ്ങൾ പ്രകടിപ്പിച്ച് തുടങ്ങും. വിശപ്പില്ലായ്മ, പനി, ക്ഷീണം, ശരീരതളര്‍ച്ചയും വയറിലെ വേദനയും കാരണം സദാസമയം തണുപ്പുള്ള തറയില്‍ കിടയ്ക്കല്‍ എന്നിവയെല്ലാമാണ് പ്രാരംഭലക്ഷണങ്ങള്‍. കുടല്‍ഭിത്തിയിലെ കോശങ്ങളെ നശിപ്പിച്ച് പെരുകുന്ന വൈറസുകള്‍ ദഹനേന്ദ്രിയവ്യൂഹത്തില്‍ രക്തസ്രാവത്തിന് വഴിയൊരുക്കും. തുടര്‍ച്ചയായ ഛര്‍ദ്ദി, വയറിളക്കം, ദഹിച്ച രക്തം കലര്‍ന്ന് കറുത്ത നിറത്തിൽ ദുര്‍ഗന്ധത്തോട് കൂടിയ മലം തുടങ്ങിയ ലക്ഷണങ്ങള്‍ തുടര്‍ന്ന് ഒന്നുരണ്ട് ദിവസത്തിനകം പ്രകടമാവും. തീരെ ചെറിയ നായ്ക്കുട്ടികളില്‍ പാര്‍വോ രോഗാണു ആദ്യഘട്ടത്തില്‍ തന്നെ ഹൃദയകോശങ്ങളെ അതിഗുരുതരമായി ബാധിക്കുന്നതിനാല്‍ രോഗലക്ഷണങ്ങള്‍ പ്രകടമാകുന്നതിന് മുമ്പു തന്നെ മരണം സംഭവിക്കാം.

അരുമകള്‍ക്ക് പാര്‍വോ രോഗബാധയേറ്റാല്‍ വേണ്ടത്

രോഗംബാധിച്ച നായ്ക്കളെ പ്രത്യേകം മാറ്റിപ്പാര്‍പ്പിച്ച് പരിചരിക്കണം. പാര്‍വോ വൈറസിനെതിരെ പ്രവര്‍ത്തിക്കുന്ന കൃത്യമായ മരുന്നുകള്‍ ലഭ്യമല്ല. മറിച്ച് രോഗലക്ഷണങ്ങള്‍ക്കെതിരെയും പാര്‍ശ്വാണുബാധകള്‍ തടയാനുമാണ് ചികിത്സ.

തുടര്‍ച്ചയായ ഛര്‍ദ്ദിയും വയറിളക്കവും കുടലിലെ രക്തസ്രാവവും നിർജലീകരണത്തിനും ശരീരത്തില്‍നിന്നു ഗ്ലൂക്കോസ്, പ്രോട്ടീന്‍, ഇലക്ട്രോലൈറ്റുകള്‍ എന്നിവ നഷ്ടപ്പെടുന്നതിനും കാരണമാവും. നിർജലീകരണവും പോഷകങ്ങളുടെ നഷ്ടവും പരിഹരിക്കുന്നതിനായി കൃത്യമായ ഇടവേളകളില്‍ ഫ്ലൂയിഡ് തെറാപ്പി, പാര്‍ശ്വാണുബാധകള്‍ തടയാന്‍ ആന്‍റിബയോട്ടിക് കുത്തിവയ്പ്പുകള്‍, വൈറസുകള്‍ കേടുപാടുകള്‍ തീര്‍ത്ത ദഹനവ്യൂഹത്തെ സംരക്ഷിക്കുന്നതിനായും, ഛര്‍ദ്ദിയും വയറിളക്കവും തടയുന്നതിനായുള്ള അനുബന്ധ മരുന്നുകളും ഉള്‍പ്പെടെ ഒരാഴ്ചയിലധികം നീണ്ടുനില്‍ക്കുന്ന ചികിത്സ തന്നെ വൈറസുകളെ കീഴടക്കാന്‍ വേണ്ടിവരും. രോഗം ബാധിച്ച നായ്ക്കള്‍ക്ക് ഖരാഹാരങ്ങള്‍ നല്‍കുന്നത് പൂർണമായും ഒഴിവാക്കണം. തണുപ്പിച്ച പാല്‍, ഇളനീര്‍ വെള്ളം, ഒആര്‍എസ് ലായനി, തേന്‍ എന്നിവയൊക്കെ അൽപാൽപം ആഹാരമായി നല്‍കാം.

രോഗാരംഭത്തില്‍ തന്നെ ചികിത്സ ഉറപ്പുവരുത്താത്ത പക്ഷം നിര്‍ജലീകരണവും, പാര്‍ശ്വാണുബാധകളും ചെറുകുടലിലെ രക്തസ്രാവവും മൂര്‍ച്ഛിച്ച് നായ്ക്കള്‍ രണ്ടുമൂന്ന് ദിവസത്തിനകം മരണപ്പെടും. രോഗാരംഭത്തില്‍ തന്നെ വിദഗ്ധചികിത്സ ഉറപ്പുവരുത്തിയാല്‍ രക്ഷപ്പെടാനുള്ള സാധ്യത 90 ശതമാനത്തിന് മുകളിലാണ്. അതിനാൽ മേൽപ്പറഞ്ഞ ലക്ഷണങ്ങളിൽ ഏതെങ്കിലും ശ്രദ്ധയിൽപ്പെട്ടാൽ ലോക് ഡൗൺ കാലമാണങ്കിൽ പോലും ഉടൻ ചികിത്സ ഉറപ്പാക്കാൻ മറക്കരുത്. രോഗത്തെ അതിജീവിക്കാനുള്ള ശേഷി ചികിത്സക്കൊപ്പം തന്നെ നായ്ക്കളുടെ പ്രായത്തെയും ആരോഗ്യത്തെയും പ്രതിരോധശേഷിയെയും ആശ്രയിച്ചിരിക്കും.
രോഗത്തെ തുടര്‍ന്ന് പ്രതിരോധശേഷി കുറയുന്നതിനാല്‍ രോഗബാധയില്‍നിന്ന് രക്ഷപ്പെട്ട നായ്ക്കള്‍ക്ക് ഒരു മാസത്തോളം പ്രത്യേക ശ്രദ്ധയും പരിചരണവും നല്‍കണം. ഘട്ടം ഘട്ടമായി മാത്രമേ ഖരാഹാരങ്ങള്‍ തീറ്റയില്‍ ഉള്‍പ്പെടുത്താന്‍ പാടുള്ളൂ. പ്രതിരോധശേഷി ഉയര്‍ത്താന്‍ സഹായിക്കുന്ന കരള്‍ ഉത്തേജക-സംരക്ഷണ മരുന്നുകള്‍ നല്‍കണം.
പാര്‍വോയില്‍നിന്ന് മുക്തി നേടിയ നായ്ക്കള്‍ തുടര്‍ന്ന് രണ്ടാഴ്ചയോളം വിസര്‍ജ്യത്തിലൂടെ വൈറസിനെ പുറന്തള്ളാനിടയുള്ളതിനാല്‍ പ്രത്യേക ശ്രദ്ധ വേണം. കൂടും പരിസരവും, ഭക്ഷണപാത്രങ്ങളുമെല്ലാം ബ്ലീച്ചിംങ്ങ് പൗഡര്‍ ലായനി (2 - 5 ശതമാനം) ഉപയോഗിച്ച് കഴുകി വൃത്തിയാക്കണം. നായ്ക്കളെ വളര്‍ത്തുന്ന അയല്‍വാസികളോട് രോഗത്തെ കുറിച്ചും മുന്‍കരുതലുകളെ കുറിച്ചും ധരിപ്പിക്കണം. ഒരു തവണ രോഗബാധയില്‍നിന്ന് രക്ഷപ്പെട്ട നായ്ക്കള്‍ പാര്‍വോയ്ക്കെതിരെ നീണ്ടുനില്‍ക്കുന്ന പ്രതിരോധശേഷി പുലര്‍ത്തുമെങ്കിലും വീണ്ടും രോഗബാധയടക്കമുള്ള സാധ്യത തള്ളിക്കളയാന്‍ കഴിയില്ല.

പാര്‍വോ രോഗം തടയാൻ

അരുമ നായ്ക്കള്‍ക്ക് മരണദൂതുമായെത്തുന്ന പാര്‍വോ വൈറസിനെ പ്രതിരോധിക്കാനുള്ള ഏറ്റവും ഉചിതമായ മാര്‍ഗം കൃത്യമായ പ്രതിരോധകുത്തിവയ്പ്പ് തന്നെയാണ്. പാര്‍വോ വൈറസിനെ പ്രതിരോധിക്കാന്‍ സഹായിക്കുന്ന നിരവധി വാക്സിനുകള്‍ ഇന്നു വിപണിയില്‍ ലഭ്യമാണ്. ഇതിലേറെ വാക്സിനുകളും പാര്‍വോ വൈറസിനൊപ്പം കനൈന്‍ ഡിസ്റ്റംപര്‍, എലിപ്പനി, കരള്‍ വീക്കം (ഹെപ്പറ്റൈറ്റിസ്) തുടങ്ങി നായ്ക്കളെ ബാധിക്കുന്ന ആറോളം പ്രധാന സാംക്രമികരോഗങ്ങളെ കൂടി പ്രതിരോധിക്കാന്‍ തക്ക ശേഷി നല്‍കുന്ന ഘടകങ്ങള്‍ തുടങ്ങിയ ബഹുഘടക (മള്‍ട്ടി കംപോണന്‍റ്) കുത്തിവയ്പ്പുകളാണ്.

പ്രതിരോധ കുത്തിവയ്പ്പുകള്‍ കൃത്യമായി എടുത്ത നായ്ക്കളില്‍നിന്നും മുലപ്പാലിലൂടെ ആദ്യ ആറാഴ്ചവരെ പ്രതിരോധ ഘടകങ്ങള്‍ അഥവാ ആന്‍റിബോഡികള്‍ കുഞ്ഞുങ്ങള്‍ക്ക് ലഭ്യമാവും. തുടര്‍ന്ന് നായ്ക്കുഞ്ഞിന് 6-8 ആഴ്ച (45 ദിവസം) പ്രായമെത്തുമ്പോള്‍ പാര്‍വോ രോഗമുള്‍പ്പെടെയുള്ള സാംക്രമികരോഗങ്ങള്‍ക്കെതിരായ ആദ്യ കുത്തിവയ്പ്പ് നല്‍കണം. തുടര്‍ന്ന് 9-12 ആഴ്ച പ്രായമെത്തുമ്പോള്‍ ആദ്യത്തേതിന്‍റെ ബൂസ്റ്റര്‍ കുത്തിവയ്പ്പ് നല്‍കാം. പിന്നീട് 12-16 ആഴ്ച (മൂന്നാം മാസം) പ്രായമെത്തുമ്പോള്‍ മള്‍ട്ടി കംപോണന്‍റ് വാക്സിനിന്‍റെ ഒരു കുത്തിവയ്പ്പുകൂടി നല്‍കിയാല്‍ പാര്‍വോയടക്കമുള്ള സാംക്രമികവ്യാധികളില്‍നിന്ന് നമ്മുടെ അരുമകളെ പൂര്‍ണ്ണമായും സുരക്ഷിതമാക്കാം. പിന്നീട് ബൂസ്റ്റർ കുത്തിവയ്പ് ഒരു വര്‍ഷത്തിന് ശേഷം നല്‍കിയാല്‍ മതിയാവും.
പ്രതിരോധ കുത്തിവയ്പ്പുകള്‍ പൂർണമാകുന്നത് വരെ നായ്ക്കുഞ്ഞുങ്ങളെ പൊതു കെന്നലുകളിലും ഡേ കെയര്‍ ഹോമുകളിലും പാര്‍പ്പിക്കുന്നതും, മറ്റ് നായ്ക്കള്‍ക്കൊപ്പം ട്രെയിനിംഗിന് വിടുന്നതും ഒഴിവാക്കുന്നതാണ് ഉചിതം.

05/06/2021

Looking for new Home🏡
DOBERMAN Male Puppy
With out KCI
Pawes Kennels Mukkam
Feel free to contact 9048959541

Paws Kennel

08/08/2021

26/07/2021

17/07/2021

12/07/2021

27/06/2021

19/06/2021

13/06/2021

11/06/2021

08/06/2021

05/06/2021

Address

Website

Alerts

Shortcuts

Share

Category

Listing takedown request