12/08/2026
A valuable visitors from Veterinary College, Selesih. Sharing our start up - challenges and struggles, the ups and downs of the entrepreneur, and the future of the business.
Kan sawi thenkhat te -
1. Bultan tura hnathawka ka inhlawh hmasak te te thu te, chhungkuaa tanrual a pawimawhzia te.
2. Mahni pual eizawnna a awlsam hauh lo thu te, mahse theihtawpa bei tan erawh chhungkaw chawmna thawhchhuah a theih thu te.
3. Inelna thianghlim hmachhawn tura thahnemngaih a ngaizia leh rinawm leh theihtawpa thaa thawk tan erawh kan chantawk a bo bik log thu te.
4. Mahni dinhmun inhre chiang a, hmalak tur chin hriat thiam leh mi dangte nena tangkaina awm si lova inkhaikhin fo mai a hrisel vek loh laiin, hmasawn tuma kal zel tura tumruhna a tul si zia te.
5. Chhungkaw din tawh hnua sum ruahman lem loh kal ral tur a tam ve zia te, chu tih kara eizawnna kal zel tura tha thawh a tul em em zia te.
6. Mahni eizawnna ngawr ngawra bûr ngut lova, khawtlang tana kan phak tawka inhman leh mihringpuite tana malsawmna ni tura inhman daihzai thiam a tul thu te.
7. Min dawrtute avanga eizawnna nei thei, sum thawk chhuak thei kan nih avanga anni hi kan ngaihpawimawh ber fo tur an nihzia te (min dawetute zawng zawng duhthusam erawh kan tling zo hauh lo tih erawh hre reng chungin🙏). An rawn let leh zel theih nana theihtawpa an hlimna leh lawmna thlen theitu nih tum tlat te.
Sawi vek sen a ni awm lo ve. Darkar hnih dawn an zawhna min chhan ang ang, ka phak talkin ka chhang a. K*m 11 chuang zet mai, harsa ve taka kan eizawnna kan chhunzawm ve mek (ka nupui Dampuia Nu min thlawpna vangin) hi, la kalpui ve hram hram theia min hruaitu Pathian hnenah lawmthu kan sawi a. Duhsak taka min dawrtute zawng zawng chungah kan lawm em em e.
