JB Foundation

02/10/2026

Happy Anniversary to us 🤗🫶👏

30/09/2026

The Reality Behind It!!
He mission hi i support tlat avangin kan va lawm em 🙏🤗

26/09/2026

Ran khawngaihna nei thar leh uisa ei bansan thar te chungah lawmthu kan sawi leh nghal e 👏🙏

25/09/2026

Shelter din thupui berah a nei mek. A tum hlawhtlin ngei duhsakin kan neih tlemte kan lo hlan ve e.

Sonu & Charlie from Bihar ❤️

Thank you for spending your precious time at our Shelter and giving your love, care, and attention to the animals who call it home. 🐾❤️

Your presence made their day a little brighter. We truly appreciate the time you chose to give them. 🤗

24/09/2026

DOG BREEDING and MARKETING RULES - 2017 Bu a inziak thenkhat te:-

*UI NOTE HRALH/ZAWRH* *CHUNGCHANG*
• Ui note kar riat (thlahnih) a tlin hma loh chuan hralh phal a ni lo.
• Puipunna hmun bazaar, kawngsir,etc ah hralh sum a chan tir duh vangin Ui note zawrh tur a ni lo. Dan phal loh a ni.
• Ui neitu/enkawltu in a ui note te a hralh dawnin, an hriselna a that leh thatloh check sakin an hriselna dinhmun chiang tak leh felfai takin a vawng tur a ni.

*THU PAWIMAWH (License nei) BREEDER TEN AN ZAWM TUR TE*
• Ui pui (nu) hian k*m khat ah vawi hnih lai nau an nei theia, amaherawh chu a zawna an neih theih vanga neihtir hi an hriselna atan thalo thei a nih avangin dan in a phallo a ni.
• K*m khata vawikhat an rai kha duhtawk tur ani a. Chumi zawm lova lo kah rai emaw pawngsual lam thil rawngkai a awm anih chuan dan angin hrem theih an ni.
• Ui pui(nu) reng reng a damchhungin naute vawi nga bak neihtir tur a ni lo.
• Ui pui (nu) te hi k*m riat chung lam an nih hnuah rai tir phal an ni lo.
• Ui pui (nu) te vaccine an pe tha tur a ni a. Chumi piah lamah chuan a hun thlap thlapah rulhut hlo te pek thin tur an ni.
• Ui breed tha leh dangdai siam chhuah duh vang emaw neih duh vanga a pa pawl tir emaw, tihluih te hi khap tlat ani.

*RAN DAWR NEITU TE TANA HRIAT TUR:*
• Ran dawr neitu tute pawhin an in register na (Pet Shop License) certificate an dawrah hmuh theihin an dah tur a ni.
• Ran dawr neitu ten an dawr chu District Society for Prevention of Cruelty to Animals (DSPCA) tena inspection neia thlithlai emaw enfiah an duh hunah an in hawng tur a ni.

Heng dan tha deuh deuh te hi a taka hman theih tur a duan leh tlangzarh tawh a ni a, a zawmlo tute chu mipui (Ui vulhtute) bawk hi kan nih zel avangin sawrkar mai bakah khawtlang buaiin kan buai phah tawh niin a lang.

A bikin Ui leh Zawhte avanga a khawtlang huapa buaina leh harsatna kan tawh zozai te hi a tihreh dan tur dan tha tak duan sa hi thuawi takin zawm mai ila chu chu kan zavaia dam tlanna tur ber a ni.

Dan tha deuh awm sa zawm anih loh chhung hian a hman hmanin Sumdawnna tha tak atan an hmang mek a, Ui note piantir chur chur a zuar leh nghal te, a leituten an enkawl zawh leh siloh avanga khawlaia chhuak vak tam lutuk te, bo leh chhar tam lutuk te, a lian tawhsa ei atan a zuar tam ta lutuk te, tihduhna te, hlamchhiah te, khawlaia ui ek tam vanga mipui kan phun mur mur ta te hi a nghawng chu a ni.

Dan hi khauh taka kenkawh nise, mipui lamin ngaipawimawhin zawm vek ta bawk ila tichuan kan khawtlang, kan Zoram hi nuam taka siamtu kan ni mai dawn alo ni.

JB Foundation
A CAUSE FOR PAWS

23/09/2026

22/09/2026

Thi tura phuarhlawm leh hreawm tam tak tuar hnu ten an chipui tana thisen an hlan i thlir mek lai hian a tha zawnga ngaihtuahna hmang hram turin kan ngen mawlh mawlh che a, testimony ropui tak i neih ngei pawh kan beisei tlat bawk e🙏

21/09/2026

20/09/2026

Ui note pathum hi nimin ni 10.9.2026 khan Kawnpui PS in an rescue. Health Certificates te chu anlo nei ve ngeia mahse a lem bawk ani e. Thuampui vengah Animal Health Centre a awmlo a tin, Health Certificate pe thei tu hi Veterinary Doctor chauh anni bawk a ni. Hetianga fake document a sumdawnna hi a tam tih hriat ani a, eng eng emaw hi chu kan ti ve thin a nimahsela a ngaipawimawh zual tura ngaih te an ngawi tlat lawisi hi a buaithlak ta chu a ni.

Nimin khan Kawnpui PS ah report kan pe a annin rang takin hma anlo la zawm nghal a alawmawm thin tak zet. Nimin chawhnu her a ruah sur vak hma lawk khan rescue anni a, phur tlang ta se, rescue nilo ta se ruah kha an tuar mai lo ang maw?? Thin tiur tur thil thleng thalo hi a tam si a, thuneitu te an inngaihtuah harh vat vat hi a hun tak zet.

Bawhzui tul, enzui tul leh hmalakna tur pawimawh tak tak hi a inchherchhuan thuah nasa tawha dan bawhchhetu te hrem loha liam tir mai mai hi awm lo se a tha ber a ni.

19/09/2026

Animal Cruelty - Kawnpui PS Case No 19/16 dt.16.9.2026

Pakuk-a ( Ui ) thihna avangin 1. Lalhriatkima, 2. Lalngaihawma leh 3. Lalmuanawma, Bualpui N' Kolasib District te lakah ni 14.9.2026 khan FIR thehluh a ni a, Kawnpui Police fel tak takin tihtak thlaka investigation an kalpui hnuah heng mi pathum te lakah hian case hi an ziak lut ta a ni. Dan chu dan a nihna anga a chhawr tangkaitu tur leh a mamawhtu in a hman ngei theihna tura theihtawp chhuahtu Officer-in-Charge leh a staff fel tak tak te an fakawm tak zet e👏👏

Ni 8.9.2026 Thawhlehni khan Pakuk-a (ui) hian ram riak tur mi pathum te hi a zui.
Ni 9.9.2026 ah heng mite hian sarep zawrhtir an nei. Sakhi sa tiin Pakuka chhungte pawh an zawrh a, an lei a, an ei bawk!
Ni 9 leh ni 10 ah pawh ngaihthatlohna an neilo a chhan chu a hmelhriatte a zui avangin.
Ni 11.9.2026 ah Sarep atanga rinhlelhna nei tanin zawn hna an thawk nghala ram riahnaah an kal. Hmuh an neilo.
Ni12.9.2026 ah Pakuka nu Kungi hruaiin an kal nawn leh. Kungi chuan a fapa lu chu a hmu chhuak nawlh.
Ni 13.9.2026 ah puihna dilin call leh message kan dawng ve thung. Hemi ni vek hian VCP hnenah an zualko bawk a.
Ni 14.9.2026 ah FIR thehluh ani. Hetah hian silaia kah anih thu hriat ala nilo.
Ni 15.9.2026 zanah Pakukan a zui ber kan biaa silaia kah anih ngei thu a sawi. Silai chu hawh a nih thu sawiin silai neitu hming pawh a sawi nghal ani.

Khawi hmunah pawh ui khuahkhirh tura khawtlang hruaitu ten thu an chhuah kan hre theuh awm e. Ui chhuak chu LC/VC k*t anih angin man te chu an hnenah nungdamin hlan ngei tur a ni a, annin anlo kawl him tur a ni bawk a ni. Ui chhuak man te lakah pawi engemaw, thihna hial pawhnise thlen tirna dan hi a awm lo a ni. Tin, ui vulhtu pawhin khawtlang tibuai lo tura ui vulh mai tur kan nihlaiin thlahdah taka ui kan vulh hlawm avangin khawtlang kan tibuaia, thupek khauh tak tak chhuahlo theilo in kan siam ani tih hi kan hriat a pawimawh tak zet.

Mahni ran vulhte theuh himna ngaihtuah chungin khawtlang dan zawmtu nih pawh kan tum tur a ni a, buaina, rilru natna leh mittui tlakna te kan pumpelh theuh dawn nia 🙏