Veterinarium

Veterinarium აგრარული უნივერსიტეტის კლინიკა - Veterinarium 🩵 კლინიკა მუშაობს ყოველდღე 10:00-დან 19:00 საათამდე 🕰️

საქართველოს აგრარული უნივერსიტეტის კლინიკა Veterinarium ფუნქციონირებს კახა ბენდუქიძის კამპუსში. კლინიკა საერთაშორისო სტანდარტების შესაბამისად ეწევა სხვადასხვა მომსახურებას, მაგალითად: ცხოველთა მოვლასთან დაკავშირებულ საკონსულტაციო მომსახურებას, გეგმურ ვაქცინაციასა და ანტიპარაზიტულ დამუშავებას, ცხოველთა დაავადებების ზუსტ დიაგნოსტირებას, ცხოველთა თერაპიულ მომსახურებას, ქირურგიას, ყოველდღიურ და საგამო

ფენო გრუმინგს, სტომატოლოგიას და სხვა.

ასევე, Veterinarium-ს აქვს სასწავლო დანიშნულება, რამდენადაც საქართველოს აგრარული უნივერსიტეტის ვეტერინარიის ინტეგრირებული სამაგისტრო პროგრამისა და სასერტიფიკატო პროგრამების სტუდენტებს უტარდებათ ლაბორატორიული და პრაქტიკული მეცადინეობები.

ვეტერინარიის სკოლის პროგრამები მოიცავს პრაქტიკას საქართველოს აგრარული უნივერსიტეტის კლინიკაში, სადაც რეალურ სამუშაო გარემოში სტუდენტები იძენენ ვეტერინარისათვის საჭირო უნარებს. სასწავლო პრაქტიკისას სტუდენტები იყოფიან მცირე ჯგუფად და თითოეული ჯგუფისთვის განისაზღვრება სასწავლო პრაქტიკის კოორდინატორი, რომელიც კლინიკის თანამშრომელია და რომელიც უწევს ზედამხედველობას სტუდენტების პრაქტიკულ აქტივობებს. Veterinarium გთავაზობთ შემდეგ სერვისებს:
• ცხოველთა მოვლასთან დაკავშიებული საკონსულტაციო მომსახურება
• გეგმიური ვაქცინაცია და ანტიპარაზიტული დამუშავება
• ცხოველთა დაავადებების ზუსტი დიაგნოსტიკა:
- სისხლის და შარდის სრული კლინიკური ანალიზი მიკროსკოპიით
- დერმატოლოგიური დაავადებების დიაგნოსტიკა (ნატიური ნაცხი, ღრმა და ზედაპირული ანაფხეკი)
- ბუნებრივი გამონაჟონების კვლევა (ასციტური პლევრალური და სინოვიალური სითხე)
- სისხლის ბიოქიმიური ანალიზი ელექტროლიტებით
- იმუნოფერმენტული კვლევა (ენდოკრინული და რეპროდუქციული დარღვევების დიაგნოსტიკა)
- ონკოციტოლოგიური გამოკვლევები (რბილი ქსოვილების კანის ლიმფური ჯირკვლების და სარძევე ჯირკვლის ნეოპლაზიების დიაგნოსტიკა)
- ჰემოსტაზის სისტემის კვლევა (კოაგულოგრამა)
- მწვავე ფაზის ცილების კვლევა
- კოპროლოგიური ანალიზი
- ბაქტერიოლოგიური ნაცხის გამოკვლევა (ანტიბიოტიკოგრამა)
- რენტგენოგრაფია
- ულტრასონოგრაფია (ექოსკოპია)
• ცხოველთა თერაპიული მომსახურება:
- ინფექციური პაციენტების მართვა
- არაგადამდები დაავადებების მართვა
- ინფუზიოთერაპია (გადასხმები)
- სისხლის ტრანსფუზია
- დიეტოლოგია
- გადაუდებელი დახმარება
• ქირურგია:
- გეგმიური ქირურგია (სტერილიზაცია, კასტრაცია)
- მუცლის ღრუს ქირურგია
- თორაკალური ქირურგია
- რბილი ქსოვილების ქირურგია
- რეკონსტრუქციული და პლასტიკური ქირურგია
- ორთოპედია და ტრავმატოლოგიური ქირურგია (დეფორმაციების კორექცია, პროთეზირება)
- ნეიროქირურგია
• ყოველდღიური და საგამოფენო გრუმინგი
• სტომატოლოგია:
- პირის ღრუს რენტგენოსკოპია
- კბილების წმენდა
- კბილების ექსტრაქცია (ამოღება)
• ცხოველის საზღვარგარეთ გასამზადებლად მომზადება (ჩიპირება, ცოფის ანტისხეულების ტიტრი, ჯანმრთელობის ცნობა)

მისამართი: კახა ბენდუქიძის კამპუსი, დავით აღმაშენებლის ხეივანი 240

სალომე ბადიაშვილი მიკრობიოლოგიის საერთაშორისო კონფერენციაზე 💕ვეტერინარიუმის ვეტერინარი ასისტენტი სალომე ბადიაშვილი მონაწ...
08/08/2026

სალომე ბადიაშვილი მიკრობიოლოგიის საერთაშორისო კონფერენციაზე 💕

ვეტერინარიუმის ვეტერინარი ასისტენტი სალომე ბადიაშვილი მონაწილეობას მიიღებს მიკრობიოლოგიურ საზოგადოებათა საერთაშორისო კავშირის (International Union of Microbiological Societies – IUMS) მე-19 სამეცნიერო კონგრესში 🦠🔬

IUMS-ის კონგრესი მიკრობიოლოგიის სფეროს ერთ-ერთი მნიშვნელოვანი საერთაშორისო სამეცნიერო ღონისძიებაა, რომელიც წელს 4-6 ნოემბერს ლისაბონში, პორტუგალიაში გაიმართება.

სალომე ბადიაშვილის მონაწილეობა კონგრესში ფინანსდება IUMS-ის და კახა ბენდუქიძის ცოდნის ფონდის მიერ 🫶🏼

სამეცნიერო კონგრესის ფარგლებში სალომე წარადგენს მოხსენებასა და სამეცნიერო პოსტერს საკუთარ კვლევაზე: „ხანგრძლივად მოცირკულირე და ქსოვილებში დაყოვნებადი ბაქტერიოფაგების გამოყვანის ტექნოლოგიური ციკლის დამუშავება თაგვის მოდელზე“. აღსანიშნავია, რომ სალომე საქართველოს აგრარული უნივერსიტეტის ვეტერინარული მედიცინის სკოლის მაგისტრანტია, ხოლო კონგრესზე წარსადგენი კვლევა მისი სამაგისტრო ნაშრომის ფარგლებში ხორციელდება.

IUMS-ის კონგრესი მსოფლიოს სხვადასხვა ქვეყნიდან აერთიანებს სამედიცინო და არასამედიცინო მიმართულების მიკრობიოლოგებს, მკვლევარებსა და დარგის სპეციალისტებს და მოიცავს მიკრობიოლოგიის ძირითად მიმართულებებს:
🧫 ბაქტერიოლოგიას
🦠 ვირუსოლოგიას
🍄 მიკოლოგიასა და სხვა ეუკარიოტულ მიკრობიოლოგიას

IUMS 2026-ის მთავარი თემაა - „მიკროსკოპის მიღმა: ხელოვნური ინტელექტი და ინოვაციები მიკრობიოლოგიაში“. განსაკუთრებული აქცენტი გაკეთდება თანამედროვე ტექნოლოგიებზე, ხელოვნური ინტელექტის შესაძლებლობებსა და ინოვაციურ მიდგომებზე, რომლებიც მიკრობიოლოგიური კვლევების განვითარებასა და სფეროს მომავალს განსაზღვრავს.

კონგრესის სამეცნიერო პროგრამა მოიცავს წამყვანი საერთაშორისო ექსპერტების მოხსენებებს, თემატურ სამეცნიერო სესიებს, ინტერდისციპლინურ სესიებსა და ვორქშოფებს. ღონისძიება მკვლევარებს შესაძლებლობას აძლევს, საკუთარი კვლევები და მიღებული შედეგები საერთაშორისო სამეცნიერო აუდიტორიას წარუდგინონ.

Salome Badiashvili at the International Microbiology Conference 💕

Veterinary Assistant at Veterinarium, Salome Badiashvili, will participate in the 19th Scientific Congress of the International Union of Microbiological Societies (IUMS) 🦠🔬

The IUMS Congress is one of the major international scientific events in the field of microbiology. This year, the Congress will take place on November 4-6 in Lisbon, Portugal.

Salome Badiashvili’s participation in the Congress is funded by IUMS and the Kakha Bendukidze Knowledge Fund 🫶🏼

As part of the scientific program, Salome will deliver an oral presentation and present a scientific poster on her research entitled “Development of a Technological Pipeline for Generating Bacteriophages with Prolonged Circulation and Tissue Retention in a Mouse Model.”

Salome is also a Master’s student at the School of Veterinary Medicine of the Agricultural University of Georgia, and the research to be presented at the Congress is being conducted as part of her Master’s thesis.

The IUMS Congress brings together medical and non-medical microbiologists, researchers, and professionals from around the world, covering the major fields of microbiology:
🧫 Bacteriology
🦠 Virology
🍄 Mycology and other areas of eukaryotic microbiology

The theme of IUMS 2026 is “Beyond the Microscope: AI & Innovation in Microbiology.” The Congress will place particular emphasis on emerging technologies, the potential of artificial intelligence, and innovative approaches that are advancing microbiological research and shaping the future of the field.

The scientific program will feature presentations by leading international experts, specialized scientific sessions, interdisciplinary sessions, and workshops. The Congress also provides researchers with an opportunity to present their work and findings to an international scientific audience.

2008 წლის 7 აგვისტოს რუსეთმა კიდევ ერთხელ წამოიწყო ომი საქართველოს ტერიტორიული მთლიანობის წინააღმდეგ
07/08/2026

2008 წლის 7 აგვისტოს რუსეთმა კიდევ ერთხელ წამოიწყო ომი საქართველოს ტერიტორიული მთლიანობის წინააღმდეგ

FECAVA Student Travel Scholarship 2026-ის გამარჯვებულები საქართველოდან ვეტერინარიუმის თანამშრომლები და აგრარული უნივერსი...
04/08/2026

FECAVA Student Travel Scholarship 2026-ის გამარჯვებულები საქართველოდან ვეტერინარიუმის თანამშრომლები და აგრარული უნივერსიტეტის მაგისტრანტები არიან 🩵 🎉

ევროპის კომპანიონ ცხოველთა ვეტერინარული ასოციაციების ფედერაციამ (Federation of European Companion Animal Veterinary Associations - FECAVA) 2026 წლის Student Travel Scholarship-ის გამარჯვებულები გამოავლინა.

ეს სტუდენტური სტიპენდია ევროპის ვეტერინარული სკოლების სტუდენტებს შესაძლებლობას აძლევს, დაესწრონ WSAVA-PSAVA-FECAVA World Congress 2026-ს, რომელიც 13-15 ოქტომბერს ვარშავაში, პოლონეთში გაიმართება.

🇬🇪 საქართველოდან სტიპენდიის გამარჯვებული სულ 2 სტუდენტი გახდა და ორივე მათგანი ვეტერინარიუმის თანამშრომელი და საქართველოს აგრარული უნივერსიტეტის ვეტერინარული მედიცინის სკოლის მაგისტრანტია:

• სალომე ბადიაშვილი
• რიჩარდ თავდგირიძე

მოპოვებულ სტიპენდიასთან ერთად, სალომესა და რიჩარდის პოლონეთში გამგზავრება და კონგრესში მონაწილეობა ფინანსურად მხარდაჭერილია ვეტერინარიუმის თანამშრომელთა ფონდის მიერაც 🩵

The Georgian recipients of the FECAVA Student Travel Scholarship 2026 are Veterinarium team members and Master’s students at the Agricultural University of Georgia ✨

The Federation of European Companion Animal Veterinary Associations (FECAVA) has announced the recipients of the 2026 Student Travel Scholarship.

The scholarship gives students from European veterinary schools the opportunity to attend the WSAVA-PSAVA-FECAVA World Congress 2026, which will take place in Warsaw, Poland, from 13-15 October.

🇬🇪 Only 2 students from Georgia were awarded the scholarship, and both are members of the Veterinarium team and Master’s students at the School of Veterinary Medicine of the Agricultural University of Georgia:

• Salome Badiashvili
• Richard Tavdgiridze

In addition to the scholarships they received, Salome and Richard’s travel to Poland and participation in the Congress are also financially supported by the Veterinarium Employee Fund 🩵

🎉 Unboxing!!!ვეტერინარიუმში კიდევ ერთი მნიშვნელოვანი სიახლე გვაქვს 🩵🦭ცხოველების წყალქვეშა სარბენი ბილიკი უკვე ჩვენს კლინ...
30/07/2026

🎉 Unboxing!!!

ვეტერინარიუმში კიდევ ერთი მნიშვნელოვანი სიახლე გვაქვს 🩵🦭

ცხოველების წყალქვეშა სარბენი ბილიკი უკვე ჩვენს კლინიკაშია ✨

რეაბილიტაციის ეს თანამედროვე მოწყობილობა ვეტერინარულ მედიცინაში გამოიყენება იმისთვის, რომ ცხოველებმა უსაფრთხოდ, ნაკლები დატვირთვით შეძლონ მოძრაობისა და კუნთოვანი ძალის აღდგენა.

ჰიდროთერაპიის სარბენი ბილიკი განსაკუთრებით მნიშვნელოვანია:
• ორთოპედიული ოპერაციების შემდეგ რეაბილიტაციისთვის
• სახსრების ქრონიკული დაავადებების მქონე პაციენტებისთვის
• ჭარბწონიანი ცხოველების უსაფრთხო ფიზიკური აქტივობისთვის 🐽
• ხანდაზმული ცხოველების მოძრაობის უნარის შესანარჩუნებლად

დეტალებსა და პირველ პაციენტებს მალე გაგიზიარებთ💘

We have another exciting addition at Veterinarium 🩵🦭

Our underwater treadmill for animals has officially arrived 💫

This advanced rehabilitation equipment is used in veterinary medicine to help animals regain mobility and rebuild muscle strength safely while placing minimal stress on their joints.

Hydrotherapy using an underwater treadmill is especially beneficial for:
• Rehabilitation following orthopedic surgery
• Patients with chronic joint diseases
• Safe exercise and weight management for overweight animals 🐽
• Maintaining mobility and muscle function in senior pets

We can’t wait to share more details and introduce you to our first patients soon 💕

ვეტერინარიუმის მთავარი ვეტერინარი და საქართველოს აგრარული უნივერსიტეტის დოქტორანტი ლაშა-გიორგი ჯაფარიძე უკვე მეორედ იმყო...
28/07/2026

ვეტერინარიუმის მთავარი ვეტერინარი და საქართველოს აგრარული უნივერსიტეტის დოქტორანტი ლაშა-გიორგი ჯაფარიძე უკვე მეორედ იმყოფება 2-კვირიანი კვლევითი ვიზიტით იტალიაში, ალდო ვეცონის კლინიკაში - Clinica Veterinaria Vezzoni 🩵✨

ვიზიტის ფარგლებში იგი მსოფლიოს ერთ-ერთი წამყვანი ვეტერინარული ორთოპედიული კლინიკის დამფუძნებელ და მთავარ ვეტერინართან, ალდო ვეცონისთან, მუშაობს:
• სადოქტორო კვლევაზე
• ახალ სამეცნიერო სტატიაზე

ლაშა-გიორგის სადოქტორო კვლევა ვეტერინარული ორთოპედიის ერთ-ერთ კრიტიკულ და ნაკლებად შესწავლილ საკითხს ეხება - ძაღლებში ციურიხის უცემენტო პროთეზირების სისტემით მენჯ-ბარძაყის სახსრის სრული ართროპლასტიკის შემდეგ ბარძაყის ძვლის დატვირთვის შემცირების ფენომენის სისტემურ შეფასებას.

მიუხედავად იმისა, რომ აღნიშნული ფენომენი კარგად არის აღწერილი ადამიანის ორთოპედიაში, ვეტერინარულ მედიცინაში შესაბამისი მონაცემები ძალზე მწირია. ცოდნის ეს დეფიციტი მნიშვნელოვან პრაქტიკულ პრობლემად რჩება: ვეტერინარ ქირურგებს არ აქვთ მტკიცებულებაზე დაფუძნებული მონაცემები, რომლებიც დაეხმარებათ ზუსტად შეაფასონ ბარძაყის ძვლის დატვირთვის შემცირების სიხშირე, სიმწვავე და განვითარების დინამიკა, რაც ზღუდავს ოპტიმალური იმპლანტის შერჩევას, ქირურგიული დაგეგმვის სიზუსტესა და პოსტოპერაციული გართულებების პრევენციას.

სწორედ ამ ცოდნის დეფიციტის შევსება განაპირობებს სადოქტორო კვლევის განსაკუთრებულ აქტუალობას და მას მნიშვნელოვან ადგილს ანიჭებს კომპანიონ ცხოველთა ორთოპედიის სწრაფად განვითარებად სფეროში. პირველად ჩატარდება ამ ტიპის სისტემური, სიღრმისეული და ფართომასშტაბიანი ანალიზი, რომელიც ვარაუდებს მტკიცებულებებით ჩაანაცვლებს ✨✨✨

ვიზიტის ფარგლებში ლაშა-გიორგის წვდომა აქვს Clinica Veterinaria Vezzoni-ში ჩატარებული ათასობით ოპერაციის კლინიკურ მონაცემთა ფართომასშტაბიან ბაზაზე. მისი საფუძვლიანი შესწავლის შედეგად მან სადოქტორო კვლევისთვის შეარჩია 240 კლინიკური შემთხვევა და 600 რენტგენოგრაფიული გამოსახულება.

კვლევის შემდეგი ეტაპები მოიცავს:
• რენტგენოგრაფიული გამოსახულებების ანალიზს Horos DICOM Viewer-ისა და vPOP-Pro-ს წინასაოპერაციო დაგეგმვის პროგრამების გამოყენებით
• კლინიკური შემთხვევების დახარისხებას პაციენტების ჯიშის, სქესისა და ოპერაციის დროს ასაკის მიხედვით - 1 წლამდე და 1 წელზე უფროსი ასაკის ჯგუფებად. ეს შესაძლებელს გახდის იმ რისკფაქტორების გამოვლენას, რომლებმაც შესაძლოა გავლენა მოახდინოს ბარძაყის ძვლის დატვირთვის შემცირების ფენომენის განვითარებაზე.
• მონაცემთა სტატისტიკურ დამუშავებასა და მიღებული შედეგების გაანალიზებას არსებული ვეტერინარული ორთოპედიული ლიტერატურის კონტექსტში.

კვლევით საქმიანობასთან ერთად, ვიზიტის განმავლობაში ლაშა-გიორგი ალდო ვეცონის მიერ ჩატარებულ ორთოპედიულ ოპერაციებშიც მონაწილეობდა და მას ასისტირებას უწევდა. მსოფლიოს ერთ-ერთ წამყვან ვეტერინარ ორთოპედთან საოპერაციო პროცესში უშუალო ჩართულობა მას შესაძლებლობას აძლევს, კიდევ უფრო გაიღრმაოს ცოდნა, გაეცნოს რთული კლინიკური შემთხვევების მართვის თანამედროვე მიდგომებსა და ქირურგიულ ტექნიკებს და მიღებული გამოცდილება ვეტერინარიუმის კლინიკურ პრაქტიკასა და საქართველოს აგრარული უნივერსიტეტის სასწავლო პროცესში დანერგოს 💘

ლაშა-გიორგი ჯაფარიძე ალდო ვეცონის მოწვევით მის კლინიკაში პირველად 2024 წლის სექტემბერში გაემგზავრა. სწორედ ამ ვიზიტის ფარგლებში განსაზღვრეს ალდო ვეცონმა და ლაშა-გიორგიმ მომავალი სადოქტორო კვლევის მიმართულება და ჩამოაყალიბეს მისი ძირითადი თეზისი.

როგორც პირველი, ისე მიმდინარე კვლევითი ვიზიტი კახა ბენდუქიძის ცოდნის ფონდისა და ვეტერინარიუმის თანამშრომელთა განვითარების ფონდის ფინანსური მხარდაჭერით განხორციელდა.

Lasha-Giorgi Japaridze, Head Veterinarian at Veterinarium and a PhD candidate at the Agricultural University of Georgia, is currently undertaking his second 2-week research visit to Clinica Veterinaria Vezzoni in Italy, founded by Dr. Aldo Vezzoni 🩵✨

During the visit, he is working alongside Dr. Aldo Vezzoni, founder and Chief Veterinarian of one of the world’s leading veterinary orthopaedic clinics, on:
• his doctoral research
• a new scientific paper

Lasha-Giorgi’s doctoral research addresses a critical and underexplored issue in veterinary orthopaedics: the systematic evaluation of femoral stress shielding in dogs following total hip arthroplasty using the Zurich Cementless Total Hip Arthroplasty system (Z-THA).

Although stress shielding is well documented in human orthopaedics, corresponding data in veterinary medicine remain extremely limited. This knowledge gap has substantial clinical implications. Veterinary surgeons currently lack evidence-based data that would allow them to accurately assess the incidence, severity, and progression of femoral stress shielding. This limits their ability to select the optimal implant, improve the accuracy of surgical planning, and prevent postoperative complications.

By directly addressing this knowledge gap, the doctoral research is both timely and highly relevant to the rapidly evolving field of companion animal orthopaedics. It will be the first systematic, comprehensive, and large-scale analysis of its kind, replacing assumptions with evidence ✨✨✨

During the visit, Lasha-Giorgi has access to Clinica Veterinaria Vezzoni’s extensive clinical database, comprising thousands of surgical procedures. Following a thorough review of the database, he selected 240 clinical cases and 600 radiographic images for inclusion in his doctoral research.

The next stages of the research will include:
• analysing the radiographic images using Horos DICOM Viewer and vPOP-Pro preoperative planning software
• Stratification of the clinical cases according to the patients’ breed, s*x, and age at the time of surgery, with patients divided into two age groups: under 1 year and over 1 year. This will help identify potential risk factors associated with the development of femoral stress shieldin
• performing statistical analysis and interpreting the findings in the context of the existing veterinary orthopaedic literature

Alongside his research activities, Lasha-Giorgi also participated in orthopaedic procedures performed by Dr. Vezzoni, assisting him in surgery throughout the visit. Working directly in the operating theatre with one of the world’s leading veterinary orthopaedic surgeons gives him an invaluable opportunity to further advance his expertise, gain insight into contemporary approaches to complex case management and surgical techniques, and integrate this experience into clinical practice at Veterinarium and veterinary education at the Agricultural University of Georgia 💘

Lasha-Giorgi first visited Clinica Veterinaria Vezzoni in September 2024 at Dr. Vezzoni’s invitation. During that initial visit, Dr. Vezzoni and Lasha-Giorgi defined the direction of his future doctoral research and formulated its central hypothesis.

Both the initial and current research visits were made possible through the financial support of the Kakha Bendukidze Knowledge Fund and the Veterinarium Staff Development Fund.

გულის ტამპონადა და კატის ინფექციური პერიტონიტი 🥹🩵ჩიზი დაახლოებით 9-10 თვის მეტისი კატაა. მისი ზუსტი ასაკი უცნობია, რადგა...
26/07/2026

გულის ტამპონადა და კატის ინფექციური პერიტონიტი 🥹🩵

ჩიზი დაახლოებით 9-10 თვის მეტისი კატაა. მისი ზუსტი ასაკი უცნობია, რადგან ვეტერინარიუმში მოხვედრამდე რამდენიმე თვით ადრე ქუჩიდან აიყვანეს.

ჩიზი კლინიკა ვეტერინარიუმში სხვა კლინიკიდან კარდიოლოგთან კონსულტაციისთვის გადმოამისამართეს. ჩვენთან მომართვამდე, თავდაპირველად პატრონმა სხვა კლინიკას 8 დღით ადრე მიმართა. მისი თქმით, ჩიზის აღენიშნებოდა ლეთარგია, უმადობა და დისპნოე (გაძნელებული სუნთქვა). 8-დღიანი მკურნალობის მიუხედავად, მისი მდგომარეობა თანდათან მძიმდებოდა, ხოლო ბოლო 4 დღის განმავლობაში კი საკვების მიღება მთლიანად შეწყვიტა. მკურნალ ექიმს კარდიოლოგიურ პათოლოგიაზე გაუჩნდა ეჭვი, რის შემდეგაც ჩიზი ვეტერინარიუმში გადმოამისამართა.

პაციენტის დიაგნოსტიკისა და მკურნალობის პროცესს ვეტერინარიუმის კარდიოლოგი და ანესთეზიოლოგი, ნათია რობაქიძე, მართავდა.

ფიზიკალური გამოკვლევისას ჩიზის აღენიშნებოდა ფერმკრთალი და იქტერიული (მოყვითალო) ლორწოვანი გარსები, სუსტი პერიფერიული პულსი და კაპილარული ავსების გახანგრძლივებული დრო. გულმკერდის აუსკულტაციისას გულის ტონები ყრუდ ისმოდა და რიტმი დარღვეული იყო. სუნთქვის სიხშირე წუთში 80-ზე მეტს შეადგენდა, მაშინ როდესაც კატისთვის მოსვენებულ მდგომარეობაში ნორმალური მაჩვენებელი დაახლოებით 30-35 ჩასუნთქვაა. ჩიზის ასევე აღენიშნებოდა დეჰიდრატაცია.

ფიზიკალური გამოკვლევისა და სასიცოცხლო მაჩვენებლების საფუძველზე ჩიზის მდგომარეობა მძიმედ შეფასდა. იგი საჭიროებდა დაუყოვნებლივ დიაგნოსტიკასა და ინტენსიური თერაპიის დაწყებას.

პირველ ეტაპზე ჩატარდა TFAST (გულმკერდის მიზანმიმართული ულტრაბგერითი შეფასება), რადგან აუსკულტაციის შედეგები პერიკარდიული გამონაჟონით გამოწვეულ გულის ტამპონადაზე მიუთითებდა. ულტრაბგერითმა კვლევამ ნათია რობაქიძის ეს ეჭვი დაადასტურა.

ჩიზის სასწრაფოდ ესაჭიროებოდა პერიკარდიოცენტეზი. პერიკარდიუმში, ანუ გულის პერანგში, დაგროვილი სითხე გულის კუნთზე ზეწოლას ახდენდა, რის გამოც გული სათანადოდ ვეღარ ივსებოდა და სისხლის ეფექტიანად გადატუმბვას ვერ ახერხებდა. შედეგად დარღვეული იყო სისხლის მიმოქცევა და ორგანოების პერფუზია, ასევე განვითარებული იყო სიცოცხლისთვის საშიში არითმია.

პერიკარდიოცენტეზის ჩასატარებლად საჭირო იყო სედაცია. პატრონს დეტალურად განემარტა, რომ ჩიზის მძიმე მდგომარეობის გამო სედაცია გარკვეულ რისკებთან იყო დაკავშირებული, თუმცა პროცედურის დაუყოვნებლივ ჩატარება სასიცოცხლოდ აუცილებელი იყო. მის გარეშე ჩიზის გადარჩენა შეუძლებელი იქნებოდა. პატრონის თანხმობის შემდეგ ჩატარდა პერიკარდიოცენტეზი - ეს ვეტერინარიუმში კატისთვის ჩატარებული პირველი ასეთი პროცედურა იყო 🩵

პროცედურის დასრულებისთანავე დაიწყო ჩიზის მდგომარეობის სტაბილიზაცია და ოქსიგენოთერაპია. ჩატარდა სისხლის საერთო და ბიოქიმიური ანალიზები, ასევე ელექტროლიტების კვლევა 🔬 🧫 შედეგებით გამოვლინდა ღვიძლის უკმარისობა, ჰიპოალბუმინემია და ჰიპოკალემია. დაუყოვნებლივ დაიწყო ალბუმინისა და კალიუმის დონის კორექცია.

ექოსკოპიური, ფიზიკალური და ლაბორატორიული კვლევების შედეგების შეჯერების საფუძველზე გაჩნდა კატის ინფექციური პერიტონიტის (FIP) საფუძვლიანი ეჭვი. ინტენსიურ თერაპიასთან ერთად დაიწყო FIP-ის საწინააღმდეგო სპეციფიკური მკურნალობაც.

ჩიზი ვეტერინარიუმში 7 დღის განმავლობაში მკურნალობდა. თავდაპირველად მისი მდგომარეობა არასტაბილური იყო, თუმცა ჩატარებული მკურნალობის ფონზე სასიცოცხლო მაჩვენებლები თანდათან დასტაბილურდა 💕 ამის შემდეგ ჩიზი სახლში გაეწერა და მკურნალობა დისტანციური მეთვალყურეობის ქვეშ გააგრძელა.

ამჟამად ჩიზი თავს კარგად გრძნობს და გამოჯანმრთელებულია ✨✨✨

Cardiac Tamponade and Feline Infectious Peritonitis 🥹🩵

Cheesy is a mixed-breed cat approximately 9 to 10 months of age. His exact age is unknown, as he was rescued from the street several months before being admitted to Veterinarium.

Cheesy was referred to Veterinarium by another veterinary clinic for a cardiology consultation. His owner had initially presented hIS to that clinic 8 days earlier with lethargy, loss of appetite, and dyspnea (difficulty breathing). Despite 8 days of treatment, Cheesy’s condition progressively deteriorated, and he stopped eating entirely during the final 4 days. His attending veterinarian suspected cardiac disease and referred him to Veterinarium for further evaluation.

Cheesy’s diagnostic workup and treatment were managed by Veterinarium’s cardiologist and anesthesiologist, Natia Robakidze.

On physical examination, Cheesy had pale, icteric (yellowish) mucous membranes, weak peripheral pulses, and a prolonged capillary refill time. Thoracic auscultation revealed muffled heart sounds and an irregular cardiac rhythm. His respiratory rate exceeded 80 breaths per minute, compared with a normal resting rate of approximately 30 to 35 breaths per minute in cats. He was also dehydrated.

Based on the physical examination findings and vital parameters, Cheesy was assessed as being in critical condition and required immediate diagnostic evaluation and intensive care.

A thoracic focused assessment with sonography for trauma (TFAST) was performed as the initial diagnostic procedure because the auscultation findings raised Natia Robakidze’s suspicion of cardiac tamponade secondary to pericardial effusion. The ultrasound examination confirmed this suspicion.

Cheesy urgently required pericardiocentesis. The fluid accumulated within the pericardium, the sac surrounding the heart, was compressing the cardiac muscle and preventing the heart from filling properly and pumping blood effectively. This resulted in impaired circulation, inadequate organ perfusion, and a life-threatening arrhythmia.

Sedation was required to perform the pericardiocentesis. Cheesy’s owner was thoroughly informed that sedation carried additional risks because of his critical condition. However, the procedure was urgently required to save his life, as he was unlikely to survive without it. Following the owner’s consent, pericardiocentesis was performed. This was the first procedure of its kind to be performed in a cat at Veterinarium 🩵

Immediately after the procedure, intensive stabilization and oxygen therapy were initiated. A complete blood count, serum biochemistry profile, and electrolyte analysis were performed🌡️ The results revealed hepatic failure, hypoalbuminemia, and hypokalemia. Correction of his albumin and potassium levels was initiated without delay.

Based on the combined ultrasonographic, physical examination, and laboratory findings, feline infectious peritonitis (FIP) was strongly suspected. In addition to intensive supportive care, FIP-specific treatment was initiated.

Cheesy remained hospitalized at Veterinarium for 7 days. Although his condition was initially unstable, his vital parameters gradually stabilized in response to treatment 💘 He was subsequently discharged and continued treatment at home under remote veterinary supervision.

Cheesy has now recovered and is doing well ✨✨✨

ურატული უროლითიაზი დალმატინელში 🐾11 ივლისს კლინიკა ვეტერინარიუმს სამკურნალოდ მომართა 3 წლის დალმატინელმა, სახელად ჩარლიმ...
25/07/2026

ურატული უროლითიაზი დალმატინელში 🐾

11 ივლისს კლინიკა ვეტერინარიუმს სამკურნალოდ მომართა 3 წლის დალმატინელმა, სახელად ჩარლიმ. მას აღენიშნებოდა პოლაკიურია (ხშირი შარდვა) და ჰემატურია (სისხლიანი შარდი), მათ შორის, სისხლის კოლტებით.

ჩარლის დიაგნოსტიკისა და მკურნალობის პროცესი მართა ვეტერინარიუმის ფართო პროფილის თერაპევტმა მარიამ ბერიშვილმა 💕

მდგომარეობის ზუსტი დიაგნოსტიკის მიზნით ჩარლის ჩაუტარდა კომპლექსური გამოკვლევები: მუცლის ღრუს სრული ულტრასონოგრაფია, სისხლის საერთო და ბიოქიმიური ანალიზები, ასევე შარდის ლაბორატორიული კვლევა 🔬 🧫 ყველა ლაბორატორიული კვლევა ვეტერინარიუმის ლაბორატორიაში ჩატარდა.

ულტრასონოგრაფიული კვლევით გამოვლინდა შარდის ბუშტის კედლის მკვეთრი გასქელება და უროლითიაზი - შარდის ბუშტში ნალექისა და წვრილი კენჭების არსებობა. შარდის ანალიზმა დაადასტურა ურატული ტიპის ნალექის არსებობა.

დალმატინელის ჯიშის ძაღლებში თითქმის 100%-იანი სიხშირით გვხვდება SLC2A9 გენის მუტაცია, რაც იწვევს ჰიპერურიკოზურიას (HUU). ამ დროს დარღვეულია შარდმჟავას ალანტოინად მეტაბოლიზმი, რაც შარდში ურატების დალექვასა და შარდის ბუშტსა თუ თირკმლებში უროლითების (კენჭების) წარმოქმნას იწვევს.

გენეტიკური ფაქტორის გარდა, ურატული უროლითიაზის მიზეზი შესაძლოა იყოს ღვიძლის თანდაყოლილი სისხლძარღვოვანი ანომალია - პორტოსისტემური შუნტი. ჩარლის შემთხვევაში ჩატარებული ბიოქიმიური და ულტრასონოგრაფიული კვლევებით ღვიძლის პათოლოგია გამოირიცხა, რაც მიუთითებს, რომ პროცესი ჯიშობრივ-გენეტიკური ხასიათისაა. ამასთანავე, ულტრასონოგრაფიული კვლევით თირკმლებში ნეფროლითიაზი (კენჭების არსებობა) არ გამოვლენილა.

უროლითიაზის მკურნალობის ერთ-ერთი ძირითადი მიზანი შარდის ბუშტიდან კენჭებისა და ნალექის სრული ევაკუაციაა. ვინაიდან ჩარლის შემთხვევაში წარმონაქმნები მცირე ზომის იყო, ჩატარდა შარდის ბუშტის ამორეცხვა (ლავაჟი). კათეტერიზაციის, სტერილური ხსნარებისა და ფრთხილი ასპირაციის ტექნიკის გამოყენებით შარდის ბუშტი სრულად გაიწმინდა დაგროვილი ურატული ნალექისა და წვრილი კენჭებისგან.

ურატების ხელახალი დალექვის პრევენციის მიზნით ჩარლის დაენიშნა სპეციალიზებული სამკურნალო დიეტა, რომელიც ხელს უწყობს შარდის pH-ის ოპტიმიზაციას და შარდმჟავას მეტაბოლიზმის დარღვევით გამოწვეული ურატების წარმოქმნის შემცირებას.

ჩარლის უკვე აღენიშნება სიმპტომების გაუმჯობესება და იგი შესაბამის მკურნალობას განაგრძობს 🩵✨

Urate Urolithiasis in a Dalmatian 🐾

On 11 July, Charlie, a three year old Dalmatian, presented to Veterinarium for evaluation and treatment. His clinical signs included pollakiuria (frequent urination) and haematuria (blood in the urine), with blood clots also observed.

Charlie’s diagnostic workup and treatment were managed by Mariam Berishvili, an internist at Veterinarium 💕

To establish an accurate diagnosis, Charlie underwent a comprehensive diagnostic evaluation, including a complete abdominal ultrasound examination, a complete blood count, serum biochemistry, and urinalysis 🧪 All laboratory tests were performed at the Veterinarium laboratory.

Ultrasonography revealed marked thickening of the urinary bladder wall and urolithiasis, with sediment and small calculi present within the bladder. Urinalysis confirmed the presence of urate sediment.

Nearly 100% of Dalmatians carry a mutation in the SLC2A9 gene, which causes hyperuricosuria (HUU). This condition impairs the metabolism of uric acid into allantoin, resulting in the precipitation of urates in the urine and the formation of uroliths (calculi) in the urinary bladder or kidneys.

In addition to genetic predisposition, urate urolithiasis may be associated with a congenital hepatic vascular anomaly known as a portosystemic shunt. In Charlie’s case, serum biochemistry and ultrasonography ruled out hepatic disease, indicating that the condition was associated with his breed related genetic predisposition. Ultrasonography also showed no evidence of nephrolithiasis (kidney stones).

One of the primary goals in treating urolithiasis is the complete removal of calculi and sediment from the urinary bladder. As Charlie’s calculi were small, bladder lavage was performed. Using urinary catheterisation, sterile fluids, and gentle aspiration, the accumulated urate sediment and small calculi were successfully flushed from the bladder.

To reduce the risk of urate recurrence, Charlie was prescribed a specialised therapeutic diet designed to optimise urinary pH and reduce urate formation associated with impaired uric acid metabolism.

Charlie’s clinical signs have already improved, and he continues to receive appropriate treatment 🩵✨

ვეტერინარიუმის მომენტებიდან 💘
23/07/2026

ვეტერინარიუმის მომენტებიდან 💘

გოროზი და ცოტა ზონზროხა ფისო - მადუ💘
19/07/2026

გოროზი და ცოტა ზონზროხა ფისო - მადუ💘

18/07/2026

მაილო 🥹💘

Address

D. Agmashenebeli Alley 240
Tbilisi
0159

Opening Hours

Monday 10:00 - 19:00
Tuesday 10:00 - 19:00
Wednesday 10:00 - 19:00
Thursday 10:00 - 19:00
Friday 10:00 - 19:00
Saturday 10:00 - 19:00
Sunday 10:00 - 19:00

Telephone

+995577320900

Website

Alerts

Be the first to know and let us send you an email when Veterinarium posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Veterinarium:

Shortcuts

Share

Category