29/04/2026
【喺黑暗中，你係我嘅眼 🦮｜國際導盲犬日】
「有一種專業，係無聲嘅守護；有一種默契，係帶領您走向光芒。」
每年 4 月最後一個星期三都係 #國際導盲犬日。喺呢個日子，除咗要感謝每一隻導盲犬嘅付出，我哋仲想介紹一位「DE家庭」嘅重要成員 —— 佢就係我哋嘅 AmbassaDog Bene！佢同姐姐 Sharon 已經相識、相依 10 年啦。
🐾【一齊嚟閱讀Bene 嘅自白：由學習到成為光】
「老師話，我將來會成為其他人嘅光。嗰時我都唔知佢講乜，直到我遇見姐姐。記得第一日出街，我特別專心。穿過繁忙街口、等轉綠燈，我感覺到姐姐握住導盲鞍時嘅信任。慢慢地，姐姐唔再猶豫，我亦唔再需要太多指令。姐姐一郁，我就知佢想去邊；我一趷起條尾，姐姐就明白周圍發生緊咩事。我哋亦去過好遠嘅地方。飛機入面好嘈，但我一直好鎮定。帶住姐姐行過古老建築、石路。雖然姐姐睇唔到，但我知道，佢感受到。姐姐嘅世界，因為我而變得容易行；而我嘅世界，因為姐姐而變得更有意義。我哋始終形影不離。而家，我未必再帶姐姐去每一個地方，但只要姐姐一伸手，我就會行近。姐姐承諾，會一生愛護我。」
💡當大家喺街上見到努力工作中嘅導盲犬，請記住「三不一問」：
🚫 不干擾：唔好喺佢工作緊嘅時候摸佢或者叫佢，等佢可以專心導航。
🚫 不餵食：任何嘢食都會令佢分心，甚至影響健康㗎。
🚫 不拒絕：導盲犬係視障人士嘅身體一部分，歡迎佢哋進入公共場所。
💬一問：如果喺街見到視障人士🧑🦯 好似需要幫手？不妨主動問一句「你好，請問需唔需要幫手呀？」
一個小小嘅舉動，就可以令社會變得更加溫暖。一齊留言同 Bene 講聲 Thank You 啦！🧡
#黑暗中對話 #對話體驗 #國際導盲犬日
