P For Pets clinic

Directions

P For Pets clinic "Don't Care, We Care"

السعار مش مجرد مرض… الوقاية منه مسؤولية.السعار مرض فيروسي خطير بيصيب الحيوانات والإنسان، وممكن ينتقل عن طريق عضة أو خدش ...
28/09/2026

السعار مش مجرد مرض… الوقاية منه مسؤولية.

السعار مرض فيروسي خطير بيصيب الحيوانات والإنسان، وممكن ينتقل عن طريق عضة أو خدش حيوان مصاب.

وعشان كده، أهم خطوات الوقاية تبدأ من حيوانك الأليف:

- التطعيم الدوري ضد السعار
- تجنب التعامل مع الحيوانات الضالة أو غير المعروفة
⚠️ لو حيوانك اتعرض لعضة أو خربشة من حيوان تاني، متستناش ظهور أعراض واستشير الطبيب البيطري فورًا.
🩺 حافظ على التطعيمات الدورية لحيوانك حتى لو مش بيخرج من البيت بشكل مستمر.

الوقاية أسهل وآمن من الانتظار. ❤️

في اليوم العالمي للسعار، خلّي تطعيم حيوانك الأليف جزء أساسي من اهتمامك بيه.

📍 زور عيادتنا واستشير فريقنا البيطري عن جدول التطعيم المناسب لحيوانك.

أول أيام مع قطتك مش بس أكل ورمل ولعب…دي الفترة اللي بتطمن فيها على صحتها وتعرف احتياجاتها صح من البداية.ابدأ بـكشف بيطري...
20/09/2026

أول أيام مع قطتك مش بس أكل ورمل ولعب…
دي الفترة اللي بتطمن فيها على صحتها وتعرف احتياجاتها صح من البداية.

ابدأ بـكشف بيطري شامل عشان نطمن على حالتها، نحدد سنها ووزنها، ونرتب معاها جدول التطعيمات ومضادات الطفيليات المناسب ليها.

وبعدها؟
أكل مناسب لسنها، اهتمام بنظافتها، ومتابعة أي تغيير في أكلها أو نشاطها أو دخولها الليتر بوكس.

بداية صح = حياة أهدى وأصح لقطتك معاك ❤️

احجز أول كشف لقطتك وابدأ رحلتكم سوا وإنت مطمّن.

الحركات الحمصي اللي بيعملها اليفك أول ما يجوع 😂🐾لما يقرر إن وقت الأكل جه…تلاقيه مرة بيبصلك بنظرة مسكينة 👀ومرة يقعد جنبك ...
16/09/2026

الحركات الحمصي اللي بيعملها اليفك أول ما يجوع 😂🐾

لما يقرر إن وقت الأكل جه…
تلاقيه مرة بيبصلك بنظرة مسكينة 👀
ومرة يقعد جنبك فجأة
ومرة يفضل يمشي وراك في كل حتة
ولو كل ده منفعش… يبدأ في حركاته الحمصي بقى 😂

هو جعان ولا بيحاول يبتزك عاطفيًا؟
قولولنا إيه أكتر حركة بيعملها اليفك لما يجوع؟

مش بنقول إننا الأفضل… أصحابكم هما اللي بيقولوا 🐾❤️كل ريفيو منكم بيفرق معانا، وكل كلمة حلوة بتأكدلنا إن اهتمامنا بأليفكم ...
09/09/2026

مش بنقول إننا الأفضل… أصحابكم هما اللي بيقولوا 🐾❤️

كل ريفيو منكم بيفرق معانا، وكل كلمة حلوة بتأكدلنا إن اهتمامنا بأليفكم بيوصل زي ما بنحب بالظبط.

من أول لحظة في العيادة، لحد المتابعة بعد الزيارة… هدفنا دايمًا إن كل Pet يدخل P for Pets يكون في إيد أمينة ويخرج مرتاح ومبسوط.

شوفوا بنفسكم أصحابنا قالوا إيه عن تجربتهم معانا.

P for Pets Veterinary Clinic
رعاية تخلّي أليفك يحس إنه في بيته 🐾

📍 احجز معانا وخلي تجربتك الجاية مختلفة.

٤ علامات بتقولك إن قطتك دخلت في فترة التزاوج!لو قطتك بتعمل الحاجات دي بشكل مفاجئ، ممكن تكون في فترة طلب التزاوج 👇1️⃣ موا...
06/09/2026

٤ علامات بتقولك إن قطتك دخلت في فترة التزاوج!
لو قطتك بتعمل الحاجات دي بشكل مفاجئ، ممكن تكون في فترة طلب التزاوج 👇

1️⃣ مواء بصوت عالي ومتكرر:
خصوصًا بالليل، وبشكل مختلف عن موائها المعتاد.

2️⃣ بتتمسح فيك وتفضل تلف وتتحرك بشكل زائد عن الطبيعي.

3️⃣ بتاخد وضعية التزاوج:
ترفع الجزء الخلفي من جسمها وتحرك ذيلها للجانب عند لمس منطقة الظهر.

4️⃣ بتحاول تهرب أو تخرج من البيت:
ممكن تفضل تقف عند الأبواب والشبابيك وتحاول الوصول لقطط أخرى.

❤️ لو لاحظت العلامات دي، استشيري الطبيب البيطري لمعرفة أنسب حل لقطتك، سواء التزاوج أو التعقيم حسب حالتها.

📩 ابعتلنا دلوقتي واحجز كشف لقطتك.

في ذكرى مولد خير البرية، سيدنا محمد ﷺنتذكر من سيرته أجمل ما يمكن أن نقتدي به… الرحمة.الرحمة بالإنسان،والرحمة بالحيوان،وا...
25/08/2026

في ذكرى مولد خير البرية، سيدنا محمد ﷺ
نتذكر من سيرته أجمل ما يمكن أن نقتدي به… الرحمة.

الرحمة بالإنسان،
والرحمة بالحيوان،
والرفق بكل روح خلقها الله. 🐾

قال ﷺ: «في كل كبدٍ رطبةٍ أجر» 🤍

نسأل الله أن يجعلنا وإياكم من أهل الرحمة والرفق،
وأن يبارك لنا في أيامنا وبيوتنا وأحبابنا.

كل عام وأنتم بخير بمناسبة المولد النبوي الشريف ﷺ 🌙✨

علامات ممكن تشير لمشكلة في الكلى عند القطط والكلاب 🐾الفشل الكلوي مش دايمًا بيظهر فجأة، وأحيانًا الأعراض بتكون بسيطة في ا...
18/08/2026

علامات ممكن تشير لمشكلة في الكلى عند القطط والكلاب 🐾

الفشل الكلوي مش دايمًا بيظهر فجأة، وأحيانًا الأعراض بتكون بسيطة في البداية، زي:

• زيادة شرب المياه والتبول بشكل ملحوظ
• فقدان الشهية أو الأكل بكميات أقل
• نقص الوزن والخمول
• القيء أو الغثيان المتكرر
• رائحة نفس غير طبيعية
• الجفاف
• ضعف عام أو فقدان النشاط
• وفي الحالات المتقدمة ممكن تقل كمية البول أو تتوقف تمامًا

لكن مهم تعرف إن الأعراض لوحدها مش كفاية لتأكيد وجود فشل كلوي، لأن أعراض كتير منها ممكن تظهر مع أمراض مختلفة.

علشان كده الطبيب البيطري ممكن يطلب تحاليل وظائف الكلى والكبد حسب حالة الحيوان، للمساعدة في تقييم وظائف الأعضاء واكتشاف المشكلة بدري.

ومتوفر عندنا جهاز تحليل وظائف الكبد والكلى، علشان نقدر نعمل الفحوصات المطلوبة ونساعد الطبيب في تقييم حالة حيوانك بشكل أدق.

لو لاحظت أي تغيير غير طبيعي في شرب المياه، التبول، الشهية أو النشاط، ما تستناش الأعراض تزيد.

مش كل حاجة بتبان من برّه!أوقات حيوانك الأليف بيكون عنده أعراض بسيطة، لكن السبب الحقيقي بيكون محتاج نظرة أعمق.وهنا بييجي ...
13/08/2026

مش كل حاجة بتبان من برّه!

أوقات حيوانك الأليف بيكون عنده أعراض بسيطة، لكن السبب الحقيقي بيكون محتاج نظرة أعمق.

وهنا بييجي دور السونار البيطري 🔍

السونار بيساعد الطبيب إنه:
• يفحص الأعضاء الداخلية بشكل أوضح
• يكوّن صورة أدق عن سبب المشكلة
• يكتشف بعض التغيرات الداخلية
• يحدد الخطوة المناسبة في التشخيص والعلاج
• ويتابع تطور الحالة مع الوقت

وده معناه ليك كـ Owner إنك ما تعتمدش على الأعراض الظاهرة بس، لكن يكون عندك تشخيص أوضح وخطة علاج مبنية على معلومات أكتر.

لأن حيوانك الأليف مش قادر يقولك هو حاسس بإيه… التشخيص الدقيق هو اللي بيتكلم. 🐾

دي بطلتنا الجميلة ليلي عملت عملية Spay (تعقيم الإناث)، والحمد لله العملية تمت بنجاح، وهي دلوقتي زي الفل واحسن من الاول ك...
25/07/2026

دي بطلتنا الجميلة ليلي عملت عملية Spay (تعقيم الإناث)، والحمد لله العملية تمت بنجاح، وهي دلوقتي زي الفل واحسن من الاول كمان . 🌸

تعقيم الاناث مش بس بيمنع الحمل، لكنه كمان بيساعد على:
🐾 تقليل خطر التهابات الرحم.
🐾 الوقاية من بعض الأورام.
🐾 بيمنع طلب التزاوج.
🐾 حياة صحية وهادئة أكتر لقطتك.

ألف سلامة يا ليلي💙

📍P For Pets Veterinary Clinic
لأنهم مش مجرد حيوانات أليفة... دول أفراد من العيلة. 🐾💙

مش كل أمراض الكبد والكلى بتكون واضحة من البداية، وفي حالات كتير بتفضل تتطور من غير أي علامات ملحوظة.💉 تحاليل الكبد والكل...
17/07/2026

مش كل أمراض الكبد والكلى بتكون واضحة من البداية، وفي حالات كتير بتفضل تتطور من غير أي علامات ملحوظة.

💉 تحاليل الكبد والكلى بتساعدنا على:
✅ اكتشاف أي مشكلة بدري.
✅ تقييم كفاءة عمل الكبد والكلى.
✅ متابعة الحيوانات الكبيرة في السن أو اللي بتاخد أدوية لفترات طويلة.
✅ تحديد العلاج المناسب بدقة.

🚨 لو لاحظت أي من الأعراض دي:
• فقدان الشهية.
• خمول أو نوم زيادة.
• قيء متكرر.
• شرب مياه أو تبول بشكل زائد.
• فقدان وزن.

يبقى مهم تزور الطبيب البيطري في أقرب وقت.

📍 في عيادتنا بنوفر تحاليل دقيقة وسريعة، علشان نطمن على صحة صاحبك الصغير ونبدأ العلاج في الوقت المناسب.

📩 ابعتلنا رسالة أو اتصل بينا واحجز موعد الفحص.صحتهم مسؤوليتنا... واهتمامك بيها هو أول خطوة للعلاج.

Address

الاستاد/شارع البنداري/بجوار معهد توكل/الشارع أمام مطعم فلفول
Tanta
6620010

Opening Hours

Monday 12pm - 10pm
Tuesday 12pm - 10pm
Wednesday 12pm - 10pm
Thursday 12pm - 10pm
Friday 1pm - 6pm
Saturday 12pm - 10pm
Sunday 12pm - 10pm

Website

Alerts

Be the first to know and let us send you an email when P For Pets clinic posts news and promotions. Your email address will not be used for any other purpose, and you can unsubscribe at any time.

Shortcuts

Share

Category