ريش وذهب

Directions

ريش وذهب ريش وذهب (Feathers & Gold)
لمستلزمات الدجاج الابيض والطيور اون لاين والتوصيل لباب البيت

كل عام وانتم بخير وتقبل الله منا ومنكم صالح الاعمال
17/02/2026

كل عام وانتم بخير
وتقبل الله منا ومنكم صالح الاعمال

الغالى تمنه فيه ☝🏻جملة او واقع حقيقى فى مجال الدواجن امهات مصروف عليها مش فلوس بس لا ادارة صح تهوية حرارة مناعة تغذية مج...
28/01/2026

الغالى تمنه فيه ☝🏻
جملة او واقع حقيقى فى مجال الدواجن امهات مصروف عليها مش فلوس بس لا ادارة صح تهوية حرارة مناعة تغذية مجهود جبار فبالتالى ننتج ايه كتكوت وزن عالى ومناعة قوية يستحمل معاك الشدة خاصة اول 10ايام ودى اللى بتأسس الفرخ نصيحة لوجه الله ♥ الاسترخاص والتوفير مش فى ده اللى هتوفره هتصرفه علاجات وادوية ونافق كتير.
#كتاكيت #بط #رومى #دواجن #طهطا

دعاء استقبال شهر شعبان ..اللهم أهله علينا بالخير والبركات والرحمات، تُجاب فيه الدعوات، وتُقبل الطاعات، وتُفك الكروب، وتُ...
19/01/2026

دعاء استقبال شهر شعبان ..اللهم أهله علينا بالخير والبركات والرحمات، تُجاب فيه الدعوات، وتُقبل الطاعات، وتُفك الكروب، وتُفرج الهموم، وتقضي الحوائج
نسال يارب في بدايه هذا الشهر الكريم ان ترحم كل امواتنا واموات المسلمين جميعا وان تحسن ختامنا يارب العالمين.

📢🔥 اسمعوووو واعوووو… اللي هقوله ده لو ما اتعملش بالحرف، متسأليش بعدها “البط بيموت ليه؟” 😤🦆تربية البط مش هزار ولا لعب عيا...
19/01/2026

📢🔥 اسمعوووو واعوووو… اللي هقوله ده لو ما اتعملش بالحرف، متسأليش بعدها “البط بيموت ليه؟” 😤🦆
تربية البط مش هزار ولا لعب عيال…
يا تعملي الصح يا بلاش تربية من الأساس 💪🔥.
البط الصغير أول 15 يوم أضعف من الهوا…
شمّة برد ❄️ توقعه، نقطة مية ساقعة 💦 تكسره، فرشة مبلولة 🤢 تموّته قبل ما يعيّط.
والمصيبة؟ ناس ترمي البط للبرد ولما يموت يقولوا:
“معرفش ليه!” 🙄
لأ… تعرفي.
إنتي سايباه كإنك بتودّعيه بإيدِك 💔🦆.
التربية دي مش محتاجة حنية… محتاجة عقل وشدة ومسؤولية 💥.
لو مش هتحافظي على دفا ثابت 🔥، مية دافية 💧، مكان ناشف ونضيف 🧹…
يبقى سيبيه لغيرك أحسن ما تصحي كل يوم على نفوق جديد 😓🦆.
ليه البط بيموت؟
– البرد والنداوة أول سبب ❄️💧.
– المية الساقعة أو الملوّثة 💦💀.
– الأكل التقيل بدري 🍽️😣.
– المناعة الضعيفة بعد الفقس 🐣💤.
– الإهمال في النظافة 🤢🧹.
طب نعمل إيه؟
– أول كام يوم دفا وبس 🔥🧺.
– المية دافيييفة 💧🥰 وتتغير طول اليوم.
– أكل ناعم وخفيف 🥣🐥.
– المكان يتنضّف أول بأول 🧹✨.
– والعين تراقب 👀… لو لافّين على بعض يبقوا بردانين، لو ساكتين ومتكسّلين يبقوا تعبانين، لو زقزقتهم عالية في حاجة مضايقاهم.
الخلاصة…
البط مش ضعيف، بس اللي بيربيه لازم يكون صاحي 💪🔥.
لو وفرتي له دفا ومية صح ونظافة… هيكبر معاكي زي العسل 🦆💛.
ولو سيبتيه للبرد… حضّري الكيس كل يوم❤️🔥🦆 #طهطا
#كتاكيت #بط




💛 الحِلْبَة كنز رباني لتسمين الفراخ البيضاء 🐔💪 (بس لازم تتستخدم صح)ناس كتير بتدور على أدوية 💊ومصاريف زيادة 💸ومش واخدين ب...
18/01/2026

💛 الحِلْبَة كنز رباني لتسمين الفراخ البيضاء 🐔💪 (بس لازم تتستخدم صح)
ناس كتير بتدور على أدوية 💊
ومصاريف زيادة 💸
ومش واخدين بالهم إن الحلبة لوحدها ممكن تعمل فرق كبير جدًا في الوزن والصحة 👌

🔸 فوائد الحلبة للفراخ البيضاء:
✔️ فاتحة شهية قوية
✔️ تزود استهلاك العلف
✔️ تحسن الهضم وتقلل النفاخات
✔️ ترفع المناعة
✔️ تدي نشاط وتقلل الإجهاد
✔️ تساعد على بناء اللحم وتحسين التحويل الغذائي

🔸 طرق استخدام الحلبة:
✔️ ينفع مطحونة
✔️ وينفع سليمة

بس كل طريقة وليها حسابها 👇

🔹 الحلبة السليمة (الأفضل والأأمن):
🔸 نغلي ملعقة كبيرة حلبة صحيحة على لتر مية
🔸 تغلي 5–10 دقايق
🔸 نسيبها تبرد
🔸 نستخدم القليل منها على المياه
📌 مناسبة لكل الأعمار
📌 أسهل على الهضم
📌 مفيش إجهاد على الكبد

🔹 الحلبة المطحونة:
🔸 تتخلط على العلف
🔸 رشة خفيفة جدًا تكفي
🔸 مرة واحدة في الأسبوع فقط
⚠️ الزيادة غلط
⚠️ الإفراط يجهد الكبد
⚠️ ممكن يسيب طعم في اللحم لو قرب الدبح

⏰ الجرعة الصحيحة:
🐔 من عمر 7 أيام
✔️ يوم واحد في الأسبوع
✔️ مدة السقاية 6 ساعات فقط

❌ أهم نقطة (ما تتنسيش):
نوقف الحلبة قبل الدبح بأسبوع كامل
علشان: ✔️ نحافظ على طعم اللحم
✔️ الذبيحة تطلع نضيفة
✔️ الجودة تبقى عالية 👌
📌 الحلبة ممتازة
📌 لكن بعقل
📌 والالتزام بالوقت والجرعة هو سر النجاح 👑

لو استفدتي ❤️اعمل لايك 👍

#كتاكيت #فراخ #طهطا

🛡️ رسالة لكل مربي قلقان 🐔لو خايف من🦠 الفيروسات⚠️ الأمراض📉 خسائر البورصةأو أي ظروف خارجة عن إيدك…✔️ اعمل اللي عليك✔️ اهتم...
18/01/2026

🛡️ رسالة لكل مربي قلقان 🐔
لو خايف من
🦠 الفيروسات
⚠️ الأمراض
📉 خسائر البورصة
أو أي ظروف خارجة عن إيدك…
✔️ اعمل اللي عليك
✔️ اهتم بالقطيع
✔️ ظبط إدارة، تهوية، نظافة، وتحصين
وبعد كده؟ اعقد النية من اول الدورة انك هتخصص جزء لله ومن انضفهم واتقلهم ان شاء ♥الله
🤲 سيب الباقي على ربنا
لأن القلق مش بيمنع الخسارة
لكن الشغل الصح + التوكل
هما دايمًا سبب الطمأنينة 💙 وخلى حساباتك ان اللى هيقعدلك مش ال 18 فرخة مثلا لا ال 2 الى طلعوا لله ❤

ريش وذهب هيقولك على سر تخلى فراخك توزن ذهب 🌿 الكركم كنز طبيعي لتنشيط الفراخ البيضاء وزيادة الوزن ومناعة حديد 🐔💪الناس كتي...
17/01/2026

ريش وذهب هيقولك على سر تخلى فراخك توزن ذهب 🌿 الكركم كنز طبيعي لتنشيط الفراخ البيضاء وزيادة الوزن ومناعة حديد 🐔💪
الناس كتير بتدور على أدوية ومكمّلات غالية…
لكن الكركم الطبيعي لو استخدمته صح ممكن يعطيك كل اللي محتاجه الفراخ: نشاط، شهية، وزن صحي ومناعة قوية 💯
✅ ينفع رشّة على العلف
✅ وينفع كمشروب قوي في الميه
✨ فوائد الكركم للفراخ البيضاء:
✔️ ينشّط الكبد ويخلّي الجسم يستفيد من العلف
✔️ يسرّع الهضم ويقلل التخمرات والانتفاخ
✔️ يفتح الشهية ويشجّع على الأكل
✔️ يقوّي المناعة ويقلل الإجهاد
✔️ يقلل السموم ويظبط أداء الجسم
✔️ يحسّن تحويل العلف لوزن حقيقي
✔️ يزيد الحيوية ويقلل الخمول والكسل
✔️ يساعد على تسمين متوازن ونظيف
🔥 الخلاصة:
إضافة بسيطة…
لكن تأثيرها شامل على الصحة والنشاط والوزن 👌🐔
👇
لو أول مرة تشاهدنا ما تنساش تعمل متابعة ولايك عشان يوصلك كل جديد ومفيد في تربية الفراخ ❤️
ما تنساش تصلي على خير الانام سيدنا نبينا محمد عليه افضل الصلاه والسلام ❤
#كتاكيت #فراخ #بط #طهطا #سوهاج #بيتى #رومى

تحية خاصة لأحدث المتابعين لي! يسرني انضمامك! Mahmoud Shikhon, احمد عبد الروؤف, ابو يحيي البحيري, Ahmed Soliman, Nor Azat...
17/01/2026

تحية خاصة لأحدث المتابعين لي! يسرني انضمامك! Mahmoud Shikhon, احمد عبد الروؤف, ابو يحيي البحيري, Ahmed Soliman, Nor Azat, ناصر زايد, Ahmed Alaa Elbadry, احمد كمال

سر ببلاش في عنبرك! 🌾 شوية "شعير" هيعملوا في فراخك عمايل! 😉يا جماعة الخير، مين فينا مبيحبش الحاجة الطبيعية الرخيصة اللي م...
17/01/2026

سر ببلاش في عنبرك! 🌾 شوية "شعير" هيعملوا في فراخك عمايل! 😉

يا جماعة الخير، مين فينا مبيحبش الحاجة الطبيعية الرخيصة اللي مفعولها سحر؟ شايفين شوية الشعير الصغيرين دول؟ لو عرفتي قيمتهم مش هتقطعيهم من دورتك. تعالوا أقولكم على الكنز ده. 👇

الشعير = ماكينة غسيل كُلى طبيعية في عنبرك 🚿

ليه فراخك محتاجة غسيل كلى أصلاً؟ 🤔 الفرخة البيضا دي "مظلومة"، كليتها شغالة 24 ساعة عشان تنضف جسمها، وبتتعب جداً بسبب: 🔸 أملاح وسموم العلف العالية. 🔸 كميات البروتين الكبيرة. 🔸 الإجهاد سواء من الحر أو برد الشتا. 🔸 بقايا الأدوية والمضادات الحيوية اللي بتهري جسمها. النتيجة؟ نقرس، بول أبيض تقيل، كلى وارمة، وموت مفاجئ وإنتي مش عارفة السبب! 😢

الشعير بيعمل إيه بقى لما بتغليه؟ 🦸‍♂️ الشعير ده "الفلتر" الرباني اللي بينسف البلاوي دي: 🔹 "بيكنس" أنابيب الكلى وينزل الرواسب منها. 🔹 بيدوب أملاح اليورات الجامدة اللي بتعمل نقرس. 🔹 بيمنع تكون الحصوات وبيحمي من الفشل الكلوي.

والأحلى إنه طبيعي 100%، يعني بينضف الكلى من غير ما "يهري" الكبد زي الأدوية الكيماوي، وينفع لأي عمر.

💡 إمتى تجري تعملي الوصفة دي ضروري؟ لو عينك شافت العلامات دي في القطيع: 💩 زرق (براز) أبيض جيري تقيل. 💧 الفراخ عطشانة بتشرب مية كتير زيادة عن اللزوم. 🦵 تورم في المفاصل أو عرج. 💀 نفوق مفاجئ بدون أعراض تانية ظاهرة.

📝 الوصفة السحرية (سهلة ورخيصة): ركزي في الطريقة دي عشان تاخدي الخلاصة: 1️⃣ اغلي ملعقة كبيرة شعير في لتر مية لمدة 10 دقايق (عشان تخرّج كل الفايدة). 2️⃣ صفي المغلي ده كويس وسبيه يهدى شوية (يبقى فاتر). 3️⃣ نزليه في السقايات قدام الفراخ (بدل المية العادية) لمدة 6 لـ 8 ساعات. 🔄 كرري "غسيلة الكلى" دي مرتين أو تلاتة في الأسبوع.

❄️ بونص للشتا: مغلي الشعير ده كمان بيدفي الفراخ جداً، بيسخن الدم، ويرفع المناعة ويمنع الجفاف. يعني ضربتي عصفورين بحجر!

جربوا الوصفة دي وادعولي، ومستني أشوف النتيجة في تعليقاتكم! 👇 متنسوش الشير عشان غيركم يستفيد. ❤️🐔
#كتاكيت #فراخ #بيتى #بط #رومى #طهطا

جهز نفسك للحاجات الاساسية اللى بطلع دبابات او بلاعة بترمى فيها فلوسك على الفاضى " العلف وانواعه وطريقة تقديمه "انواع الع...
16/01/2026

جهز نفسك للحاجات الاساسية اللى بطلع دبابات او بلاعة بترمى فيها فلوسك على الفاضى
" العلف وانواعه وطريقة تقديمه "
انواع العلف هى ال 24٪ اسمه بالبلدى انطلاقة
»» وده من اسمه باين انه للكتاكيت وبروتينه عالى لنمو سريع بشتغل منه ممكن اول 10 ايام.
»» ثانيا ال 23٪ البادى العلف الناعم برضو بروتينه عالى وممكن عادى ابدأ بيه لحد 14 يوم او وزن الفرخ وصل 700جرام لو بدأت انطلاقة بشتغل بيه 10 ايام بعد العلف ال 24٪.
»» العلف النامى الخشن ال 21٪ بشتغل بيه اخر 10 ايام او بكمل بيه عامة.
ده فيه بروتين ااقل ومحفزات طاقة اكبر لزيادة وزن الفرخ.
»» العلف الناهى ال19٪ اغلب الناس مش بتستخدمه وبتكمل الدورة بالنامى.
ملحوظة كل انواع الاعلاف غير مخصصة للفراخ البيضاء لازم تقول للراجل علف سوبر وحط تحتها مليون خط شركات كتير شوف المتوفر عندك وانضف ونسبة السموم فيه قليله واشترى من مكان يكون فيه ضغط على العلف مش راكن عنده من فترة خلى بالك
والعلف اللى هتبدأ بيه هتكمل بيه نوع الشركة يعنى
ولما بتغير العلف من بادى لنامى وناهى بيبقا تدريجى مثلا بتأكل بادى بتبتدى تضيف عليه كمية نامى والكمية دى بتزيد كل يوم لحد ما يبقا نامى فقط وعند تغير العلف او اعطاء نوع اخر بنزل جرعة مضاد سموم بيولوجى 3ايام فى المياه او خل.
#كتاكيت #بط #طهطا #دواجن #فراخ #سوهاج

Address

Tahta

Website

Alerts

Be the first to know and let us send you an email when ريش وذهب posts news and promotions. Your email address will not be used for any other purpose, and you can unsubscribe at any time.

Shortcuts

Share

Category