Paws Corner Pet Clinic

26/07/2026

للتبني منفردين او مع بعض هما ٥ اخوات
التواصل علي واتس آب
الرقم 010 04468963

16/04/2026

🚨 حالة طارئة كادت تودي بحياة قط! 🚨

القط ده جالنا في حالة خطيرة جدًا بسبب احتباس البول (Urinary Retention)
وده من أخطر الحالات اللي ممكن تقابل القطط، خصوصًا الذكور.
📌 إيه اللي حصل؟

القط كان مش قادر يتبول، وده أدى إلى امتلاء شديد في المثانة (Bladder Distension)
ومع الوقت بدأ يحصل ضغط على الكلى (Kidneys) ودخل في مرحلة خطر جدًا ممكن توصل للوفاة.

📌 يعني إيه احتباس بول؟
هو ببساطة إن البول مش قادر يخرج من الجسم بسبب انسداد في مجرى البول
(Urethral Obstruction = انسداد الإحليل)

📌 الأعراض اللي لازم تاخد بالك منها:
دخول الليتر بوكس كتير بدون نتيجة
صراخ أثناء التبول
نقط دم
خمول وفقدان شهية
في الحالات المتأخرة: قيء وتدهور عام

📌 ليه الحالة دي خطيرة؟
لأنها ممكن تسبب:
فشل كلوي (Kidney Failure)
ارتفاع البوتاسيوم في الدم (Hyperkalemia = زيادة البوتاسيوم)
→ وده ممكن يسبب توقف في القلب!

📌 إيه اللي عملناه؟
تم التدخل فورًا وعمل:
تفريغ المثانة
تركيب قسطرة بولية (Urinary Catheter)
علاج داعم لإنقاذ الحالة
💡 أهم رسالة:
أي تأخير في الحالة دي ممكن يكلّف حياة القط!
لو لاحظت أي أعراض مشابهة…
📍 توجه فورًا لأقرب طبيب بيطري

❤️
📩 لو عندك أي استفسار ابعتلنا
📍 واحنا دايمًا موجودين لمساعدة حيواناتكم 🐾
010 04468963

04/02/2026

من نوفمبر… ولسه مكملين ❤️

القط ده اتعرض لحرق شديد بسبب ميه مغليه.
أيام صعبة عدّت عليه، ألم، تعب، وعلاج طويل مش سهل.

مفيش سحر حصل
في التزام.
في متابعة.
وفي صبر… من القط ومن اللي حواليه.
و أهم حاجة صبر و تعب اصحابه عشان يوصل للتحسن ده مكنش هيحصل لولا اصحابه اللي تعبوا معاه كل يوم لمده الشهور دي كلها..

الصور دي بتوضح رحلة كاملة، مش مجرد قبل وبعد.
رحلة وجع، وبعدين تحسّن تدريجي، لحد ما بدأ يقف على رجليه واحدة واحدة.

اللي عايزين نقوله بس:
الحروق حتى لو شكلها مخوّف في الأول، ممكن تتحسن.
بس محتاجة تدخل صح، ووقت، وحد يكمل للآخر.

إحنا بنشوف الحالات دي كل يوم،
وبنحاول نعمل اللي علينا… والباقي على ربنا.
لو عندك حالة مشابهة،
ماتستناش كتير.

تقدر تتواصل معنا علي رقم 010 04468963

14/11/2025

🐱 حالة النهارده في العيادة… كمية المفاجآت اللي بنشوفها !

القطه الجميله دي جالها التهاب شديد في الفم، نَفسُه ريحته مش لطيفة، ومش قادر ياكل كويس.
وبعد الفحص… اكتشفنا الكارثة 👇
كان فيه جسم غريب ماسك في سقف بُقه ومسبب له ألم فظيع ومش ظاهر بسهولة!
الجسم ده كان عضمه و ده سبب منع أكل اي عضم لكل الحيوانات سواء قطط أو كلاب

بعد إزالة الجسم الغريب وتنضيف الفم، الحالة ارتاحت و إن شاء الله مع كورس العلاج الحاله تتحسن اكتر و ترجع تاكل تاني زي الأول

❗تنبيه مهم لكل أصحاب القطط:

أي جسم غريب صغير في البيت — خصوصاً البلاستيك، العضم، قطع اللعب — ممكن يتحشر في بُق القط من غير ما تاخد بالك.
وأعراضه غالباً بتكون:

ريحة فم مش طبيعية

خمول أو فقدان شهية

سيلان لعاب

صعوبة في المضغ

لو لاحظت أي حاجة غير طبيعية… متستناش. الكشف بدري بيمنع مشاكل أكبر بكتير.

🏥 عيادتنا جاهزة لأي حالة طارئة أو فحص دوري لأسنان وبُق قطك أو كلبك.

صحتهم مسؤوليتنا… وراحتهم هدفنا ❤️

رقم التليفون: 01004468963

مواعيدنا
الأحد و الثلاثاء و الخميس و الجمعة من 7 ل 10 مساءاً
طوارئ كل أيام الأسبوع

15/07/2025

19/12/2024

Loki 🥰
كان عنده جير مترسب علي الضرس و عامل إلتهاب في اللثه
نورنا في العيادة شيلنا الجير الموجود و الحمد لله اللثه رجعت طبيعيه تاني

نخلي بالنا من أسنان أليفك لأنها مهمه جدآ بالنسباله اي مشكله فيها بتكون متعبه و مؤلمه ليه
تقدر تتواصل معانا لو محتاج مساعده علي رقمنا أو الواتساب
012 75582009

09/12/2024

اليوم ٩ ديسمبر هو اليوم العالمي للطبيب البيطري 👨🏻‍⚕️❤️
ربنا اختارنا لمهنه عظيمه هي مساعدة ارواح مبتتكلمش 💙
عايزين نقول شكرًا لكل دكتور بيطري بيشتغل من قلبه علشان يحافظ على صحة وسعادة حيواناتنا الأليفة.
لو عندك حيوان أليف، افتكر إن كشف بسيط كل فترة ممكن ينقذ حياته.

اهتم بيهم... زي ما هما بيهتموا بيك! 🐕🐈"

16/11/2024

☺️☺️

14/11/2024

ركن يهتم بصديقك الأليف 💝☺️
كلمنا في أي وقت تحبه صبح و ليل هتلاقينا معاك

012 75582009