28/09/2026
🐱 قطتك بتطلع كتل شعر؟ ممكن تكون Hairballs!
قطتك بتقضي وقت كبير في تنظيف نفسها وأثناء الـgrooming بتبلع جزء من الشعر المتساقط.
🪮 ليه بتتكون كرات الشعر؟
لسان القطط عليه نتوءات صغيرة بتساعدها في تمشيط وتنظيف الفرو وبالتالي الشعر الميت ممكن يتبلع.
في أغلب الحالات، الشعر اللي بيتبلع بيمر خلال الجهاز الهضمي ويخرج مع البراز بشكل طبيعي. لكن أحيانًا يتجمع الشعر في المعدة ويكوّن كرة شعر(Hairballs)والقط ممكن يخرجها بالقيء.
⚠️ إمتى الموضوع محتاج اهتمام؟
لو قطتك:
بتحاول تتقيء بشكل متكرر ومش بتطلع حاجة.
اوبتتقيء بشكل متكرر.
اولوفقدت شهيتها أو بقت خاملة.
اوعندها إمساك أو تغير واضح في الإخراج.
اوألم أو انتفاخ في البطن.
هنا ماينفعش نفترض إن السبب Hairball وخلاص لأن القيء المتكرر ممكن يكون له أسباب تانية وممكن وفي بعض الحالات تسبب كرات الشعر انسداد بالجهاز الهضمي.
💡 إزاي نقلل تكوّن كرات الشعر؟
🪮 التشييط المنتظم:
خصوصًا للقطط طويلة الشعر لأنه بيشيل الشعر الميت قبل ما القط يبلعه.
🥣 تغذية مناسبة:
بعض الأنظمة الغذائية المصممة للتحكم في كرات الشعر تحتوي على ألياف تساعد على مرور الشعر عبر الجهاز الهضمي لكن اختيارها يعتمد على حالة القط ونظامه الغذائي
💧 اهتم بالمياه:
توفير مياه نظيفة باستمرار مهم للحفاظ على الترطيب وصحة الجهاز الهضمي.
🩺 ولو الموضوع بيتكرر؟
الأفضل الكشف بدل ما نفترض إن كل مرة القط يحاول يتقيء فيها تكون Hairball.
Hairball ممكن تحصل… لكن التكرار مش حاجة نتجاهلها. 🐾
هنستناكم في
Pet Heaven Veterinary Center
📲 01018762117
📍 ٢٠٨ هـا – بوابة خفرع (الثانية القديمة)، حدائق الأهرام، الجيزة
#قطط #كلاب
