معمل الوفاء للتحاليل البيطرية وتحاليل الاعلاف

  • Home
  • Egypt
  • Faiyum
  • معمل الوفاء للتحاليل البيطرية وتحاليل الاعلاف
Directions

معمل الوفاء للتحاليل البيطرية وتحاليل الاعلاف Contact information, map and directions, contact form, opening hours, services, ratings, photos, videos and announcements from معمل الوفاء للتحاليل البيطرية وتحاليل الاعلاف, Veterinarian, الفيوم, Faiyum.

📌 الأمونيا وتأثيرها على مناعة الدواجنفي تربية الدواجن، مش كل المشاكل بتكون واضحة قدامك…في عوامل خطر خفية بتأثر بشكل مباش...
25/04/2026

📌 الأمونيا وتأثيرها على مناعة الدواجن
في تربية الدواجن، مش كل المشاكل بتكون واضحة قدامك…
في عوامل خطر خفية بتأثر بشكل مباشر على صحة القطيع، وأخطرها اللي بيضرب المناعة من غير ما نحس.
ومن أهم العوامل دي الأمونيا، اللي رغم إنها غير مرئية أحيانًا، إلا إن تأثيرها على صحة الطيور ممكن يكون كبير جدًا.
💨 الأمونيا بتتكون نتيجة تحلل الزرق داخل العنبر، ومع ضعف التهوية أو سوء الإدارة بتبدأ نسبتها تعلى تدريجيًا.
ومشكلتها إنها مش بس ريحة مزعجة… لكنها عامل مؤثر على صحة الطائر من الداخل.
🫁 أول وأخطر تأثير ليها بيكون على الجهاز التنفسي، حيث بتسبب تهيج وتلف في الأغشية المخاطية، وده بيضعف خط الدفاع الأول ضد أي عدوى.
🛡️ ومع استمرار التعرض، بيبدأ الجهاز المناعي يضعف، وبتقل قدرة الطائر على مقاومة الأمراض، وده بيزود فرص الإصابة بأمراض زي الكولاي والميكوبلازما وغيرها من مشاكل الجهاز التنفسي.
📉 كمان ارتفاع الأمونيا بيأثر على الأداء العام للقطيع، من ضعف في النمو وزيادة في معدلات النفوق، وبالتالي خسائر اقتصادية مباشرة.
✔️ علشان كده، التحكم في مستوى الأمونيا داخل العنابر مش رفاهية… ده عنصر أساسي للحفاظ على مناعة قوية وقطيع صحي وإنتاجي.
🔬 ومع التشخيص السليم والمتابعة الدقيقة، تقدر تحمي قطيعك قبل ما المشكلة تكبر… لأن الوقاية دائمًا أوفر وأذكى من العلاج.
🏥 معمل الوفاء معاك دايمًا في ظهرك لتشخيص الأمراض بدقة ومساعدتك تاخد القرار الصح في الوقت الصح، تحت إشراف د/ وفاء أحمد.
📞 01033889684

تُعتبر الميكوبلازما من أخطر وأكثر المشاكل التي تواجه مربي الدواجن، خاصة في قطعان التسمين. ولا تقتصر خطورتها على التأثير ...
22/04/2026

تُعتبر الميكوبلازما من أخطر وأكثر المشاكل التي تواجه مربي الدواجن، خاصة في قطعان التسمين. ولا تقتصر خطورتها على التأثير على صحة الطيور فقط، بل تمتد لتسبب خسائر اقتصادية كبيرة.
المشكلة في الميكوبلازما ليست مجرد عدوى بكتيرية عادية، بل تكمن في عدة نقاط مهمة، منها:
1️⃣ عدم وجود جدار خلوي
الميكوبلازما لا تمتلك جدارًا خلويًا، مما يجعلها مقاومة للمضادات الحيوية التي تعتمد في تأثيرها على تدمير الجدار الخلوي، وبالتالي يصعب التحكم فيها وعلاجها.
2️⃣ بكتيريا انتهازية
تُعد الميكوبلازما بكتيريا انتهازية، تنشط وتسبب المرض عند توفر الظروف المناسبة مثل: سوء التهوية، ارتفاع الأمونيا، الازدحام، التقلبات الجوية، وضعف المناعة.
3️⃣ التداخل مع أمراض أخرى
تزداد شدة الإصابة عند وجود أمراض تنفسية أخرى مثل النيوكاسل والـ IB وإنفلونزا H9، مما يؤدي إلى زيادة شدة الأعراض والخسائر بشكل واضح.
الخلاصة:
التعامل مع الميكوبلازما يتطلب وعيًا كاملًا بالإجراءات الوقائية وإدارة جيدة للقطيع من اليوم الأول، لأن الوقاية دائمًا أفضل من العلاج، وهي المفتاح للحفاظ على أعلى إنتاجية وتقليل الخسائر.
🔬 معمل الوفاء معاك وفي ظهرك في أي مرض
✔ تشخيص دقيق وسريع للأمراض
✔ اكتشاف المشكلة قبل تفاقمها
✔ دعم فني في برامج الوقاية والإدارة الصحية
✔ مساعدة في الحفاظ على أعلى كفاءة إنتاجية للقطيع
👩‍⚕️ تحت إشراف: د/ وفاء أحمد
📞 01033889684

06/09/2025

> 🎓 طلاب وخريجي زراعة – بيطري – علوم
🔥 فرصتك تبدأ شغلك في مصانع الأعلاف ومزارع الدواجن والتسمين!

💡 مع كورس المعمل هتتعلم من الصفر لحد الاحتراف، وهتكتسب خبرة عملية حقيقية تؤهلك لسوق العمل فورًا 🚀

🧪 محتوى الكورس:
🔹 تدريب عملي داخل المعمل – المطبخ الحقيقي للشغلانة
🔹 زيارة ميدانية لـ مصنع تطوير لمنتجات تغذية الحيوان عشان تشوف بنفسك خطوط الإنتاج وضبط الجودة
🔹 اختبار بعد الزيارة والعملي لتقييم مدى استيعاب الطلبة وضمان الفهم الكامل
🔹 شهادة معتمدة بعد اجتياز الاختبار

💸 مفاجأة للطلبة:
الكورس مدعوم دعم شبه كامل للطلاب علشان نساعدك تبدأ حياتك المهنية بسهولة 💪

🎯 الفرصة دي هتأهلك تشتغل في:
✅ مصانع الأعلاف
✅ مزارع الدواجن
✅ مزارع التسمين
✅ مزارع الحلاب

⏳ الأماكن محدودة جدًا… احجز مكانك دلوقتي قبل ما العدد يكتمل!

📞 للاستفسار والحجز:
☎️ 01067937536
💬 أو راسلنا مباشرة على واتساب

قرار بشأن الحمي القلاعيه...برجاء الاهتمام
13/08/2025

قرار بشأن الحمي القلاعيه...برجاء الاهتمام

-معدل النمو هو عباره عن معدل الزياده اللي بيزيدها الحيوان سواء كانت يوميه او شهريه-معدل التحويل هو عباره عن كميه الغذاء...
27/07/2025


-معدل النمو هو عباره عن معدل الزياده اللي بيزيدها الحيوان سواء كانت يوميه او شهريه
-معدل التحويل هو عباره عن كميه الغذاء اللي بياكلها الحيوان لانتاج وحده من الماده المنتجه سواء كانت لحم او لبن يعني مثلا كيلو من اللحم ينتج باستخدام قد ايه من الغذاء عشان نعرف كفاءه تحويل الغذاء الى منتج
-بالنسبه للكفاءه التحويليه للغذاء او كفاءه تحويل الغذاء قلنا يعني قد ايه من الغذاء يحول الى كيلو جرام من اللحم او من اللبن ولذلك احنا بنعبر عن احتياجات الحيوان بالطاقه واقول ده محتاج قد ايه من الطاقه مش من الغذاء يبقى انا بحدد الحيوان محتاج قد ايه بناء عن احتياجاته من الطاقه
-واحنا بنلاحظ لو انت جبت ماده غذائيه مرتفعه من البروتين هلاقي محتواها عالي من الطاقه وده بيبقى في الغالب ولو انا اعطيت الحيوان احتياجاته من الطاقه بماده غذائيه معينه بضمن ان انا كفيت 75% من احتياجاته
-ولذلك الحيوان العشر او الحامل سواء بقره او جاموسه احنا في الست شهور الاولى بنقلل مستويات الطاقه في الغذاء الى اقصى حد والثلاث شهور الاخيره في الحمل اللي بيزيد فيها معدل نمو الجنين بيحتاج الى اكبر مستويات من الطاقه.

ـ سريعا كده الحيوان المجتر المعده بتاعته بتتكون من اربع حجرات هي الكرش والشبكيه والورقيه والانفحه والانفحه تعتبر المعده...
13/07/2025


ـ سريعا كده الحيوان المجتر المعده بتاعته بتتكون من اربع حجرات هي الكرش والشبكيه والورقيه والانفحه والانفحه تعتبر المعده الحقيقيه بالنسبه للحيوان المجتر لان بيفرز فيها الانزيمات الهاضمه للغذاء.
ـ اما بالنسبه للحيوان وحيد المعده فالمعده بتاعته بسيطه تتكون من حجره واحده وهي المعده الحقيقيه اللي موجود فيها الانزيمات الهاضمه للغذاء.
ـ الحيوان المجتر موجود في الكرش بتاعه مجموعه من الاحياء الدقيقه وتسمى بالمايكروفلورا وهي عباره عن بكتيريا وبروتوزوا والبكتيريا تتبع المملكه النباتيه والبروتوزوا تتبع المملكه الحيوانيه.
ـ لذلك لما بنقول احتياج البكتيريا الى الازوت او النيتروجين سواء كانت باضافه الامونيا او اليوريا ده بيكون عشان تبني بيها البكتيريا البروتين الميكروبي بتاعها ويمتص فيما بعد في صوره بروتين حقيقي.
ـ والكائنات الحيه الدقيقه اللي في الكرش بتقوم بعمليات تخمرات ميكروبيه وينتج عن تلك التخمرات الميكروبيه للغذاء سواء كانت نشويات او سكريات او الياف مجموعه من الاحماض الدهنيه الطياره ودي بتغطي من 70 ل 75% من الاحتياجات الكليه للحيوان من الطاقه.
ـ وبالتالي كل ما اقل مستوى هذه الاحماض الدهنيه الطياره في كرش الحيوان او جسم الحيوان كل مكان احتياجه لانه ياكل احتياج ضروري لان هناك اشارات ترسل الى مراكز الجوع الموجوده في المخ وبيبعت له رساله انه جعان وبالتالي يبدا يزود من الماكول عشان يرفع مستوى الاحماض الدهنيه الطياره ويستفيد من الطاقه الناتجه منها.
ـ اما بالنسبه للحيوان وحيد المعده المحدد الاساسي لكميه الماكول في المعده مش الاحماض الدهنيه الطياره لان مش متواجد عنده كائنات حيه دقيقه وبالتالي المحدد الاساسي في كميه الماكول هو مستوى جلوكوز الدم وكذلك كميه الجليكوجن المخزن بالجسم.
ـ وبالتالي كل ما قل نسبه الجلوكوز في الدم كل ما تم ارسال اشاره الى مراكز الجوع في المخ اللي بيدي اشاره للحيوان انه جعان وبالتالي يبدا ياكل عشان يزود من مستوى جلوكوز الدم.

- احنا قلنا قبل كده ان كل 100 كيلو وزن حي بيحتاج 2 كيلو ونص ماده جافه ولو العجول صغيره يبقى الاثنين كيلو ونص بيتقسمو نص...
05/07/2025


- احنا قلنا قبل كده ان كل 100 كيلو وزن حي بيحتاج 2 كيلو ونص ماده جافه ولو العجول صغيره يبقى الاثنين كيلو ونص بيتقسمو نصين نص ماده مالئه ونص علف مركز
- لو هتستخدم البرسيم كماده مالئه لازم تاكل تبن معاه عشان ما يحصلش معاك اسهالات وتمسك معاك بطن العجل.
- البرسيم بناكله لحيوان التسمين لحد 300 كيلو فقط وبعد كده اوقف البرسيم علشان ما يحلش معايا اللحمه المتكونه.
ـالعلف اللي بحطه للعجل لازم احطه بنظام الTMR يعني اخلط المركزات مع المالئ بحيث اتجنب مشاكل سوء الهضم وتجنب النفاخ والحموضه.
- مهم جدا تثبيت ميعاد الاكل بين الفتره الصباحيه والفتره المسائيه من 6ل8 ساعات عشان يكون تم هضم الوجبه الاولى وبعدين احط الوجبه الثانيه.
- لو العجول مطلوقه تكون المياه قدامهم على طول لو العجول مربوطه بنشرب قبل الاكل بساعه او بعد الاكل بساعتين.
- لازم الطوايل تكون نظيفه وما احطش اكل جديد على بقايا اكل قديم واخلط الاكل كويس عشان ما اديش فرصه للحيوان يفضل اكل على اخر.
- لازم تكون واقف اثناء التغذيه عشان تكتشف بعينك العجل الضعيف اللي نفسه مقفوله والعجل اللي درجه حرارته مرتفعه وتبدا تعزله وتشوفه وتقيس درجه حرارته تتعامل معاه سواء بفواتح شهيه او خوافض حراره او مضادات حيويه.
- بعد اسبوعين او شهر تبدا توزن العجول ولازم توزن صايم عشان لو وزنته وهو واكل المره اللي بعدها مش هتضمن انه يكون واكل نفس الكميه اللي كان واكلها المره اللي فاتت لكن في الصيام ببقى ضامن ان الحيوان صايم يبقى لازم احط العامل ده في حسابي.
- لازم تحسب معدلات النمو الفرديه بالنسبه للحيوان يعني كل عجل شوف وزنه المره دي كام والمره اللي بعدها كام واطرح الوزنتين واقسم على المده يديني معدل النمو اليومي واعمل الكلام ده على كل العجول واجيب متوسط النمو العام.

* بالنسبه لاحتياج الحيوان من البروتين- من وزن 100 كيلو ل 200 كيلو 16% بروتين- من وزن 200 كيلو ل 300 كيلو 14% بروتين- من...
01/07/2025


* بالنسبه لاحتياج الحيوان من البروتين
- من وزن 100 كيلو ل 200 كيلو 16% بروتين
- من وزن 200 كيلو ل 300 كيلو 14% بروتين
- من وزن 300 كيلو لاعلى من 12 ل 13% بروتين
* بالنسبه لاحتياج الحيوان من الطاقه
- عجول صغيره من 65 ل 68 TDN
- عجول متوسطه من 68 ل 72 TDN
- عجول كبيره من 72 ل 75 TDN
* كل ما الحيوان كان صغير في الحجم والوزن كل ما يحتاج يبني انسجه جديده في جسمه عشان كده بيحتاج نسبه عاليه من البروتين ومنخفضه من الطاقه وكل ما الحيوان كان اكبر احتياجه للبروتين بيقل والطاقه بيزيد.
* كيلو اللحم بيتكون من 250 جرام احماض امينيه جايه من البروتين و 750 جرام مياه
* كيلو الدهن بيتكون من 850 جرام احماض دهنيه و 150 جرام مياه وده بيتناسب مع الطبيعه الفسيولوجيه للحيوان لان الحيوان وهو صغير بتبقى قدرته على احتجاز المياه عاليه وهو كبير قدرته على احتجاز المياه منخفض.
* لذلك كيلو اللحم بيحتاج ل 750 جرام مياه وكيلو الدهن بيحتاج ل 150 جرام مياه.

-لو انا مربي عجول تسمين ازاي اعرف الكميه اللي هيحتاجها كل عجل من العلف او البرسيم او التبن او السيلاج في اليوم الواحد....
30/06/2025



-لو انا مربي عجول تسمين ازاي اعرف الكميه اللي هيحتاجها كل عجل من العلف او البرسيم او التبن او السيلاج في اليوم الواحد.
-احنا قلنا ان كل 100 كيلو جرام وزن حي بيحتاج 2 كيلو ونص جرام ماده جافه
ـ يعني العجل ال 100 كيلو جرام بيحتاج 2 كيلو ونص جرام ماده جافه والعجل ال 200 كيلو جرام بيحتاج 5 كيلو جرام ماده جافه والعجل ال 300 كجم بيحتاج 7 كيلو ونص ماده جافه وهكذا.
-طيب الاثنين وكيلو ونص عباره عن ايه؟؟
مركزات ولا مالئ ولا الاثنين؟ لا ال 2.5كجم دول عباره عن مركزات ومالئ مع بعض.
- طيب العجل عندي لو صغير بيحتاج 60% ماده مالئه و40% مركزات ولو متوسط بيحتاج 50% ماده مالئه و50% مركزات ولو كبير بيحتاج 60% مركزات و40% ماده مالئه.
- يعني انا لو جبت 20 عجل متوسط وزنهم 200 كيلو جرام طيب عشان اجي احط لهم العلف بتاعهم المفروض لكل 100 كيلو جرام 2 كيلو ونص ماده جافه يعني العجل الواحد محتاج 5 كيلو جرام ماده جافه - ووزن ال 200 كيلو جرام عجول متوسطه يعني الخمسه كيلو جرام هيتقسموا الاتنين كيلو ونص علف مركز واثنين كيلو ونص علف مالئ.
- طيب انا عندي العلف المركز بتبقى نسبه الماده الجافه في 90% تقريبا يعني كل كيلو علف مركز هتاكله للعجل هيوصل منه 900 جرام ماده جافه.
- والعلف المالئ بتبقى نسبه الماده الجافه على حسب نوعه يعني مثلا لو استخدمت تبن كماده مالئه بتبقى نسبه الماده الجافه فيه 90% ولو استخدمت سيلاج بتبقى نسبه الماده اللي فيه 35% ولو استخدمت برسيم بتبقى نسبه الماده الجافه اللي فيه حوالي 15% يعني ايه الكلام ده؟؟
- يعني انت لو هتستخدم الماده المالئه بتاعتك تبن يبقى الاثنين ونص كيلو بتوعك هيبقوا عباره عن 2 كيلو 800 جرام تبن عشان الماده الجافه فيها 90%
- ولو هتستخدم الماده الجافه بتاعتك في شكل برسيم يبقى عشان تغطي الاثنين كيلو ونص ماده مالئه بتوعك هتحتاج حوالي 17 كيلو برسيم للراس الوحده.
- ولو هتستخدم الماده المالئه سيلاج هتحتاج حوالي 7 كيلو سيلاج للراس الواحده في اليوم عشان تغطي الاثنين ونص كيلو ماده جافه.

*التغذيه السليمه لحيوانات التسمين...*** لازم تبقى فاهم احتياج الحيوان بيتحسب على اساس الماده الجافه يعني ما احطش لعجل ع...
29/06/2025


*التغذيه السليمه لحيوانات التسمين...
*** لازم تبقى فاهم احتياج الحيوان بيتحسب على اساس الماده الجافه يعني ما احطش لعجل عندي 2 كيلو جرام علف واقول انا اكلته 2 كيلو لا انت اكلته كيلو 1.800 جرام ماده جافه
*الحيوان بيحتاج 2.5 كيلو جرام ماده جافه لكل 100 كيلو جرام وزن حي... طيب يعني ايه الكلام ده؟!!!!
*انا دلوقتي عندي عليقتين العليقه المركزه اللي هي العلف اللي انا بشتريه او العلف اللي انا بعمله على ايدي والعليقه المالئه سواء كان تبن او برسيم او سيلاج.
*طيب بالنسبه للعلف المركز سواء انا شاريه او كنت عامله على ايدي بتبقى الماده الجافه في حوالي 90% وكذلك التبن والقش نسبه الماده الجافه في حوالي 90%
يعني لو اكلت كيلو جرام من العلف او التبن والقش يعني انت عطيت للحيوان 900 جرام ماده جافه من احتياجاته.
*طيب لو انا اكلته كيلو سيلاج اللي نسبه الماده الجافه فيه 35% يعني انا 350 جرام ماده جافه.
*طيب لو انا اكلته كيلو برسيم اللي نسبه الماده الجافه بتوصل ل 15% يعني انا عطيته 150 جرام فقط.
*** تابعونا لمعرفه المزيد

Address

الفيوم
Faiyum

Opening Hours

Monday 12pm - 11:59pm
Tuesday 12pm - 11:59pm
Wednesday 12pm - 11:59pm
Thursday 12pm - 11:59pm
Saturday 12pm - 11:59pm
Sunday 12pm - 11:59pm

Website

Alerts

Be the first to know and let us send you an email when معمل الوفاء للتحاليل البيطرية وتحاليل الاعلاف posts news and promotions. Your email address will not be used for any other purpose, and you can unsubscribe at any time.

Shortcuts

Share

Category