10/08/2026
نجاح الدورة بيبدأ من أول دقيقة في عمر الكتكوت.. 🐥✨
وعشان تضمن دورة ناجحة بإنتاجية عالية، لازم تتأكد إنك مستلم كتكوت عالي الجودة Chick Quality
يا ترى إيه هي علامات الكتكوت السوبر اللي تفرزه وتستلمه وأنت مطمن؟
👁️ العين: براقة، واسعة، وبتلمع (مش مقفولة ولا دبلانة).
🐥الحيوية والحركة: نشيط، وبيتحرك بسرعة أول ما تلمسه، ولو قلبته على ظهره يتعدل في أقل من 3 ثوانٍ.
🐤 الأرجل والمنقار: الأرجل لامعة وممتلئة غير جافه والمنقار سليم وخالي من أي احمرار أو تشوهات.
🎯السرة (أهم علامة): مقفولة ونظيفة تماماً، لا يوجد فيها أي احمرار، أو خيوط سوداء، أو بروز لكيس المح.
⚖️ التجانس: وزن القطيع متقارب وحجمهم واحد.
افتكر دايماً.. الكتكوت السوبر بيبدأ من أم محصنة صح، مناعتها قوية وبتورثها لكتكوتها عشان تحميه في أول أيام عمره.
💪شاركونا في التعليقات.. إيه أول حاجة بتبصوا عليها وأنتوا بتستلموا الكتاكيت؟ 🤔👇
