15/08/2026
Gastrointestinal foreign body!!
او جسم غريب في معدة او امعاء الاليف
هي مشكلة للاسف خطيرة وصعب التحكم فيها لانها بتكون في الاغلب سلوك في الاليف نفسه
اليف شقي او بيلعب ويعض اي حاجة في الشقة ساعتها ينتج عنه انه يبلع حاجة بالغلط
١) الاليف هيكون نفسه مفتوحة عادي
٢) بيرجع اول ما ياكل او يشرب او بعدها بوقت بسيط (على حساب مكان الجسم الغريب )
٣) بعد مدة من الوقت بيبتدي حالته تتدهور لو متدخلناش
تشخيص الحالة بيعتمد على كذا حاجة
١) لو الاونر شاف انه بيعض في حاجة او يلعب بيها قبل المشكلة
٢) لو الاونر شاف ان الاليف بيرجع بعد فترة قصيرة من الاكل او الشرب
٣) اونر بيشتكي من الترجيع والدكتور لجأ للسونار او الاشعة واكتشف الجسم دة
عشان كدة مهم جدا انك تراقب اليفك كويس وتتابع حالته باستمرار ومتترددش لحظة انك تجيبه يكشف لو لاحظت اي حاجة غريبة
