Pets Home Clinic

02/10/2026

02/10/2026

"
​ بس الحقيقة إن الأرنب مش مكانه المنور خالص! الأرانب حيوانات أليفة لطيفة ورقيقة جداً، وتستاهل تعيش وسطنا في البيت في مكان نظيف ومهوى كويس. 🏠❤️

02/10/2026

"أرنبنا في منور أنور.. بس المرض مش في حساباتنا! 🐰✨"
​كلنا حافظين الجملة من زمان، بس الحقيقة إن الأرنب مكانهم مش المنور خالص!
الأرانب حيوانات أليفة لطيفة ورقيقة جداً، وتستاهل تعيش وسطنا في البيت في مكان نظيف ومهوى كويس. 🏠❤️
​لو بتفكر تربي أرنب أليف في البيت، د. إيريني بتقولك على أهم النصائح:
​🌾 الأكل الصحي المتكامل الخضروات الورقية الطازجة مهمه لصحه الجهاز الهضمي و العظام و الاسنان و الفرو الصحي
💧 المية: مية نظيفة ومتجددة باستمرار.
🏡 المساحة: بلاش حبسة القفص طول اليوم! الأرنب بيحب يجري ويتنطط، وفري له مكان آمن ومفتوح.
🩺 المتابعة الفحصية: الأرانب بتخفي تعبها، فعشان كده المتابعة الفحصية مع الطبيب البيطري مهمة جداً للتطعيمات والفحص الدوري.
​شاركونا في التعليقات.. مين عنده أرنب في البيت ومسميه إيه؟ 🥕👇

13/09/2026

سيمبا! 🐾
سيمبا بطلنا النهاردة من فصيلة كين كورسو (Cane Corso)، زيارته لينا كانت فرصة نأكد على نقطة مهمة جداً لجميع مربي الكلاب، وهي: أهمية تفريغ الغدد الشرجية (A**l Glands) بانتظام.
​كثير من المربين بيلاحظوا على أليفهم سلوكيات مثل حك الجزء الخلفي في الأرض، أو اللف المستمر حول المنطقة دي، وده غالباً بيكون بسبب امتلاء الغدد الشرجية.
​ليه تفريغ الغدد الشرجية مهم؟
​الوقاية من الالتهابات: إهمال تفريغها بيؤدي لاحتباس السائل داخلها وتكون تكيسات أو خراج مؤلم جداً.
​الراحة والتخفيف من الألم: بيمنع الشعور بالحكة والانزعاج المستمر للكلب.
​الحفاظ على الصحة العامة: الفحص والتفريغ الدوري بيحميكِ وبيحمي أليفك من الدخول في علاجات جراحية أو مضادات حيوية طويلة.
​صحة أليفك وبقاؤه مرتاح هي أولويتنا دائماً! 🐶✨

30/08/2026

🐶 فيروس البارفو.. أعراضه وطرق الوقاية منه 🦠🐾
الصغير ده بيحارب حاليًا فيروس البارفو (Canine Parvovirus)، وهو فيروس شديد العدوى وخطير خصوصًا على الجراوي والكلاب غير المطعمة. دعواتكم له بالشفاء العاجل والرجوع بصحة وعافية. 🤲❤️
🚨 أهم أعراض البارفو: خمول وضعف شديد، فقدان الشهية، قيء متكرر، إسهال شديد قد يكون دمويًا، جفاف، وأحيانًا ارتفاع أو انخفاض في درجة الحرارة. ظهور الأعراض دي، خصوصًا على جرو صغير، يستدعي الكشف البيطري فورًا لأن الحالة ممكن تتدهور بسرعة.
🛡️ إزاي نحمي كلبنا؟ الالتزام بجدول التطعيمات ومواعيد الجرعات التنشيطية حسب إرشادات الطبيب البيطري، وعدم اختلاط الجراوي غير مكتملة التطعيم بكلاب مجهولة الحالة الصحية، وتجنب الأماكن الملوثة، مع الاهتمام بالنظافة والتطهير؛ لأن الفيروس قادر على البقاء في البيئة لفترات طويلة.
⚠️ لو شكيت في البارفو، اعزل الكلب عن باقي الكلاب وتوجه للطبيب البيطري فورًا. التشخيص والعلاج المبكر بيفرقوا جدًا.
ربنا يشفي صغيرنا ويقومه بالسلامة، ودعواتكم تكون الصورة الجاية وهو أحسن وبيلعب من تاني. 🐶❤️
🏥 Pets Home Clinic
📍 مدينة العبور – الحي الثاني – كريتف مول – خلف بنزينة وطنية
📞 للحجز والاستفسار: 01022378712
#البارفو #الكلاب #الجراوي

21/08/2026

🐾 تطعيمات حيوانك الأليف مش رفاهية… دي حماية وحياة ❤️🐱🐶
هل تعرف مواعيد التطعيمات الأساسية لقطتك أو كلبك؟
📌 جهّزنا لك جدول بسيط يوضح أهم التطعيمات والمواعيد المناسبة لها.
🏥 Pets Home Clinic
📞 للحجز والاستفسار: 01022378712

21/08/2026

🐾😺 أسرار في جسم قطتك هتخليك تشوفها بطريقة مختلفة! ✨
جسم القطة معمول بدقة عجيبة… وكل جزء فيه له وظيفة مهمة 👇
👂 1. ودان القطة مش للسمع بس تقدر تحرك كل أذن بشكل منفصل علشان تحدد مكان الصوت بسرعة حتى لو كان بعيد.
🦷 2. أسنان القطة مصممة للصيد أسنانها الحادة تساعدها تمسك الطعام وتمزقه بسهولة.
🐾 3. مخالب القطة لها وظيفة مهمة بتستخدمها للدفاع، التسلق، وتمديد العضلات والحفاظ على صحة أقدامها.
👃 4. حاسة الشم عند القطط قوية جدًا بتساعدها تتعرف على الأشخاص والأماكن وتكتشف الروائح المختلفة.
🦴 5. جسم القطة مرن بشكل مذهل عندها عمود فقري مرن يساعدها تتحرك وتقفز بسهولة.
🐱 6. ذيل القطة يعتبر وسيلة تواصل من خلال حركة ذيلها تقدر تعرف إذا كانت سعيدة، متحمسة، أو متضايقة.
💬 🐈‍⬛ إيه أكتر حاجة مبهراك في قطتك؟ احكيلنا في التعليقات!
🏥 Pets Home Clinic
📍 مدينة العبور – الحي الثاني – كريتف مول – خلف بنزينة وطنية
📞 للحجز والاستفسار: 01022378712
#القطط

01/08/2026

🐾 محتار تسيب أليفك مع مين وأنت مسافر؟ أو عندك مشوار هيطول؟ ✈️🏡
اطمن... مع Pets Home Clinic أليفك هيكون في أمان وكأنه في بيته. 🤍🐶🐱
نوفر لك خدمة الاستضافة الفندقية في مكان آمن، نظيف، ومجهز بالكامل، مع رعاية واهتمام على مدار اليوم.
✨ مميزات الاستضافة عندنا:
✅ أماكن إقامة مريحة ونظيفة.
✅ متابعة بيطرية مستمرة طوال فترة الإقامة.
✅ تقديم الوجبات حسب النظام الغذائي الخاص بأليفك.
✅ وقت مخصص للعب والنشاط لتقليل التوتر والحفاظ على راحته.
✅ اهتمام ورعاية فردية لكل حيوان أليف، وكأنه فرد من عائلتنا. ❤️
سواء هتسافر، عندك شغل، أو محتاج مكان موثوق تسيب فيه أليفك... إحنا موجودين علشان نطمنك عليه. 🐾
📍 Pets Home Clinic
مدينة العبور – الحي الثاني – كريتف مول – خلف بنزينة وطنية.
📞 للحجز والاستفسار:
01022378712
💬 ابعتلنا رسالة دلوقتي واعرف تفاصيل الاستضافة والأسعار، وسيب الباقي علينا. 💙
#كلاب #قطط

30/07/2026

🐹 تفتكروا إيه أصغر حيوان ممكن يزور عيادة بيطرية؟
إجابة السؤال موجودة في الصورة! 😍
استقبلنا واحد من أصغر عملائنا، والحمد لله كله تمام وبأفضل صحة. 💙
في Pets Home Clinic بنهتم بكل أصحابنا الصغيرين، مهما كان حجمهم، لأن كل حيوان أليف يستحق الرعاية والاهتمام. 🐾
💬 لو عندك هامستر، قولنا اسمه في الكومنتات.
🏥 Pets Home Clinic
📍 مدينة العبور – الحي الثاني – كريتف مول – خلف بنزينة وطنية.
📞 للحجز والاستفسار: 01022378712
#هامستر

29/06/2021

بيسنن ...نستحمل مع بعضنا كده المده دي لأنه بيسنن 🦷️🦷️
دي بيكون جوابي لما حد بيبعتلي ويقولي:
" اتبهدلنا يا دكتور من العض ...والأولاد الصغيرين هما كمان أبتدوا يخافوا منه ..في حل علشان خلاص تعبنا "
قبل ما نحكي مع بعض عن أزاي نقلل موضوع العض ده ..خليني أقولك أنا الموضوع عايز صبر وطوله بال ونحط في بالنا أنها مرحله وهتخلص ... وانه سلوك غريزي لأن الجراوي الصغيره بتلعب مع بعضها بالعض.
1- شيل أي حاجه مهمه
لو كلبك غاوي جزم وشباشب أرفع أي حاجه من على الأرض ينفع أنها تتعض وخاصه السجاده ام شراشيب لحد ما نعدي الفتره ده وكده كده احنا لازم هنشيلها علشان تدريب الحمام 😭😭
2- عرفه أنك موجوع وأن في عقاب
لما كلبك يبتدي يعض عبر بكلمه تعبر عن الألم اللي حاسس بيه حتى لو العضه موجعتش بس علشان يفهم انك متألم لأنهم بيفهموا تعبيرات الوش كويس ...ولما يكررها سيبه وقوم وابعد عنه ..فكره انه يعقد لوحده من غيرك دي هتجننه لانه الكلاب بطبيعتها أجتماعيه فهيفهم أنه لما بيعمل كده هيتعاقب ويتساب لوحده والكلام ده ينطبق على كل أهل البيت مش عليك أنت بس.
3- وفر بديل
سواء بقى كره فيها دراي فوود او يكون جواها زبده فول سوداني هيلعب ويعض فيها وهتبقى هي دي المكأفاه بتاعته كمان وهتخليه يلعب ويمارس رياضه بشكل بسيط جوه البيت .
من البدايل الصحيه هي أنك تقدمله جزر او تفاح مجمد ده هيبسطه جدا ويقلل موضوع العض ده.