Pets.dailymedicalinfo.com

03/08/2022

لو كنت من مربيين الكلاب لازم تتأكد من تطعيمهم ضد السعار. ولو في مكان سكنك حواليك كلاب كتير حاول تساعدهم بأنك تقدملهم حاجات بسيطة زي بواقي الطعام، والمياه، وتتعامل معاهم بلطف ورحمة. لأن في النهاية الكلاب عمرها ما كانت مخلوقات وحشية، بالعكس في كل مكان وزمان كانت معروفة بوفائها وصداقتها للإنسان. وانت مش مجبر تتعامل معاهم، لكن على الأقل متحاولش تأذيهم أو ترميهم بالحجارة.

ومتنساش في حالة تعرضك للخدش أو للعض من الكلاب أول حاجه لازم تعملها إنك تطهر الجرح الأول عن طريق غسل المنطقة المصابة بالميه والصابون لمدة 15 دقيقة على الأقل، وبعدها تتوجه على الفور لأقرب وحدة صحية لتلقي مصل السعار، ومتخافش المصل هيحميك بنسبة 100% من المرض.

02/08/2022

إبادة كلاب الشوارع عمرها ما كانت حل أبدًا لأسباب كتير، منها إن الكلب ليه دور مهم جدًا في التوازن البيئي وإبادته هتتسبب في ظهور حيوانات كتير ضارة أو زيادة حيوانات بأعداد أعلى من الطبيعي. ده غير إن الكلاب ليها دور ضروري في الحراسة ووجودها في المناطق السكينة بمثابة حماية للسكان من المتسللين خلال فترة الليل، وكمان من الحيوانات المفترسة زي الذئاب في المناطق النائية. ده بالإضافة إلى أن كلاب الشوارع بشكل عام بتتغذى على النفايات العضوية في صناديق المخلفات وده كمان دور مهم في الحفاظ على نظافة المنطقة اللي بيعيشوا فيها.

مؤخراً بدأ يكون فيه حملات لتطعيم كلاب الشوارع ضد مرض السعار، بيقوم بيها أفراد هدفهم الوحيد هو اننا نلاقي حل سلمي للقضاء على السعار بدون إبادة الكلاب. والتطعيم ده بيحمي الكلب بنسبة 100% من خطورة الإصابة بالمرض، عشان كده لو لقيت علامة صفراء عليها رقم في أذن الكلب أتطمن دي علامة أمان إن الكلب خضع لرعاية طبية متكاملة ومفيش منه اي خوف.

01/08/2022

هو أي كلب بينبح لازم يكون مسعور؟
النباح هو وسيلة الكلاب الوحيدة للتعبير عن احساسها، وأسباب نباح الكلاب كتير جداً ومعناه بيختلف حسب الموقف، يعني مثلًا إذا كان الكلب مع أولاده فهو ممكن يستخدم النباح كوسيلة دفاع عنهم لكن مش لأنه مسعور.

وتحديد إذا كان الكلب مسعور أو لأ صعب معرفته خصوصاً في بداية العدوى، ولكن ممكن تلاقي بعض العلامات اللي من خلالها هتقدر تميز الكلب المصاب بالسعار عن الكلب السليم في بداية الإصابة ومنها:
•الهياج بسهولة.
•العدوانية بشكل أزيد من الطبيعي.
•الحمى.

أما المراحل المتقدمة من المرض فبتكون الأعراض:
•سيلان في اللعاب بشكل مفرط.
•صعوبة في البلع" علشان كده الكلب المسعور مبيقدرش ياكل أو يشرب".
•الإصابة بالشلل.

31/07/2022

الكلاب من الحيوانات المستأنسة من آلاف السنين، وطول الوقت كانت معروفة بمدى ألفتها ووفائها للإنسان. ولأن في ناس كتير بتخاف تقرب من الكلاب خصوصًا كلاب الشوارع، لأنهم فاكرين أن كلهم مصابين بالسعار، فخلينا نقولك نبذة بسيطة عن السعار..

السعار بيتنقل للكلب إذا تعرض للعض من قِبل حيوان مصاب، وعلى عكس المفهوم الشائع مش كل الكلاب الضالة بالضرورة لازم تكون مصابة بالسعار، وعشان تأمن نفسك منها ممكن تتجنب الاحتكاك بيهم، ومتقلقش الكلب حتى في حالة إصابته بالسعار مبيهاجمش الإنسان إلا إذا تعرض للهجوم أو المضايقة.

03/04/2022

رمضان كريم وكل عام وأنتم طيبين😍♥️

31/12/2021

Pets family wish you and your families a Happy new year ❤️

24/10/2021

لو قابلتك قبل كده صور لقط شبه النمر وما قدرتش تتعرف عليه،
فالمقال ده فرصة ليك انك تدخل عالم قط البنغال وتعرفه بالتفصيل:

لا يعد قط البنغال/القط البنغالي قط ضعيف جسمانيًا؛ لأنه يتمتع بجسم عضلي قوي. كما أنه قط حنون للغاية مع أصدقائه من البشر، ولديه طاقة عالية وجانب من المرح.

22/10/2021

إنك تفهم لغة جسد قطتك ولغة عيونها وذيلها وكل حركة بتعملها معناها إيه هو أول طريق تعرف تتواصل بيه مع قطتك، لكن تعرف إزاي تخليها تفهمك زي ما أنت فهمتها؟
على الرغم من أن في حيوانات أليفة تانية بستجيب للكلام وبتفهمه زي الكلاب، إلا أن القطط هتلاقيها دايمًا مش مهتمه للي أنت بتقوله، لكن ده مش معناه إنها مش فاهماك!
العلماء توصلوا لأن القطط بتفهم لغة البشر لكن بيتصرفوا على أنهم مش فاهمين أنت بتقول إيه، عشان كده متيأسش وتفكر إن قطتك مش فاهماك.
حاول تغير نبرة صوتك واتكلم معاها بحنية وحاول أكتر من مرة، ده هيخليها تتحفز إنها تستجيب ليك، أو تحضنك، أو تسمع كلامك، على عكس نبرة الصوت الحادة، هتخلي قطتك تعند وتنفذ اللي في دماغها، وسلوكيات أنت مش حاببها زي الضرب أو خدش الأثاث بتاع البيت.
لما تكون بتشتغل في مكان بعيد، حاول تتواصل مع قطتك عن طريق مكالمات الفيديو، على الرغم إنها مش بتبين ليك إنك بتوحشها، لكن لما مش بتكون موجود قصادها بتكون مفتقداك، عشان كده مكالمات الفيديو بتخيلهم يتبسطوا.
قولنا في التعليقات بتوصل حبك لقطتك وبتعرفها إنك فاهمها وحاسس بيها إزاي؟
؟

21/10/2021

على الرغم إن الكلمة الوحيدة اللي بتطلع من قطتك هي "موااء" إلا أن كل مواء مختلفة عن المواء التانية، فلازم تعرف تفرق بين المواء اللي بيدل على المرح والمواء اللي بيدل على الغضب عشان متتعرضش للخدش.
مواء قصير وعالي النبرة: معناه "عامل إيه وازيك؟"
عدد من المواءات القصيرة في وقت واحد: معناه "أنا مبسوطة جدًا برجوعك البيت" فبدل ما تقفز عليك زي الكلاب عشان ترحب بعودتك وتقولك إنك وحشتها، بتقولك مواءات قصيرة في وقت واحد.
مواء ناعمة: معناه إنها بتتوسل ليك وتقولك "أنا جعانة، وهستعطفك ومش هتعرف تقاوم لطفاتي ومواءاتي الناعمة دي، لحد ما تأكلني"
مواء لأسفل أو مواء منخفضة: قطتك بتقولك "مش مبسوطة بالخدمة الموجودة واللي بتتقدملي في المكان ده، وأنت كمان مضايقني".
في بعض الأصوات التانية اللي بتصدرها قطتك وهي:
صوت ما بين مواء وخرخرة: غالبًا بيتم استخدامه كتحية أو وسيلة لجذب انتباهك.
نقيق: قطتك بتحاول تثبت مهاراتها في الصيد من خلال صوت النقيق اللي بتعمله، حاول متخوفش فرائسها أو تضايقها بالضحك عليها، أو الضحك على الصوت اللطيف اللي بتصدره، لأنه هينتهي بشكل مأساوي.
عواء: يبدو الصوت وكأنه عواء أو صوات، وهو أحد أكثر الأصوات إثارة للغضب ممكن تسمعها من القطط، فهو بيعني أنه نداء للتزواج، وكمان القطط المخصية ممكن تبكي وتصدر الصوت ده.
الهسهسة والهدير: الصوت ده بيطلع لم بتكون قطتك خايفة أو غضبانة، صوت الهدير والتذمر اللي بتعمله قطتك مش علامة إيجابية أبداً، لو بتشك أن قطتك بتعاني من ألم شيء معين أو مصابة مؤخرًا، من الأحسن ليك أنك تبعد عنها.
مواء صامت: هو مواء هتسمعه بصعوبة جدًا، وممكن أن يكون أحيانًا علامة على الإرهاق أو الجوع والجفاف، لكن لو قطتك معندهاش أي مشاكل صحية، ولسه مأكلها، فممكن تكون دي طريقتها للعب على أوتار قلبك.
الخرخرة: يعني إيه خرخرة القطة؟ هل هي علامة على حبها ليا؟ اطمن، ومتشغلش بالك، لأن صوت الخرخرة المهتز هو واحد من أفضل الأصوات اللي ممكن تسمعها من قطتك، وكمان علامة أكيدة على سعادة قطتك وعاطفتها تجاهك، في بعض الحالات ممكن تكون الخرخرة غير طبيعية، وده بيكون علامة على أن قطتك بتتألم، لازم وقتها تاخدها لطبيب بيطري عشان يفحصها.