Cabinet Vétérinaire A.B

30/12/2025

ميشو الجميل 💙🤍

07/12/2025

🦷 منشور توعوي: تغيير الأسنان عند القطط 🦷

بزاف منا ما يعرفوش بلي القطط كيما البشر عندهم مرحلة تبديل الأسنان، وهاد المرحلة مهمة بزاف لصحتهم.
لازم نفهموها باش مانقلقوش قططنا وما نديرولهاش مشاكل بلا ما نعرفو.

🔹 المرحلة العمرية لتغيير الأسنان:
– القطط الصغيرة تولد بلا أسنان.
– بين 3 و 4 أسابيع يخرجولهم أول أسنان لبنية صغيرة (القواطع الأمامية).
– بين 3 و 6 شهور القط يبدل أسنانو اللبنية بالأسنان الدائمة.
– الأسنان الدائمة أقوى، أكبر، ومصممة للمضغ واللعب.

🔹 العلامات لي تخليكم تعرفو القط بلي راه يبدل أسنانو:
– نزيف بسيط طبيعي، أما نزيف قاوي ولا رائحة كريهة راه خطر.
– الأسنان اللي ما خرجتش بعد الوقت الطبيعي تحتاج استشارة الطبيب.
– القط يعض اللثة بزاف، يرفض يأكل أو يصرخ وقت الأكل لأنهم يوجعوه.

🔹 نصائح للعناية بالأسنان:
– نوفر لقطنا أطعمة مناسبة وألعاب للمضغ تساعد الأسنان الجديدة تقوى.
– زيارة الطبيب البيطري إذا لاحظنا أي التهاب، ألم أو أسنان معلّقة.

تغيير الأسنان مرحلة طبيعية في حياة القطط بين 3 أشهر و 6 أشهر، و ساعات توصل عمر أكبر .
المراقبة والعناية خلال هاذ الفترة مهمة باش يبقى القط صحي، سعيد، وما يعانيش من مشاكل فالمستقبل.

06/12/2025

Le Pauvre petit loulou est atteint de calicivirose et coryza à la fois 🥹.

24/11/2025

🤍🖤

20/11/2025

مساء الخير ، من فضلكم هاد المنشور موجه لأصحاب القطط خاصة اقراوهم للآخر لأني صراحة تعبت من التعامل مع الناس و قررت انو صفحات العيادة تغلق في أقرب وقت.
يا جماعة الخير… كاين حاجة لازم نفهموها مليح:
العلاج تاع الإنترنت ماشي طب!
وزيت الزيتون، الثوم، والخل… هادو ما يعالجو حتى مرض خطير، بالعكس يضيعو الوقت ويزيدو الحالة تتدهور.

اليوم نحكي على مرض خطير عند القطط: الطاعون ( Typhus /Panleucopénie).
هذا المرض يقتل القطط الصغيرة والكبيرة، وكي يجي لقط ماشي ملقّح تكون نسبة الشفاء ضعيفة ياسر.
حتى القطط لي دارت اللقاح تقدر تمرض، بصح اللقاح:
– يخفف شدة المرض
– يعطي فرصة كبيرة باش الحيوان يمنع .
– يخفّض خطر الوفاة .

يعني اللقاح ماشي رفاهية… ضرورة!

وش راكم تديرو غالط؟ ماتفاكسيوش القط .
كي يمرض القط تبدأ رحلة الوصفات تاع الإنترنت:
زيت زيتون، توم، عسل، أعشاب… المليحة خلاه atb azythromycine / augmentin ⛔️🚫
هاذي كامل ما تعالج والو! الطاعون فيروس قاتل يحتاج علاج طبي بعد فحص ، غذاء، مراقبة مستمرة.

المشكل واين؟
نستقبلو بزاف قطط واصلين لمرحلة خطيرة لأنو أصحابهم ضيّعو يومين ولا ثلاثة في وصفات الفيسبوك، ونهار يوصل الحيوان للعيادة يكون المرض دار شغلو ولا يجيب القط عندنا بصح يبقى يقرا و يخلط من راسو لأنو قرا عا المرض في الإنترنت و لقا العلاج مكتوب .
حبيت نقلكم فقط الحيوان حيوانكم و أنتم أحرار أي واحد يحب يطبّق وصفة الإنترنت… هو حر.
بصح مالازمش يجيني ويقولي :
“ديري هكا وما تديريش هكا… شفت وصفة في TikTok”
ولا “فلان قال يلزم ديرلو زيت وتفيقو”.
البيطري يقرأ، يدرس، يشخّص، ويفهم المرض أحسن من أي فيديو ولا منشور.

🟢 نصيحتي كبيطرية:
– لقّح قطك بانتظام
– ما تتبعش وصفات عشوائية
– وأول علامة مرض، أدي الحيوان للعيادة قبل ما يفوت الحال .

و في الأخير تبقى الأعمار بيد الله منا العلاج و من الله الشفاء .

🔴 #تنبيه 📢 بؤرة مرض طاعون القطط Typhus / Panleucopenie
رغم أن الحالات التي تسجلها عيادتنا هي كلها لقطط غير ملقحة أو قطط لم تكمل بروتوكول التلقيح ...

إلا آنه وجب التنبيه لضرورة تلقيح قطك لتفادي مرض Typhus طاعون القطط القاتل.

فيروس قاتل بنسبة تقارب ال100%
يعني حتى لو اصيب حيوانك فإن فرص النجاة حتى تحت الرعاية البيطرية لا تتجاوز ال1% و الأعمار بيد الله.

من بين أهم أعراض طاعون القطط الفشل و الإمتناع عن الأكل، التقيئ و الإسهال ( يكون ذو رائحة مميزة)، ارتفاع درجة الحرارة ثم انخفاضها … في فترة زمنية قصيرة.
المرض معدي للقطط ، بطرق مباشرة أو غير مباشرة يعني حتى القطط المنزلية تصاب به.
هاته الأمراض ليس لها علاج خاص ككل الفيروسات .
يكون العلاج بتقوية الجسم و تصحيح الجفاف و غيرها من الأعراض بعد التشخيص.
لكن تبقى الوقاية خير من العلاج ، لذا يرجى تطعيم قططكم ، حتى التي لا تخرج من البيت.
ملاحظة : في حال كنتم تملكون أكثر من قط و تعرض أحدهم للمرض و مات لا يمكن تلقيح البقية حتى يتم التأكد من عدم حملهم للفيروس سواء بالعزل فترة أو باستعمال كاشف الفيروس.

🚫 لا يمكن تلقيح حيوان مريض آو حامل للمرض.

تلقيح داء القطط متوفر على مستوى عيادتنا ...

نسأل الله التوفيق 🤲 .

18/11/2025

الذكرى الثامنة لوفاة أبي رحمة الله عليه ، دعواتكم له بالمغفرة ، رحم الله أبي و جميع أباء المسلمين و المسلمات 🤍.

04/11/2025

كَكُل عام وجب التذكير هاد الشهر هو شهر مقاومة الفيروسات للأسف، تبقى الوقاية خير من العلاج دائما لحد الأن جاتنا 3 حالات كلها فارقت الحياة 😢 رغم العلاج .

🔴 #تنبيه 📢 بؤرة مرض طاعون القطط Typhus / Panleucopenie
رغم أن الحالات التي تسجلها عيادتنا هي كلها لقطط غير ملقحة أو قطط لم تكمل بروتوكول التلقيح ...

إلا آنه وجب التنبيه لضرورة تلقيح قطك لتفادي مرض Typhus طاعون القطط القاتل.

فيروس قاتل بنسبة تقارب ال100%
يعني حتى لو اصيب حيوانك فإن فرص النجاة حتى تحت الرعاية البيطرية لا تتجاوز ال1% و الأعمار بيد الله.

من بين أهم أعراض طاعون القطط الفشل و الإمتناع عن الأكل، التقيئ و الإسهال ( يكون ذو رائحة مميزة)، ارتفاع درجة الحرارة ثم انخفاضها … في فترة زمنية قصيرة.
المرض معدي للقطط ، بطرق مباشرة أو غير مباشرة يعني حتى القطط المنزلية تصاب به.
هاته الأمراض ليس لها علاج خاص ككل الفيروسات .
يكون العلاج بتقوية الجسم و تصحيح الجفاف و غيرها من الأعراض بعد التشخيص.
لكن تبقى الوقاية خير من العلاج ، لذا يرجى تطعيم قططكم ، حتى التي لا تخرج من البيت.
ملاحظة : في حال كنتم تملكون أكثر من قط و تعرض أحدهم للمرض و مات لا يمكن تلقيح البقية حتى يتم التأكد من عدم حملهم للفيروس سواء بالعزل فترة أو باستعمال كاشف الفيروس.

🚫 لا يمكن تلقيح حيوان مريض آو حامل للمرض.

تلقيح داء القطط متوفر على مستوى عيادتنا ...

نسأل الله التوفيق 🤲 .

29/10/2025

شوكولاتة 🍫 للتبني بشرط تطعيمها ( شرط مالكها راهو يقرا في التعليقات ) المهتم يتقدم للعيادة .
لا يوجد حجز .

27/10/2025

عسول خواف هههه 🧡

26/10/2025

"وَمَا مِن دَابَّةٍ فِي الْأَرْضِ وَلَا طَائِرٍ يَطِيرُ بِجَنَاحَيْهِ إِلَّا أُمَمٌ أَمْثَالُكُمْ" (الأنعام: 38)

23/10/2025

انه الخميس 😁🫣

21/10/2025

قطط الشارع 💔🤍