31/07/2026
من طبيب بيطري الى من يهمه الامر
١ - لا تخلط بين دراستي الجامعية و خبرتي في الحقل و بين معلوماتك التي قراتها بالنت او اسمعتها باحدى دواوينك المصدية التي عقدت اساسا للنميمة
٢ - لا توقفني في الشارع لسؤالي عن حالة مرضية لانه ع الغالب بكون مستعجل و رح اجاوبك تحت عنوان بس بدي اخلص منك
٣ - بلاش تتصل و تسأل على سؤال لتربح الشرط
انت مش في مسابقة من يربح المليون و انا مش صديق يلي اخترته بعد مع انصدمت من اجوبت الجمهور يلي معك و انحرمت من خيار حذف اجابتين
٤ - اذا خلصت كل تجاربك و تجارب رفقاتك بكار تربية المواشي و ادركت انه لازم اجيب طبيب
خبره على تخبيصاتك و بلاش تقوله انه الدكتور فلان قلي اعمل هيك
٥ - نصيحة لا تستفسر عن مشكلتك من مربي غيرك لانه لو نفع حاله كان نفعك .
٦- لا تسألني اذا بفهم بالموضوع الفلاني لاني لو بفهم ما درست طب بيطري خمس اسنين اساسا
كنت درست ثانوية بيطرية و كله اسمه دكتور بالمجتمع تبعنا يلي متل ديوانك
٧ - بس تتطلبني لعالج حيوانك و عندك رفيقك يلي كمان مربي حيوانات فهمه انه يضل ساكت او اربطه بالحضيرة المجاورة او خبيه بالمحلب
٨ - اذا وصلت لعندك و كفوني بانزيناتي بلاش تقلي الحرمه او الولاد اتصلوا على دكتور غيرك بدون ما اعرف و اشتغل شغلك
قلي البقرة ماتت او انتحرت لانها اكتشفت يلي مربيها من فصيلتها
٩- إذا وصلت قبل العشرة غيري يلي طالبهم و عالجت عندك بلاش تعاند واسمع كل النصايح واذا معاك ضعف ذاكرة او انت بلا مخ اساسا قلي اكتبلك ياهم بورقة
و ياخوفي تنسى وين دحشت الورقة
١٠ - اغلب الحالات بدها خيارات علاجية متعددة لانه مافيش عندنا مخبر يحلل عينات ولا صورة ولا اكشن متل الطب البشري
١١ - اكتر الحالات المرضية بحاجة لوقت و اكتر من جرعة الشغلة مش كبسة زر و خمرة عجينة ولا صاروخ سكود تبع ارمي و انسى
١٢ -
- يتبع...........
