06/12/2026
ہم اُس معاشرے میں رہتے ہیں جہاں اکثر جب جانوروں کے حق کی بات کی جائے تو فوراً کہا جاتا ہے:
"انسانوں کے مسائل کم ہیں جو اب جانوروں کی فکر شروع کر دی؟"
لوگ حیران ہوتے ہیں، سوال اٹھاتے ہیں، اور بعض اوقات یہ حیرت حقارت میں بدل جاتی ہے۔
مگر ایک سوال ہے...
کیا رحم صرف انسانوں کے لیے مخصوص ہے؟
کیا درد صرف وہی درد ہے جو انسان محسوس کرے؟
کیا بھوک، پیاس، خوف، تنہائی اور تکلیف جانور محسوس نہیں کرتے؟
یہ بے زبان بھی اسی زمین کے باسی ہیں۔ ان کی سانسیں بھی اتنی ہی حقیقی ہیں، ان کا درد بھی اتنا ہی سچا ہے، اور جینے کا حق بھی اتنا ہی اہم ہے۔
انسانیت کا مطلب صرف انسانوں سے محبت نہیں، بلکہ ہر اُس مخلوق پر رحم کرنا ہے جو خود اپنے حق کے لیے بول نہیں سکتی۔
یاد رکھیے، کسی جانور سے محبت کرنا انسانوں سے نفرت کرنا نہیں، بلکہ دل میں اتنی وسعت پیدا کرنا ہے کہ اس میں انسان بھی سما جائیں اور بے زبان مخلوق بھی۔
