اجمل حيواني کلينيک-ګردېز/ Ajmal Vet Clinic-Gardez

06/09/2026

د شرشم دتېلو ګټې:
دشرشم تيل په زياته اندازه ویټامینونه او منرالونه لري لکه ویټامین ای، ویټامین B، زنک، سیلینیم، اومیګا 3 فیټي اسیدونه، فاسفورس او مس
په حیواناتو کې د دې تېلو استعمال بې شمېره ګټې لري،
👈 د تېلو غوړ هډوکي پیاوړي
کوي، نو د شېدو ورکوونکو حیواناتو لپاره ډېر ښه او اړین دي
👈د تېلو غوړي د عضلاتو لپاره هم ډېر ګټور دي، د دې په استعمال سره حیوان د کلسیم له کمښت سره نه مخ کېږي او په بدن کې د عضلاتو د درد ستونزه نه پیدا کېږي، یعنې عضلې قوي کوي او آراموي.

👈دشرشمو غوړي د معدې لپاره هم ډېر ګټور دي او استعمال یې په حیواناتو کې قبضيت له منځه وړي
👈 د تېلو غوړ د څارویو په شیدو کې د غوړ د کچې په لوړولو کې مهم رول لوبوي.

👈 د تېلو غوړ د څارویو تناسلي سیسټم ته ډیره ګټه رسوي
👈 د تیلو کارول د څارویو معافیت زیاتوي، کوم چې دوی د ډیرو ناروغیو څخه ساتي.
داستعمال طريقه يې انشاالله په بل پوسټ کې.
ادرس‌. ګردېز ښار خوست لين عزيزي بانک ترڅنګ حاجي يعقوب مارکېت
د اړیکو شمېرې:
📱 0774275726 📱 0791789995

05/09/2026

ایا د شاتو په مچیو ځان چیچل بدن ته ګټه لري؟

د مچیو په زهرو کې داسې مرکبات شته چې کېدای شي د درد او التهاب په کمولو کې اغېزې ولري او د ځینو عضلاتي او مفصلي دردونو د ښه والي لامل شي. خو په قصدي ډول ځان د شاتو په مچیو چیچل کومه ستره روغتبايي ګټه نه لري چې په علمي توګه دې ثبوت شوې وي.

حتی په ځینو وختونو کې د شاتو په مچیو باندې ځان چیچل په ځینو کسانو کې د شدید حساسیت او حتی ژوند ته د ګواښ سبب کېدای شي.

نو پام کوئ ،په قصدي ډول ځان د شاتو په مچیو مه چیچئ!!
د هر ډول کورنیو حیواناتو د درملنې او مشورې لپاره اجمل حیواني کلینیک ته په لاندې ادرس راشئ!
ګردېزښار، خوست لین، د عزیزي بانک ترڅنګ حاجي حاجي یعقوب مارکېټ.
‎

د تلیفون او وټس اپ شمېرې:
📱 0774275726 -0791789995
دا په عکس کې چې کوم شخص وینئ دا چینایي دی او په یو ځل یې په ځان تر ۴ نیم سوه زرو ډېرې د شاتو مچۍ راټولې کړې دي او په نړۍ کې ریکارډ لري.

03/09/2026

د کومو ډول غواوو شېدې ترټولو ښه کیفیت لري او ښې قوي دي؟

ښې شيدې چې ډېرې غوړې وي ،ښه پروټین لري او چم چم مستې ترې جوړېږي او همدارنګه د پنېر جوړولو لپاره مناسبې وي د جرسي نسل د غواوو دي.
جرسي غواوې عموماً ژېړبخونده شیدې کوي او تر ټولو ډېر غوړ او ښه مواد لري؛ د مستو او کوچو لپاره تر ټولو ښې دي.
دا چې جرسي غواووې ډېری ژېړ رنګه پوستکي لري ځکه خو په هغه لنډۍ کې هم وايي چې:

جینکۍ کږه شوه ماته نشوه - مور یې د ژېړې غوا غوړي ورکړي دینه.

یانې په لبنیاتو کې یې د غوړو مقدار او کوالټي تر نورو ټولو نسلونو لوړه ده.
خو په ښه نسل سربېره، ښه او پروټین لرونکی خوراک، د پاکو اوبو ورکړه او هر اړخیزه پاملرنه هم خورا مهم دي.
د مشورې او درملنې لپاره اجمل حیواني کلینیک ته په لاندې ادرس راشئ !
ګردېزښار، خوست لین ، د عزیزي بانک ترڅنګ حاجي یعقوب مارکېټ.
‎

د تلیفون او وټس اپ شمېرې:
📱 0774275726 -0791789995

31/08/2026

کوچ له څه شي څخه جوړېږي او ولې کله کلک او یا نرم وي؟
👈استیک اسید دشحمو (کوچو) جوړېدنې لپاره خام مواد دي په لري کې Acetogenic p باکتریاوې ( هغه باکتریاوې چی استیک اسید تولیدوي ) د وښو او نباتاتو حجروي دیوال(سلولوز) هضموي چې استیک اسید ، بیوتاریک اسید او پروپانیک اسید ورڅخه جوړېږي
👈 چی په لري کې ددې اسیدونو ترمنځ نسبت اړین دی که په لري کې استیک اسید لږ تولید شي نو دشیدو په شحمو (کوچو) کې لږوالی رامنځته کېږي
👈 که د لري PH له 6,3 څخه ټیټ شي نو د سلولوز هضم کمزوری کېږي چې په پایله کې یې داستیک اسید دتولید کچه راټيټيږي او کوچ یې کم په لاس راځي که په خوراکي رژیم کې واښه له %40 څخه کم وي نو د شیدو دشحمو (کوچو) په کچه کې ټیټوالی رامنځته کېږي يعنې کوچ یې کم په لاس راځي.
👈که څارویو ته داسې خوراک ورکړل شي چې
د هغه خوراک شحمي اسیدونه( Fatty Acid ) زیات وي او د ویلي کېدو درجه یې لوړه وي نو د څاروي کوچ به کلک وي او ددې برعکس که کوچ له داسې شحمي اسیدونو څخه جوړ شوي وي چې په کمه تودوخه درجه کې ویلي کېږي نو کوچ به یې هم نرم وي څارویو ته دشنو وښو په ورکولو سره د هغوی کوچ نرم وي او د وچو وښو په ورکولو سره یې کوچ کلک وي.
👈کله کله شلغم ، پیاز ، هوګه ، شړشم او یا نور داسې بوی لرونکي واښه یا نباتات کله چې څارویو ته ورکول کېږي نو په شیدو کې یې د هغه بوی
معلومیږي ددې وجه دا ده چی بعضی ساده شحمي اسیدونه چې د یو ځانګړي بوی لرونکي وي له وینې څخه شیدو ته جذبېږي نو شيدې یا کوچ د هغه په شان بوی کوي.

👈 اجمل حيواني کلينيک-ګردیز
پته: ګردېز ښار خوست لين د عزيزي بانک ترڅنګ حاجي يعقوب مارکېت

📱 0774275726 -0791789995

31/08/2026

30/08/2026

څېړنه : دفیل مرغ غوښه خپګان له منځه وړي
ډاکتران او روغتیايي کارپوهان هغو خلکو ته دفیل مرغ دغوښې سپارښتنه کوي،چې وخت ناوخت خپه کیږي، ځکه دفیل مرغ غوښه د خوښۍ او خوشالي هارمون ( سیروټونین) تولیدوي او کولسټرول په کې کم وي.
په امریکا
کې د خپګان د ناروغیو کارپوه یوګیني برون وايي : اړینه ده، چې دفیل مرغ غوښه وخورو ځکه، چې د ټریبټوپین په نوم مواد او اوسپنه لري، چې دخوښۍ هارمون (سیروټونین) تولیدوي او ډېر لږ کولسټرول لري، که یو څوک هره ورځ سل ګرامه دفیل مرغ غوښه وخوري هیڅ به خپه نه شي.
نوموړی وايي : روږدیدل د ناروغۍ یو ډول دی ، پر نشو روږدی کس بیا وروسته پر الکولو هم روږدې کیږي، روږدیدل په خپله نه رامنځته کیږي ، اړینه ده،چې لامل به لري، کټ مټ لکه خپګان، اختلاف ، ناخوښي ....
دا کارپوه وايي : دخپګان یو لامل دانسان په وجود کې دنیکمرغۍ او خوښۍ دهارمون کمښت دی ځکه خو زه دفیل مرغ دغوښې سپارښتنه کوم .
آدرس:👈 ګردېز ښار خوست لين د عزيزي بانک ترڅنګ حاجي يعقوب مارکېت
د اړیکو شمېرې:
📱 0774275726. 📱 0791789995

29/08/2026

Normal chewing

28/08/2026

د مردار شوي څاروي غوښه څنګه پېژندلی شو؟
👈 رنګ یې تیاره وي.
👈پرې شوي غوښه یې روښنایې نلري.
👈غوښه یې خراب بوی کوي.
👈 غوښه یې د سریښدلو خاصیت لري.

👈که غوښه یې په ګرمو اوبو کي واچول شي ځګونه کوي او داوبو څخه یې د مسو پشان بوی ځې.
👈که غوښه یې په اوبو کي واچول شي اوبه د وینې پشان رنګ اختیاروي ځکه چي وینه په غوښه کي پاتې شوي وی.
👈په غوښه کي پرنډ شوي توره وینه لیدل کیږی.
————————-
اجمل حیواني کلينيک- ګردیز
آدرس:👈 ګردېز ښار خوست لين د عزيزي بانک ترڅنګ حاجي يعقوب مارکېت
د اړیکو شمېرې:
📱 0774275726. 📱 0791789995

27/08/2026

په نړۍ کې تر ټولو ښه نسل لرونکي پسونه
د نړۍ په کچه د تر ټولو ښه پسونو یو واحد نسل نشته. د پسونو او مېږو د نسل ښه والی په غوښې، شیدو، وړیو، له اقلیم سره په مناسبت ، خوراک، اوبو، او نورو پورې تړلی وي، ځینې نسلونه د غوښې لپاره ښه دي، ځینې ښې شیدې کوي ځينې بيا ښه ببر او نرمه وړۍ لري او ځینې بیا د وچکالۍپه وخت کې ډېره ګوزاره کوي، دځينو بيا په کم خوراک هم خېټه ډکېږي، ځينې بيا د طبیعي څړځای په شرایطو برابر وي له همدې امله، دپسونو د اخيستلو مخکې باید معلومه شي چې د کومې موخې لپاره پسونه پېرئ؟
په راتلونکو پوسټونو کې به د نړۍ په کچه د مشهورو پسونو نسلونه يو يو در وپېژنو چې کوم یې د تاسې په شرایطو برابر دي.
د خپلو پسونو ، مېږو او نورو هر ډول کورنيو حيواناتو په اړه د درملو ، روغتيايي مشورو، درملنې لپاره اجمل حيواني کلينيک ته په لاندې ادرس راشئ!
👈ګردېزښار، خوست لین ، د عزیزي بانک تر څنګ حاجي يعقوب مارکېټ اجمل حیواني کلينک.

#
#
👈د وټس اپ او ټلیفون شمېرې
0774275726 -0791789995

25/08/2026

ولې ځینې شيدې کوونکې غواوې ورځ تر بلې کمزورې او ډنګرېږي؟
👈چې کله د غوا خوراک یوازې د شيدو په جوړولو مصرف شي او نور غوا د بدن د ساتنې، عضلو، وازدې او داخلي ارګانونو لپاره پوره انرژي، پروټین او منرالونه ونه لري.
👈په دې حالت کې غواوې شیدې کوي، خو وزن یې کمېږي، هډوکي یې ښکاره کېږي او بدن یې ورځ تر بلې نری کېږي.
👈دې وخت کې د غوا بدن مجبورېږي چې د خپل وجود ذخیره شوې وازده او عضلې وسوځوي، تر څو شیدې جوړې کړي. دا کار وروسته وروسته غوا ډېره کمزورې کوي، معافیت یې راټیټېږي او د ناروغیو خطر پکې څو چنده زیاتېږي.
👈او تر ټولو مهمه دا چې دا ډول غواوې په راتلونکي لنګون کې له سختو ستونزو سره مخ کېږي، بدن يې کمزوری کېږي
او بيرته پخوانۍ شیدې نه شي ورکولای.
👈نو هڅه وکړئ چې:
د شیدو د اندازې مطابق خوراک تنظیم کړئ
انرژي لرونکي خوراکونه لکه: غلې، کنجاره، جوار، وریجې ورکړئ، همدارنګه منرالونه، مالګه او ویټامینونه په منظمه توګه ورکړئ
👈او که غوا مو سره له شیدو ورځ تر بلې نری کېږي، د دقیقې معاینې او علمي تغذیې د پلان لپاره اجمل حیواني کلینیک ته مراجعه وکړئ.
ادرس: ګردېز ښار، خوست لين،اسلامي بانک لاندې حاجي يعقوب مارکيټ،
📱: 0774275726
📱: 0791789995