Smiley PET

09/10/2021

03/09/2021

بوست النهاردة عن الحبوب إللى بتطلع فى ذقن القطه

من أهم الأسباب هو عدم تنظيف أطباق الاكل بعد كل وجبه خصوصا الاكل اللين

طيب شكله ايه حتلاحظ وجود رؤس حبوب سوداء اللون ممكن تكون ملحوظه ومصاحب معاها التهاب الشفه السفلى

ممكن كمان الحبوب تطلع فى اى حته تانيه ذى الظهر والبطن

لازم مطهر الأطباق الاكل وبيكون مكتوب عليه انه يتخفف بالماء

من المنزل نستخدم الخل الأبيض او خل التفاح

ملحوظه كمان الشامبو المضاد البكتريا مهم جدا يساعد فى حل المشكله

مالم يكن فى مشكله مناعيه

لو المشكله مش قادرين تتحكم فيها نروح لأقرب عيادة بيطريه

01/07/2021

بوست بسيط عن : الإمساك ومشاكله فى الكلاب والقطط
------------------------------------------------------

ايه السبب : اكل غير متوازن ونقص فى كميه الميه إللى الحيوان يشربها فى اليوم

لو يتقدم اكل معلب يبقى اكل ناشف واكل طرى.

ونراعى وجود الماء باستمرار وغسيل الاوانى باستمرار

طيب من اكل البيت الالياف الموجودة فى الأرز الأبيض والشوفان بتساعد حركه الأمعاء لو خلطناها مع الدجاج المسلوق والخضروات

طيب ايه المشكله لو قدمت Dry food فقط؟،!

الإمساك بيسبب انتفاخ بسبب صعوبه خروج الفضلات.

صعوبه الإخراج والحزق دة بيعمل مع الوقت خروج جزء من المستقيم ودة علاجه عمليه وتخدير.

مشاكل الكلى واحتباس البول خصوصا مع الاكل الناشف بسبب قله الماء خصوصا فى الذكور .

الوقايه خير من العلاج. 🤗

للحديث بقيه ان شاء الله

22/06/2021

سؤال 🤓

القط عنده كلاكيع شعر كتيره وحاولت اقصها مش عارفه 😑

لازم تعرف اهميه تمشيط شعر القطط يوميا وأنه مش دلع لا دة اساسى

تمشيط الشعر يتيح تساقط القديم وعدم السماح بتكتلات وجودها بسبب الم وساعات جروح فى الجلد انه وارد الجلد يتشد

لما القط بينظف نفسه كل مرة يلحس فيها الشعر بيدخل جوا معدته ويسبب تكون كرات شعر تعمله انسداد

مهم جدا لسلالات ذات الشعر الطويل

لو حصل تكتلات منحاولش نعملها فى البيت وتروح اقرب عياده حيشيل الشعر زيرو وتسبب الشعر ينمو مرة تانيه

ملحوظه مهمه: أوقات حلاقه وتخفيف الشعر فى الصيف فقط مينفعش فى أوقات البرد لان القط محتاج الدفى

وللحديث بقيه ان شاء الله

21/06/2021

سؤال النهاردة 🤓

الكلب على طول كدة مش مرتاح فى وقت الإخراج ليه

طبعا بسؤالى عن نوع الاكل اتضح انه دراى فقط

طيب مهو الإمساك متوقع

لازم يكون الغذاء متوازن بين الاكل الناشف واللين

مفيش مقدرة نشترى اكل كلاب ..
اكل البيت مسموح

دجاج مسلوق لحوم بدون دهون ..خضار مسلوق ..ارز ابيض..او بطاطس

ممنوع التوابل والبصل والثوم

مسموح بياض البيض والجبن القريش والزبادى كمصدر للكالسيوم

بعد سنه هو محتاج وجبه واحده وممكن تتقسم على مرتين .

الرياضه مهمه جدا ومتابعه الصحه العامه مع الطبيب البيطرى

وللحديث بقيه ان شاء الله

🤓

19/06/2021

بوست النهاردة عن نوع ببغاء محبب لناس كتير ❤

Indian ring parakeet

من الأنواع متوسطه الحجم ..ذيل طويل ☺

اللون الاصلى اخضر والذيل ..ازرق . وتحت الجناح ريش اصفر .وفى ألوان تانيه ذى الأبيض والاصفر❤

اذاى افرق بين الذكر والانثى؟!

الذكر عند عمر سنه تتكون الحلقه السوداء حول العنق وحولها حلقه لونها بمبى ❤

بينما الصغار والإناث لا توجد لديهم نفس الحلقه

دى من الحاجات السهله التفريق عند المربين .

طيب هل بيتكلم بقه ،؟!

ايوة من عمر ٨ شهور لغايه سنه يبدأ يقلد الأصوات وسواء جمل او صفارات مميزة

ناخد بالنا انه نعلمه فى الاول الجمل ونكون حريصين على كدة لانه لو تعلم الصفارات حبفضل كدة ويستحلاها ويبطل كلام 😂

هو حبوب قوى قوى لازم يكون القفص كبير يقدر يفرد جناحه براحته

ممكن يعيش ٣٠ سنه بأمر الله لو الاكل متوازن ومع الاهتمام بالنظافه ونفسيته😍

بيحب جدا الاهتمام وناخد بالنا ان عند سن اربع شهور لغايه سنه بيحصل تغيرات هرمونية وعلشان كدة ممكن نشوفه عصبى

اكبر غلط اننا نتجاهله وتبعد عنه..انما نصبر لغايه الفترة دى تعدى وتحافظ على كونه اجتماعى والا حيحصل انه ينزوى

بيحب يقضى فترة طويله خارج القفص

القفص لازم يكون مليان العاب يقطعها وتسليه ده صحى جدا

النظافه المستمره للقفص واطباق الاكل والماء بالماء والخل 🤓

الاكل ":" Pellets
Vegitables
Fruits

وللحديث بقيه ان شاء الله

01/04/2021

احب اتكلم عن موضوع مهم جدا
القطط مش بتشرب لبن حليب إللى احنا بنشربه

القطط غير قادرة على هضم سكر اللاكتوز

النتيجه بتكون تعفن فى الأسنان واسهال علشان دى حالات متكرره شفتها وللاسف السبب اننا قبل مانربى حيوان أليف مش بنقرا عنه وعن طبيعته

حليب القطط البديل هو الوحيد المسموح بيه مفيد للقطط الوالدة لتعويض الكالسيوم والقطط المواليد عمر شهر للمساعدة فى الفطام التدريجى.

28/02/2021

حاجه عجيبه جدا سمعتها النهاردة من واحد سألته انت ايه اخبار اكل القط ؟@

قال : بياكل كويس بديله لحمه و فراخ نىء دى احسن حاجه

اصل دة ذى الطبيعه 😣

قلت له فى الطبيعه لو فيه مرض بينتقل للقط فورا اذا أدى القطط اكل بدون طهى واقول انه صحى

الاكل يكون عباره عن لحوم ودجاج بدون دهون ..خضروات ذى الجزر والفاصوليا والكوسه والبروكلى..مصدر النشويات ذى الأرز الأبيض أو الباستا ..او البطاطس

عاوزين ندى اكل دراى واكل لين خاص بالقطط ..بلاش ننسى الخضروات كمصدر مهم لرفع المناعه

06/02/2021

حاجه مهمه قوى تخص الاكل فى القطط والكلاب

عاوز تاكل من اكل البيت وماله بس ممنوع الاتى :
التوابل

البصل والثوم

السكريات

الدهون

والقطط مش بتعرف تهضم اللاكتوز يعنى مينفعش اللبن الحليب ومشتقاته تماما .

كل عمر وحاله مرضيه ليها اكل خاص من أجل صحه افضل.

23/12/2020

حنتكلم ببساطه بناء على طلبكم على طيور بنحبها كلنا قوى وحنتعرف عليها اكثر❤❤

اول حاجه البغبغانات أنواع كتير قوى تتعدى ٣٥٠ نوع طيب ايه المميز فيها :

المنقار مميز الجزء العلوى عريض ونازل لأسفل والجزء السفلى اقل فى العرض ومنحنى لأعلى قوى جدا علشان طبيعه الاكل .

القدم للبغبغان بيستعملها للتسلق وأنه يمسك بيها الأشياء لذلك هى بمثابه اليد فيها اربع أصابع حتلاقى اتنين لقدام واتنين اتجاههم للخلف .

الحجم أكبرهم ممكن يعدى المتر فى الطول

وأصغر واحد ١٤ مللى 😍🤗

الحجم فيه الصغير والمتوسط والكبير.

أشهر الأنواع الاسترالى..الدرة الهندى..الامازون ..للبغبغان الافريقى..الروزيلا..مكاوات..الكوكاتو والكوكاتيل ..طيور الحب.. الكونيور 😍😍🤗

وأنواع كتيييير قوى ألوان بديعه.

منتهى الذكاء والسؤال المهم هو بيتكلم اذاى،؟!

بالتدريب البغبغان بيتكلم بمعنى انه بيحفظ كلمات ويرددها

اكثر الأنواع فى الكلام الافريقى والامازون

هو حد من اعضاء الأسرة وحذارى نعامله انه مجرد حاجه لطيفه فى البيت نتباهى بيها

البغبغان لو ملوش صاحب من نفس نوعه بيرتبط بصاحبه ويغير عليه

الغيرة من الزوج أو حيوان أليف جديد اخد الاهتمام

ممكن من الزعل يموت 😢

غذاء متوازن وصحى والعاب وسعادة واهتمام دة المطلوب ولو متقدرش انصحك بلاش تقرر تجيبه البيت

مهم جدا ياخد شاور لصحه الريش

الصورة لزوج من الدرة الهندى 😍😍

للحديث بقيه أن شاء الله

10/12/2020

بندق..قط إنقاذ ☺

صاحبته لاقيته متعلق فى جزع شجرة مسكين وكان صغير لسه عينيه مفتحتش 😓

طبعا حاولت معاه والتغذيه لكن من يومين قطع الاكل تماما وحرارته اقل من الطبيعى .

الحجم اقل من الطبيعى فى مرحلته العمريه لانه اتحرم من الرضاعه والمناعه من لبن الام.

الحمد لله القط بالمحلول والغذاء والاكل ومثابرة صاحبته مشيت على تعليمات العلاج

بفضل الله بدأت حرارته ترتفع تدريجى وياكل طبيعى .

الراحمون يرحمهم الرحمن 🤗

صباحكم جميل 😍

04/12/2020

#سؤال

عاوزة اجيب بغبغان للاولاد بيتكلم كدة ونفرح بيه 😂😊🤔

#الاجابه

سعادتك حلو انك تفكر اقتناء وتربيه طيور لكن لحظه من فضلك :

مينفعش تماما تكون منعدم الخبرة فى تربيه الطيور وعاوز تبدا بسلاله كبيرة الحجم.

لازم تختار فى الاول زوج من البغبغانات صغيرة الحجم وتختار مكان ثابت فى ركن فى البيت لانهم متعملش حسابك اصل حنجيبهم ونحطهم فى البلكونه.

لازم يكون حجم القفص كبير يسمح لهم بالحركه والسعادة .

لازم يكون فى وقت تفتح القفص وتسمح لهم بالتجول الأمن فى البيت ومع الوقت بتنشا علاقه بينك وبين الطيور دى

البغبغانات طيور زكيه وحساسه قوى .

توفير اكل متوازن ..pellets..seeds..vegetables..fruites

التنظيف المستمر بالماء والخل للقفص

وانت بنختار تتاكد من النوع ذكر وانثى .

تتاكد من الصحه العامه وتشترى من مكان مضمون.

اعرف ان نقل الطيور بيعمل توتر وبينزل المناعه لو مسافات طويله .

الصورة للبغبغان المعروف بالاسترالى( انثى) ودى من الطيور المحببه للتربيه فى البيوت .

وللحديث بقيه ان شاء الله