الراحمون يرحمهم الرحمن

24/07/2026

لما بحس اني مخنوقة والدنيا مقفلة ف وشي ، بلجأ لمفتاح من مفاتيح الفرج ، هو اللي ف الصورة قدامكم ده❤️

24/07/2026

من اغلب و أطيب البلاغات عن مخلوق عمره لا يتخطي شهرين 💔 عربيه داسته ومستخبي داخل كرتونه صغيره 💔:الحقيقه يمكن ده من أطيب واغلب واحن الصور اللي وصلتنا عن الصغير الجميل ده هو ظهر في شارع فجاءه في مصر الجديده لوحده لا معاه ام ولا اخوات تقريبا حد نقله منهم سابه هنا ف بقي حبيبي لوحده بس في منتهي البراءه قعد يوم كامل يلعب مع اللي رايح واللي جاي هو اصلا قد الدبدوب الصغير مش باين في الارض تلاقيه فجاءه طالع يلعب معاك بكل ثقه كأنك صاحبه وتعرفه من سنين ولما حد يطلعه علي الرصيف ينزل تاني بطريقه كوميديه جدا عارف الطفل لما يحاول ينزل من فوق الكرسي لأول مره لوحده هو كده تلاقيه بينزل رجل ويسيب التانيه وحاجه منتهي اللطافه 💔

لكن فجاءه للاسف كل ده اتغير لما عربيه بتعدي وهو كان بيعدي الناحيه التانيه في شارع صغير لما شاف حد أكله قبلها بيوم جاي تاني ف كان بيجري عليه عشان تدوسه للاسف العربيه تكسر رجله الاتنين ويقعد يعيط زي الاطفال وبقي زعلان بالشكل ده عشان لا عارف يتحرك ولا يلعب مع الناس 💔 اللي يجرك قلبك اكتر انه لما حد جاب كرتونه عشان يقعده فيها دخل فيها من يومين مخرجش منها علي الرصيف قاعد كده يا حبيبي اللي يقرب تبقي دي نظرته زعلان ومن صغر حجمه حتي مش حابب يخرج منها هو قاعد كده لان كمان اي حركه بتخليه يتألم ويبكي زي الاطفال ف مش بيتحرك من مكانه 💔

الجميل ده في مصر الجديده هو محتاج حد ياخده يتبناه ويعالجه لان لو فضل مكانه بالشكل ده حياته هتنتهي هو قبل الكرتونه كان حبيبي بيزحف ب رجله الصغيره بشكل يوجع القلب 💔 نتمني ينام في امان النهارده ونكون سبب نجاته ف اللي يحب يتبناه ويعالجه يبلغنا ونقدر نساهم بالتوصيل داخل القاهره ونكمل بعض في الخير 💔 و رساله لكل انسان سايق عربيه خلي بالك هي ثواني تأخير مش هتفرق معاك لكن تهور وسرعه ممكن تبقي ضحيتها غلبان زي ده 💔

لعلها_المنجيه
شارك نساعده 💔

19/07/2026

18/07/2026

النصر مش باللي بيأذي
النصر باللي بيرحم

الرحمة عمرها ما كانت ضعف
دي أقوى سلاح في الدنيا

بص حواليك...
20 روح واقفين في ضهري عشان أنا كنت في ضهرهم
تحت علم بلدي... وبقلب مصري

الإنسانية هي اللي بترفع الأمم
"في كل كبد رطبة أجر"
والنصر دايماً للي قلبه حنين 🇪🇬


"فاكرين النصر بالقسوة؟
غلط
النصر دايماً مع الرحيم
شايفين الجيش اللي ورايا؟ ده جيش الرحمة"

06/07/2026

ولسه 🤌🤌

عضة الكلب ليها مصل .. التعبان لأ 🙂