عيادة بلوتو البيطرية حيوانات اليفة كلاب و قطط في اللاذقية

  • Home
  • Syria
  • Lattakia
  • عيادة بلوتو البيطرية حيوانات اليفة كلاب و قطط في اللاذقية

عيادة بلوتو البيطرية حيوانات اليفة كلاب و قطط في اللاذقية عيادة بيطريه متكامله للاهتمام والعناية بالحيوانات الا

شو قصة القطط عم تضيع هالفترةالطيور بتحدد اتجاهاتها عن طريق الحقل المغناطيسي للارضيلي بتختلف قوته بين الشتا والصيفلهيك اح...
14/09/2026

شو قصة القطط عم تضيع هالفترة

الطيور بتحدد اتجاهاتها عن طريق الحقل المغناطيسي للارض
يلي بتختلف قوته بين الشتا والصيف
لهيك احيانا بتغير اسراب الطيور المهاجرة طرقها

ومتلهم القطط
عندهم حاسة خاصة للرجوع لمنازلهم
نتيجة اتباعهم مجال الجاذبية وبالعتماد على شحنة الارض السالبة

المهم شيلكون من كل هالعلاك المصدي
القط اذا ضاع غشيم وما بيعرف يرجع

اليوم عنا قط هملايا ضايع
معمله حلاقة عن جديد
يلي شافه اجا لهنا بركي منقدر نوصل ل صاحبه

وهو معنا عالبوست لحتى نلاقي راسين بالحلال

بدي استشير اخصائي بيطريرحت لعند كتير دكاترة وما استفدت .. بدي استشير اخصائي بيطريكتير بوستات بشوفها عهالنمطيعني الدكتور ...
10/09/2026

بدي استشير اخصائي بيطري

رحت لعند كتير دكاترة وما استفدت .. بدي استشير اخصائي بيطري

كتير بوستات بشوفها عهالنمط
يعني الدكتور يلي اختصاصو ويلي عنده خبرة سنين وفحص ايكو وعمل تحاليل ما فادك
والاخصائي يلي ما شغلته .. وكل خبرته عبارة عن كام بوست قراهم عالانترنت وحفظلو اسم كام دوا هو المخلص صاحب طوق النجاه

كم النصايح يلي عم نقراها واغلبها بتروح هالاليف بخبر كان بتصيب بالاحباط

اذا القطة معها مرض فيروسي متل الطاعون مثلا
وعالجلك هي الطبيب وما طابت .. هاد ما بيعني انو الدكتور حمار
واذا كانت نحيفة ومعها كبد دهني نتيجة عدم الاكل .. وما تحمل جسمها هاد ما بيعطيك الحق تدعي عليه وتقول الله لا يسامحه
واذا لقحت وكان عندك مرض وتفعلت الاصابة فهاد ما بيعطيك الحق انك تحكي عالدكتور

والاحلى من هيك
يلي بدقلك وبكون داقق لعشر دكاترة قبلك
وبيسالك عن حالة شو بدو يعطيها
بسكر من عندك
بدق لرقم العيادة التانية .. بحول الخط لعندي
بيرجع بيحكيلي نفس الحكاية مفكر دكتور تاني

التنافس يخلق الابداعكتير ممكن يحلقو .. بس قليل مين يمكن يبدعووالابداع بيجي من الفكر وحب تطوير الذاتمن حلاقاتنا المميزة ا...
09/09/2026

التنافس يخلق الابداع

كتير ممكن يحلقو .. بس قليل مين يمكن يبدعو
والابداع بيجي من الفكر وحب تطوير الذات

من حلاقاتنا المميزة اليوم بايدين الشاب الطموح محمد

يمكن تاخد وقت وجهد
بس لما بتشوف النتيجة بتنسى تعبك

بدك هيك حلاقة مميزة
احجز دورك
الشتوية عالبواب
لحق حالك قبل مد السجاد

شو رايكم فيها

قطة ضايعة وصحابها عم يدورو عليهاضاعت بالعوينةاذا حدا شافها يتواصل مع صاحبهاوصاحبها بيهديه قطة بدالهابس لانو ولادى متعلقي...
06/09/2026

قطة ضايعة وصحابها عم يدورو عليها

ضاعت بالعوينة
اذا حدا شافها يتواصل مع صاحبها

وصاحبها بيهديه قطة بدالها

بس لانو ولادى متعلقين فيها

الحل لمشكلة الفراطة يلي ما حدا حبهابعد تغيير العملة واجهنا مشكلة انو كلشي كنا مسعرينه على فراطاتيعني ١٣ الف٢٢ الف -١٧ ال...
03/09/2026

الحل لمشكلة الفراطة يلي ما حدا حبها

بعد تغيير العملة واجهنا مشكلة انو كلشي كنا مسعرينه على فراطات
يعني ١٣ الف
٢٢ الف -١٧ الف

وهون صرنا نرجع للزبون فرق الفراطة اما ستيكات ويلي البعض قال قطي ما بحبها
واحيانا اذا التقى منرجع ٢٥ ليرة
كمان هون الزبون ما كان رضيان
لان حساب الكيس ١٧ الف وانت عم ترجعلو ٢٥٠٠ يعني لسا باقيلو ٥٠٠

الحل يلي عملناه زدنا وزن الكياس وعدلنا سعرها
وهيك انت كسبت وزن
ونحنا ارتاح راسنا

يعني ما ارتفع السعر
بس تعدل الوزن

شو رايكم مع هالفكرة انتو معها
او ابقاء السعر ونبقى على خود ستيكة بدال الفراطة

نعم حتى هنن بحقلهم يفرحومنفكر لما منشتريلهم تياب انو عم نفرحهمبس بالحقيقة نحنا منكون عم نوضي جزء من الانا بداخلنامنفرح ح...
02/09/2026

نعم حتى هنن بحقلهم يفرحو

منفكر لما منشتريلهم تياب انو عم نفرحهم
بس بالحقيقة نحنا منكون عم نوضي جزء من الانا بداخلنا
منفرح حالنا
يمكن منفرح اكتر من انو نجيب تياب النا

ومنتفنن فيهن
شي تياب عرس
وجيلي
وطقومة
واحذية

المهم فيكم تحيبو يلي بدكم
بس اهم شي

مع بلوتو مش حتقدر ما تخشخش جيبيك

مين لقاحه احسن لما يكون عندك قط وبيتلقحوما بصير عنده ارتفاع حرارة او تعبهاد ما بيعني انو اللقاح احسنولما بيتعب او بيسخن ...
01/09/2026

مين لقاحه احسن

لما يكون عندك قط وبيتلقح
وما بصير عنده ارتفاع حرارة او تعب

هاد ما بيعني انو اللقاح احسن

ولما بيتعب او بيسخن قطك بعد اللقاح
هاد كمان ما بيعني انو اللقاح مو منيح

اللقاح ما بيعطي مناعة مية بالمية
بس اللقاح بيعطي مناعة تجاه العترات القوية

بدي احلقلو بس خايف يطلع شكلو يطلع بشعمين قال انو الحلقة بتخليه مو حلو؟؟!!الحلاقة نوعينضرورة لما بكون في شوب كتير او حالة...
29/08/2026

بدي احلقلو بس خايف يطلع شكلو يطلع بشع

مين قال انو الحلقة بتخليه مو حلو؟؟!!

الحلاقة نوعين

ضرورة لما بكون في شوب كتير او حالة مرضية او تكتلات شعر وهرر كبير

ومزاج وموضة وشكل حلو بشرط ما يكون في عقد وكباتيل

الجمال بيكمن بالتفاصيل

والتفاصيل لعبتنا

عيادة بلوتو البيطرية

لا تسال وين القطط الحلوينلان عم نجمعهم عنا لتجي تشوفهمكتير بيتصلو معنا وبيطلبوا مننا صورالمشكلة ما بكون عنا وقتوالصور يل...
26/08/2026

لا تسال وين القطط الحلوين

لان عم نجمعهم عنا لتجي تشوفهم

كتير بيتصلو معنا وبيطلبوا مننا صور
المشكلة ما بكون عنا وقت

والصور يلي منزلهم هنن صور صحابهم مصورينهم وباعتينلا ياهم

وقتها منزللكم هنن لتشوفوهم

لاتجيني بعد شهرين وتسالني وينهم
لان ما بيبقو عنا للمسا وبروحو

فيكم نحنا منكبر

لا تلقح قطتك لانو اللقاح بدعة اخترعوها الدكاترةتعبانة منهكة ما عم تاكل .. لا هي ولا صاحبتهاربيت على نظرية المؤامرةوانو ا...
24/08/2026

لا تلقح قطتك لانو اللقاح بدعة اخترعوها الدكاترة

تعبانة منهكة ما عم تاكل .. لا هي ولا صاحبتها
ربيت على نظرية المؤامرة
وانو الماسونية تامرت على قطتنا باختراع اللقاحات
رغم انو قطتها متعلقة فيها وما بتقصر باي دفع

صارت ( مايلا) تنحف ..
غيرولها الاكل
صار الها كرش ... بس بقيت عم تنحف
حللولها طلع معها فقر دم
عالجو فقر الدم ... وبقي الوضع على ما هو عليه

اجت لعنا وهي بلحظاتها الاخيرة
بعد مشاهدة الايكو ... تم اجراء اختبار ريفالتا بالعيادة ويلي اكد الاصابة بمرض التهاب الصفاق السنوري

ما فهمت دكتور ..!! شو يعني ما بطيب
قدام الدموع بتحتار كيف تشرح
ليش مو ملقحة قطتك ؟؟!!

*جارتي يلي بتابع المتنبأ (مايك كرمالي) قالتلي انو ما في داعي بقا تلقحي قطتك
لانو اللقاحات مضروبة .. قارين عليها ونافخين بوشها

بكل اسف (مايلا) بلحظاتها الاخيرة
ما كانت انصابت لو اخدة لقاحاتها
ذنبها برقبة جارتك

صارت تبكي بطريقة هستيرية قبل ما يغمى عليها وياخدها اخوها عالمشفى
بقيت (مايلا) عنا

بانتظار ضحية جهل جديدة

Address

شارع 8 اذار/قرب غرفه التجارة/مقابل حلويات ابو اللبن
Lattakia
2556195

Opening Hours

Monday 11:00 - 22:00
Tuesday 11:00 - 22:00
Wednesday 11:00 - 22:00
Thursday 11:00 - 22:00
Friday 14:00 - 22:00
Saturday 11:00 - 22:00
Sunday 11:00 - 22:00

Telephone

+963994112552

Website

Alerts

Be the first to know and let us send you an email when عيادة بلوتو البيطرية حيوانات اليفة كلاب و قطط في اللاذقية posts news and promotions. Your email address will not be used for any other purpose, and you can unsubscribe at any time.

Shortcuts

Share

Category