21/05/2026
👑 30000ක හමුදාවකට එරෙහිව 5000ක හමුදාවක් මෙහෙයවපු..
රිදී වෙස්මුහුණක් දාගෙන ජෙරුසලම රැකගත් රජු බෝල්ඩ්වින්
හිතන්න... ඔයා උපදින්නේ මුළු ලෝකයේම අවධානය දිනාගත්තු, ආගමික වශයෙන් අතිශය පූජනීය සහ දේශපාලනිකව දරුණුම යුද පිටියක් වුණු රාජ්යයක කුමාරයෙක් විදියට. ඔයාට ලැබෙන්න තියෙන්නේ රජකමක්. හැබැයි වයස අවුරුදු 9 වෙද්දීම ඔයා දැනගන්නවා, ඔයා මුළු ජීවිත කාලයම ගෙවන්න ඕනේ දරුණු, සුව කරන්න බැරි, ශරීරයම කුණු වෙලා යන රෝගයකින් පීඩා විඳිමින් කියලා
ඔයා මොකද කරන්නේ? ජීවිතය අතහරිනවද? නැත්නම් දෛවයට අභියෝග කරනවද?
අද අපි කියවන්න යන්නේ ලෝක ඉතිහාසය කවදාවත් අමතක නොකරන, තමන්ගේ සිරුර වළපල්ලට යද්දීත් තනි අතින් අසිපත දරාගෙන අධිරාජ්යයක් රැකගත්තු, ලෝකයේ බිහිවුණු අසහාය, වීරෝදාර සහ ඛේදජනකම රජ කෙනෙක්ගේ ඇත්තම කතාව. ඒ තමයි ජෙරුසලමේ හතරවැනි බෝල්ඩ්වින් රජතුමා (King Baldwin IV). නැත්නම් මුළු ලෝකයම හඳුනන විදියට "The L***r King" (ලාදුරු රජු).
🩸 ක්රිස්තු වර්ෂ 1161 දී ජෙරුසලමේ උපත ලබන බෝල්ඩ්වින් කුමාරයා කියන්නේ හරිම කඩිසර, බුද්ධිමත්, ඒ වගේම අශ්වයෝ පදින්න උපන් හපන්කම් දක්වපු දරුවෙක්. හැබැයි එයාගේ වයස අවුරුදු 9 වෙද්දී, එයාගේ ගුරුවරයා වුණු සුප්රකට ඉතිහාසඥ "විලියම්" (William of Tyre) එක අමුතු දෙයක් නිරීක්ෂණය කරනවා.
දවසක් බෝල්ඩ්වින් කුමාරයා යාළුවෝ එක්ක සෙල්ලම් කරමින් ඉන්නවා. ළමයි එකතු වෙලා එකිනෙකාගේ අත්වලට නියපොතුවලින් අනිනවා, හූරනවා. හැම ළමයෙක්ම රිදිලා කෑගහද්දී, බෝල්ඩ්වින් කුමාරයා කිසිම වෙනසක් නැතුව හිනාවෙලා ඉන්නවා. එයාට කිසිම වේදනාවක් දැනෙන්නේ නැහැ
විලියම් වහාම දිවගෙන ඇවිත් කුමාරයාගේ දකුණු අත පරීක්ෂා කරනවා. තියුණු දෙයකින් ලාවට ඇන්නත් කුමාරයාට රිදෙන්නේ නැහැ. මුලින් හිතුවේ මේක පුදුම සහගත ශක්තියක් කියලා. හැබැයි රාජකීය වෛද්යවරු ඇවිත් පරීක්ෂා කරද්දී මුළු මාලිගාවම හඬවමින් ඒ මාරාන්තික සත්යය හෙළි වුණා.
"කුමාරයා පීඩා විඳින්නේ ලාදුරු (Leprosy) රෝගයෙන්!"
ඒ කාලේ ලාදුරු කියන්නේ සාපයක්. සුව කරන්න බැරි, හම විකෘති වෙලා, ස්නායු පද්ධතිය අඩපණ වෙලා, අත් පා දියවෙලා යන දරුණු රෝගයක්. හැමෝම හිතුවේ බෝල්ඩ්වින්ගේ ජීවිතය එතනින් ඉවරයි කියලා.
👑බෝල්ඩ්වින්ට වයස අවුරුදු 13 වෙද්දී එයාගේ තාත්තා, ඒ කියන්නේ එවකට ජෙරුසලමේ රජු මිය යනවා. දැන් සිංහාසනයට ඉන්නේ බෝල්ඩ්වින් විතරයි. රෝගියෙක් වුණත්, වයසින් මුහුකුරා නොගියත්, 1174 දී බෝල්ඩ්වින්ව ජෙරුසලමේ රජු විදියට අභිෂේක කරනවා.
ඒක නිකන්ම නිකන් රජකමක් නෙවෙයි, මරණ වරෙන්තුවක් වගේ වැඩක්. මොකද ඒ වෙනකොටත් ඉස්ලාමීය ලෝකයේ බිහිවුණු අතිශය ප්රබල, බුද්ධිමත් සහ දරුණුතම සෙන්පතියා වුණු සලාදින් (Saladin) මුළු මැදපෙරදිගම තමන්ගේ යටතට ගනිමින්, ක්රිස්තියානි පාලනයේ තිබුණු ජෙරුසලම අල්ලන්න මාන බලමින් ඉන්නේ.
සලාදින් හිතුවේ මෙන්න මෙහෙමයි
"ජෙරුසලමේ ඉන්නේ මැරෙන්න වැටිලා ඉන්න ළමයෙක්. ඕකව පරද්දන්න එක සුළඟක් හැමුවත් ඇති."
පිටතින් සලාදින්ගේ තර්ජන, ඇතුළතින් තමන්ගේම ඇඟ මස් දියකරන රෝගය... බෝල්ඩ්වින් තෝරාගත්තේ හැංගිලා අඬන්න නෙවෙයි, සටන් බිමට බහින්නයි
⚔️ මෙන්න මේ සිදුවීම තමයි බෝල්ඩ්වින් කියන්නේ කවුද කියලා මුළු ලෝකයටම පෙන්නපු තැන. ක්රි.ව. 1177 වෙද්දී බෝල්ඩ්වින් රජතුමාට වයස අවුරුදු 16 යි. එයාගේ දකුණු අත සම්පූර්ණයෙන්ම පණ නැති වෙලා, ඇඟිලි ඇකිලිලා. වම් අතින් විතරයි අශ්වයා පාලනය කරන්න පුළුවන්.
මේ අසරණකමෙන් ප්රයෝජන ගත්තු සලාදින්, 30,000ක දැවැන්ත සේනාවක් එක්ක ජෙරුසලම ආක්රමණය කරන්න එනවා. බෝල්ඩ්වින් රජතුමාට එකතු කරගන්න පුළුවන් වුණේ නයිට්වරු (Knights Templar) ඇතුළු සොල්දාදුවන් 5,000කට ආසන්න සුළු පිරිසක් විතරයි.
30,000කට එරෙහිව 5,000ක්... මැච් එක දිනන්න කිසිම ඉඩක් තිබුණේ නැහැ.
සටන් බිමේදී දෙපිරිස මුණගැහුණා. බෝල්ඩ්වින් රජතුමා තමන්ගේ දියවෙලා යන ශරීරය අශ්වයා පිටින් බිමට බාලා, වැලි පොළොව මත දණ ගැහුවා. ජෙරුසලමේ අතිශය පූජනීය සත්ය කුරුසිය (True Cross) ඉදිරිපිට දණගහලා, දෙවියන් වහන්සේගෙන් උදව් ඉල්ලලා රජතුමා හඬා වැටුණා.
තමන්ගේ රජතුමා දණගහලා අඬනවා දැකපු ක්රිස්තියානි සොල්දාදුවන්ගේ ඇඟේ ලේ රත් වුණා. ඔවුන් මරණය අමතක කරලා සටනට ලෑස්ති වුණා.
රජතුමා වම් අතින් අසිපත අරන්, අශ්වයා පිටට නැගලා කෑගැහුවා... "
සුළු සේනාවක් වුණත්, බෝල්ඩ්වින්ගේ අසිරිමත් නායකත්වය සහ උපායශීලී ප්රහාරය හමුවේ සලාදින්ගේ 30,000ක සේනාව සුණු විසුණු වෙලා ගියා. සලාදින්ගේ ජීවිතය පවා බේරුණේ අනූ නවයෙන්. එයා තමන්ගේ පණ බේරගන්න ඔටුවෙක් පිටේ නැගිලා පැනලා දිව්වා. 16 හැවිරිදි ලාදුරු වැළඳුණු කොල්ලෙක්, මුළු මැදපෙරදිගම හොල්ලපු මහා සලාදින්ව දණගැස්සුවා!
🎭 කාලය ගතවෙද්දී රෝගය දරුණු අතට හැරුණා. බෝල්ඩ්වින්ගේ මුහුණේ සම ගැලවිලා, තුවාල වෙලා, විකෘති වෙන්න පටන් ගත්තා. තමන්ගේ ප්රජාව තමන්ව දැකලා බය වෙනවට, නැත්නම් පිළිකුල් කරනවට එයා කැමති වුණේ නැහැ.
අන්න ඒ නිසා, එයා තමන්ගේ මුහුණ සම්පූර්ණයෙන්ම වැහෙන්න රිදී වෙස්මුහුණක් (Silver Mask) පළඳින්න පටන් ගත්තා. (ඉතිහාසඥයන් අතර මේ වෙස්මුහුණ ගැන මතභේද තිබුණත්, ජනප්රවාදයේ සහ සිනමාවේ Baldwin IV කිව්ව ගමන් මතක් වෙන්නේ මේ අභිමානවත් රිදී වෙස්මුහුණයි).
ඇස් පෙනීම අඩුවෙද්දී, දෙපා වාරු නැතිවෙද්දී, එයා සටන් බිමට ගියේ දෝලාවක වැතිරිලා. තමන්ගේ සොල්දාදුවන් ඉස්සරහට දෝලාවෙන් යන රජෙක් ඒ ආත්ම විශ්වාසය දැක්කම සතුරෝ පවා බය වුණා.
සලාදින් පවා බෝල්ඩ්වින්ට අසීමිතව ගරු කළා. බෝල්ඩ්වින් ජීවතුන් අතර ඉන්නකම් ජෙරුසලම ලෙහෙසියෙන් අල්ලන්න බැරි බව සලාදින් දැනගෙන හිටියා.
🕯️ වයස අවුරුදු 24 වෙද්දී බෝල්ඩ්වින් රජතුමා සම්පූර්ණයෙන්ම අන්ධ වුණා. එයාගේ අත් පා වැඩ කරන්නේ නැති තරමටම දියවෙලා ගියා. අවසානයේදී, ක්රි.ව. 1185 මාර්තු මාසයේදී, මේ වීරෝදාර තරුණයා තමන්ගේ අවසන් හුස්ම හෙළුවා.
ඇඟේ හැම අවයවයක්ම තමන්ට ද්රෝහි වෙද්දී, තමන්ගේ රාජ්යයට සහ ජනතාවට අවසන් තත්පරය වෙනකම් ද්රෝහි නොවූ රජෙක් ඉතිහාසයට එකතු වුණේ අන්න එහෙමයි.
බෝල්ඩ්වින්ගේ මරණයෙන් පස්සේ ජෙරුසලම රැකගන්න ඒ වගේ ශක්තිමත් නායකයෙක් හිටියේ නැහැ. අවුරුදු දෙකකට පස්සේ, සලාදින් ජෙරුසලම තමන්ගේ යටතට ගත්තා. හැබැයි ජෙරුසලමට ඇතුළු වුණු සලාදින් මුලින්ම කළේ බෝල්ඩ්වින් රජතුමාගේ සොහොනට ගිහින්, ඒ වීරයා වෙනුවෙන් තමන්ගේ ගෞරවය පුද කරන එකයි.
🧠 අමුතු මිතුරනි ඔබේ දෛවය තීරණය කරන්නේ ඔබේ ලෙඩ රෝග හෝ බාධක නෙවෙයි, ඔබේ නොසැලෙන ආත්ම විශ්වාසයයි 🔥
✍️ මේ වීරෝදාර රජතුමාගේ කතාව ගැන ඔයාට මොකද හිතෙන්නේ? 🔔👇
***r King
