16/08/2026
Kung ang langit ay malapit lang…
Minsan naiisip ko, sana ang langit may pwedeng tawagan. Pwede mong kausapin ang taong namiss mo, kapag may gusto kang ikwento. Pwede mong sabihan kumusta ka na, kwento kung ano na ang mga nangyayari sa buhay mo, at kung anu-ano pa ang mga bagay na gusto mong ibahagi.
Hindi naman ako nagsisisi sa mga nangyari. Siguro malungkot lang ako sa mga “sana.” Sa mga bagay na hindi ko naiparanas sa kanya. Sa mga lugar na hindi niya nakita, sa mga pagkaing hindi niya natikman, at sa mga simpleng bagay na sana nasabi kong, “Tara, tikman mo ’to. Masarap ’to.”
Kaya siguro nung pumunta ang pamilya ko dito, mga taong mahal ko, panay ang sabi ko—“Kainin mo ’to. Tikman mo ’to. Masarap to. Punta tayo dito.”
Gusto kong maranasan din nila yung mga bagay na minsan ko lang din natikman at nakita. Yung feeling na, “Ay, may ganito pala. Ang sarap pala. Ay ganda pala ng dito.”
Baka ganun talaga kapag mahal mo ang isang tao. Kapag may natuklasan kang maganda sa buhay, gusto mong ibahagi. Gusto mong sabihin, “Sana nakita mo rin ’to.”
At kung may langit man na pwedeng puntahan at may paraan para makapagkwentuhan tayo kahit sandali…
Ang dami kong ikukwento sa’yo. 🤍
Pero Lord, thank You kasi bini-bless mo ako. Pero please, paki-bless mo pa po ako… kasi marami pa po akong gustong mapatikim at maiparanas sa pamilya ko.” 🥺🤍
Hindi naman kailangang sobra. Gusto ko lang na habang may pagkakataon, maranasan din nila yung mga bagay na ni minsan hindi sumagi sa isip ko na mararanansan ko 🙏🏼💕
Kaya Lord, dagdagan mo pa po ang blessings. Hindi lang para sa akin, kundi para may maibahagi pa ako sa mga taong mahal ko. 🤍
Missing my Papachor👨🏽🦳
