14/08/2026
خلينا نحكيها بدون زعل… وبلا مسح جوخ:
أحلى إشي بالأردن مش تدريب الكلاب… أحلى إشي التطبيل والتزمير! 😂
واحد بستخدم الكهربا، بصير «مدرب محترف».
واحد صوّر كم فيديو، بصير «خبير».
واحد عنده كم صاحب، بصير «أسطورة».
والباقي: ما شاء الله، شو هالمدرب! 🔥👏
طيب لحظة… وين العلم؟ وين فهم سلوك الكلب؟ وين الخبرة؟ وين النتائج؟
ولا الموضوع كله:
«اجوه عليك الله… راح تتغدى عندي» 😂
المشكلة مش بالمدح، المشكلة لما التطبيل يصير شهادة اعتماد، ولما العلاقات والمجاملات ترفع شخص لمكانة ما وصلها بشغله.
والأغرب إنك إذا حكيت كلمة نقد، بطلعلك جيش كامل:
«لاااا، هذا مدرب كبير!»
طيب كبير بشو؟ بعدد التطبيل؟ ولا بعدد ضغطات زر الكهربا؟
خلينا نكون صريحين:
الكلب اللي بطيع لأنه خايف مش إنجاز تستعرض فيه.
واللي محتاج كهربا حتى يثبت إنه مدرب… عنده سؤال لازم يجاوب عليه قبل ما يسأل الكلب.
فخففوا تزمير، وخففوا ألقاب، وخلي الشغل هو اللي يحكي.
لأنه بالنهاية:
الكلب ما بفهم بالتطبيل… والنتيجة ما بتجامل.
