Shamsudeen Hussain

14/08/2026

Why is the Taj Mahal still in India? Because it was too heavy for the British to carry back to England!

😄🇮🇳 Happy Independence Day!”
British Airways

14/08/2026

At mount jabal noor

13/08/2026

12/08/2026

പുറമേ ദുർബലമെന്ന് തോന്നുന്നതിനെ ഒരിക്കലും വിലകുറച്ച് കാണരുത്. യഥാർത്ഥ ശക്തി ശരീരബലത്തിലോ പുറംകാഴ്ചയിലോ മാത്രമല്ല; അതിന്റെ ഉള്ളിലുള്ള കഴിവിലും ആത്മവിശ്വാസത്തിലുമാണ്

11/08/2026

അറസ്റ്റ് — 1922 ജനുവരി 5

1922 ജനുവരി 5-ന് ബ്രിട്ടീഷ് സൈന്യം ആസൂത്രണം ചെയ്ത ഒരു നീക്കത്തിലൂടെയാണ് വാരിയംകുന്നത്ത് കുഞ്ഞഹമ്മദ് ഹാജിയെ പിടികൂടിയത്. പിടിയിലാകുമ്പോൾ അദ്ദേഹം ഏകദേശം അരമണിക്കൂറോളം ചെറുത്തുനിന്നുവെന്നാണ് ചില ചരിത്രവിവരണങ്ങൾ പറയുന്നത്.

ഹാജിയെ പിടികൂടുന്നതിന് മുമ്പ് അദ്ദേഹവുമായി ബന്ധമുള്ള ചില വ്യക്തികളിലൂടെ കീഴടങ്ങാൻ പ്രേരിപ്പിക്കുകയും, കീഴടങ്ങിയാൽ കൊല്ലാതെ നാടുകടത്തുമെന്ന വാഗ്ദാനം നൽകിയെന്നുമുള്ള വിവരണങ്ങൾ പിന്നീട് പ്രസിദ്ധീകരിക്കപ്പെട്ടിട്ടുണ്ട്. എന്നാൽ ഈ ഭാഗത്തിന്റെ എല്ലാ വിശദാംശങ്ങളും ബ്രിട്ടീഷ് ഔദ്യോഗിക രേഖകളിൽ ഒരേ രീതിയിൽ സ്ഥിരീകരിക്കപ്പെട്ടിട്ടില്ല.

അറസ്റ്റിന് ശേഷം

അറസ്റ്റിന് ശേഷം ഹാജിയെ ബ്രിട്ടീഷ് അധികാരികളുടെ കസ്റ്റഡിയിലാക്കി. മലബാർ കലാപത്തിൽ അദ്ദേഹത്തിന്റെ പങ്കാളിത്തവുമായി ബന്ധപ്പെട്ട കുറ്റങ്ങൾ ചുമത്തി സൈനിക നടപടിക്ക് വിധേയനാക്കി.

ഇന്ത്യൻ സർക്കാരിന്റെ Digital District Repository അദ്ദേഹത്തെ 1921–22 കാലത്തെ മാപ്പിള കലാപത്തിലെ പ്രധാന നേതാവായി രേഖപ്പെടുത്തുന്നു. അതേസമയം, ഈ ഔദ്യോഗിക വിവരണത്തിലെ ചില തീയതികളിൽ പിശകുകളുണ്ട്—ഉദാഹരണത്തിന് അദ്ദേഹത്തെ 1923-ലാണ് പിടികൂടിയതെന്ന് അവിടെ കാണുന്നു; മറ്റു ചരിത്രസ്രോതസ്സുകൾ 1922 ജനുവരി 5 എന്നാണ് നൽകുന്നത്. അതിനാൽ തീയതികൾ പരിശോധിച്ച് ഉപയോഗിക്കണം.

അവസാന ദിവസം

1922 ജനുവരി 20-ന് കോട്ടക്കുന്നിൽ ബ്രിട്ടീഷ് സൈനിക ഫയറിംഗ് സ്ക്വാഡ് അദ്ദേഹത്തെ വെടിവച്ച് കൊന്നു.

അദ്ദേഹത്തിന്റെ അവസാന ആഗ്രഹത്തെക്കുറിച്ച് പിന്നീട് വന്ന ചരിത്രവിവരണങ്ങളിൽ പറയുന്നത്:

> കണ്ണ് കെട്ടാതെ, മുന്നിൽ നിന്ന് വെടിവെക്കണമെന്നും കൈകൾ സ്വതന്ത്രമായിരിക്കണമെന്നും അദ്ദേഹം ആവശ്യപ്പെട്ടു.

മൃതദേഹത്തെക്കുറിച്ച്

ഹാജിയുടെ മൃതദേഹം ബ്രിട്ടീഷുകാർ കത്തിച്ചുവെന്ന വിവരവും വ്യാപകമായി ഉദ്ധരിക്കപ്പെടുന്നു. അദ്ദേഹത്തിന്റെ മൃതദേഹം ഒരു സ്മാരകമാകാതിരിക്കാനാണ് അങ്ങനെ ചെയ്തതെന്ന വ്യാഖ്യാനവും കാണാം. എന്നാൽ ഈ സംഭവത്തിന്റെ വിശദാംശങ്ങളെക്കുറിച്ച് സ്രോതസ്സുകൾ തമ്മിൽ വ്യത്യാസമുള്ളതിനാൽ ഇത് ഉറപ്പായ ഔദ്യോഗിക വസ്തുതയായി അവതരിപ്പിക്കാതിരിക്കുന്നതാണ് നല്ലത്.

ചുരുക്കത്തിൽ:
അറസ്റ്റ് → ബ്രിട്ടീഷ് കസ്റ്റഡി → വിചാരണ/സൈനിക നടപടി → വധശിക്ഷ → 1922 ജനുവരി 20-ന് കോട്ടക്കുന്നിൽ വെടിവെച്ച് വധം.

11/07/2026

🥥 **നാടൻ വെളിച്ചെണ്ണ** 🌴
വീട്ടിൽ ഉണ്ടാക്കിയ 100% ശുദ്ധമായ വെളിച്ചെണ്ണ. കെമിക്കലുകൾ ഒന്നും ചേർക്കാത്തത്! ✨

**💰 വില (Price):**

* **1 ലിറ്റർ:** ₹320
* **5 ലിറ്റർ:** ₹1600

📍 **സ്ഥലം:** തുവ്വൂർ അരിക്കുഴി
🚚 **കേരളത്തിൽ എവിടെയും ഡെലിവറി ലഭ്യമാണ്!**

---

📲 **ഓർഡർ ചെയ്യാൻ താഴെ ക്ലിക്ക് ചെയ്യൂ:**

👉 **WhatsApp Chat 1 wa.me/+917034921120
👉 **WhatsApp Chat 2: wa.me/+919496173682

📞 **വിളിക്കേണ്ട നമ്പർ:**
+91 70349 21120 | +91 94961 73682

*ഇപ്പൊ തന്നെ ഓർഡർ ചെയ്യൂ!* 🥥✨

10/07/2026

അന്തമാനില്‍ ശിക്ഷിക്കപ്പെട്ടവര്‍ക്ക് അവരുടെ കുടുംബത്തെ അങ്ങോട്ട് കൊണ്ടുവരാം എന്ന് ബ്രിട്ടീഷുകാർ നിയമം കൊണ്ടു വന്നു.
അലവി ഹാജിയുടെ ഭാര്യ കുഞ്ഞിപാത്തുമ്മയും മകന്‍ സുലെെമാനും കപ്പല്‍ കയറി അന്തമാനിൽ എത്തുന്നു.

കുഞ്ഞിപാത്തുമ്മ തകരപ്പെട്ടി ഇറക്കിവെച്ചു അതിമേൽ കുന്തിച്ചിരുന്നു. തലപൊക്കിയില്ല.
മുഖം കൈകളിൽ ഒളിപ്പിച്ചു പൊട്ടിക്കരയുകയാണ്.

'ബാപ്പാ..'

സുലൈമാൻ ബാപ്പയെ കെട്ടിപ്പിടിച്ചു. അലവി ഹാജി മകനെ ചുംബിച്ചു.

എഴുന്നേറ്റ് കുഞ്ഞിപാത്തുമ്മ ഭർത്താവിനെ നല്ലതുപോലെ കണ്ടു. 55 വയസ്സിലാണ് ശിക്ഷിക്കപ്പെട്ടത് ഇപ്പോൾ തന്നെ ആയുസ്സിന്റെ പകുതി കൂടുതൽ തോന്നിക്കുന്നു അവർ സ്നേഹിച്ചു തീർന്നിട്ടില്ല.

അലവി ഹാജി കൈ ചൂണ്ടി കാണിച്ചു..
'ദാ ഈ കൂരയിലാണ് ഇജ്ജും മോനും ഇന്ന് കെടന്നൊറങ്ങാ. ചുമരിന്‍റെ ഓല കെട്ടണം. വാതിലും മേല്‍ക്കൂരയും.'

'പോലീസുകാര്‍ ഞങ്ങളെ തെളിയിച്ച് കൊണ്ട് വന്നത് ഉല്‍സാഹത്തിലാണ്.'

മലബാറീന്ന് ഞമ്മളെ വേരറ്ക്കല്ലേ.., അതാണ് ഉത്സാഹം. സ്വത്ത് കണ്ട് കെട്ടിയപ്പോ വേരറ്റ് പോയില്ലേ..?

അലവി ഹാജി ഭാര്യയുടെ പെട്ടി തുറന്നു. ഒരു മൊന്തയെടുത്തു കാട്ടിലേക്ക് കയറി..തോട്ടില്‍ നിന്ന് വെള്ളം കൊണ്ടു വന്നു.
'ഇതാ ഇത് കുടിച്ചോളിന്‍, ഇന്‍റെ പക്കല്‍ വേറെ ഒന്നുമില്ല.'
വെശക്ക്ണ്ടാ..?
'ണ്ട്, ആരോട് പറയാനാണ്..? അവര് ജീവൻ നിലനിർത്താൻ മാത്രം തരുന്ന കല്ലും മണ്ണും ഉള്ള പൂത്ത അരിയുടെ ചോറും പരിപ്പും..'

കുഞ്ഞിപ്പാത്തുമ്മ പെട്ടിയിൽ നിന്ന് ഒരു പൊതിയെടുത്തു.

'അവുലാണ്, കൊട്ടത്തേങ്ങയും, വേറെ ഒന്നും കൊണ്ടുവരാനുള്ള പെെസയില്ലായിരുന്നു. ഞാനും മോനും പട്ടിണിയിലായിരുന്നു,'

വീണ്ടും കണ്ണീര്‍..
'ഇവിടെ കെട്ടിയോളും മക്കളും വന്നാല്‍ അവര്‍ക്ക് റേഷനില്ല. കാട് വെട്ടി വയലാക്കണം, സ്വന്തമായി കൃസി ചെയ്യണം
തുടക്കത്തില്‍ പോത്തുകളേയും വിത്തും തരും.

അലവി ഹാജി ഭാര്യയെ ശ്രദ്ധിച്ചു മുഖത്ത് ചുളിവുകള്‍, ക്ഷീണം.

അഞ്ച് മണിക്ക് ജയിലിലേക്ക് തിരിച്ച് പോണം. പകല്‍ സ്വന്തം സ്ഥലത്ത് വന്ന് പണിയെടുക്കാം.

കുഞ്ഞിപാത്തുമ്മ മകന്‍ സുലെെമാനെ പുറത്തേക്കയച്ചു. വിറക് പെറുക്കാന്‍. കുറച്ച് അരിയുണ്ട്. അടുപ്പുകൂട്ടി കഞ്ഞി വെക്കാം.

രാത്രി കൂരിരുട്ട്. മഴ ചാറുന്നു. കഞ്ഞി വെച്ച അടുപ്പില്‍ ഉണങ്ങിയ ഇലകള്‍ കത്തിച്ചു. ആ വെളിച്ചത്തില്‍ കഞ്ഞി കുടിച്ചു. അവര്‍ ഉറങ്ങാന്‍ കിടന്നു. സുലെെമാന്‍ ഉമ്മയെ കെട്ടിപ്പിടിച്ച് കിടന്നു.

എന്തോ കൂര്‍ത്ത സാധനം ഇരുട്ടിനെ തുളച്ചു വന്നു. വീടിന്‍റെ ഓലച്ചുമരിനേയും വായുവിനേയും ചീറിത്തുളച്ചു.

'മ്മാ....
സുലെെമാന്‍റെ കെെകള്‍ അയഞ്ഞു.
ഉമ്മ തടവി നോക്കി. നനവ് കട്ടിയുള്ള ചൂടുള്ള നനവ്. ചോരയുടെ മണം.
സുലെെമാന്‍ ഞരങ്ങി. ഉമ്മ എഴുന്നേറ്റിരുന്നു.
മകന്‍റെ മുഖം കാണാന്‍ സാധിക്കുന്നില്ല.
മണ്ണണ്ണ ഇല്ലാത്തതിനാല്‍ വിളക്ക് കത്തിക്കാനായില്ല. അവര്‍ ഉറക്കെ അലറി..
പുറത്ത് ആരൊക്കെയോ ഓടിപ്പോകുന്ന കാല്‍പ്പെരുമാറ്റം.

കാട്ടാളന്‍മാര്‍.
സുലെെമാന്‍ നേരിയ ചലനത്തോടെ കിടന്നു.
അമ്പ് കയ്യില്‍ തടഞ്ഞു. നെഞ്ചത്താണ് തറച്ചിരിക്കുന്നത്. വലിച്ചൂരിയെടുത്തു. സുലെെമാന്‍റെ ഞരക്കം കുറഞ്ഞു കുറഞ്ഞു വന്നു.
കുഞ്ഞിപാത്തുമ്മ കെെ നീട്ടി മൊന്ത തടവിയെടുത്തു. കെെക്കുമ്പിളില്‍ വെള്ളം.
സുലെെമാന്‍റെ മുഖം തടഞ്ഞു. ചുണ്ടുകള്‍ വിടര്‍ത്തി, കെെക്കുമ്പിളിലെ വെള്ളം ഇറ്റിച്ചു.
വെള്ളം പുറത്തേക്ക് ഒലിക്കുകയാണ്.

സാന്ത്വനങ്ങളില്ല. ഉറ്റവരും അറിയുന്നവരും അടുത്തില്ല. താനേ ഊറി വന്ന സങ്കടം ഘനീഭവിക്കുന്നു. മകന്‍ മരിച്ചിരിക്കുന്നു.
തട്ടം കൊണ്ട് മുടി മറച്ച് ഉറക്കെ ധെെര്യത്തോടെ ഓതാന്‍ തുടങ്ങി.
'അ ഊദു ബില്ലാഹി....
ഓതിയോതി തളര്‍ന്നു കിടന്നു.. അബോധാവസ്ഥയിലായി.
പിന്നെ ഉണര്‍ന്നു. നേരം പുലരുന്നത് വരെ ഇരുട്ടിലേക്ക് നോക്കിയിരുന്നു.

കുഞ്ഞിപ്പാത്തുമ്മയുടെ കരച്ചില്‍ കേട്ട് കുറച്ചാളുകള്‍ അവരുടെ കുടിലിലെത്തി.

ഓന്‍റെ ബാപ്പ ..
ബാരക്കിലെ കെെദിയല്ലേ..വരും
രാവിലത്തെ റേഷന്‍ കൊടുത്തിട്ട് ജോലിക്ക് വിടും. ജയിലില്‍ അറിയിച്ചാല്‍ പോലീസും കൂടെ വരും. ബാപ്പ തന്നെ കബറടക്കം ചെയ്തോളും..

മുഷിഞ്ഞ വെളുത്ത മുറിക്കയ്യന്‍ കുപ്പായം, മുട്ടുമറയാത്ത ട്രൗസര്‍. കെെയില്‍ മഴു, ചുമലില്‍ കെെക്കോട്ട്. ഒരു കയ്യിലും കാലിലും ചങ്ങലയുടെ കൊളുത്ത്. അത് രാത്രിയില്‍ പൂട്ടിയിടാനുള്ളത്. അലവി ഹാജിയെത്തി...മകന്‍ മരിച്ചു കിടക്കുന്നു.
ഭാര്യ കരയാന്‍ പോലും ആരോഗ്യമില്ലാതെ
അനക്കമില്ലാതെ ഇരിക്കുന്നു.

അലവി ഹാജി ഓടി...കാലുകള്‍ വലിച്ചുവെച്ച് ഓടി..തിരിച്ചു വന്നത് ഒരു പോലീസിന്‍റെ കൂടെ..

മകനാണല്ലേ....?

ങാ.

പേരും പ്രായവും എഴുതിക്കൊടുത്തു.
ആദിവാസികളുടെ അമ്പുകള്‍ പെറുക്കി കയ്യില്‍ പിടിച്ചു.

'കുഴിച്ചിട്ടോ.'
പോലീസുകാരന്‍ ഉറുദുവില്‍ പറഞ്ഞു.
ചത്തു കിടക്കുന്ന പൂച്ചയെ എന്ന പോലെ ശവത്തെ നോക്കി.

അലവി ഹാജി കുത്തിയിരുന്ന് കരഞ്ഞു.
ഓടി വന്നവരൊക്കെ പിരിഞ്ഞുപോയി.
പോലീസുകാരനും പോയപ്പോള്‍ കുടില്‍ നില്‍ക്കുന്ന സ്ഥലം ശൂന്യമായി. മഴ ചാറിക്കൊണ്ടിരുന്നു.

അലവി ഹാജി എഴുന്നേറ്റു കെെക്കോട്ടെടുത്തു കാട്ടിലേക്ക് നടന്നു.
കാട്ടില്‍ ഒഴിഞ്ഞ ഒരു സ്ഥലത്ത് ഖബര്‍ കുഴിച്ചു. കാട്ടില്‍ പലക ഈര്‍ന്നിരുന്ന സ്ഥലമുണ്ട്. രണ്ട് കഷ്ണം പലക കൊണ്ടു വന്നു നടുമുറിച്ചു നാലു കഷ്ണങ്ങളാക്കി കുടിലില്‍ തിരിച്ചെത്തി. കുഞ്ഞിപ്പാത്തുമ്മ തോട്ടില്‍ നിന്നും വെള്ളം മുക്കി കൊണ്ടുവന്നു. അലവി ഹാജി മയ്യത്ത് കുളിപ്പിച്ചു. കുഞ്ഞിപ്പാത്തുമ്മ സൂക്ഷിച്ചിരുന്ന വെള്ളക്കാച്ചിത്തുണി മുറിച്ചു കഫന്‍ ചെയ്തു. തോട്ടില്‍ പോയി കുളിച്ചു വന്നു.
നനഞ്ഞ ജയില്‍ വസ്ത്രം, മുട്ട് മറയാത്തത്.
അയാള്‍ ഭാര്യയുടെ പെട്ടിയില്‍ നിന്നൊരു കറുപ്പ് സൂപ്പെടുത്ത് ജയിൽ വസ്ത്രത്തിന്‍റെ
അര ട്രൗസറിന് മുകളിലുടുക്കാനൊരുങ്ങി.

വഴിയിലൂടെ രണ്ട് പോലീസുകാര്‍ വന്നു.
'അലവി ഹാജി പണിയെടുക്കാത്തത് എന്ത് കൊണ്ടാണ്.? ഇന്ന് ഒരു മരക്കുറ്റിയും പറിച്ചില്ലല്ലോ..!!'
അവര്‍ ലാത്തി ഉയര്‍ത്തി..
'സാബ് ഞാനീ കറുത്ത തുണിയൊന്നും ധരിച്ചോട്ടെ. എന്‍റെ മകന്‍റെ മയ്യിത്ത് നിസ്കാരം നടത്താനാണ്.'
'പാടില്ല.' പോലീസുകാരന്‍ കറുത്ത തുണി വാങ്ങി വലിച്ചെറിഞ്ഞു.

'നീ ഇപ്പോഴും ജയില്‍ പുള്ളിയാണ്, ജയില്‍ വസ്ത്രമെ പാടുള്ളു.'

'ഞാന്‍ പണി തുടങ്ങാം സാബ്, എന്‍റെ മകനെയൊന്ന് കബറടക്കം ചെയ്തോട്ടെ.'
അലവി ഹാജി ദയനീയമായി അപേക്ഷിച്ചു.
മയ്യിത്ത് ഓലയില്‍ തെക്കു വടക്കായി കിടത്തി. പടിഞ്ഞാട്ട് തിരിഞ്ഞു നിന്നു. മുട്ടുമറയാത്ത ജയില്‍ വസ്ത്രത്തില്‍ ഒറ്റക്ക് മയ്യിത്ത് നമസ്കാരം.
അള്ളാഹുവിനെ വിളിച്ചു കൊണ്ട് പൊട്ടിക്കരഞ്ഞു. ഒറ്റക്ക് മകനെ ഖബറടക്കി.

കുണ്ടനി മുഹമ്മദിന്‍റെ 'കാലാപാനിഃ അധിനിവേശത്തിന്‍റെ നാള്‍ വഴികള്‍.' എന്ന പുസ്തകത്തില്‍ നിന്നും.

26/06/2026

Ya allha pls give us a chance to visit again