26/07/2026
📄 البوست الثالث ،،
ليلة اللحظات الحاسمة ،، سهرة ف عز البرد و قدامي المنقد وشوية خشب مولعين وقاعد في كورنر ع السطوح 🥹🥹
الساعة 2 بالليل ،،، الدنيا هادية تماماً ،،، فجأة تسمع صريخ الماعز ،،،، وتعرف إن حان وقت العمل ،،،،
دخلت على المكان وبصيت على النتاية اللي بتصرخ لقيت المية نزلت ،،،، ورقدت في الأرض وفردت رجلها الخلفية وبدأت تحزق ،،،،
عدت نص ساعة ومافيش أطراف ظهرت ،،،
هنا بقى كان لازم أتدخل وما ينفعش أقعد أتفرج ،،،
غسلت إيدي كويس ،،،، ولبست الجوانتي المعقم ودخلت استكشف بالراحة ،،،، ودي طريقة لازم تكون عارفها لانك بتبتدي تدخل صباع وبعدين اخوه اللي هم السبابة والوسطى ،،
وهنا كانت الصدمة اللي بجد ،،، لقيت الجنين نازل بظهره ،، وآه ياليلة باينة من أولها بصوت مدحت شلبي 😄😄😄
في الوقت اللي زي ده وفي حالة زي دي ،، لا فيه دكاترة هتجيلك ولا فيه حد هيعبرك ،،
انت بتحاول بقى تعمل إنقاذ على قد ما تقدر وربنا اللي بيسترها والله ،،
المهم ابتديت اول حاجة اني اعمل تعديل بحذر شويتين ،،، اللي هو ابدأ أذق الجنين لجوة شوية بالراحة ،،،، وأحاول أعدل وضع الرجلين الأماميتين بحيث يكون الراس فوقهم اللي هو الوضع الطبيعي اصلا ،،
وطبعا لما الوضع استقر وقدرت امسك الرجلين الاماميتين وأشد خفيف وهي بتحزق ،، يعني مع كل شدة من الأم ،،، بنسحب الجنين لأسفل ،،، بهدوء عشان مايحصلش تمزق للأم او الجنين ،،،
الحمد لله بعد تعب وإرهاق وشدة أعصاب ،، نزل البطل الصغير ،،، والحمد لله توفيق ربنا معنا !
ابتديت فوراً أنضف المناخير والحلق من المخاط عشان يتنفس ،،،، ورشيت الحبل السري وطهرته ببتادين ،،،
أول ما أمه لحسته وبدأ يحاول يقف على رجله الطويلة ،،،، ابتديت أوديه على أمه علشان يرضع لبن السرسوب
اللي هو هيكون موضوعنا في بوست بكرة
اول ما بتشوف المنظر ده
الحمد لله رب العالمين بيكون كل هم وتعب طول الفترة دي كأنه مبقاش موجود وبتنسى كل حاجة من فرحتك بالمواليد ،،،
ادعيلنا بالبركة واكتب تم علشان يوصلك كل جديد
ادعمنا بلايك او شير خلينا نوصل لأكبر عدد يستفاد من تجاربنا العملية وخبرة المواقف ،،
