Dr. Mahamed Mansy د. محمد منسي

Dr. Mahamed Mansy د. محمد منسي القطط والكلاب ليهم لغة… وإحنا بنترجمها ليك! 🐶🐱
كل يوم معلومة طبية بسيطة تحافظ بيها على حياة حيوانك الأليف...تابعنا 🐾

درع الحماية الأول لأليفك وصل🛡️ أقوى رافع مناعة وفاتح شهية بترشيح طبي موثوق. احجز مكانك في شحنة الأسبوع ده 👇
07/04/2026

درع الحماية الأول لأليفك وصل🛡️
أقوى رافع مناعة وفاتح شهية بترشيح طبي موثوق. احجز مكانك في شحنة الأسبوع ده 👇

التسمم حالة طارئة ⛔والتصرف الصح في أول ساعة ممكن ينقذ حياة حيوانك الأليف.━━━━━━━━━━━━━━━ أولًا: الأعراض اللي تقلقك 🔔- تر...
24/03/2026

التسمم حالة طارئة ⛔
والتصرف الصح في أول ساعة ممكن ينقذ حياة حيوانك الأليف.

━━━━━━━━━━━━━━━

أولًا: الأعراض اللي تقلقك 🔔

- ترجيع متكرر

- إسهال (أحيانًا دم)

- سيلان لعاب شديد

- رعشة أو تشنجات

- خمول أو فقدان وعي

- صعوبة تنفس

- اتساع حدقة العين

━━━━━━━━━━━━━━━

⚠️ أشهر أسباب التسمم

- شوكولاتة / كافيين
- مبيدات ومنظفات
- أدوية بشرية (⚠️ باراسيتامول قاتل للقطط)
- أكل فاسد أو متبل
- نباتات سامة

━━━━━━━━━━━━━━━

🚑 ثانيًا: الإسعافات الأولية (مهم جدا)

✔️ ابعد الحيوان فورا عن مصدر السم
✔️ لو على الجلد اغسل بمياه فاترة + صابون خفيف
✔️ لو ابتلع مادة سامة من أقل من ساعة:
ممكن نحفز القيء لكن فقط لو الحيوان واعي ومفيش تشنجات

✔️ خليه في مكان هادي ودافي
✔️ تواصل معانا فورا

❌ ممنوع:

- متديش لبن ❌
- متديش أدوية بشرية ❌
- متستناش الوقت مهم في الحالة دي ❌

━━━━━━━━━━━━━━━

💉 ثالثًا: العلاج البيطري (الأهم)

العلاج بيختلف حسب نوع السم، لكن غالبًا بيشمل:

🔹 1- منع امتصاص السم

- (Activated charcoal)
- غسيل معدة (Gastric lavage) في الحالات الشديدة

🔹 2- دعم الجسم (Supportive therapy)

- محاليل وريدية (IV fluids)
- مضادات قيء
- أدوية لحماية الكبد

🔹 3- علاج الأعراض

- مضادات تشنج
- أدوية للقلب أو التنفس حسب الحالة

🔹 4- مضادات سموم (Antidotes)
في بعض الحالات الخاصة فقط (حسب نوع السم)

━━━━━━━━━━━━━━━

💡 معلومة مهمة جدا:
مش كل حالات التسمم ينفع فيها ترجيع
وفي حالات الترجيع ممكن يكون أخطر من السم نفسه!

━━━━━━━━━━━━━━━

❤️ الخلاصة:
التسمم = وقت + سرعة تصرف
كل دقيقة بتفرق في حياة حيوانك

📌 احفظ البوست وشاركه عشان ممكن تنقذ روح 🙏

#قطط #كلاب #تسمم

أخطاء بنعملها في رمضان مع القطط: في رمضان روتين البيت بيتغير…بس قطتك مش فاهمة ده وأي تغيير مفاجئ ممكن يعمل لها Stress أو...
02/03/2026

أخطاء بنعملها في رمضان مع القطط:

في رمضان روتين البيت بيتغير…
بس قطتك مش فاهمة ده
وأي تغيير مفاجئ ممكن يعمل لها Stress أو مشاكل صحية.

1- تغيير مواعيد الأكل فجأة

القطط بتحب الروتين.
تأخير الأكل لساعات طويلة ممكن يسبب:
قيء صفراوي
Gastritis
فقدان شهية

2- بواقي السفرة
الأكل المتبل والدسم ممكن يعمل:
Diarrhea
Pancreatitis
تسمم غذائي

3- السهر والإضاءة طول الليل
اضطراب النوم بيأثر على:
المزاج
النشاط
الشهية

4- الأصوات العالية (تجمعات)
ممكن تسبب:
توتر
اختباء
تبول خارج الليتر بوكس

5- قلة اللعب والانتباه
انشغالنا في رمضان بيقلل وقت اللعب
وده بيزود:
الملل
السلوك العدواني
الخربشة

✅ الحل؟
حافظ على روتين ثابت…
ورمضان يفضل مريح ليك ولقطتك ❤️

كتير من أصحاب القطط يفتكروا إن أي حبوب أو احمرار تحت دقن او فم القطة ده فطريات…بس الحقيقة إن أغلب الحالات دي بتبقى عدوى ...
27/01/2026

كتير من أصحاب القطط يفتكروا إن أي حبوب أو احمرار تحت دقن او فم القطة ده فطريات…

بس الحقيقة إن أغلب الحالات دي بتبقى عدوى بكتيرية
وسببها بسيط جدا:

🔹 أطباق أكل أو مية مش مغسولة كويس
🔹 بلاستيك أو معدن رخيص

الصور دي لحالة كانت عندي في الجروب:
احمرار + تورم تحت الدقن والفم

تم التعامل معاها كعدوى بكتيرية
بعلاج موضعي Topical آمن (حتى لو القطة لحسته)
مع تعديل بسيط في طريقة ونظام الأكل وتعديل الوجبات اليومية
مع وضع نظام متابعة يومي للحالة من عيادة Pet Vita Care واعطاء ادوية مناسبة بناءا علي التشخيص.

✅ والحمد لله الحالة خفت بشكل واضح

المهم هنا:
مش كل إصابة تحت الدقن تحتاج مضاد حيوي قوي
الحالة لو اتشخصت بشكل صحيح هيتم العلاج..(مفيش علاج بدون تشخيص)
ومش كل حالة ينفعها نفس العلاج
لو قطتك عندها مشكلة مشابهه ابعتلنا صورة + عمر ووزن القطة
وهنحددلك نظام متابعة يومي طبقا للحالة ..

قطتي بتولد؟ اعمل إيه؟؟ خطوات مهمة كل Owner لازم يعرفها: 🔹 1️⃣ سيبها في هدوءاختار مكان هادي، دافي، ومظلم شويةابعد الأطفال...
16/01/2026

قطتي بتولد؟ اعمل إيه؟؟

خطوات مهمة كل Owner لازم يعرفها:

🔹 1️⃣ سيبها في هدوء

اختار مكان هادي، دافي، ومظلم شوية
ابعد الأطفال والحيوانات التانية
متلمسهاش كتير… القطط بتحب الخصوصية وقت الولادة

🔹 2️⃣ حضر مكان الولادة

كرتونة أو باسكت واسع
فرش فوطه أو قماشة نظيفة
خليك قريب بس من غير إزعاج

🔹 3️⃣ راقب… ومتتدخلش إلا للضرورة

الطبيعي إن كل كيتن ينزل كل 10–60 دقيقة
الأم بتقطع الحبل السري وبتنضف الكيتن لوحدها

متتدخلش إلا لو:

كيتن علق أكتر من 10 دقايق
الطلق واقف أكتر من ساعتين
نزيف شديد أو تعب واضح على الأم

🔹 4️⃣ بعد الولادة مباشرة

سيب الكيتنز يرضعوا (اللبن الأول مهم جدا – Colostrum)
غير الفرش لو اتوسخ
قدم للأم أكل كويس ومياه نظيفة

🔹 5️⃣ إمتى تكلمنا فورا؟

لو في كيتن ميت
لو الأم تعبانة أو مش راضية تاكل
لو في إفرازات ريحتها وحشة
لو الولادة طولت أكتر من الطبيعي

نصيحة أخيرة:
الهدوء وعدم التوتر من صاحب القطة بيفرق جدًا في سلامة الولادة ❤️

البوست ده ممكن يوفر عليك تعب، فلوس، وذنب…لو إنت مربي جديد ركز ف النقط دى لان ناس كتير بتدخل تسألنى 🔹مشكلة 1: القطة بتستخ...
07/01/2026

البوست ده ممكن يوفر عليك تعب، فلوس، وذنب…
لو إنت مربي جديد ركز ف النقط دى لان ناس كتير بتدخل تسألنى

🔹مشكلة 1: القطة بتستخبى ومش بتقرب
مش كره… ده خوف طبيعي من مكان جديد
اصبر بس يومين و هتلاقيها بدأت تطمن واخدت على المكان

🔹مشكلة 2: عض وخربشة
دي لغة لعب… وإنت اللي فهمت غلط ، لكن لو الموضوع زاد كلمنا وهنقولك تتصرف ازاي.

🔹مشكلة 3:
القطه جالها اسهال او بترجع
أكتر سبب هو تغيير الاكل فجأة
ف مهم لما نجيب قطه نسأل بتاكل
ايه او متعوده على ايه

🔹مشكلة 4: رملة او حمام برا الليتر بوكس
طبيعى بردو لحد ما تتعود على المكان الجديد و تحفظ مكانه و لو مكنتش مدربة على اللتر بوكس فيه منتج كويس لتدريب القط علي اللتربوكس كلنا واسأل عليه

و بس كدا
التربية مش معقدة
📌 بس محتاجة فهم وصبر في الأول
📌 وبعدها كل حاجة بتمشي بسلاسة

Ear Mite – عث الأذن في القطط والكلابلو حيوانك الأليف: 🔸 بيهز راسه كتير🔸 بيحك ودنه بعنف🔸 في إفرازات سودة شبه الق...
01/01/2026

Ear Mite – عث الأذن في القطط والكلاب

لو حيوانك الأليف:

🔸 بيهز راسه كتير
🔸 بيحك ودنه بعنف
🔸 في إفرازات سودة شبه القهوة
🔸 ريحة وحشة من الأذن

⬅️ غالبًا السبب Ear mite

إيه هو الـ Ear mite اصلاً؟

طفيلي صغير جدا بيعيش داخل قناة الأذن
مُعدي بين الحيوانات، خصوصا القطط

⚠️ لو اتساب من غير علاج:
التهاب أذن شديد
جروح من الحك
أحيانا التهاب بكتيري ثانوي

العلاج:
✔️ تنظيف الأذن كويس
✔️ علاج موضعي مخصوص
✔️ أحيانًا علاج سيستمك حسب الحالة

🚫 ممنوع استخدام أي نقط أذن من غير تشخيص
🚫 وممنوع القطن الناشف جوه الأذن

تواصل معانا فورا لو ظهر اي اعراض المذكورة سابقاً 🎗

#قطط
Mohamed R Mansy

ممنوع شاور القطط في الشتاء بالمية… حتى لو باين إنها متسخة! كتير من الناس بتفتكر إن تحميم القطة في الشتاء عادي طالما هننش...
27/12/2025

ممنوع شاور القطط في الشتاء بالمية… حتى لو باين إنها متسخة!

كتير من الناس بتفتكر إن تحميم القطة في الشتاء عادي طالما هننشفها كويس!
بس الحقيقة إن ده غلط وخطير

🔹 ليه الشاور في الشتاء خطر على القطط؟
جسم القطة بيفقد حرارته بسرعة جدا
الفرو بيحبس الرطوبة حتى بعد التنشيف
ده ممكن يسبب:
» برد شديد

» التهابات صدرية

» ضعف مناعة

» تنشيط فيروسات كامنة زي الهيربس

🔹 حتى لو المية دافية؟ للأسف اه

المشكلة مش في حرارة المية بس، المشكلة في فقدان حرارة الجسم بعد الشاور.

🔹 طب نعمل إيه لو القطة متوسخة؟

تنضيف موضعي بفوطة دافية✅
✅ مناديل مخصصة للحيوانات
✅ Dry shampoo مخصص للقطط

الشاور بالمية ليه وقته وحالاته ويفضل يكون تحت إشراف طبيب بيطري.
حافظ على صحة قطتك… الوقاية دايمًا أحسن من العلاج ❤️

كتير من المربيين بيحتاروا:هل القطة دخلت في سن الجواز ولا لسه؟ 🤔تعالوا نوضحها ببساطة 👇🔹 أولًا: علامات طلب التزاوج عند الذ...
24/12/2025

كتير من المربيين بيحتاروا:

هل القطة دخلت في سن الجواز ولا لسه؟ 🤔
تعالوا نوضحها ببساطة 👇

🔹 أولًا: علامات طلب التزاوج عند الذكر.

رش بول برائحة نفاذة في أماكن مختلفة

مواء عالي ومتكرر

محاولة الهروب والخروج من البيت

عصبية أو عدوانية مفاجئة

فقدان تركيزه في الأكل أحيانًا

🔹 ثانيًا: علامات طلب التزاوج عند الأنثى 🐈

صويت عالي ومزعج (نداء التزاوج)

التقلب على الأرض باستمرار

رفع المؤخرة مع لمس الظهر

زيادة الحنان أو العصبية

قلة الأكل أحيانًا

📌 ملحوظة مهمة:
الأنثى ممكن تطلب التزاوج كل 2–3 أسابيع لو ما حصلش تلقيح
التزاوج بدري قوي أو متكرر بدون راحة ممكن يضرها

💡 نصيحة بيطرية

لو مش ناوي تزوّج قطتك، التعقيم هو الحل الأفضل صحيًا ونفسيًا ❤️

قطك بيكلمك كل يوم.. بس إنت فاهمه؟ 😼القطط عندها لغة خاصة جدا بالجسم 👀يعني ممكن "ترد عليك" من غير ولا صوت!تعال نفهم شوية إ...
01/11/2025

قطك بيكلمك كل يوم.. بس إنت فاهمه؟ 😼

القطط عندها لغة خاصة جدا بالجسم 👀
يعني ممكن "ترد عليك" من غير ولا صوت!
تعال نفهم شوية إشارات بسيطة تخليك تفهم قطك أكتر ❤️👇

🐾 1. الديل مرفوع لفوق
ده معناه إنه مبسوط في وجودك 😺

🐾 2. الديل متدلي أو ملفوف حوالين الجسم
ده معناه قلق أو خوف، محتاج أمان شوية

🐾 3. ضهره مقوس وشعره واقف
ده وضع دفاعي.. حاسس بخطر أو بيحاول يخوف اللي قدامه

🐾 4. رمشة العين البطيئة
ده بيقولك "أنا واثق فيك وبحبك" ❤️

🐾 5. تحريك الديل بسرعة
ده مش لعب.. القط متوتر أو متضايق!

🐾 6. الدعك فيك أو في الحيطة
ده مش غلاسة 😹 هو بيحط ريحته علشان يقول “دي منطقتي!”

📌 في الآخر:

افهم لغة قطك.. هتكتشف إن التواصل بينكم أسهل من أي كلام 🐱💬

Address

Tanta-Outside Kordon
[email protected]

Website

Alerts

Be the first to know and let us send you an email when Dr. Mahamed Mansy د. محمد منسي posts news and promotions. Your email address will not be used for any other purpose, and you can unsubscribe at any time.

Shortcuts

Share

Category