عملية إنقاذ النسناس حرنكش

19/07/2026

الشرطة المصرية متسبوش حق حرنكش يضيع. متخلوهمش يقدروا يقولوا انه "اتشال" انه عمره ما كان موجود، ومحدش يسأل عنه تانى. أنا هفضل اسأل، واسأل، واسأل. مش همل من السؤال. #القصرالعيني #مصر

17/07/2026

16/07/2026

وَمَا مِن دَآبَّةٖ فِي ٱلۡأَرۡضِ وَلَا طَٰٓئِرٖ يَطِيرُ بِجَنَاحَيۡهِ إِلَّآ أُمَمٌ أَمۡثَالُكُمۚ

حرنكش نسناس بقاله اكتر من خمس سنين محبوس فى سنتر النيل فى حال لا يليق بأى كائن حى.
السنتر ده مخصص لطلاب طب بشرى القصر العيني. طلاب المفروض بيتعلموا الرحمة و الرأفة، و لكن ده هو المثل ال بيشوفوه كل يوم.

حاولت اقدم شكوى على shakwa.eg بس الطب البيطرى خلى مسؤليته. قال "مضمون الشكوى ليس من اختصاص الطب البيطرى."

حاولت اكلم مؤسسات إنقاذ الحيوانات، و وعدونى انهم هيشتروه من مالكه و ينقذوه، و بعدين مردوش عليا تانى.

أنا كنت عملت بوست على tiktok and instagram، ولما السنتر شاف كدة، قعد يقول انه مش تبع السنتر، و دلوقتى بيقول انه اتشال و مش عايز يقول فين. و كمان عمل كومنتات ظريفة انهم رجعوه لوالدته فى تانزانيا، على ان الموضوع مضحك.

أنا بحس ان كل الأبواب بتقفل فى وشى. نفسي تساعدوني ندور على مؤسسة ترضى تاخد حرنكش و تعمله مكان يقدر يعيش فيها، عشان أنا مش هقدر اعمل ده لوحدى.

نفسى حرنكش يشوف الشمس تانى. نفسي يجرى و يلعب مع نسانيس زيه. نفسى نبطل فكر ان الحيوانات عبارة عن ديكور، و نفتكر ان ليها رب هيسأل عنها.

#القصرالعيني #مصر